यातुधाननाशनम्।
१-४ चातनः। १-२ बृहस्पतिः, अग्नीषोमौ च, ३-४ अग्निः (जातवेदाः)। १-३ अनुष्टुप्, ४ बार्हतगर्भा त्रिष्टुप्।
इ॒दं ह॒विर्या॑तु॒धाना॑न् न॒दी फेन॑मि॒वा व॑हत्।
य इ॒दं स्त्री पुमा॒नक॑रि॒ह स स्तु॑वतां॒ जनः॑ ॥१॥
अ॒यं स्तु॑वा॒न आग॑मदि॒मं स्म॒ प्रति॑ हर्यत ।
बृह॑स्पते॒ वशे॑ ल॒ब्ध्वाग्नी॑षोमा॒ वि वि॑ध्यतम्॥२॥
या॒तु॒धान॑स्य सोमप ज॒हि प्र॒जां नय॑स्व च ।
नि स्तु॑वा॒नस्य॑ पातय॒ पर॒मक्ष्यु॒ताव॑रम्॥३॥
यत्रै॑षामग्ने॒ जनि॑मानि॒ वेत्थ॒ गुहा॑ स॒ताम॒त्त्रिणां॑ जातवेदः ।
तांस्त्वं ब्रह्म॑णा वावृधा॒नो ज॒ह्येऽषां शत॒तर्ह॑मग्ने ॥४॥
yātudhānanāśanam | १-४ cātanaḥ | १-२ bṛhaspatiḥ, agnīṣomau ca, ३-४ agniḥ (jātavedāḥ) | १-३ anuṣṭup, ४ bārhatagarbhā triṣṭup | i॒daṃ ha॒viryā॑tu॒dhānā॑n na॒dī phena॑mi॒vā va॑hat | ya i॒daṃ strī pumā॒naka॑ri॒ha sa stu॑vatāṃ॒ janaḥ॑ || १ || a॒yaṃ stu॑vā॒na āga॑madi॒maṃ sma॒ prati॑ haryata | bṛha॑spate॒ vaśe॑ la॒bdhvāgnī॑ṣomā॒ vi vi॑dhyatam || २ || yā॒tu॒dhāna॑sya somapa ja॒hi pra॒jāṃ naya॑sva ca | ni stu॑vā॒nasya॑ pātaya॒ para॒makṣyu॒tāva॑ram || ३ || yatrai॑ṣāmagne॒ jani॑māni॒ vettha॒ guhā॑ sa॒tāma॒ttriṇāṃ॑ jātavedaḥ | tāṃstvaṃ brahma॑ṇā vāvṛdhā॒no ja॒hye’ṣāṃ śata॒tarha॑magne || ४ ||