अपां भेषजम्।
१-४ सिन्धुद्वीपः।(अपांनपात्, सोमः,) आपः। गायत्री, ४ पुरस्ताद् बृहती।
अ॒म्बयो॑ य॒न्त्यध्व॑भिर्जा॒मयो॑ अध्वरीय॒ताम्। पृ॒ञ्च॒तीर्म॑धु॑ना॒ पयः॑ ॥१॥
अ॒मूर्या उप॒ सूर्ये॒ याभि॑र्वा॒ सूर्यः॑ स॒ह। ता नो॑ हिन्वन्त्वध्व॒रम्॥२॥
अ॒पो दे॒वीरुप॑ ह्वये॒ यत्र॒ गावः॒ पिब॑न्ति नः । सिन्धु॑भ्यः॒ कर्त्वं॑ ह॒विः ॥३॥
अ॒प्स्व॑१न्तर॒मृत॑म॒प्सु भे॑ष॒जम्।
अ॒पामु॒त प्रश॑स्तिभि॒रश्वा॒ भव॑थ वा॒जिनो॒ गावो॑ भवथ वा॒जिनीः॑ ॥४॥
apāṃ bheṣajam | १-४ sindhudvīpaḥ | (apāṃnapāt, somaḥ,) āpaḥ | gāyatrī, ४ purastād bṛhatī | a॒mbayo॑ ya॒ntyadhva॑bhirjā॒mayo॑ adhvarīya॒tām | pṛ॒ñca॒tīrma॑dhu॑nā॒ payaḥ॑ || १ || a॒mūryā upa॒ sūrye॒ yābhi॑rvā॒ sūryaḥ॑ sa॒ha | tā no॑ hinvantvadhva॒ram || २ || a॒po de॒vīrupa॑ hvaye॒ yatra॒ gāvaḥ॒ piba॑nti naḥ | sindhu॑bhyaḥ॒ kartvaṃ॑ ha॒viḥ || ३ || a॒psva॑१ntara॒mṛta॑ma॒psu bhe॑ṣa॒jam | a॒pāmu॒ta praśa॑stibhi॒raśvā॒ bhava॑tha vā॒jino॒ gāvo॑ bhavatha vā॒jinīḥ॑ || ४ ||