Śukla Yajurveda Mādhyaṃdina 4.1◌ EeseDharma mein verified
एदम॑गन्म देव॒यज॑नं पृथि॒व्या यत्र॑ दे॒वासो॒ अजु॑षन्त॒ विश्वे॑ । ऋ॒क्सा॒माभ्या॑ᳪ सं॒तर॑न्तो॒ यजु॑र्भी रा॒यस्पोषे॑ण॒ समि॒षा म॑देम । इ॒मा आप॒: शमु॑ मे सन्तु दे॒वी रोष॑धे॒ त्राय॑स्व॒ स्वधि॑ते मैन॑ᳪ हिᳪसीः ।। १ ।।
Roman readingedama॑ganma deva॒yaja॑naṃ pṛthi॒vyā yatra॑ de॒vāso॒ aju॑ṣanta॒ viśve॑ | ṛ॒ksā॒mābhyā॑ᳪ saṃ॒tara॑nto॒ yaju॑rbhī rā॒yaspoṣe॑ṇa॒ sami॒ṣā ma॑dema | i॒mā āpa॒: śamu॑ me santu de॒vī roṣa॑dhe॒ trāya॑sva॒ svadhi॑te maina॑ᳪ hiᳪsīḥ | | १ | |
Project-owned meaning abhi available nahi hai.
Śukla Yajurveda Mādhyaṃdina 4.2◌ EeseDharma mein verified
आपो॑ अ॒स्मान्मा॒तर॑: शुन्धयन्तु घृ॒तेन॑ नो घृत॒प्व॒: पुनन्तु ।
विश्व॒j हि रि॒प्रं प्र॒वह॑न्ति दे॒वीरुदिदा॑भ्य॒: शुचि॒रा पू॒त ए॑मि ।
दी॒क्षा॒त॒पसो॑स्त॒नूर॑सि॒ तां त्वा॑ शि॒वाᳪ श॒ग्मां परि॑ दधे भ॒द्रं वर्णं॒ पुष्य॑न् ।। २ ।।
Roman readingāpo॑ a॒smānmā॒tara॑: śundhayantu ghṛ॒tena॑ no ghṛta॒pva॒: punantu | viśva॒j hi ri॒praṃ pra॒vaha॑nti de॒vīrudidā॑bhya॒: śuci॒rā pū॒ta e॑mi | dī॒kṣā॒ta॒paso॑sta॒nūra॑si॒ tāṃ tvā॑ śi॒vāᳪ śa॒gmāṃ pari॑ dadhe bha॒draṃ varṇaṃ॒ puṣya॑n | | २ | |
Project-owned meaning abhi available nahi hai.
Śukla Yajurveda Mādhyaṃdina 4.3◌ EeseDharma mein verified
म॒हीनां॒ पयो॑ऽसि वर्चो॒दा अ॑सि॒ वर्चो॑ मे देहि । वृ॒त्रस्या॑सि क॒नीन॑कश्चक्षु॒र्दा अ॑सि॒ चक्षु॑र्मे देहि ।। ३ ।।
Roman readingma॒hīnāṃ॒ payo॑’si varco॒dā a॑si॒ varco॑ me dehi | vṛ॒trasyā॑si ka॒nīna॑kaścakṣu॒rdā a॑si॒ cakṣu॑rme dehi | | ३ | |
Project-owned meaning abhi available nahi hai.
Śukla Yajurveda Mādhyaṃdina 4.4◌ EeseDharma mein verified
चि॒त्पति॑र्मा पुनातु वा॒क्पति॑र्मा पुनातु दे॒वो मा॑ सवि॒ता पु॑ना॒त्वच्छि॑द्रेण प॒वित्रे॑ण॒ सूर्य॑स्य र॒श्मिभि॑: ।
तस्य॑ ते पवित्रपते प॒वित्र॑पूतस्य॒ यत्का॑मः पु॒ने तच्छ॑केयम् ।। ४ ।।
Roman readingci॒tpati॑rmā punātu vā॒kpati॑rmā punātu de॒vo mā॑ savi॒tā pu॑nā॒tvacchi॑dreṇa pa॒vitre॑ṇa॒ sūrya॑sya ra॒śmibhi॑: | tasya॑ te pavitrapate pa॒vitra॑pūtasya॒ yatkā॑maḥ pu॒ne taccha॑keyam | | ४ | |
Project-owned meaning abhi available nahi hai.
Śukla Yajurveda Mādhyaṃdina 4.5◌ EeseDharma mein verified
आ वो॑ देवास ईमहे वा॒मं प्र॑य॒त्य॒ध्व॒रे । आ वो॑ देवास आ॒शिषो॑ य॒ज्ञिया॑सो हवामहे ।। ५ ।।
Roman readingā vo॑ devāsa īmahe vā॒maṃ pra॑ya॒tya॒dhva॒re | ā vo॑ devāsa ā॒śiṣo॑ ya॒jñiyā॑so havāmahe | | ५ | |
Project-owned meaning abhi available nahi hai.
Śukla Yajurveda Mādhyaṃdina 4.6◌ EeseDharma mein verified
स्वाहा॑ य॒ज्ञं मन॑स॒: स्वाहो॒रोर॒न्तरि॑क्षा॒त्स्वाहा॒ द्यावा॑पृथि॒वीभ्या॒j स्वाहा॒ वाता॒दार॑भे॒ स्वाहा॑ ।। ६ ।।
Roman readingsvāhā॑ ya॒jñaṃ mana॑sa॒: svāho॒rora॒ntari॑kṣā॒tsvāhā॒ dyāvā॑pṛthi॒vībhyā॒j svāhā॒ vātā॒dāra॑bhe॒ svāhā॑ | | ६ | |
Project-owned meaning abhi available nahi hai.
Śukla Yajurveda Mādhyaṃdina 4.7◌ EeseDharma mein verified
आकू॑त्यै प्र॒युजे॒ऽग्नये॒ स्वाहा॑ मे॒धायै॒ मन॑से॒ऽग्नये॒ स्वाहा॑ दी॒क्षायै॒ तप॑से॒ऽग्नये॒ स्वाहा॑ सर॑स्वत्यै पू॒ष्णेऽग्नये॒ स्वाहा॑ ।आपो॑ देवीर्बृहतीर्विश्वशम्भुवो॒ द्यावा॑पृथिवी॒ उरो॑ अन्तरिक्ष । बृह॒स्पत॑ये ह॒विषा॑ विधेम॒ स्वाहा॑ ।। ७ ।।
Roman readingākū॑tyai pra॒yuje॒’gnaye॒ svāhā॑ me॒dhāyai॒ mana॑se॒’gnaye॒ svāhā॑ dī॒kṣāyai॒ tapa॑se॒’gnaye॒ svāhā॑ sara॑svatyai pū॒ṣṇe’gnaye॒ svāhā॑ | āpo॑ devīrbṛhatīrviśvaśambhuvo॒ dyāvā॑pṛthivī॒ uro॑ antarikṣa | bṛha॒spata॑ye ha॒viṣā॑ vidhema॒ svāhā॑ | | ७ | |
Project-owned meaning abhi available nahi hai.
Śukla Yajurveda Mādhyaṃdina 4.8◌ EeseDharma mein verified
विश्वो॑ दे॒वस्य॑ ने॒तुर्मर्तो॑ वुरीत स॒ख्यम् । विश्वो॑ रा॒य इ॑षुध्यति द्यु॒म्नं वृ॑णीत पु॒ष्यसे॒ स्वाहा॑ ।। ८ ।।
Roman readingviśvo॑ de॒vasya॑ ne॒turmarto॑ vurīta sa॒khyam | viśvo॑ rā॒ya i॑ṣudhyati dyu॒mnaṃ vṛ॑ṇīta pu॒ṣyase॒ svāhā॑ | | ८ | |
Project-owned meaning abhi available nahi hai.
Śukla Yajurveda Mādhyaṃdina 4.9◌ EeseDharma mein verified
ऋ॑क्सा॒मयोः॒ शिल्पे॑ स्थ॒स्ते वा॒मार॑भे॒ ते मा॑ पात॒मास्य य॒ज्ञस्यो॒दृच॑: ।
शर्मा॑सि॒ शर्म॑ मे यच्छ॒ नम॑स्ते अस्तु॒ मा मा॑ हिᳪसीः ।। ९ ।।
Roman readingṛ॑ksā॒mayoḥ॒ śilpe॑ stha॒ste vā॒māra॑bhe॒ te mā॑ pāta॒māsya ya॒jñasyo॒dṛca॑: | śarmā॑si॒ śarma॑ me yaccha॒ nama॑ste astu॒ mā mā॑ hiᳪsīḥ | | ९ | |
Project-owned meaning abhi available nahi hai.
Śukla Yajurveda Mādhyaṃdina 4.10◌ EeseDharma mein verified
ऊर्ग॑स्याङ्गिर॒स्यूर्ण॑म्म्रदा॒ ऊर्जं॒ मयि॑ धेहि ।
सोम॑स्य नी॒विर॑सि॒ विष्णो॒: शर्मा॑सि॒ शर्म॒ यज॑मानस्येन्द्र॑स्य॒ योनि॑रसि सु॑स॒स्याः कृ॒षीस्कृ॑धि ।
उच्छ्र॑यस्व वनस्पत ऊ॒र्ध्वो मा॑ पा॒ह्यᳪह॑स॒ आस्य य॒ज्ञस्यो॒द्रच॑: ।। १० ।।
Roman readingūrga॑syāṅgira॒syūrṇa॑mmradā॒ ūrjaṃ॒ mayi॑ dhehi | soma॑sya nī॒vira॑si॒ viṣṇo॒: śarmā॑si॒ śarma॒ yaja॑mānasyendra॑sya॒ yoni॑rasi su॑sa॒syāḥ kṛ॒ṣīskṛ॑dhi | ucchra॑yasva vanaspata ū॒rdhvo mā॑ pā॒hyaᳪha॑sa॒ āsya ya॒jñasyo॒draca॑: | | १० | |
Project-owned meaning abhi available nahi hai.
Śukla Yajurveda Mādhyaṃdina 4.11◌ EeseDharma mein verified
व्र॒तं कृ॑णुता॒ग्निर्ब्रह्मा॒ग्निर्य॒ज्ञो वन॒स्पति॑र्य॒ज्ञिय॑: ।
दैवीं॒ धियं॑ मनामहे सुमृडी॒काम॒भिष्ट॑ये वर्चो॒धां य॒ज्ञवा॑हसᳪ सुती॒र्था नो॑ अस॒द्वशे॑ ।
ये दे॒वा मनो॑जाता मनो॒युजो॒ दक्ष॑क्रतव॒स्ते नो॑ऽवन्तु॒ ते न॑: पान्तु॒ तेभ्य॒: स्वाहा॑ ।। ११ ।।
Roman readingvra॒taṃ kṛ॑ṇutā॒gnirbrahmā॒gnirya॒jño vana॒spati॑rya॒jñiya॑: | daivīṃ॒ dhiyaṃ॑ manāmahe sumṛḍī॒kāma॒bhiṣṭa॑ye varco॒dhāṃ ya॒jñavā॑hasaᳪ sutī॒rthā no॑ asa॒dvaśe॑ | ye de॒vā mano॑jātā mano॒yujo॒ dakṣa॑kratava॒ste no॑’vantu॒ te na॑: pāntu॒ tebhya॒: svāhā॑ | | ११ | |
Project-owned meaning abhi available nahi hai.
Śukla Yajurveda Mādhyaṃdina 4.12◌ EeseDharma mein verified
श्वा॒त्राः पी॒ता भ॑वत यू॒यमा॑पो अ॒स्माक॑म॒न्तरु॒दरे॑ सु॒शेवा॑:।
ता अ॒स्मभ्य॑मय॒क्ष्मा अ॑नमी॒वा अना॑गस॒: स्वद॑न्तु दे॒वीर॒मृता॑ ऋता॒वृध॑: ।। १२ ।।
Roman readingśvā॒trāḥ pī॒tā bha॑vata yū॒yamā॑po a॒smāka॑ma॒ntaru॒dare॑ su॒śevā॑: | tā a॒smabhya॑maya॒kṣmā a॑namī॒vā anā॑gasa॒: svada॑ntu de॒vīra॒mṛtā॑ ṛtā॒vṛdha॑: | | १२ | |
Project-owned meaning abhi available nahi hai.
Śukla Yajurveda Mādhyaṃdina 4.13◌ EeseDharma mein verified
इ॒यं ते॑ य॒ज्ञिया॑ त॒नूर॒पो मु॑ञ्चामि॒ न प्र॒जाम् । अ॒jहो॒मुचः॒ स्वाहा॑कृताः पृथि॒वीमा वि॑शत
पृथि॒व्या सम्भ॑व ।। १३ ।।
Roman readingi॒yaṃ te॑ ya॒jñiyā॑ ta॒nūra॒po mu॑ñcāmi॒ na pra॒jām | a॒jho॒mucaḥ॒ svāhā॑kṛtāḥ pṛthi॒vīmā vi॑śata
pṛthi॒vyā sambha॑va | | १३ | |
Project-owned meaning abhi available nahi hai.
Śukla Yajurveda Mādhyaṃdina 4.14◌ EeseDharma mein verified
अग्ने॒ त्वᳪ सु जा॑गृहि व॒यᳪ सु म॑न्दिषीमहि । रक्षा॑ णो॒ अप्र॑युच्छन् प्र॒बुधे॑ न॒: पुन॑स्कृधि ।। १४ ।।
Roman readingagne॒ tvaᳪ su jā॑gṛhi va॒yaᳪ su ma॑ndiṣīmahi | rakṣā॑ ṇo॒ apra॑yucchan pra॒budhe॑ na॒: puna॑skṛdhi | | १४ | |
Project-owned meaning abhi available nahi hai.
Śukla Yajurveda Mādhyaṃdina 4.15◌ EeseDharma mein verified
पुन॒र्मन॒: पुन॒रायु॑र्म॒ आऽग॒न् पुन॑: प्रा॒णः पुन॑रा॒त्मा म॒ आऽग॒न् पुन॒श्चक्षु॒: पुन॒: श्रोत्रं॑ म॒ आऽग॑न् ।
वै॒श्वा॒न॒रो अद॑ब्धस्तनू॒पा अ॒ग्निर्न॑: पातु दुरि॒ताद॑व॒द्यात् ।। १५ ।।
Roman readingpuna॒rmana॒: puna॒rāyu॑rma॒ ā’ga॒n puna॑: prā॒ṇaḥ puna॑rā॒tmā ma॒ ā’ga॒n puna॒ścakṣu॒: puna॒: śrotraṃ॑ ma॒ ā’ga॑n | vai॒śvā॒na॒ro ada॑bdhastanū॒pā a॒gnirna॑: pātu duri॒tāda॑va॒dyāt | | १५ | |
Project-owned meaning abhi available nahi hai.
Śukla Yajurveda Mādhyaṃdina 4.16◌ EeseDharma mein verified
त्वम॑ग्ने व्रत॒पा अ॑सि दे॒व आ मर्त्ये॒ष्वा ।त्वं य॒ज्ञेष्वीड्य॑: । रास्वेय॑त्सो॒मा भूयो॑ भर दे॒वो न॑: सवि॒ता वसो॑र्दा॒ता वस्व॑दात् ।। १६ ।।
Roman readingtvama॑gne vrata॒pā a॑si de॒va ā martye॒ṣvā | tvaṃ ya॒jñeṣvīḍya॑: | rāsveya॑tso॒mā bhūyo॑ bhara de॒vo na॑: savi॒tā vaso॑rdā॒tā vasva॑dāt | | १६ | |
Project-owned meaning abhi available nahi hai.
Śukla Yajurveda Mādhyaṃdina 4.17◌ EeseDharma mein verified
ए॒षा ते॑ शुक्र त॒नूरे॒तद्वर्च॒स्तया॒ सम्भ॑व॒ भ्राजं॑ गच्छ । जूर॑सि धृ॒ता मन॑सा॒ जुष्टा॒ विष्ण॑वे ।। १७ ।।
Roman readinge॒ṣā te॑ śukra ta॒nūre॒tadvarca॒stayā॒ sambha॑va॒ bhrājaṃ॑ gaccha | jūra॑si dhṛ॒tā mana॑sā॒ juṣṭā॒ viṣṇa॑ve | | १७ | |
Project-owned meaning abhi available nahi hai.
Śukla Yajurveda Mādhyaṃdina 4.18◌ EeseDharma mein verified
तस्या॑स्ते स॒त्यस॑वसः प्रस॒वे त॒न्वो॒ य॒न्त्रम॑शीय॒ स्वाहा॑ । शु॒क्रम॑सि च॒न्द्रम॑स्य॒मृत॑मसि वैश्वदे॒वम॑सि ।। १८ ।।
Roman readingtasyā॑ste sa॒tyasa॑vasaḥ prasa॒ve ta॒nvo॒ ya॒ntrama॑śīya॒ svāhā॑ | śu॒krama॑si ca॒ndrama॑sya॒mṛta॑masi vaiśvade॒vama॑si | | १८ | |
Project-owned meaning abhi available nahi hai.
Śukla Yajurveda Mādhyaṃdina 4.19◌ EeseDharma mein verified
चिद॑सि म॒नासि॒ धीर॑सि॒ दक्षि॑णासि क्ष॒त्रिया॑सि य॒ज्ञिया॒स्यदि॑तिरस्युभयतःशी॒र्ष्णी ।
सा न॒: सुप्रा॑ची॒ सुप्र॑तीच्येधि मि॒त्रस्त्वा॑ प॒दि ब॑ध्नीतां पू॒षाऽध्व॑नस्पा॒त्विन्द्रा॒याध्य॑क्षाय ।। १९ ।।
Roman readingcida॑si ma॒nāsi॒ dhīra॑si॒ dakṣi॑ṇāsi kṣa॒triyā॑si ya॒jñiyā॒syadi॑tirasyubhayataḥśī॒rṣṇī | sā na॒: suprā॑cī॒ supra॑tīcyedhi mi॒trastvā॑ pa॒di ba॑dhnītāṃ pū॒ṣā’dhva॑naspā॒tvindrā॒yādhya॑kṣāya | | १९ | |
Project-owned meaning abhi available nahi hai.
Śukla Yajurveda Mādhyaṃdina 4.20◌ EeseDharma mein verified
अनु॑ त्वा मा॒ता म॑न्यता॒मनु॑ पि॒ताऽनु॒ भ्राता॒ सग॒र्भ्योऽनु॒ सखा॒ सयू॑थ्यः ।
सा दे॑वि दे॒वमच्छे॒हीन्द्रा॑य॒ सोम॑ᳪ रु॒द्रस्त्वा व॑र्त्तयतु स्व॒स्ति सोम॑सखा॒ पुन॒रेहि॑ ।। २० ।।
Roman readinganu॑ tvā mā॒tā ma॑nyatā॒manu॑ pi॒tā’nu॒ bhrātā॒ saga॒rbhyo’nu॒ sakhā॒ sayū॑thyaḥ | sā de॑vi de॒vamacche॒hīndrā॑ya॒ soma॑ᳪ ru॒drastvā va॑rttayatu sva॒sti soma॑sakhā॒ puna॒rehi॑ | | २० | |
Project-owned meaning abhi available nahi hai.
Śukla Yajurveda Mādhyaṃdina 4.21◌ EeseDharma mein verified
वस्व्य॒स्यदि॑तिरस्यादि॒त्यासि॑ रु॒द्रासि॑ च॒न्द्रासि॑ । बृह॒स्पति॑ष्ट्वा सु॒म्ने र॑म्णातु रु॒द्रो वसु॑भि॒रा च॑के ।। २१ ।।
Roman readingvasvya॒syadi॑tirasyādi॒tyāsi॑ ru॒drāsi॑ ca॒ndrāsi॑ | bṛha॒spati॑ṣṭvā su॒mne ra॑mṇātu ru॒dro vasu॑bhi॒rā ca॑ke | | २१ | |
Project-owned meaning abhi available nahi hai.
Śukla Yajurveda Mādhyaṃdina 4.22◌ EeseDharma mein verified
अदि॑त्यास्त्वा मू॒र्धन्नाजि॑घर्मि देव॒यज॑ने पृथि॒व्या इडा॑यास्प॒दमा॑सि घृ॒तव॒त् स्वाहा॑ ।
अ॒स्मे र॑मस्वा॒स्मे ते॒ बन्धु॒स्त्वे रा यो॒ मे रायो॒ मा व॒यᳪ रा॒यस्पोषे॑ण॒ वियौ॑ष्म॒ तोतो॒ राय॑: ।। २२ ।।
Roman readingadi॑tyāstvā mū॒rdhannāji॑gharmi deva॒yaja॑ne pṛthi॒vyā iḍā॑yāspa॒damā॑si ghṛ॒tava॒t svāhā॑ | a॒sme ra॑masvā॒sme te॒ bandhu॒stve rā yo॒ me rāyo॒ mā va॒yaᳪ rā॒yaspoṣe॑ṇa॒ viyau॑ṣma॒ toto॒ rāya॑: | | २२ | |
Project-owned meaning abhi available nahi hai.
Śukla Yajurveda Mādhyaṃdina 4.23◌ EeseDharma mein verified
सम॑ख्ये दे॒व्या धि॒या सं दक्षि॑णयो॒रुच॑क्षसा । मा म॒ आयु॒: प्रमो॑षी॒र्मो अ॒हं तव॑ ।
वी॒रं वि॑देय॒ तव॑ देवि सं॒दृशि॑ ।। २३ ।।
Roman readingsama॑khye de॒vyā dhi॒yā saṃ dakṣi॑ṇayo॒ruca॑kṣasā | mā ma॒ āyu॒: pramo॑ṣī॒rmo a॒haṃ tava॑ | vī॒raṃ vi॑deya॒ tava॑ devi saṃ॒dṛśi॑ | | २३ | |
Project-owned meaning abhi available nahi hai.
Śukla Yajurveda Mādhyaṃdina 4.24◌ EeseDharma mein verified
ए॒ष ते॑ गाय॒त्रो भा॒ग इति॑ मे॒ सोमा॑य ब्रूतादे॒ष ते त्रैष्टु॑भो भा॒ग इति॑ मे॒ सोमा॑य ब्रूतादे॒ष ते॒ जाग॑तो भा॒ग इति॑ मे॒ सोमा॑य ब्रूताच्छन्दोना॒माना॒j साम्रा॑ज्यं ग॒च्छेति॑ मे॒ सोमा॑य ब्रूतादास्मा॒को॒ऽसि शु॒क्रस्ते॒ ग्रह्यो॑ वि॒चित॑स्त्वा॒ वि चि॑न्वन्तु ।। २४ ।।
Roman readinge॒ṣa te॑ gāya॒tro bhā॒ga iti॑ me॒ somā॑ya brūtāde॒ṣa te traiṣṭu॑bho bhā॒ga iti॑ me॒ somā॑ya brūtāde॒ṣa te॒ jāga॑to bhā॒ga iti॑ me॒ somā॑ya brūtācchandonā॒mānā॒j sāmrā॑jyaṃ ga॒ccheti॑ me॒ somā॑ya brūtādāsmā॒ko॒’si śu॒kraste॒ grahyo॑ vi॒cita॑stvā॒ vi ci॑nvantu | | २४ | |
Project-owned meaning abhi available nahi hai.
Śukla Yajurveda Mādhyaṃdina 4.25◌ EeseDharma mein verified
अ॒भि त्यं दे॒वᳪ स॑वि॒तार॑मो॒ण्यो॒: क॒विक्र॑तु॒मर्चा॑मि स॒त्यस॑वᳪ रत्न॒धाम॒भि प्रि॒यं म॒तिं क॒विम् । ऊ॒र्ध्वा यस्या॒मति॒र्भा अदि॑द्युत॒त्सवी॑मनि॒ हिर॑ण्यपाणिरमिमीत सु॒क्रतु॑: कृ॒पा स्व॑: । प्र॒जाभ्य॑स्त्वा प्र॒जास्त्वा॑ ऽनु॒प्राण॑न्तु प्र॒जास्त्वम॑नु॒प्राणि॑हि ।। २५ ।।
Roman readinga॒bhi tyaṃ de॒vaᳪ sa॑vi॒tāra॑mo॒ṇyo॒: ka॒vikra॑tu॒marcā॑mi sa॒tyasa॑vaᳪ ratna॒dhāma॒bhi pri॒yaṃ ma॒tiṃ ka॒vim | ū॒rdhvā yasyā॒mati॒rbhā adi॑dyuta॒tsavī॑mani॒ hira॑ṇyapāṇiramimīta su॒kratu॑: kṛ॒pā sva॑: | pra॒jābhya॑stvā pra॒jāstvā॑ ’nu॒prāṇa॑ntu pra॒jāstvama॑nu॒prāṇi॑hi | | २५ | |
Project-owned meaning abhi available nahi hai.
Śukla Yajurveda Mādhyaṃdina 4.26◌ EeseDharma mein verified
शु॒क्रं त्वा॑ शु॒क्रेण॑ क्रीणामि च॒न्द्रं च॒न्द्रेणा॒मृत॑म॒मृते॑न । स॒ग्मे ते॒ गोर॒स्मे ते॑ च॒न्द्राणि॑ तप॑सस्त॒नूर॑सि प्र॒जाप॑ते॒र्वर्ण॑: पर॒मेण॑ क्रीयसे सहस्रपो॒षं पु॑षेयम् ।। २६ ।।
Roman readingśu॒kraṃ tvā॑ śu॒kreṇa॑ krīṇāmi ca॒ndraṃ ca॒ndreṇā॒mṛta॑ma॒mṛte॑na | sa॒gme te॒ gora॒sme te॑ ca॒ndrāṇi॑ tapa॑sasta॒nūra॑si pra॒jāpa॑te॒rvarṇa॑: para॒meṇa॑ krīyase sahasrapo॒ṣaṃ pu॑ṣeyam | | २६ | |
Project-owned meaning abhi available nahi hai.
Śukla Yajurveda Mādhyaṃdina 4.27◌ EeseDharma mein verified
मि॒त्रो न॒ एहि॒ सुमि॑त्रध॒ इन्द्र॑स्यो॒रुमा वि॑श॒ दक्षि॑णमु॒शन्नु॒शन्त॑ᳪ स्यो॒नः स्यो॒नम् । स्वान॒ भ्राजा॑ङ्घारे॒ बम्भा॑रे॒ हस्त॒ सुह॑स्त॒ कृशा॑नवे॒ते व॑: सोम॒क्रय॑णा॒स्तान्र॑क्षध्वं॒ मा वो॑ दभन् ।। २७ ।।
Roman readingmi॒tro na॒ ehi॒ sumi॑tradha॒ indra॑syo॒rumā vi॑śa॒ dakṣi॑ṇamu॒śannu॒śanta॑ᳪ syo॒naḥ syo॒nam | svāna॒ bhrājā॑ṅghāre॒ bambhā॑re॒ hasta॒ suha॑sta॒ kṛśā॑nave॒te va॑: soma॒kraya॑ṇā॒stānra॑kṣadhvaṃ॒ mā vo॑ dabhan | | २७ | |
Project-owned meaning abhi available nahi hai.
Śukla Yajurveda Mādhyaṃdina 4.28◌ EeseDharma mein verified
परि॑ माग्ने॒ दुश्च॑रिताद्बाध॒स्वा मा॒ सुच॑रिते भज । उदायु॑षा स्वा॒युषोद॑स्थाम॒मृताँ॒२ अनु॑ ।। २८ ।।
Roman readingpari॑ māgne॒ duśca॑ritādbādha॒svā mā॒ suca॑rite bhaja | udāyu॑ṣā svā॒yuṣoda॑sthāma॒mṛtām॒̐२ anu॑ | | २८ | |
Project-owned meaning abhi available nahi hai.
Śukla Yajurveda Mādhyaṃdina 4.29◌ EeseDharma mein verified
प्रति॒ पन्था॑मपद्महि स्वस्ति॒गाम॑ने॒हस॑म् । येन॒ विश्वाः॒ परि॒ द्विषो॑ वृ॒णक्ति॑ वि॒न्दते॒ वसु॑ ।। २९ ।।
Roman readingprati॒ panthā॑mapadmahi svasti॒gāma॑ne॒hasa॑m | yena॒ viśvāḥ॒ pari॒ dviṣo॑ vṛ॒ṇakti॑ vi॒ndate॒ vasu॑ | | २९ | |
Project-owned meaning abhi available nahi hai.
Śukla Yajurveda Mādhyaṃdina 4.30◌ EeseDharma mein verified
अदि॑त्या॒स्त्वग॑स्यदि॑त्यै॒ सद॒ आसी॑द । अस्त॑भ्ना॒द्द्यां वृ॑ष॒भो अ॒न्तरि॑क्ष॒ममि॑मीत वरि॒माणं॑ पृथि॒व्याः ।
आऽसी॑द॒द्विश्वा॒ भुव॑नानि स॒म्राड्विश्वेत्तानि॒ वरु॑णस्य व्र॒तानि॑ ।। ३० ।।
Roman readingadi॑tyā॒stvaga॑syadi॑tyai॒ sada॒ āsī॑da | asta॑bhnā॒ddyāṃ vṛ॑ṣa॒bho a॒ntari॑kṣa॒mami॑mīta vari॒māṇaṃ॑ pṛthi॒vyāḥ | ā’sī॑da॒dviśvā॒ bhuva॑nāni sa॒mrāḍviśvettāni॒ varu॑ṇasya vra॒tāni॑ | | ३० | |
Project-owned meaning abhi available nahi hai.
Śukla Yajurveda Mādhyaṃdina 4.31◌ EeseDharma mein verified
वने॑षु॒ व्यन्तरि॑क्षं ततान॒ वाज॒मर्व॑त्सु॒ पय॑ उ॒स्रिया॑सु । हृ॒त्सु क्रतुं॒ वरु॑णो वि॒क्ष्व॒ग्निं दि॒वि सूर्य॑मदधा॒त् सोम॒मद्रौ॑ ।। ३१ ।।
Roman readingvane॑ṣu॒ vyantari॑kṣaṃ tatāna॒ vāja॒marva॑tsu॒ paya॑ u॒sriyā॑su | hṛ॒tsu kratuṃ॒ varu॑ṇo vi॒kṣva॒gniṃ di॒vi sūrya॑madadhā॒t soma॒madrau॑ | | ३१ | |
Project-owned meaning abhi available nahi hai.
Śukla Yajurveda Mādhyaṃdina 4.32◌ EeseDharma mein verified
सूर्य॑स्य॒ चक्षु॒रारो॑हा॒ग्नेर॒क्ष्णः क॒नीन॑कम् । यत्रै॑त्रशेभि॒रीय॑से॒ भ्राज॑मानो विप॒श्चिता॑ ।। ३२ ।।
Roman readingsūrya॑sya॒ cakṣu॒rāro॑hā॒gnera॒kṣṇaḥ ka॒nīna॑kam | yatrai॑traśebhi॒rīya॑se॒ bhrāja॑māno vipa॒ścitā॑ | | ३२ | |
Project-owned meaning abhi available nahi hai.
Śukla Yajurveda Mādhyaṃdina 4.33◌ EeseDharma mein verified
उस्रा॒वेतं॑ धूर्षाहौ यु॒ज्येथा॑मन॒श्रू अवी॑रहणौ ब्रह्म॒चोद॑नौ । स्व॒स्ति यज॑मानस्य गृ॒हान् ग॑च्छतम् ।। ३३ ।।
Roman readingusrā॒vetaṃ॑ dhūrṣāhau yu॒jyethā॑mana॒śrū avī॑rahaṇau brahma॒coda॑nau | sva॒sti yaja॑mānasya gṛ॒hān ga॑cchatam | | ३३ | |
Project-owned meaning abhi available nahi hai.
Śukla Yajurveda Mādhyaṃdina 4.34◌ EeseDharma mein verified
भ॒द्रो मे॑ऽसि॒ प्रच्य॑वस्व भुवस्पते॒ विश्वा॑न्य॒भि धामा॑नि । मा त्वा॑ परिप॒रिणो॑ विद॒न् मा त्वा॑ परिप॒न्थिनो॑ विद॒न् मा त्वा॒ वृका॑ अघा॒यवो॑ विदन् । श्ये॒नो भू॒त्वा परा॑ पत॒ यज॑मानस्य गृ॒हान् ग॑च्छ॒ तन्नौ॑ सस्कृ॒तम् ।। ३४ ।।
Roman readingbha॒dro me॑’si॒ pracya॑vasva bhuvaspate॒ viśvā॑nya॒bhi dhāmā॑ni | mā tvā॑ paripa॒riṇo॑ vida॒n mā tvā॑ paripa॒nthino॑ vida॒n mā tvā॒ vṛkā॑ aghā॒yavo॑ vidan | śye॒no bhū॒tvā parā॑ pata॒ yaja॑mānasya gṛ॒hān ga॑ccha॒ tannau॑ saskṛ॒tam | | ३४ | |
Project-owned meaning abhi available nahi hai.
Śukla Yajurveda Mādhyaṃdina 4.35◌ EeseDharma mein verified
नमो॑ मि॒त्रस्य॒ वरु॑णस्य॒ चक्ष॑से म॒हो दे॒वाय॒ तदृ॒तᳪ स॑पर्यत । दू॑रे॒दृशे॑ दे॒वजा॑ताय के॒तवे॑ दि॒वस्पु॒त्राय॒ सूर्या॑य शᳪसत ।। ३५ ।।
Roman readingnamo॑ mi॒trasya॒ varu॑ṇasya॒ cakṣa॑se ma॒ho de॒vāya॒ tadṛ॒taᳪ sa॑paryata | dū॑re॒dṛśe॑ de॒vajā॑tāya ke॒tave॑ di॒vaspu॒trāya॒ sūryā॑ya śaᳪsata | | ३५ | |
Project-owned meaning abhi available nahi hai.
Śukla Yajurveda Mādhyaṃdina 4.36◌ EeseDharma mein verified
वरु॑णस्यो॒त्तम्भ॑नमसि वरु॑णस्य स्कम्भ॒सर्ज॑नी स्थो वरु॑णस्य ऋत॒सद॑न्यसि॒ वरु॑णस्य ऋत॒सद॑नमसि
वरु॑णस्य ऋत॒सद॑न॒मा सी॑द ।। ३६ ।।
Roman readingvaru॑ṇasyo॒ttambha॑namasi varu॑ṇasya skambha॒sarja॑nī stho varu॑ṇasya ṛta॒sada॑nyasi॒ varu॑ṇasya ṛta॒sada॑namasi
varu॑ṇasya ṛta॒sada॑na॒mā sī॑da | | ३६ | |
Project-owned meaning abhi available nahi hai.
Śukla Yajurveda Mādhyaṃdina 4.37◌ EeseDharma mein verified
या ते॒ धामा॑नि ह॒विषा॒ यज॑न्ति॒ ता ते॒ विश्वा॑ परि॒भूर॑स्तु य॒ज्ञम् ।
ग॒य॒स्फ़ान॑: प्र॒तर॑णः सु॒वीरोऽवी॑रहा॒ प्र च॑रा सोम॒ दुर्या॑न् ।। ३७ ।।
Roman readingyā te॒ dhāmā॑ni ha॒viṣā॒ yaja॑nti॒ tā te॒ viśvā॑ pari॒bhūra॑stu ya॒jñam | ga॒ya॒sfāna॑: pra॒tara॑ṇaḥ su॒vīro’vī॑rahā॒ pra ca॑rā soma॒ duryā॑n | | ३७ | |
Project-owned meaning abhi available nahi hai.
