Śukla Yajurveda Mādhyaṃdina 6.1 ◌ EeseDharma mein verified
दे॒वस्य॑ त्वा सवि॒तुः प्र॑स॒वेऽश्विनो॑र्बा॒हुभ्यां॑ पू॒ष्णो हस्ता॑भ्याम् । आ द॑दे॒ नार्य॑सी॒दम॒हᳪ रक्ष॑सां ग्री॒वा अपि॑ कृन्तामि ।
यवो॑ऽसि य॒वया॒स्मद् द्वेषो॑ य॒वयारा॑तीर्दि॒वे त्वा॒ऽन्तरि॑क्षाय त्वा पृथि॒व्यै त्वा॒ शुन्ध॑न्ताँल्लो॒काः पि॑तृ॒षद॑नाः ।
पि॑तृ॒षद॑नमसि ।। १ ।।
Roman reading de॒vasya॑ tvā savi॒tuḥ pra॑sa॒ve’śvino॑rbā॒hubhyāṃ॑ pū॒ṣṇo hastā॑bhyām | ā da॑de॒ nārya॑sī॒dama॒haᳪ rakṣa॑sāṃ grī॒vā api॑ kṛntāmi | yavo॑’si ya॒vayā॒smad dveṣo॑ ya॒vayārā॑tīrdi॒ve tvā॒’ntari॑kṣāya tvā pṛthi॒vyai tvā॒ śundha॑ntām̐llo॒kāḥ pi॑tṛ॒ṣada॑nāḥ | pi॑tṛ॒ṣada॑namasi | | १ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.2 ◌ EeseDharma mein verified
अ॒ग्रे॒णीर॑सि स्वावे॒श उ॑न्नेतॄ॒णामे॒तस्य॑ वित्ता॒दधि॑ त्वा स्थास्यति दे॒वस्त्वा॑ सवि॒ता मध्वा॑नक्तु सु॑पिप्प॒लाभ्य॒स्त्वौष॑धीभ्यः ।
द्यामग्रे॑णास्पृक्ष॒ आन्तरि॑क्षं॒ मध्ये॑नाप्राः पृथि॒वीमुप॑रेणादृᳪहीः ।। २ ।।
Roman reading a॒gre॒ṇīra॑si svāve॒śa u॑nnetṝ॒ṇāme॒tasya॑ vittā॒dadhi॑ tvā sthāsyati de॒vastvā॑ savi॒tā madhvā॑naktu su॑pippa॒lābhya॒stvauṣa॑dhībhyaḥ | dyāmagre॑ṇāspṛkṣa॒ āntari॑kṣaṃ॒ madhye॑nāprāḥ pṛthi॒vīmupa॑reṇādṛᳪhīḥ | | २ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.4 ◌ EeseDharma mein verified
विष्णो॒: कर्मा॑णि पश्यत॒ यतो॑ व्र॒तानि॑ पस्प॒शे । इन्द्र॑स्य॒ युज्य॒: सखा॑ ।। ४ ।।
Roman reading viṣṇo॒: karmā॑ṇi paśyata॒ yato॑ vra॒tāni॑ paspa॒śe | indra॑sya॒ yujya॒: sakhā॑ | | ४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.5 ◌ EeseDharma mein verified
तद्विष्णो॑: पर॒मं प॒दᳪ सदा॑ पश्यन्ति सू॒रयो॑ ।दि॒वी॒व॒ चक्षु॒रात॑तम् ।। ५ ।।
Roman reading tadviṣṇo॑: para॒maṃ pa॒daᳪ sadā॑ paśyanti sū॒rayo॑ | di॒vī॒va॒ cakṣu॒rāta॑tam | | ५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.6 ◌ EeseDharma mein verified
प॒रि॒वीर॑सि॒ परि॑ त्वा॒ दैवी॒र्विशो॑ व्ययन्तां॒ परी॒मं यज॑मान॒j रायो॑ मनु॒ष्या॒णाम् ।
दि॒वः सू॒नुर॑स्ये॒ष ते॑ पृथि॒व्याँल्लो॒क आ॑र॒ण्यस्ते॑ प॒शुः ।। ६ ।।
Roman reading pa॒ri॒vīra॑si॒ pari॑ tvā॒ daivī॒rviśo॑ vyayantāṃ॒ parī॒maṃ yaja॑māna॒j rāyo॑ manu॒ṣyā॒ṇām | di॒vaḥ sū॒nura॑sye॒ṣa te॑ pṛthi॒vyām̐llo॒ka ā॑ra॒ṇyaste॑ pa॒śuḥ | | ६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.7 ◌ EeseDharma mein verified
उ॒पा॒वीर॒स्युप॑ दे॒वान्दैवी॒र्विश॒: प्रागु॑रु॒शिजो॒ वह्नि॑तमान् । देव॑ त्वष्ट॒र्वसु॑ रम ह॒व्या ते॑ स्वदन्ताम् ।। ७ ।।
Roman reading u॒pā॒vīra॒syupa॑ de॒vāndaivī॒rviśa॒: prāgu॑ru॒śijo॒ vahni॑tamān | deva॑ tvaṣṭa॒rvasu॑ rama ha॒vyā te॑ svadantām | | ७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.8 ◌ EeseDharma mein verified
रेव॑ती॒ रम॑ध्वं॒ बृह॑स्पते धा॒रया॒ वसू॑नि । ऋ॒तस्य॑ त्वा देवहविः॒ पाशे॑न॒ प्रति॑ मुञ्चामि॒ धर्षा॒ मानु॑षः ।। ८ ।।
Roman reading reva॑tī॒ rama॑dhvaṃ॒ bṛha॑spate dhā॒rayā॒ vasū॑ni | ṛ॒tasya॑ tvā devahaviḥ॒ pāśe॑na॒ prati॑ muñcāmi॒ dharṣā॒ mānu॑ṣaḥ | | ८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.9 ◌ EeseDharma mein verified
दे॒वस्य॑ त्वा सवि॒तुः प्र॑स॒वेऽश्विनो॑र्बा॒हुभ्यां॑ पू॒ष्णो हस्ता॑भ्याम् । अ॒ग्नीषोमा॑भ्यां॒ जुष्टं॒ नि यु॑नज्मि । अ॒द्भ्यस्त्वौ॑षधी॒भ्योऽनु॑ त्वा मा॒ता म॑न्यता॒मनु॑ पि॒ताऽनु॒ भ्राता॒ सग॒र्भ्योऽनु॒ सखा॒ सयू॑थ्यः । अ॒ग्नीषोमा॑भ्यां त्वा॒ जुष्टं॒ प्रोक्षा॑मि ।। ९ ।।
Roman reading de॒vasya॑ tvā savi॒tuḥ pra॑sa॒ve’śvino॑rbā॒hubhyāṃ॑ pū॒ṣṇo hastā॑bhyām | a॒gnīṣomā॑bhyāṃ॒ juṣṭaṃ॒ ni yu॑najmi | a॒dbhyastvau॑ṣadhī॒bhyo’nu॑ tvā mā॒tā ma॑nyatā॒manu॑ pi॒tā’nu॒ bhrātā॒ saga॒rbhyo’nu॒ sakhā॒ sayū॑thyaḥ | a॒gnīṣomā॑bhyāṃ tvā॒ juṣṭaṃ॒ prokṣā॑mi | | ९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.10 ◌ EeseDharma mein verified
अ॒पां पे॒रुर॒स्यापो॑ दे॒वीः स्व॑दन्तु स्वा॒त्तं चि॒त्सद्दे॑वह॒विः । सं ते॑ प्रा॒णो वाते॑न गच्छता॒jसमङ्गा॑नि॒ यज॑त्रै॒: सं य॒ज्ञप॑तिरा॒शिषा॑ ।। १० ।।
Roman reading a॒pāṃ pe॒rura॒syāpo॑ de॒vīḥ sva॑dantu svā॒ttaṃ ci॒tsadde॑vaha॒viḥ | saṃ te॑ prā॒ṇo vāte॑na gacchatā॒jsamaṅgā॑ni॒ yaja॑trai॒: saṃ ya॒jñapa॑tirā॒śiṣā॑ | | १० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.11 ◌ EeseDharma mein verified
घृ॒तेना॒क्तौ प॒शूँस्त्रा॑येथा॒j रेव॑ति॒ यज॑माने प्रि॒यं धा आ वि॑श । उ॒रोर॒न्तरि॑क्षात्स॒जूर्दे॒वेन॒ वाते॑ना॒स्य ह॒विष॒स्त्मना॑ यज॒ सम॑स्य त॒न्वा॒ भव ।
वर्षो॒ वर्षी॑यसि य॒ज्ञे य॒ज्ञप॑तिं धा॒: स्वाहा॑ दे॒वेभ्यो॑ दे॒वेभ्य॒: स्वाहा॑ ।। ११ ।।
Roman reading ghṛ॒tenā॒ktau pa॒śūm̐strā॑yethā॒j reva॑ti॒ yaja॑māne pri॒yaṃ dhā ā vi॑śa | u॒rora॒ntari॑kṣātsa॒jūrde॒vena॒ vāte॑nā॒sya ha॒viṣa॒stmanā॑ yaja॒ sama॑sya ta॒nvā॒ bhava | varṣo॒ varṣī॑yasi ya॒jñe ya॒jñapa॑tiṃ dhā॒: svāhā॑ de॒vebhyo॑ de॒vebhya॒: svāhā॑ | | ११ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.12 ◌ EeseDharma mein verified
माहि॑र्भू॒र्मा पृदा॑कु॒र्नम॑स्त आतानान॒र्वा प्रेहि॑ । घृ॒तस्य॑ कु॒ल्या उप॑ ऋ॒तस्य॒ पथ्या॒ अनु॑ ।। १२ ।।
Roman reading māhi॑rbhū॒rmā pṛdā॑ku॒rnama॑sta ātānāna॒rvā prehi॑ | ghṛ॒tasya॑ ku॒lyā upa॑ ṛ॒tasya॒ pathyā॒ anu॑ | | १२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.13 ◌ EeseDharma mein verified
देवी॑रापः शु॒द्धा वो॑ढ्व॒j सुप॑रिविष्टा दे॒वेषु॒ सुप॑रिविष्टा व॒यं प॑रिवे॒ष्टारो॑ भूयास्म ।। १३ ।।
Roman reading devī॑rāpaḥ śu॒ddhā vo॑ḍhva॒j supa॑riviṣṭā de॒veṣu॒ supa॑riviṣṭā va॒yaṃ pa॑rive॒ṣṭāro॑ bhūyāsma | | १३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.14 ◌ EeseDharma mein verified
वाचं॑ ते शुन्धामि प्रा॒णं ते॑ शुन्धामि॒ चक्षु॑स्ते शुन्धामि॒ श्रोत्रं॑ ते शुन्धामि॒ नाभिं॑ ते शुन्धामि॒ मेढ्रं॑ ते शुन्धामि पा॒युं ते॑ शुन्धामि च॒रित्राँ॑स्ते शुन्धामि ।। १४ ।।
Roman reading vācaṃ॑ te śundhāmi prā॒ṇaṃ te॑ śundhāmi॒ cakṣu॑ste śundhāmi॒ śrotraṃ॑ te śundhāmi॒ nābhiṃ॑ te śundhāmi॒ meḍhraṃ॑ te śundhāmi pā॒yuṃ te॑ śundhāmi ca॒ritrām̐॑ste śundhāmi | | १४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.15 ◌ EeseDharma mein verified
मन॑स्त॒ आ प्या॑यतां॒ वाक्त॒ आ प्या॑यतां प्रा॒णस्त॒ आ प्या॑यतां॒ चक्षु॑स्त॒ आ प्या॑यतां॒j
श्रोत्रं॑ त॒ आ प्या॑यताम् । यत्ते॑ क्रू॒रं यदास्थि॑तं॒ तत्त॒ आ प्या॑यतां॒ निष्ट्यायतां॒ तत्ते॑ शुध्यतु शमहो॑भ्यः ।
ओष॑धे॒ त्राय॑स्व॒ स्वधि॑ते॒ मैन॑ᳪ हिᳪसीः ।। १५ ।।
Roman reading mana॑sta॒ ā pyā॑yatāṃ॒ vākta॒ ā pyā॑yatāṃ prā॒ṇasta॒ ā pyā॑yatāṃ॒ cakṣu॑sta॒ ā pyā॑yatāṃ॒j
śrotraṃ॑ ta॒ ā pyā॑yatām | yatte॑ krū॒raṃ yadāsthi॑taṃ॒ tatta॒ ā pyā॑yatāṃ॒ niṣṭyāyatāṃ॒ tatte॑ śudhyatu śamaho॑bhyaḥ | oṣa॑dhe॒ trāya॑sva॒ svadhi॑te॒ maina॑ᳪ hiᳪsīḥ | | १५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.16 ◌ EeseDharma mein verified
रक्ष॑सां भा॒गो॒ऽसि॒ निर॑स्त॒j रक्ष॑ इ॒दम॒हᳪ रक्षो॒ऽभि ति॑ष्ठामी॒दम॒हᳪ रक्षोऽव॑ बाध इ॒दम॒हᳪ रक्षो॑ऽध॒मं तमो॑ नयामि ।
घृ॒तेन॑ द्यावापृथिवी॒ प्रोर्णु॑वाथां॒ वायो॒ वे स्तो॒काना॑मग्निराज्य॑स्य वेतु॒ स्वाहा॒ स्वाहा॑कृते ऊ॒र्ध्वन॑भसं मारु॒तं ग॑च्छतम् ।। १६ ।।
Roman reading rakṣa॑sāṃ bhā॒go॒’si॒ nira॑sta॒j rakṣa॑ i॒dama॒haᳪ rakṣo॒’bhi ti॑ṣṭhāmī॒dama॒haᳪ rakṣo’va॑ bādha i॒dama॒haᳪ rakṣo॑’dha॒maṃ tamo॑ nayāmi | ghṛ॒tena॑ dyāvāpṛthivī॒ prorṇu॑vāthāṃ॒ vāyo॒ ve sto॒kānā॑magnirājya॑sya vetu॒ svāhā॒ svāhā॑kṛte ū॒rdhvana॑bhasaṃ māru॒taṃ ga॑cchatam | | १६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.17 ◌ EeseDharma mein verified
इ॒दमा॑प॒: प्र व॑हताव॒द्यं च॒ मलं॑ च॒ यत् । यच्चा॑भिदु॒द्रोहानृ॑तं॒ यच्च॑ शे॒पे अ॑भी॒रुण॑म् ।
आपो॑ मा॒ तस्मा॒देन॑स॒: पव॑मानश्च मुञ्चतु ।। १७ ।।
Roman reading i॒damā॑pa॒: pra va॑hatāva॒dyaṃ ca॒ malaṃ॑ ca॒ yat | yaccā॑bhidu॒drohānṛ॑taṃ॒ yacca॑ śe॒pe a॑bhī॒ruṇa॑m | āpo॑ mā॒ tasmā॒dena॑sa॒: pava॑mānaśca muñcatu | | १७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.18 ◌ EeseDharma mein verified
सं ते॒ मनो॒ मन॑सा॒ सं प्रा॒णः प्रा॒णेन॑ गच्छताम् । रेड॑स्य॒ग्निष्ट्वा॑ श्रीणा॒त्वाप॑स्त्वा॒
सम॑रिण॒न्वात॑स्य त्वा॒ ध्राज्यै॑ पू॒ष्णो रᳪह्या॑ ऊ॒ष्मणो॑ व्यथिष॒त् प्रयु॑तं॒ द्वेष॑: ।। १८ ।।
Roman reading saṃ te॒ mano॒ mana॑sā॒ saṃ prā॒ṇaḥ prā॒ṇena॑ gacchatām | reḍa॑sya॒gniṣṭvā॑ śrīṇā॒tvāpa॑stvā॒
sama॑riṇa॒nvāta॑sya tvā॒ dhrājyai॑ pū॒ṣṇo raᳪhyā॑ ū॒ṣmaṇo॑ vyathiṣa॒t prayu॑taṃ॒ dveṣa॑: | | १८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.19 ◌ EeseDharma mein verified
घृ॒तं घृ॑तपावानः पिबत॒ वसां॑ वसापावानः पिबता॒न्तरि॑क्षस्य ह॒विर॑सि॒ स्वाहा॑ ।
दिश॑: प्र॒दिश॑: आ॒दिशो॑ वि॒दिश॑ उ॒द्दिशो॑ दि॒ग्भ्यः स्वाहा॑ ।। १९ ।।
Roman reading ghṛ॒taṃ ghṛ॑tapāvānaḥ pibata॒ vasāṃ॑ vasāpāvānaḥ pibatā॒ntari॑kṣasya ha॒vira॑si॒ svāhā॑ | diśa॑: pra॒diśa॑: ā॒diśo॑ vi॒diśa॑ u॒ddiśo॑ di॒gbhyaḥ svāhā॑ | | १९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.20 ◌ EeseDharma mein verified
ऐ॒न्द्रः प्रा॒णो अङ्गे॑ अङ्गे॒ नि दी॑ध्यदै॒न्द्र उ॑दा॒नो अङ्गे॑ अङ्गे॒ निधी॑तः । देव॑ त्वष्ट॒र्भूरि॑ ते॒ सᳪ स॑मेतु॒ सल॑क्ष्मा॒ यद्विषु॑रूपं॒ भवा॑ति ।
दे॑व॒त्रा यन्त॒मव॑से॒ सखा॒योऽनु॑ त्वा मा॒ता पि॒तरो॑ मदन्तु ।। २० ।।
Roman reading ai॒ndraḥ prā॒ṇo aṅge॑ aṅge॒ ni dī॑dhyadai॒ndra u॑dā॒no aṅge॑ aṅge॒ nidhī॑taḥ | deva॑ tvaṣṭa॒rbhūri॑ te॒ saᳪ sa॑metu॒ sala॑kṣmā॒ yadviṣu॑rūpaṃ॒ bhavā॑ti | de॑va॒trā yanta॒mava॑se॒ sakhā॒yo’nu॑ tvā mā॒tā pi॒taro॑ madantu | | २० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.21 ◌ EeseDharma mein verified
स॒मु॒द्रं ग॑च्छ॒ स्वाहा॑ ऽन्तरि॑क्षं गच्छ॒ स्वाहा॑ दे॒वᳪ स॑वि॒तारं॑ गच्छ॒ स्वाहा॑ मि॒त्रावरु॑णौ गच्छ॒ स्वाहा॑
ऽहोरा॒त्रे ग॑च्छ॒ स्वाहा॑ छन्दा॑ᳪसि गच्छ॒ स्वाहा॒ द्यावा॑पृथि॒वी ग॑च्छ॒ स्वाहा॑ य॒ज्ञं ग॑च्छ॒ स्वाहा॒ सोमं॑ गच्छ॒ स्वाहा॑ दि॒व्यं नभो॑ गच्छ॒ स्वाहा॒ ऽग्निं वै॑श्वान॒रं ग॑च्छ॒ स्वाहा॒ मनो॑ मे॒ हार्दि॑ यच्छ॒ दिवं॑ ते धू॒मो ग॑च्छतु॒ स्वर्ज्योति॑: पृथि॒वीं भस्म॒नाऽऽपृ॑ण॒ स्वाहा॑ ।। २१ ।।
Roman reading sa॒mu॒draṃ ga॑ccha॒ svāhā॑ ’ntari॑kṣaṃ gaccha॒ svāhā॑ de॒vaᳪ sa॑vi॒tāraṃ॑ gaccha॒ svāhā॑ mi॒trāvaru॑ṇau gaccha॒ svāhā॑
’horā॒tre ga॑ccha॒ svāhā॑ chandā॑ᳪsi gaccha॒ svāhā॒ dyāvā॑pṛthi॒vī ga॑ccha॒ svāhā॑ ya॒jñaṃ ga॑ccha॒ svāhā॒ somaṃ॑ gaccha॒ svāhā॑ di॒vyaṃ nabho॑ gaccha॒ svāhā॒ ’gniṃ vai॑śvāna॒raṃ ga॑ccha॒ svāhā॒ mano॑ me॒ hārdi॑ yaccha॒ divaṃ॑ te dhū॒mo ga॑cchatu॒ svarjyoti॑: pṛthi॒vīṃ bhasma॒nā’’pṛ॑ṇa॒ svāhā॑ | | २१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.22 ◌ EeseDharma mein verified
माऽपो मौ॑षधीर्हिᳪसी॒र्धाम्नो॑ धाम्नो राजँ॒स्ततो॑ वरुण नो मुञ्च । यदा॒हुर॒घ्न्या इति॒ वरु॒णेति॒ शपा॑महे॒ ततो॑ वरुण नो मुञ्च ।
सुमि॒त्रि॒या न॒ आप॒ ओष॑धयः सन्तु दुर्मित्रि॒यास्तस्मै॑ सन्तु॒ योस्मान्द्वेष्टि॒ यं च॑ व॒यं द्वि॒ष्म: ।। २२ ।।
Roman reading mā’po mau॑ṣadhīrhiᳪsī॒rdhāmno॑ dhāmno rājam॒̐stato॑ varuṇa no muñca | yadā॒hura॒ghnyā iti॒ varu॒ṇeti॒ śapā॑mahe॒ tato॑ varuṇa no muñca | sumi॒tri॒yā na॒ āpa॒ oṣa॑dhayaḥ santu durmitri॒yāstasmai॑ santu॒ yosmāndveṣṭi॒ yaṃ ca॑ va॒yaṃ dvi॒ṣma: | | २२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.23 ◌ EeseDharma mein verified
ह॒विष्म॑तीरि॒मा आपो॑ ह॒विष्माँ॒२ आ वि॑वासति । ह॒विष्मा॑न् दे॒वो अ॑ध्व॒रो ह॒विष्माँ॑२ अस्तु॒ सूर्य॑: ।। २३ ।।
Roman reading ha॒viṣma॑tīri॒mā āpo॑ ha॒viṣmām॒̐२ ā vi॑vāsati | ha॒viṣmā॑n de॒vo a॑dhva॒ro ha॒viṣmām̐॑२ astu॒ sūrya॑: | | २३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.24 ◌ EeseDharma mein verified
अ॒ग्नेर्वोऽप॑न्नगृहस्य॒ सद॑सि सादयामीन्द्रा॒ग्न्योर्भा॑ग॒धेयी॑ स्थ मि॒त्रावरु॑णयोर्भाग॒धेयी॑ स्थ विश्वे॑षां दे॒वानां॑ भाग॒धेयी॑ स्थ । अ॒मूर्या उप॒ सूर्ये॒ याभि॑र्वा॒ सूर्य॑: स॒ह । ता नो॑ हिन्वन्त्वध्व॒रम् ।। २४ ।।
Roman reading a॒gnervo’pa॑nnagṛhasya॒ sada॑si sādayāmīndrā॒gnyorbhā॑ga॒dheyī॑ stha mi॒trāvaru॑ṇayorbhāga॒dheyī॑ stha viśve॑ṣāṃ de॒vānāṃ॑ bhāga॒dheyī॑ stha | a॒mūryā upa॒ sūrye॒ yābhi॑rvā॒ sūrya॑: sa॒ha | tā no॑ hinvantvadhva॒ram | | २४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.25 ◌ EeseDharma mein verified
हृ॒दे त्वा॒ मन॑से त्वा दि॒वे त्वा॒ सूर्या॑य त्वा । ऊ॒र्ध्वमि॒मम॑ध्व॒रं दि॒वि दे॒वेषु॒ होत्रा॑ यच्छ ।। २५ ।।
Roman reading hṛ॒de tvā॒ mana॑se tvā di॒ve tvā॒ sūryā॑ya tvā | ū॒rdhvami॒mama॑dhva॒raṃ di॒vi de॒veṣu॒ hotrā॑ yaccha | | २५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.26 ◌ EeseDharma mein verified
सोम॑ राज॒न् विश्वा॒स्त्वं प्र॒जा उ॒पाव॑रोह विश्वा॒स्त्वां प्र॒जा उ॒पाव॑रोहन्तु ।
शृ॒णोत्व॒ग्निः स॒मिधा॑ ह॒वं मे॑ शृण्व॒न्त्वापो॑ धि॒षणा॑श्च दे॒वीः ।
श्रोता॑ ग्रावाणो वि॒दुषो॒ न य॒ज्ञᳪ शृ॒णोतु॑ दे॒वः स॑वि॒ता हवं॑ मे॒ स्वाहा॑ ।। २६ ।।
Roman reading soma॑ rāja॒n viśvā॒stvaṃ pra॒jā u॒pāva॑roha viśvā॒stvāṃ pra॒jā u॒pāva॑rohantu | śṛ॒ṇotva॒gniḥ sa॒midhā॑ ha॒vaṃ me॑ śṛṇva॒ntvāpo॑ dhi॒ṣaṇā॑śca de॒vīḥ | śrotā॑ grāvāṇo vi॒duṣo॒ na ya॒jñaᳪ śṛ॒ṇotu॑ de॒vaḥ sa॑vi॒tā havaṃ॑ me॒ svāhā॑ | | २६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.27 ◌ EeseDharma mein verified
देवी॑रापो अपां नपा॒द्यो व॑ ऊ॒र्मिर्ह॑वि॒ष्य॒ इन्द्रि॒यावा॑न् म॒दिन्त॑मः ।
तं दे॒वेभ्यो॑ देव॒त्रा द॑त्त शुक्र॒पेभ्यो॒ येषां॑ भा॒ग स्थ॒ स्वाहा॑ ।। २७ ।।
Roman reading devī॑rāpo apāṃ napā॒dyo va॑ ū॒rmirha॑vi॒ṣya॒ indri॒yāvā॑n ma॒dinta॑maḥ | taṃ de॒vebhyo॑ deva॒trā da॑tta śukra॒pebhyo॒ yeṣāṃ॑ bhā॒ga stha॒ svāhā॑ | | २७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.28 ◌ EeseDharma mein verified
कार्षि॑रसि स॑मु॒द्रस्य॒ त्वा क्षि॑त्या॒ उन्न॑यामि । समापो॑ अ॒द्भिर॑ग्मत॒ समोष॑धीभि॒रोष॑धीः ।। २८ ।।
Roman reading kārṣi॑rasi sa॑mu॒drasya॒ tvā kṣi॑tyā॒ unna॑yāmi | samāpo॑ a॒dbhira॑gmata॒ samoṣa॑dhībhi॒roṣa॑dhīḥ | | २८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.29 ◌ EeseDharma mein verified
यम॑ग्ने पृ॒त्सु मर्त्य॒मवा॒ वाजे॑षु॒ यं जु॒नाः । स यन्ता॒ शश्व॑ती॒रिष॒: स्वाहा॑ ।। २९ ।।
Roman reading yama॑gne pṛ॒tsu martya॒mavā॒ vāje॑ṣu॒ yaṃ ju॒nāḥ | sa yantā॒ śaśva॑tī॒riṣa॒: svāhā॑ | | २९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.30 ◌ EeseDharma mein verified
दे॒वस्य॑ त्वा सवि॒तुः प्र॑स॒वेऽश्विनो॑र्बा॒हुभ्यां॑ पू॒ष्णो हस्ता॑भ्याम् । आ द॑दे॒ रावा॑सि गभी॒रमि॒मम॑ध्व॒रं कृ॒धीन्द्रा॑य सु॒षूत॑मम् ।
उ॒त्त॒मेन॑ प॒विनोर्ज॑स्वन्तं॒ मधु॑मन्तं॒ पय॑स्वन्तं निग्रा॒भ्या॒ स्थ देव॒श्रुत॑स्त॒र्पय॑त मा ।। ३० ।।
Roman reading de॒vasya॑ tvā savi॒tuḥ pra॑sa॒ve’śvino॑rbā॒hubhyāṃ॑ pū॒ṣṇo hastā॑bhyām | ā da॑de॒ rāvā॑si gabhī॒rami॒mama॑dhva॒raṃ kṛ॒dhīndrā॑ya su॒ṣūta॑mam | u॒tta॒mena॑ pa॒vinorja॑svantaṃ॒ madhu॑mantaṃ॒ paya॑svantaṃ nigrā॒bhyā॒ stha deva॒śruta॑sta॒rpaya॑ta mā | | ३० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.31 ◌ EeseDharma mein verified
मनो॑ मे तर्पयत॒ वाचं॑ मे तर्पयत प्रा॒णं मे॑ तर्पयत॒ चक्षु॑र्मे तर्पयत॒ श्रोत्रं॑ मे तर्पयता॒त्मानं॑ मे तर्पयत प्र॒जां मे॑ तर्पयत प॒शून्मे॑ तर्पयत ग॒णान्मे॑ तर्पयत ग॒णा मे॒ मा वि तृ॑षन् ।। ३१ ।।
Roman reading mano॑ me tarpayata॒ vācaṃ॑ me tarpayata prā॒ṇaṃ me॑ tarpayata॒ cakṣu॑rme tarpayata॒ śrotraṃ॑ me tarpayatā॒tmānaṃ॑ me tarpayata pra॒jāṃ me॑ tarpayata pa॒śūnme॑ tarpayata ga॒ṇānme॑ tarpayata ga॒ṇā me॒ mā vi tṛ॑ṣan | | ३१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.32 ◌ EeseDharma mein verified
इन्द्रा॑य त्वा॒ वसु॑मते रु॒द्रव॑त॒ इन्द्रा॑य त्वा ऽऽदि॒त्यव॑त॒ इन्द्रा॑य त्वा ऽभिमाति॒घ्ने ।
श्ये॒नाय॑ त्वा सोम॒भृते॒ ऽग्नये॑ त्वा रायस्पोष॒दे ।। ३२ ।।
Roman reading indrā॑ya tvā॒ vasu॑mate ru॒drava॑ta॒ indrā॑ya tvā ’’di॒tyava॑ta॒ indrā॑ya tvā ’bhimāti॒ghne | śye॒nāya॑ tvā soma॒bhṛte॒ ’gnaye॑ tvā rāyaspoṣa॒de | | ३२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.33 ◌ EeseDharma mein verified
यत्ते॑ सोम दि॒वि ज्योति॒र्यत्पृ॑थि॒व्यां यदु॒राव॒न्तरि॑क्षे । तेनास्मै॒ यज॑मानायो॒रु रा॒ये कृ॒ध्यधि॑ दा॒त्रे वो॑चः ।। ३३ ।।
Roman reading yatte॑ soma di॒vi jyoti॒ryatpṛ॑thi॒vyāṃ yadu॒rāva॒ntari॑kṣe | tenāsmai॒ yaja॑mānāyo॒ru rā॒ye kṛ॒dhyadhi॑ dā॒tre vo॑caḥ | | ३३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.34 ◌ EeseDharma mein verified
श्वा॒त्रा स्थ॑ वृत्र॒तुरो॒ राधो॑गूर्ता अ॒मृत॑स्य॒ पत्नी॑: । ता दे॑वीर्देव॒त्रेमं य॒ज्ञं न॑य॒तोप॑हूता॒: सोम॑स्य पिबत ।। ३४ ।।
Roman reading śvā॒trā stha॑ vṛtra॒turo॒ rādho॑gūrtā a॒mṛta॑sya॒ patnī॑: | tā de॑vīrdeva॒tremaṃ ya॒jñaṃ na॑ya॒topa॑hūtā॒: soma॑sya pibata | | ३४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.35 ◌ EeseDharma mein verified
मा भे॒र्मा सं वि॑क्था॒ ऊर्जं॑ धत्स्व॒ धिष॑णे वी॒ड्वी स॒ती वी॑डयेथा॒मूर्जं॑ दधाथाम् । पा॒प्मा ह॒तो न सोम॑: ।। ३५ ।।
Roman reading mā bhe॒rmā saṃ vi॑kthā॒ ūrjaṃ॑ dhatsva॒ dhiṣa॑ṇe vī॒ḍvī sa॒tī vī॑ḍayethā॒mūrjaṃ॑ dadhāthām | pā॒pmā ha॒to na soma॑: | | ३५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.36 ◌ EeseDharma mein verified
प्रागपा॒गुद॑गध॒राक्स॒र्वत॑स्त्वा॒ दिश॒ आ धा॑वन्तु । अम्ब॒ निष्प॑र॒ सम॒रीर्वि॑दाम् ।। ३६ ।।
Roman reading prāgapā॒guda॑gadha॒rāksa॒rvata॑stvā॒ diśa॒ ā dhā॑vantu | amba॒ niṣpa॑ra॒ sama॒rīrvi॑dām | | ३६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 6.37 ◌ EeseDharma mein verified
त्वम॒ङ्ग प्रश॑ᳪसिषो दे॒वः श॑विष्ठ॒ मर्त्य॑म् । न त्वद॒न्यो म॑घवन्नस्ति मर्डि॒तेन्द्र॒ ब्रवी॑मि ते॒ वच॑: ।। ३७ ।।
Roman reading tvama॒ṅga praśa॑ᳪsiṣo de॒vaḥ śa॑viṣṭha॒ martya॑m | na tvada॒nyo ma॑ghavannasti marḍi॒tendra॒ bravī॑mi te॒ vaca॑: | | ३७ | |
− Simple arth
Project-owned meaning abhi available nahi hai.
