EeseDharmaSanātana Library
26काण्ड 2 · सूक्त 26
Atharvaveda Śaunaka Kand 2, Sukta 26.
5 shlokएह य॑न्तु प॒शवो॒ ये प॑रे॒युर्वा॒युर्येषां॑ सहचा॒रं जु॒जोष॑ ।
त्वष्टा॒ येषां॑ रूप॒धेया॑नि वेदा॒स्मिन् तान् गो॒ष्ठे स॑वि॒ता नि य॑छतु ॥१॥
eha ya॑ntu pa॒śavo॒ ye pa॑re॒yurvā॒yuryeṣāṃ॑ sahacā॒raṃ ju॒joṣa॑ | tvaṣṭā॒ yeṣāṃ॑ rūpa॒dheyā॑ni vedā॒smin tān go॒ṣṭhe sa॑vi॒tā ni ya॑chatu || १ ||
इ॒मं गो॒ष्ठं प॒शवः॒ सं स्र॑वन्तु॒ बृह॒स्पति॒रा न॑यतु प्रजा॒नन्।
सि॒नी॒वा॒ली न॑य॒त्वाग्र॑मेषामाज॒ग्मुषो॑ अनुमते॒ नि य॑छ ॥२॥
i॒maṃ go॒ṣṭhaṃ pa॒śavaḥ॒ saṃ sra॑vantu॒ bṛha॒spati॒rā na॑yatu prajā॒nan | si॒nī॒vā॒lī na॑ya॒tvāgra॑meṣāmāja॒gmuṣo॑ anumate॒ ni ya॑cha || २ ||
सं सं स्र॑वन्तु प॒शवः॒ समश्वाः॒ समु॒ पूरु॑षाः ।
सं धा॒न्यऽस्य॒ या स्फा॒तिः सं॑स्रा॒व्येऽण ह॒विषा॑ जुहोमि ॥३॥
saṃ saṃ sra॑vantu pa॒śavaḥ॒ samaśvāḥ॒ samu॒ pūru॑ṣāḥ | saṃ dhā॒nya’sya॒ yā sphā॒tiḥ saṃ॑srā॒vye’ṇa ha॒viṣā॑ juhomi || ३ ||
सं सि॑ञ्चामि॒ गवां॑ क्षी॒रं समाज्ये॑न॒ बलं॒ रसम्।
संसि॑क्ता अ॒स्माकं॑ वी॒रा ध्रु॒वा गावो॒ मयि॒ गोप॑तौ ॥४॥
saṃ si॑ñcāmi॒ gavāṃ॑ kṣī॒raṃ samājye॑na॒ balaṃ॒ rasam | saṃsi॑ktā a॒smākaṃ॑ vī॒rā dhru॒vā gāvo॒ mayi॒ gopa॑tau || ४ ||
आ ह॑रामि॒ गवां॑ क्षी॒रमाहा॑र्षं धा॒न्यं॑१ रस॑म्।
आहृ॑ता अ॒स्माकं॑ वी॒रा आ पत्नी॑रि॒दमस्त॑कम् ॥५॥
ā ha॑rāmi॒ gavāṃ॑ kṣī॒ramāhā॑rṣaṃ dhā॒nyaṃ॑१ rasa॑m | āhṛ॑tā a॒smākaṃ॑ vī॒rā ā patnī॑ri॒damasta॑kam || ५ ||