अलक्ष्मीनाशनम्।
१-४ द्रविणोदाः। विनायकः(२ सविता, वरुणः, मित्रः, अर्यमा, देवाः, ३ सविता)। १ विराडुपरिष्टाद् बृहती, २ निचृज्जगती, ३ विराडास्तार पङ्क्तिस्त्रिष्टुप्, ४ अनुष्टुप्।
निर्ल॒क्ष्म्यं ऽ लला॒म्यं॑१ निररा॑तिं सुवामसि ।
अथ॒ या भ॒द्रा तानि॑ नः प्र॒जाया॒ अरा॑तिं नयामसि ॥१॥
निरर॑णिं सवि॒ता सा॑विषक् प॒दोर्निर्हस्त॑यो॒र्वरु॑णो मि॒त्रो अ॑र्य॒मा।
निर॒स्मभ्य॒मनु॑मती॒ ररा॑णा॒ प्रेमां दे॒वा अ॑साविषुः॒ सौभ॑गाय ॥२॥
यत् त॑ आ॒त्मनि॑ त॒न्वां ऽ घो॒रमस्ति॒ यद्वा॒ केशे॑षु प्रति॒चक्ष॑णे वा ।
सर्वं॒ तद्वा॒चाप॑ हन्मो व॒यं दे॒वस्त्वा॑ सवि॒ता सू॑दयतु ॥३॥
रिश्य॑पदीं॒ वृष॑दतीं गोषे॒धां वि॑ध॒मामु॒त।
वि॒ली॒ढ्यं ऽ लला॒म्यं॑१ ता अ॒स्मन्ना॑शयामसि ॥४॥
alakṣmīnāśanam | १-४ draviṇodāḥ | vināyakaḥ(२ savitā, varuṇaḥ, mitraḥ, aryamā, devāḥ, ३ savitā) | १ virāḍupariṣṭād bṛhatī, २ nicṛjjagatī, ३ virāḍāstāra paṅktistriṣṭup, ४ anuṣṭup | nirla॒kṣmyaṃ ’ lalā॒myaṃ॑१ nirarā॑tiṃ suvāmasi | atha॒ yā bha॒drā tāni॑ naḥ pra॒jāyā॒ arā॑tiṃ nayāmasi || १ || nirara॑ṇiṃ savi॒tā sā॑viṣak pa॒dornirhasta॑yo॒rvaru॑ṇo mi॒tro a॑rya॒mā | nira॒smabhya॒manu॑matī॒ rarā॑ṇā॒ premāṃ de॒vā a॑sāviṣuḥ॒ saubha॑gāya || २ || yat ta॑ ā॒tmani॑ ta॒nvāṃ ’ gho॒ramasti॒ yadvā॒ keśe॑ṣu prati॒cakṣa॑ṇe vā | sarvaṃ॒ tadvā॒cāpa॑ hanmo va॒yaṃ de॒vastvā॑ savi॒tā sū॑dayatu || ३ || riśya॑padīṃ॒ vṛṣa॑datīṃ goṣe॒dhāṃ vi॑dha॒māmu॒ta | vi॒lī॒ḍhyaṃ ’ lalā॒myaṃ॑१ tā a॒smannā॑śayāmasi || ४ ||