शत्रुनिवारणम्।
१-४ ब्रह्मा। ईश्वरः, (१ इन्द्रः, २ दैवीः मनुष्येषवः, ३ रुद्रः, ४ देवाः)।
अनुष्टुप्, २ पुरस्ताद् बृहती, ३ पथ्यापङ्क्तिः।
मा नो॑ विदन् विव्या॒धिनो॒ मो अ॑भिव्या॒धिनो॑ विदन्।
आ॒राच्छ॑र॒व्या ऽ अ॒स्मद्विषू॑चीरिन्द्र पातय ॥१॥
विष्व॑ञ्चो अ॒स्मच्छर॑वः पतन्तु॒ ये अ॒स्ता ये चा॒स्याः ।
दैवी॑र्मनुष्येषवो॒ ममा॒मित्रान् वि वि॑ध्यत ॥२॥
यो नः॒ स्वो यो अर॑णः सजा॒त उ॒त निष्ट्यो॒ यो अ॒स्माँ अ॑भि॒दास॑ति ।
रु॒द्रः श॑रव्य ऽ यै॒तान् ममा॒मित्रा॒न् वि वि॑ध्यतु ॥३॥
यः स॒पत्नो॒ योऽस॑पत्नो॒ यश्च॑ द्वि॒षन् छपा॑ति नः ।
दे॒वास्तं सर्वे॑ धूर्वन्तु॒ ब्रह्म॒ वर्म॒ ममान्त॑रम्॥४॥
śatrunivāraṇam | १-४ brahmā | īśvaraḥ, (१ indraḥ, २ daivīḥ manuṣyeṣavaḥ, ३ rudraḥ, ४ devāḥ) | anuṣṭup, २ purastād bṛhatī, ३ pathyāpaṅktiḥ | mā no॑ vidan vivyā॒dhino॒ mo a॑bhivyā॒dhino॑ vidan | ā॒rāccha॑ra॒vyā ’ a॒smadviṣū॑cīrindra pātaya || १ || viṣva॑ñco a॒smacchara॑vaḥ patantu॒ ye a॒stā ye cā॒syāḥ | daivī॑rmanuṣyeṣavo॒ mamā॒mitrān vi vi॑dhyata || २ || yo naḥ॒ svo yo ara॑ṇaḥ sajā॒ta u॒ta niṣṭyo॒ yo a॒smām̐ a॑bhi॒dāsa॑ti | ru॒draḥ śa॑ravya ’ yai॒tān mamā॒mitrā॒n vi vi॑dhyatu || ३ || yaḥ sa॒patno॒ yo’sa॑patno॒ yaśca॑ dvi॒ṣan chapā॑ti naḥ | de॒vāstaṃ sarve॑ dhūrvantu॒ brahma॒ varma॒ mamānta॑ram || ४ ||