पशुसंवर्धनम्।
१-५ सविता। पशवः। त्रिष्टुप्, ३ उपरिष्टाद्विराड् बृहती, ४ भुरिगनुष्टुप्, ५ अनुष्टुप्।
एह य॑न्तु प॒शवो॒ ये प॑रे॒युर्वा॒युर्येषां॑ सहचा॒रं जु॒जोष॑ ।
त्वष्टा॒ येषां॑ रूप॒धेया॑नि वेदा॒स्मिन् तान् गो॒ष्ठे स॑वि॒ता नि य॑छतु ॥१॥
इ॒मं गो॒ष्ठं प॒शवः॒ सं स्र॑वन्तु॒ बृह॒स्पति॒रा न॑यतु प्रजा॒नन्।
सि॒नी॒वा॒ली न॑य॒त्वाग्र॑मेषामाज॒ग्मुषो॑ अनुमते॒ नि य॑छ ॥२॥
सं सं स्र॑वन्तु प॒शवः॒ समश्वाः॒ समु॒ पूरु॑षाः ।
सं धा॒न्यऽस्य॒ या स्फा॒तिः सं॑स्रा॒व्येऽण ह॒विषा॑ जुहोमि ॥३॥
सं सि॑ञ्चामि॒ गवां॑ क्षी॒रं समाज्ये॑न॒ बलं॒ रसम्।
संसि॑क्ता अ॒स्माकं॑ वी॒रा ध्रु॒वा गावो॒ मयि॒ गोप॑तौ ॥४॥
आ ह॑रामि॒ गवां॑ क्षी॒रमाहा॑र्षं धा॒न्यं॑१ रस॑म्।
आहृ॑ता अ॒स्माकं॑ वी॒रा आ पत्नी॑रि॒दमस्त॑कम्॥५॥
paśusaṃvardhanam | १-५ savitā | paśavaḥ | triṣṭup, ३ upariṣṭādvirāḍ bṛhatī, ४ bhuriganuṣṭup, ५ anuṣṭup | eha ya॑ntu pa॒śavo॒ ye pa॑re॒yurvā॒yuryeṣāṃ॑ sahacā॒raṃ ju॒joṣa॑ | tvaṣṭā॒ yeṣāṃ॑ rūpa॒dheyā॑ni vedā॒smin tān go॒ṣṭhe sa॑vi॒tā ni ya॑chatu || १ || i॒maṃ go॒ṣṭhaṃ pa॒śavaḥ॒ saṃ sra॑vantu॒ bṛha॒spati॒rā na॑yatu prajā॒nan | si॒nī॒vā॒lī na॑ya॒tvāgra॑meṣāmāja॒gmuṣo॑ anumate॒ ni ya॑cha || २ || saṃ saṃ sra॑vantu pa॒śavaḥ॒ samaśvāḥ॒ samu॒ pūru॑ṣāḥ | saṃ dhā॒nya’sya॒ yā sphā॒tiḥ saṃ॑srā॒vye’ṇa ha॒viṣā॑ juhomi || ३ || saṃ si॑ñcāmi॒ gavāṃ॑ kṣī॒raṃ samājye॑na॒ balaṃ॒ rasam | saṃsi॑ktā a॒smākaṃ॑ vī॒rā dhru॒vā gāvo॒ mayi॒ gopa॑tau || ४ || ā ha॑rāmi॒ gavāṃ॑ kṣī॒ramāhā॑rṣaṃ dhā॒nyaṃ॑१ rasa॑m | āhṛ॑tā a॒smākaṃ॑ vī॒rā ā patnī॑ri॒damasta॑kam || ५ ||