कुलपा कन्या
१-४ भृग्वङ्गिराः ।(वरुणो), यमो (वा)। अनुष्टुप्, १ ककुम्मती अनुष्टुप्, ३ चतुष्पाद्विराट्।
भग॑मस्या॒ वर्च॒ आदि॒ष्यधि॑ वृ॒क्षादि॑व॒ स्रज॑म्।
म॒हाबु॑ध्न इव॒ पर्व॑तो॒ ज्योक् पि॒तृष्वा॑स्ताम्॥१॥
ए॒षा ते॑ राजन् क॒न्या व॒धूर्नि धू॑यतां यम ।
सा मा॒तुर्ब॑ध्यतां गृ॒हेऽथो॒ भ्रातु॒रथो॑ पि॒तुः ॥२॥
ए॒षा ते॑ कुल॒पा रा॑ज॒न् तामु॑ ते॒ परि॑ दद्मसि ।
ज्योक् पि॒तृष्वा॑साता॒ आ शी॒र्ष्णः स॒मोप्या॑त्॥३॥
असि॑तस्य ते॒ ब्रह्म॑णा क॒श्यप॑स्य॒ गय॑स्य च ।
अ॒न्तः॒को॒शमि॑व जा॒मयोऽपि॑ नह्यामि ते॒ भग॑म्॥४॥
kulapā kanyā १-४ bhṛgvaṅgirāḥ | (varuṇo), yamo (vā) | anuṣṭup, १ kakummatī anuṣṭup, ३ catuṣpādvirāṭ | bhaga॑masyā॒ varca॒ ādi॒ṣyadhi॑ vṛ॒kṣādi॑va॒ sraja॑m | ma॒hābu॑dhna iva॒ parva॑to॒ jyok pi॒tṛṣvā॑stām || १ || e॒ṣā te॑ rājan ka॒nyā va॒dhūrni dhū॑yatāṃ yama | sā mā॒turba॑dhyatāṃ gṛ॒he’tho॒ bhrātu॒ratho॑ pi॒tuḥ || २ || e॒ṣā te॑ kula॒pā rā॑ja॒n tāmu॑ te॒ pari॑ dadmasi | jyok pi॒tṛṣvā॑sātā॒ ā śī॒rṣṇaḥ sa॒mopyā॑t || ३ || asi॑tasya te॒ brahma॑ṇā ka॒śyapa॑sya॒ gaya॑sya ca | a॒ntaḥ॒ko॒śami॑va jā॒mayo’pi॑ nahyāmi te॒ bhaga॑m || ४ ||