अपां भेषजम्।
१-४ सिन्धुद्वीपः।(अपांनपात्, सोमः,) आपः। गायत्री, ४ वर्धमाना।
आपो॒ हि ष्ठा म॑यो॒भुव॒स्ता न॑ ऊ॒र्जे द॑धातन । म॒हे रणा॑य॒ चक्ष॑से ॥१॥
यो वः॑ शि॒वत॑मो॒ रस॒स्तस्य॑ भाजयते॒ह नः॑ । उ॒श॒तीरि॑व मा॒तरः॑ ॥२॥
तस्मा॒ अरं॑ गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥३॥
ईशा॑ना॒ वार्या॑णां॒ क्षय॑न्तीश्चर्षणी॒नाम्। अ॒पो या॑चामि भेष॒जम्॥४॥
apāṃ bheṣajam | १-४ sindhudvīpaḥ | (apāṃnapāt, somaḥ,) āpaḥ | gāyatrī, ४ vardhamānā | āpo॒ hi ṣṭhā ma॑yo॒bhuva॒stā na॑ ū॒rje da॑dhātana | ma॒he raṇā॑ya॒ cakṣa॑se || १ || yo vaḥ॑ śi॒vata॑mo॒ rasa॒stasya॑ bhājayate॒ha naḥ॑ | u॒śa॒tīri॑va mā॒taraḥ॑ || २ || tasmā॒ araṃ॑ gamāma vo॒ yasya॒ kṣayā॑ya॒ jinva॑tha | āpo॑ ja॒naya॑thā ca naḥ || ३ || īśā॑nā॒ vāryā॑ṇāṃ॒ kṣaya॑ntīścarṣaṇī॒nām | a॒po yā॑cāmi bheṣa॒jam || ४ ||