शर्मप्राप्तिः।
१-४ ब्रह्मा। १ देवाः, २ इन्द्रः, भगः, सविता, ३-४ मरुतः। गायत्री,
२ त्रिपदा एकावसाना साम्नी त्रिष्टुप्, ४ एकावसाना पादनिचृत्।
आ॒रे॒३साव॒स्मद॑स्तु हे॒तिर्दे॑वासो असत्। आ॒रे अश्मा॒ यमस्य॑थ ॥१॥
सखा॒साव॒स्मभ्य॑मस्तु रा॒तिः सखेन्द्रो॒ भगः॑ सवि॒ता चि॒त्ररा॑धाः ॥२॥
यू॒यं नः॑ प्रवतो नपा॒न्मरु॑तः॒ सूर्य॑त्वचसः । शर्म॑ यच्छाथ स॒प्रथाः॑ ॥३॥
सु॒षू॒दत॑ मृ॒डत॑ मृ॒डया॑ नस्त॒नूभ्यो॒ मय॑स्तो॒केभ्य॑स्कृधि॑॥४॥
śarmaprāptiḥ | १-४ brahmā | १ devāḥ, २ indraḥ, bhagaḥ, savitā, ३-४ marutaḥ | gāyatrī, २ tripadā ekāvasānā sāmnī triṣṭup, ४ ekāvasānā pādanicṛt | ā॒re॒३sāva॒smada॑stu he॒tirde॑vāso asat | ā॒re aśmā॒ yamasya॑tha || १ || sakhā॒sāva॒smabhya॑mastu rā॒tiḥ sakhendro॒ bhagaḥ॑ savi॒tā ci॒trarā॑dhāḥ || २ || yū॒yaṃ naḥ॑ pravato napā॒nmaru॑taḥ॒ sūrya॑tvacasaḥ | śarma॑ yacchātha sa॒prathāḥ॑ || ३ || su॒ṣū॒data॑ mṛ॒ḍata॑ mṛ॒ḍayā॑ nasta॒nūbhyo॒ maya॑sto॒kebhya॑skṛdhi॑ || ४ ||