EeseDharmaSanātana Library
19काण्ड 1 · सूक्त 19
Atharvaveda Śaunaka Kand 1, Sukta 19.
4 shlokअनुष्टुप्, २ पुरस्ताद् बृहती, ३ पथ्यापङ्क्तिः।
मा नो॑ विदन् विव्या॒धिनो॒ मो अ॑भिव्या॒धिनो॑ विदन्।
आ॒राच्छ॑र॒व्या ऽ अ॒स्मद्विषू॑चीरिन्द्र पातय ॥१॥
anuṣṭup, २ purastād bṛhatī, ३ pathyāpaṅktiḥ | mā no॑ vidan vivyā॒dhino॒ mo a॑bhivyā॒dhino॑ vidan | ā॒rāccha॑ra॒vyā ’ a॒smadviṣū॑cīrindra pātaya || १ ||
विष्व॑ञ्चो अ॒स्मच्छर॑वः पतन्तु॒ ये अ॒स्ता ये चा॒स्याः ।
दैवी॑र्मनुष्येषवो॒ ममा॒मित्रान् वि वि॑ध्यत ॥२॥
viṣva॑ñco a॒smacchara॑vaḥ patantu॒ ye a॒stā ye cā॒syāḥ | daivī॑rmanuṣyeṣavo॒ mamā॒mitrān vi vi॑dhyata || २ ||
यो नः॒ स्वो यो अर॑णः सजा॒त उ॒त निष्ट्यो॒ यो अ॒स्माँ अ॑भि॒दास॑ति ।
रु॒द्रः श॑रव्य ऽ यै॒तान् ममा॒मित्रा॒न् वि वि॑ध्यतु ॥३॥
yo naḥ॒ svo yo ara॑ṇaḥ sajā॒ta u॒ta niṣṭyo॒ yo a॒smām̐ a॑bhi॒dāsa॑ti | ru॒draḥ śa॑ravya ’ yai॒tān mamā॒mitrā॒n vi vi॑dhyatu || ३ ||
यः स॒पत्नो॒ योऽस॑पत्नो॒ यश्च॑ द्वि॒षन् छपा॑ति नः ।
दे॒वास्तं सर्वे॑ धूर्वन्तु॒ ब्रह्म॒ वर्म॒ ममान्त॑रम् ॥४॥
yaḥ sa॒patno॒ yo’sa॑patno॒ yaśca॑ dvi॒ṣan chapā॑ti naḥ | de॒vāstaṃ sarve॑ dhūrvantu॒ brahma॒ varma॒ mamānta॑ram || ४ ||