स्वस्त्ययनम्।
१-४ अथर्वा(स्वस्त्ययनकामः)। (चन्द्रमाः,) इन्द्रणी (च)। अनुष्टुप्, १ पथ्यापङ्क्तिः।
अ॒मूः पा॒रे पृ॑दा॒क्व ऽ स्त्रिष॒प्ता निर्ज॑रायवः ।
तासां॑ ज॒रायु॑भिर्व॒यम॒क्ष्या॒वपि॑ व्ययामस्यघा॒योः प॑रिप॒न्थिनः॑ ॥१॥
विषू॑च्येतु कृन्त॒ती पिना॑कमिव॒ बिभ्र॑ती ।
विष्व॑क् पुन॒र्भुवा॒ मनोऽस॑मृद्धा अघा॒यवः॑ ॥२॥
न ब॒हवः॒ सम॑शक॒न् नार्भ॒का अ॒भि दा॑धृषुः ।
वे॒णोरद्गा॑ इवा॒भितोऽस॑मृद्धा अघा॒यवः॑ ॥३॥
प्रेतं॑ पादौ॒ प्र स्फु॑रतं॒ वह॑तं पृण॒तो गृ॒हान्।
इ॒न्द्रा॒ण्येऽतु प्रथ॒माजी॒तामु॑षिता पु॒रः ॥४॥
svastyayanam | १-४ atharvā(svastyayanakāmaḥ) | (candramāḥ,) indraṇī (ca) | anuṣṭup, १ pathyāpaṅktiḥ | a॒mūḥ pā॒re pṛ॑dā॒kva ’ striṣa॒ptā nirja॑rāyavaḥ | tāsāṃ॑ ja॒rāyu॑bhirva॒yama॒kṣyā॒vapi॑ vyayāmasyaghā॒yoḥ pa॑ripa॒nthinaḥ॑ || १ || viṣū॑cyetu kṛnta॒tī pinā॑kamiva॒ bibhra॑tī | viṣva॑k puna॒rbhuvā॒ mano’sa॑mṛddhā aghā॒yavaḥ॑ || २ || na ba॒havaḥ॒ sama॑śaka॒n nārbha॒kā a॒bhi dā॑dhṛṣuḥ | ve॒ṇoradgā॑ ivā॒bhito’sa॑mṛddhā aghā॒yavaḥ॑ || ३ || pretaṃ॑ pādau॒ pra sphu॑rataṃ॒ vaha॑taṃ pṛṇa॒to gṛ॒hān | i॒ndrā॒ṇye’tu pratha॒mājī॒tāmu॑ṣitā pu॒raḥ || ४ ||