Śukla Yajurveda Mādhyaṃdina 25.1◌ EeseDharma mein verified
शादं॑ द॒द्भिरव॑कां दन्तमूलै॒र्मृदं॒ बर्स्वै॑स्ते॒गान्दᳪष्ट्रा॑भ्या॒ᳪ सर॑स्वत्या अग्रजि॒ह्वं जि॒ह्वाया॑ उत्सा॒दम॑वक्र॒न्देन॒ तालु॒ वाज॒ᳪ हनु॑भ्याम॒प आ॒स्ये॒न॒ वृष॑णमा॒ण्डाभ्या॑मादि॒त्याँ श्मश्रु॑भि॒: पन्था॑नं भ्रू॒भ्यां द्यावा॑पृथि॒वी वर्तो॑भ्यां वि॒द्युतं॑ क॒नीन॑काभ्याᳪ शु॒क्लाय॒ स्वाहा॑ कृ॒ष्णाय॒ स्वाहा॒ पार्या॑णि॒ पक्ष्मा॑ण्यवा॒र्या॒ इ॒क्षवो॑ऽवा॒र्या॒णि॒ पक्ष्मा॑णि॒ पार्या॑ इ॒क्षव॑: ।। १ ।।
Roman readingśādaṃ॑ da॒dbhirava॑kāṃ dantamūlai॒rmṛdaṃ॒ barsvai॑ste॒gāndaᳪṣṭrā॑bhyā॒ᳪ sara॑svatyā agraji॒hvaṃ ji॒hvāyā॑ utsā॒dama॑vakra॒ndena॒ tālu॒ vāja॒ᳪ hanu॑bhyāma॒pa ā॒sye॒na॒ vṛṣa॑ṇamā॒ṇḍābhyā॑mādi॒tyām̐ śmaśru॑bhi॒: panthā॑naṃ bhrū॒bhyāṃ dyāvā॑pṛthi॒vī varto॑bhyāṃ vi॒dyutaṃ॑ ka॒nīna॑kābhyāᳪ śu॒klāya॒ svāhā॑ kṛ॒ṣṇāya॒ svāhā॒ pāryā॑ṇi॒ pakṣmā॑ṇyavā॒ryā॒ i॒kṣavo॑’vā॒ryā॒ṇi॒ pakṣmā॑ṇi॒ pāryā॑ i॒kṣava॑: | | १ | |
Project-owned meaning abhi available nahi hai.
Śukla Yajurveda Mādhyaṃdina 25.2◌ EeseDharma mein verified
वातं॑ प्रा॒णेना॑पा॒नेन॒ नासि॑के उपया॒ममध॑रे॒णौष्ठे॑न॒ सदुत्त॑रेण प्रका॒शेनान्त॑रमनूका॒शेन॒ बाह्यं॑ निवे॒ष्यं मू॒र्ध्ना स्त॑नयि॒त्नुं नि॑र्बा॒धेना॒शनिं॑ म॒स्तिष्के॑ण वि॒द्युतं॑ क॒नीन॑काभ्यां॒ कर्णा॑भ्या॒ᳪ श्रोत्रँ॒ श्रोत्रा॑भ्यां॒ कर्णौ॑ तेद॒नीम॑धरक॒ण्ठेना॒पः शु॑ष्कक॒ण्ठेन॑ चि॒त्तं मन्या॑भि॒रदि॑तिᳪ शी॒र्ष्णा निरृ॑तिं॒ निर्ज॑र्जल्येन शी॒र्ष्णा सं॑क्रोशैः प्रा॒णान् रेष्माण॑ᳪ स्तु॒पेन॑ ।। २ ।।
Roman readingvātaṃ॑ prā॒ṇenā॑pā॒nena॒ nāsi॑ke upayā॒mamadha॑re॒ṇauṣṭhe॑na॒ sadutta॑reṇa prakā॒śenānta॑ramanūkā॒śena॒ bāhyaṃ॑ nive॒ṣyaṃ mū॒rdhnā sta॑nayi॒tnuṃ ni॑rbā॒dhenā॒śaniṃ॑ ma॒stiṣke॑ṇa vi॒dyutaṃ॑ ka॒nīna॑kābhyāṃ॒ karṇā॑bhyā॒ᳪ śrotram॒̐ śrotrā॑bhyāṃ॒ karṇau॑ teda॒nīma॑dharaka॒ṇṭhenā॒paḥ śu॑ṣkaka॒ṇṭhena॑ ci॒ttaṃ manyā॑bhi॒radi॑tiᳪ śī॒rṣṇā nirṛ॑tiṃ॒ nirja॑rjalyena śī॒rṣṇā saṃ॑krośaiḥ prā॒ṇān reṣmāṇa॑ᳪ stu॒pena॑ | | २ | |
Project-owned meaning abhi available nahi hai.
Śukla Yajurveda Mādhyaṃdina 25.3◌ EeseDharma mein verified
म॒शका॒न् केशै॒रिन्द्र॒ᳪ स्वप॑सा॒ वहे॑न॒ बृह॒स्पति॑ᳪ शकुनिसा॒देन॑ कू॒र्माञ्छ॒फैरा॒क्रम॑णᳪ स्थू॒राभ्या॑मृ॒क्षला॑भिः क॒पिञ्ज॑लाञ्ज॒वं जङ्घा॑भ्या॒मध्वा॑नं बा॒हुभ्यां॒ जाम्बी॑ले॒नार॑ण्यम॒ग्निम॑ति॒रुग्भ्यां॑ पू॒षणं॑ दो॒र्भ्याम॒श्विना॒वᳪसा॑भ्याᳪ रु॒द्रᳪ रोरा॑भ्याम् ।। ३ ।।
Roman readingma॒śakā॒n keśai॒rindra॒ᳪ svapa॑sā॒ vahe॑na॒ bṛha॒spati॑ᳪ śakunisā॒dena॑ kū॒rmāñcha॒phairā॒krama॑ṇaᳪ sthū॒rābhyā॑mṛ॒kṣalā॑bhiḥ ka॒piñja॑lāñja॒vaṃ jaṅghā॑bhyā॒madhvā॑naṃ bā॒hubhyāṃ॒ jāmbī॑le॒nāra॑ṇyama॒gnima॑ti॒rugbhyāṃ॑ pū॒ṣaṇaṃ॑ do॒rbhyāma॒śvinā॒vaᳪsā॑bhyāᳪ ru॒draᳪ rorā॑bhyām | | ३ | |
Project-owned meaning abhi available nahi hai.
Śukla Yajurveda Mādhyaṃdina 25.4◌ EeseDharma mein verified
अ॒ग्नेः प॑क्ष॒तिर्वा॒योर्निप॑क्षति॒रिन्द्र॑स्य तृ॒तीया॒ सोम॑स्य चतु॒र्थ्यदि॑त्यै पञ्च॒मीन्द्रा॒ण्यै ष॒ष्ठी म॒रुता॑ᳪ सप्त॒मी बृह॒स्पते॑रष्ट॒म्य॒र्य॒म्णो न॑व॒मी धा॒तुर्द॑श॒मीन्द्र॑स्यैकाद॒शी वरु॑णस्य द्वाद॒शी य॒मस्य॑ त्रयोद॒शी ।। ४ ।।
Roman readinga॒gneḥ pa॑kṣa॒tirvā॒yornipa॑kṣati॒rindra॑sya tṛ॒tīyā॒ soma॑sya catu॒rthyadi॑tyai pañca॒mīndrā॒ṇyai ṣa॒ṣṭhī ma॒rutā॑ᳪ sapta॒mī bṛha॒spate॑raṣṭa॒mya॒rya॒mṇo na॑va॒mī dhā॒turda॑śa॒mīndra॑syaikāda॒śī varu॑ṇasya dvāda॒śī ya॒masya॑ trayoda॒śī | | ४ | |
Project-owned meaning abhi available nahi hai.
Śukla Yajurveda Mādhyaṃdina 25.5◌ EeseDharma mein verified
इ॒न्द्रा॒ग्न्योः प॑क्ष॒ति: सर॑स्वत्यै॒ निप॑क्षतिर्मि॒त्रस्य॑ तृ॒तीया॒पां च॑तु॒र्थी निरृ॑त्यै पञ्च॒म्यग्नीषोम॑योः ष॒ष्ठी स॒र्पाणा॑ᳪ सप्त॒मी विष्णो॑रष्ट॒मी पू॒ष्णो न॑व॒मी त्वष्टु॑र्दश॒मीन्द्र॑स्यैकाद॒शी वरु॑णस्य द्वाद॒शी य॒म्यै त्र॑योद॒शी द्यावा॑पृथि॒व्योर्दक्षि॑णं पा॒र्श्वं विश्वे॑षां दे॒वाना॒मुत्त॑रम् ।। ५ ।।
Roman readingi॒ndrā॒gnyoḥ pa॑kṣa॒ti: sara॑svatyai॒ nipa॑kṣatirmi॒trasya॑ tṛ॒tīyā॒pāṃ ca॑tu॒rthī nirṛ॑tyai pañca॒myagnīṣoma॑yoḥ ṣa॒ṣṭhī sa॒rpāṇā॑ᳪ sapta॒mī viṣṇo॑raṣṭa॒mī pū॒ṣṇo na॑va॒mī tvaṣṭu॑rdaśa॒mīndra॑syaikāda॒śī varu॑ṇasya dvāda॒śī ya॒myai tra॑yoda॒śī dyāvā॑pṛthi॒vyordakṣi॑ṇaṃ pā॒rśvaṃ viśve॑ṣāṃ de॒vānā॒mutta॑ram | | ५ | |
Project-owned meaning abhi available nahi hai.
Śukla Yajurveda Mādhyaṃdina 25.6◌ EeseDharma mein verified
म॒रुता॑ᳪ स्कन्धा॒ विश्वे॑षां दे॒वानां॑ प्रथ॒मा कीक॑सा रु॒द्राणां॑ द्वि॒तीया॑ऽऽदि॒त्यानां॑ तृ॒तीया॑ वा॒योः पुच्छ॑म॒ग्नीषोम॑यो॒र्भास॑दौ॒ क्रुञ्चौ॒ श्रोणि॑भ्या॒मिन्द्रा॒बृह॒स्पती॑ ऊ॒रुभ्यां॑ मि॒त्रावरु॑णाव॒ल्गाभ्या॑मा॒क्रम॑णᳪ स्थू॒राभ्यां॒ बलं॒ कुष्ठा॑भ्याम् ।। ६ ।।
Roman readingma॒rutā॑ᳪ skandhā॒ viśve॑ṣāṃ de॒vānāṃ॑ pratha॒mā kīka॑sā ru॒drāṇāṃ॑ dvi॒tīyā॑’’di॒tyānāṃ॑ tṛ॒tīyā॑ vā॒yoḥ puccha॑ma॒gnīṣoma॑yo॒rbhāsa॑dau॒ kruñcau॒ śroṇi॑bhyā॒mindrā॒bṛha॒spatī॑ ū॒rubhyāṃ॑ mi॒trāvaru॑ṇāva॒lgābhyā॑mā॒krama॑ṇaᳪ sthū॒rābhyāṃ॒ balaṃ॒ kuṣṭhā॑bhyām | | ६ | |
Project-owned meaning abhi available nahi hai.
Śukla Yajurveda Mādhyaṃdina 25.7◌ EeseDharma mein verified
पू॒षणं॑ वनि॒ष्ठुना॑ऽन्धा॒हीन्त्स्थू॑लगु॒दया॑ स॒र्पान्गुदा॑भिर्वि॒ह्रुत॑ आ॒न्त्रैर॒पो व॒स्तिना॒ वृष॑णमा॒ण्डाभ्यां॒ वाजि॑न॒ᳪ शेपे॑न प्र॒जाᳪ रेत॑सा॒ चाषा॑न् पि॒त्तेन॑ प्रद॒रान् पा॒युना॑ कू॒श्माञ्छ॑कपिण्डैः ।। ७ ।।
Roman readingpū॒ṣaṇaṃ॑ vani॒ṣṭhunā॑’ndhā॒hīntsthū॑lagu॒dayā॑ sa॒rpāngudā॑bhirvi॒hruta॑ ā॒ntraira॒po va॒stinā॒ vṛṣa॑ṇamā॒ṇḍābhyāṃ॒ vāji॑na॒ᳪ śepe॑na pra॒jāᳪ reta॑sā॒ cāṣā॑n pi॒ttena॑ prada॒rān pā॒yunā॑ kū॒śmāñcha॑kapiṇḍaiḥ | | ७ | |
Project-owned meaning abhi available nahi hai.
Śukla Yajurveda Mādhyaṃdina 25.8◌ EeseDharma mein verified
इन्द्र॑स्य क्री॒डोऽदि॑त्यै पाज॒स्यं॒ दि॒शां ज॒त्रवोऽदि॑त्यै भ॒सज्जी॒मूता॑न् हृदयौप॒शेना॒न्तरि॑क्षं पुरी॒तता॒ नभ॑ उद॒र्ये॒ण चक्रवा॒कौ मत॑स्नाभ्यां॒ दिवं॑ वृ॒क्काभ्यां॑ गि॒रीन् प्ला॒शिभि॒रुप॑लान् प्ली॒ह्ना व॒ल्मीका॑न् क्लो॒मभि॑र्ग्लौ॒भिर्गुल्मा॑न् हि॒राभि॒: स्रव॑न्तीर्ह्र॒दान् कु॒क्षिभ्या॑ᳪ समु॒द्रमु॒दरे॑ण वैश्वान॒रं भस्म॑ना ।। ८ ।।
Roman readingindra॑sya krī॒ḍo’di॑tyai pāja॒syaṃ॒ di॒śāṃ ja॒travo’di॑tyai bha॒sajjī॒mūtā॑n hṛdayaupa॒śenā॒ntari॑kṣaṃ purī॒tatā॒ nabha॑ uda॒rye॒ṇa cakravā॒kau mata॑snābhyāṃ॒ divaṃ॑ vṛ॒kkābhyāṃ॑ gi॒rīn plā॒śibhi॒rupa॑lān plī॒hnā va॒lmīkā॑n klo॒mabhi॑rglau॒bhirgulmā॑n hi॒rābhi॒: srava॑ntīrhra॒dān ku॒kṣibhyā॑ᳪ samu॒dramu॒dare॑ṇa vaiśvāna॒raṃ bhasma॑nā | | ८ | |
Project-owned meaning abhi available nahi hai.
Śukla Yajurveda Mādhyaṃdina 25.9◌ EeseDharma mein verified
विधृ॑तिं॒ नाभ्या॑ धृ॒तᳪ रसे॑ना॒पो यू॒ष्णा मरी॑चीर्वि॒प्रुड्भि॑र्नीहा॒रमू॒ष्मणा॑ शी॒नं वस॑या॒ प्रुष्वा॒ अश्रु॑भिर्ह्रा॒दुनी॑र्दू॒षीका॑भिर॒स्ना रक्षा॑ᳪसि चि॒त्राण्यङ्गै॒र्नक्ष॑त्राणि रू॒पेण॑ पृथि॒वीं त्व॒चा जु॑म्ब॒काय॒ स्वाहा॑ ।। ९ ।।
Roman readingvidhṛ॑tiṃ॒ nābhyā॑ dhṛ॒taᳪ rase॑nā॒po yū॒ṣṇā marī॑cīrvi॒pruḍbhi॑rnīhā॒ramū॒ṣmaṇā॑ śī॒naṃ vasa॑yā॒ pruṣvā॒ aśru॑bhirhrā॒dunī॑rdū॒ṣīkā॑bhira॒snā rakṣā॑ᳪsi ci॒trāṇyaṅgai॒rnakṣa॑trāṇi rū॒peṇa॑ pṛthi॒vīṃ tva॒cā ju॑mba॒kāya॒ svāhā॑ | | ९ | |
Project-owned meaning abhi available nahi hai.
Śukla Yajurveda Mādhyaṃdina 25.10◌ EeseDharma mein verified
हि॒र॒ण्य॒ग॒र्भः सम॑वर्त॒ताग्रे॑ भू॒तस्य॑ जा॒तः पति॒रेक॑ आसीत् ।
स दा॑धार पृथि॒वीं द्यामु॒तेमां कस्मै॑ दे॒वाय॑ ह॒विषा॑ विधेम ।। १० ।।
Roman readinghi॒ra॒ṇya॒ga॒rbhaḥ sama॑varta॒tāgre॑ bhū॒tasya॑ jā॒taḥ pati॒reka॑ āsīt | sa dā॑dhāra pṛthi॒vīṃ dyāmu॒temāṃ kasmai॑ de॒vāya॑ ha॒viṣā॑ vidhema | | १० | |
Project-owned meaning abhi available nahi hai.
Śukla Yajurveda Mādhyaṃdina 25.11◌ EeseDharma mein verified
यः प्रा॑ण॒तो नि॑मिष॒तो म॑हित्वैक॒ इद्राजा॒ जग॑तो ब॒भूव॑ ।
य ईशे॑ अ॒स्य द्वि॒पद॒श्चतु॑ष्पद॒: कस्मै॑ दे॒वाय॑ ह॒विषा॑ विधेम ।। ११ ।।
Roman readingyaḥ prā॑ṇa॒to ni॑miṣa॒to ma॑hitvaika॒ idrājā॒ jaga॑to ba॒bhūva॑ | ya īśe॑ a॒sya dvi॒pada॒ścatu॑ṣpada॒: kasmai॑ de॒vāya॑ ha॒viṣā॑ vidhema | | ११ | |
Project-owned meaning abhi available nahi hai.
Śukla Yajurveda Mādhyaṃdina 25.12◌ EeseDharma mein verified
यस्ये॒मे हि॒मव॑न्तो महि॒त्वा यस्य॑ समु॒द्रᳪ र॒सया॑ स॒हाहुः ।
यस्ये॒माः प्र॒दिशो॒ यस्य॑ बा॒हू कस्मै॑ दे॒वाय॑ ह॒विषा॑ विधेम ।। १२ ।।
Roman readingyasye॒me hi॒mava॑nto mahi॒tvā yasya॑ samu॒draᳪ ra॒sayā॑ sa॒hāhuḥ | yasye॒māḥ pra॒diśo॒ yasya॑ bā॒hū kasmai॑ de॒vāya॑ ha॒viṣā॑ vidhema | | १२ | |
Project-owned meaning abhi available nahi hai.
Śukla Yajurveda Mādhyaṃdina 25.13◌ EeseDharma mein verified
य आ॑त्म॒दा ब॑ल॒दा यस्य॒ विश्व॑ उ॒पास॑ते प्र॒शिषं॒ यस्य॑ दे॒वाः ।
यस्य॑ छा॒यामृतं॒ यस्य॑ मृ॒त्युः कस्मै॑ दे॒वाय॑ ह॒विषा॑ विधेम ।। १३ ।।
Roman readingya ā॑tma॒dā ba॑la॒dā yasya॒ viśva॑ u॒pāsa॑te pra॒śiṣaṃ॒ yasya॑ de॒vāḥ | yasya॑ chā॒yāmṛtaṃ॒ yasya॑ mṛ॒tyuḥ kasmai॑ de॒vāya॑ ha॒viṣā॑ vidhema | | १३ | |
Project-owned meaning abhi available nahi hai.
Śukla Yajurveda Mādhyaṃdina 25.14◌ EeseDharma mein verified
आ नो॑ भ॒द्राः क्रत॑वो यन्तु वि॒श्वतोऽद॑ब्धासो॒ अप॑रीतास उ॒द्भिद॑: ।
दे॒वा नो॒ यथा॒ सद॒मिद् वृ॒धे अस॒न्नप्रा॑युवो रक्षि॒तारो॑ दि॒वे – दि॑वे ।। १४ ।।
Roman readingā no॑ bha॒drāḥ krata॑vo yantu vi॒śvato’da॑bdhāso॒ apa॑rītāsa u॒dbhida॑: | de॒vā no॒ yathā॒ sada॒mid vṛ॒dhe asa॒nnaprā॑yuvo rakṣi॒tāro॑ di॒ve – di॑ve | | १४ | |
Project-owned meaning abhi available nahi hai.
Śukla Yajurveda Mādhyaṃdina 25.15◌ EeseDharma mein verified
दे॒वानां॑ भ॒द्रा सु॑म॒तिरृ॑जूय॒तां दे॒वाना॑ᳪ रा॒तिर॒भि नो॒ निव॑र्तताम् ।
दे॒वाना॑ᳪ स॒ख्यमुप॑सेदिमा व॒यं दे॒वा न॒ आयु॒: प्रति॑रन्तु जी॒वसे॑ ।। १५ ।।
Roman readingde॒vānāṃ॑ bha॒drā su॑ma॒tirṛ॑jūya॒tāṃ de॒vānā॑ᳪ rā॒tira॒bhi no॒ niva॑rtatām | de॒vānā॑ᳪ sa॒khyamupa॑sedimā va॒yaṃ de॒vā na॒ āyu॒: prati॑rantu jī॒vase॑ | | १५ | |
Project-owned meaning abhi available nahi hai.
Śukla Yajurveda Mādhyaṃdina 25.16◌ EeseDharma mein verified
तान्पूर्व॑या नि॒विदा॑ हूमहे व॒यं भगं॑ मि॒त्रमदि॑तिं॒ दक्ष॑म॒स्रिध॑म् ।
अ॒र्य॒मणं॒ वरु॑ण॒ᳪ सोम॑म॒श्विना॒ सर॑स्वती नः सु॒भगा॒ मय॑स्करत् ।। १६ ।।
Roman readingtānpūrva॑yā ni॒vidā॑ hūmahe va॒yaṃ bhagaṃ॑ mi॒tramadi॑tiṃ॒ dakṣa॑ma॒sridha॑m | a॒rya॒maṇaṃ॒ varu॑ṇa॒ᳪ soma॑ma॒śvinā॒ sara॑svatī naḥ su॒bhagā॒ maya॑skarat | | १६ | |
Project-owned meaning abhi available nahi hai.
Śukla Yajurveda Mādhyaṃdina 25.17◌ EeseDharma mein verified
तन्नो॒ वातो॑ मयो॒भु वा॑तु भेष॒जं तन्मा॒ता पृ॑थि॒वी तत्पि॒ता द्यौ॑: ।
तद् ग्रावा॑णः सोम॒सुतो॑ मयो॒भुव॒स्तद॑श्विना शृणुतं धिष्ण्या यु॒वम् ।। १७ ।।
Roman readingtanno॒ vāto॑ mayo॒bhu vā॑tu bheṣa॒jaṃ tanmā॒tā pṛ॑thi॒vī tatpi॒tā dyau॑: | tad grāvā॑ṇaḥ soma॒suto॑ mayo॒bhuva॒stada॑śvinā śṛṇutaṃ dhiṣṇyā yu॒vam | | १७ | |
Project-owned meaning abhi available nahi hai.
Śukla Yajurveda Mādhyaṃdina 25.18◌ EeseDharma mein verified
तमीशा॑नं॒ जग॑तस्त॒स्थुष॒स्पतिं॑ धियञ्जि॒न्वमव॑से हूमहे व॒यम् ।
पू॒षा नो॒ यथा॒ वेद॑सा॒मस॑द् वृ॒धे र॑क्षि॒ता पा॒युरद॑ब्धः स्व॒स्तये॑ ।। १८ ।।
Roman readingtamīśā॑naṃ॒ jaga॑tasta॒sthuṣa॒spatiṃ॑ dhiyañji॒nvamava॑se hūmahe va॒yam | pū॒ṣā no॒ yathā॒ veda॑sā॒masa॑d vṛ॒dhe ra॑kṣi॒tā pā॒yurada॑bdhaḥ sva॒staye॑ | | १८ | |
Project-owned meaning abhi available nahi hai.
Śukla Yajurveda Mādhyaṃdina 25.19◌ EeseDharma mein verified
स्व॒स्ति न॒ इन्द्रो॑ वृ॒द्धश्र॑वाः स्व॒स्ति न॑: पू॒षा वि॒श्ववे॑दाः ।
स्व॒स्ति न॒स्तार्क्ष्यो॒ अरि॑ष्टनेमिः स्व॒स्ति नो॒ बृह॒स्पति॑र्दधातु ।। १९ ।।
Roman readingsva॒sti na॒ indro॑ vṛ॒ddhaśra॑vāḥ sva॒sti na॑: pū॒ṣā vi॒śvave॑dāḥ | sva॒sti na॒stārkṣyo॒ ari॑ṣṭanemiḥ sva॒sti no॒ bṛha॒spati॑rdadhātu | | १९ | |
Project-owned meaning abhi available nahi hai.
Śukla Yajurveda Mādhyaṃdina 25.20◌ EeseDharma mein verified
पृष॑दश्वा म॒रुत॒: पृश्नि॑मातरः शुभं॒यावा॑नो वि॒दथे॑षु॒ जग्म॑यः ।
अ॒ग्नि॒जि॒ह्वा मन॑व॒: सूर॑चक्षसो॒ विश्वे॑ नो दे॒वा अव॒साग॑मन्नि॒ह ।। २० ।।
Roman readingpṛṣa॑daśvā ma॒ruta॒: pṛśni॑mātaraḥ śubhaṃ॒yāvā॑no vi॒dathe॑ṣu॒ jagma॑yaḥ | a॒gni॒ji॒hvā mana॑va॒: sūra॑cakṣaso॒ viśve॑ no de॒vā ava॒sāga॑manni॒ha | | २० | |
Project-owned meaning abhi available nahi hai.
Śukla Yajurveda Mādhyaṃdina 25.21◌ EeseDharma mein verified
भ॒द्रं कर्णे॑भिः शृणुयाम देवा भ॒द्रं प॑श्येमा॒क्षभि॑र्यजत्राः ।
स्थि॒रैरङ्गै॑स्तुष्टु॒वाᳪस॑स्त॒नूभि॒र्व्य॒शेमहि दे॒वहि॑तं॒ यदायु॑: ।। २१ ।।
Roman readingbha॒draṃ karṇe॑bhiḥ śṛṇuyāma devā bha॒draṃ pa॑śyemā॒kṣabhi॑ryajatrāḥ | sthi॒rairaṅgai॑stuṣṭu॒vāᳪsa॑sta॒nūbhi॒rvya॒śemahi de॒vahi॑taṃ॒ yadāyu॑: | | २१ | |
Project-owned meaning abhi available nahi hai.
Śukla Yajurveda Mādhyaṃdina 25.22◌ EeseDharma mein verified
श॒तमिन्नु श॒रदो॒ अन्ति॑ देवा॒ यत्रा॑ नश्च॒क्रा ज॒रसं॑ त॒नूना॑म् ।
पु॒त्रासो॒ यत्र॑ पि॒तरो॒ भव॑न्ति॒ मा नो॑ म॒ध्या री॑रिष॒तायु॒र्गन्तो॑: ।। २२ ।।
Roman readingśa॒taminnu śa॒rado॒ anti॑ devā॒ yatrā॑ naśca॒krā ja॒rasaṃ॑ ta॒nūnā॑m | pu॒trāso॒ yatra॑ pi॒taro॒ bhava॑nti॒ mā no॑ ma॒dhyā rī॑riṣa॒tāyu॒rganto॑: | | २२ | |
Project-owned meaning abhi available nahi hai.
Śukla Yajurveda Mādhyaṃdina 25.23◌ EeseDharma mein verified
अदि॑तिर्द्यौ॒रदि॑तिर॒न्तरि॑क्ष॒मदि॑तिर्मा॒ता स पि॒ता स पु॒त्रः ।
विश्वे॑ दे॒वा अदि॑ति॒: पञ्च॒ जना॒ अदि॑तिर्जा॒तमदि॑ति॒र्जनि॑त्वम् ।। २३ ।।
Roman readingadi॑tirdyau॒radi॑tira॒ntari॑kṣa॒madi॑tirmā॒tā sa pi॒tā sa pu॒traḥ | viśve॑ de॒vā adi॑ti॒: pañca॒ janā॒ adi॑tirjā॒tamadi॑ti॒rjani॑tvam | | २३ | |
Project-owned meaning abhi available nahi hai.
Śukla Yajurveda Mādhyaṃdina 25.24◌ EeseDharma mein verified
मा नो॑ मि॒त्रो वरु॑णो अर्य॒मायुरिन्द्र॑ ऋभु॒क्षा म॒रुत॒: परि॑ ख्यन् ।
यद्वा॒जिनो॑ दे॒वजा॑तस्य॒ सप्ते॑: प्रव॒क्ष्यामो॑ वि॒दथे॑ वी॒र्या॒णि ।। २४ ।।
Roman readingmā no॑ mi॒tro varu॑ṇo arya॒māyurindra॑ ṛbhu॒kṣā ma॒ruta॒: pari॑ khyan | yadvā॒jino॑ de॒vajā॑tasya॒ sapte॑: prava॒kṣyāmo॑ vi॒dathe॑ vī॒ryā॒ṇi | | २४ | |
Project-owned meaning abhi available nahi hai.
Śukla Yajurveda Mādhyaṃdina 25.25◌ EeseDharma mein verified
यन्नि॒र्णिजा॒ रेक्ण॑सा॒ प्रावृ॑तस्य रा॒तिं गृ॑भी॒तां मु॑ख॒तो नय॑न्ति ।
सुप्रा॑ङ॒जो मेम्य॑द्वि॒श्वरू॑प इन्द्रापू॒ष्णोः प्रि॒यमप्ये॑ति॒ पाथ॑: ।। २५ ।।
Roman readingyanni॒rṇijā॒ rekṇa॑sā॒ prāvṛ॑tasya rā॒tiṃ gṛ॑bhī॒tāṃ mu॑kha॒to naya॑nti | suprā॑ṅa॒jo memya॑dvi॒śvarū॑pa indrāpū॒ṣṇoḥ pri॒yamapye॑ti॒ pātha॑: | | २५ | |
Project-owned meaning abhi available nahi hai.
Śukla Yajurveda Mādhyaṃdina 25.26◌ EeseDharma mein verified
ए॒ष छाग॑: पु॒रो अश्वे॑न वा॒जिना॑ पू॒ष्णो भा॒गो नी॑यते वि॒श्वदे॑व्यः ।
अ॒भि॒प्रियं॒ यत्पु॑रो॒डाश॒मर्व॑ता॒ त्वष्टेदे॑नᳪ सौश्रव॒साय॑ जिन्वति ।। २६ ।।
Roman readinge॒ṣa chāga॑: pu॒ro aśve॑na vā॒jinā॑ pū॒ṣṇo bhā॒go nī॑yate vi॒śvade॑vyaḥ | a॒bhi॒priyaṃ॒ yatpu॑ro॒ḍāśa॒marva॑tā॒ tvaṣṭede॑naᳪ sauśrava॒sāya॑ jinvati | | २६ | |
Project-owned meaning abhi available nahi hai.
Śukla Yajurveda Mādhyaṃdina 25.27◌ EeseDharma mein verified
यद्ध॑वि॒ष्य॒मृतु॒शो दे॑व॒यानं॒ त्रिर्मानु॑षा॒: पर्यश्वं॒ नय॑न्ति ।
अत्रा॑ पू॒ष्णः प्र॑थ॒मो भा॒ग ए॑ति य॒ज्ञं दे॒वेभ्य॑: प्रतिवे॒दय॑न्न॒जः ।। २७ ।।
Roman readingyaddha॑vi॒ṣya॒mṛtu॒śo de॑va॒yānaṃ॒ trirmānu॑ṣā॒: paryaśvaṃ॒ naya॑nti | atrā॑ pū॒ṣṇaḥ pra॑tha॒mo bhā॒ga e॑ti ya॒jñaṃ de॒vebhya॑: prative॒daya॑nna॒jaḥ | | २७ | |
Project-owned meaning abhi available nahi hai.
Śukla Yajurveda Mādhyaṃdina 25.28◌ EeseDharma mein verified
होता॑ध्व॒र्युराव॑या अग्निमि॒न्धो ग्रा॑वग्रा॒भ उ॒त शᳪस्ता॒ सुवि॑प्रः ।
तेन॑ य॒ज्ञेन॒ स्व॒रंकृतेन॒ स्वि॒ष्टेन व॒क्षणा॒ आ पृ॑णध्वम् ।। २८ ।।
Roman readinghotā॑dhva॒ryurāva॑yā agnimi॒ndho grā॑vagrā॒bha u॒ta śaᳪstā॒ suvi॑praḥ | tena॑ ya॒jñena॒ sva॒raṃkṛtena॒ svi॒ṣṭena va॒kṣaṇā॒ ā pṛ॑ṇadhvam | | २८ | |
Project-owned meaning abhi available nahi hai.
Śukla Yajurveda Mādhyaṃdina 25.29◌ EeseDharma mein verified
यू॒प॒व्र॒स्का उ॒त ये यू॑पवा॒हाश्च॒षालं॒ ये अ॑श्वयू॒पाय॒ तक्ष॑ति ।
ये चार्व॑ते॒ पच॑नᳪ स॒म्भर॑न्त्यु॒तो तेषा॑म॒भिगू॑र्तिर्न इन्वतु ।। २९ ।।
Roman readingyū॒pa॒vra॒skā u॒ta ye yū॑pavā॒hāśca॒ṣālaṃ॒ ye a॑śvayū॒pāya॒ takṣa॑ti | ye cārva॑te॒ paca॑naᳪ sa॒mbhara॑ntyu॒to teṣā॑ma॒bhigū॑rtirna invatu | | २९ | |
Project-owned meaning abhi available nahi hai.
Śukla Yajurveda Mādhyaṃdina 25.30◌ EeseDharma mein verified
उप॒ प्रागा॑त्सु॒मन्मे॑ऽधायि॒ मन्म॑ दे॒वाना॒माशा॒ उप॑ वी॒तपृ॑ष्ठः ।
अन्वे॑नं॒ विप्रा॒ ऋष॑यो मदन्ति दे॒वानां॑ पु॒ष्टे च॑कृमा सु॒बन्धु॑म् ।। ३० ।।
Roman readingupa॒ prāgā॑tsu॒manme॑’dhāyi॒ manma॑ de॒vānā॒māśā॒ upa॑ vī॒tapṛ॑ṣṭhaḥ | anve॑naṃ॒ viprā॒ ṛṣa॑yo madanti de॒vānāṃ॑ pu॒ṣṭe ca॑kṛmā su॒bandhu॑m | | ३० | |
Project-owned meaning abhi available nahi hai.
Śukla Yajurveda Mādhyaṃdina 25.31◌ EeseDharma mein verified
यद्वा॒जिनो॒ दाम॑ स॒न्दान॒मर्व॑तो॒ या शी॑र्ष॒ण्या॒ रश॒ना रज्जु॑रस्य ।
यद्वा॑ घास्य॒ प्रभृ॑तमा॒स्ये तृण॒ᳪ सर्वा॒ ता ते॒ अपि॑ दे॒वेष्व॑स्तु ।। ३१ ।।
Roman readingyadvā॒jino॒ dāma॑ sa॒ndāna॒marva॑to॒ yā śī॑rṣa॒ṇyā॒ raśa॒nā rajju॑rasya | yadvā॑ ghāsya॒ prabhṛ॑tamā॒sye tṛṇa॒ᳪ sarvā॒ tā te॒ api॑ de॒veṣva॑stu | | ३१ | |
Project-owned meaning abhi available nahi hai.
Śukla Yajurveda Mādhyaṃdina 25.32◌ EeseDharma mein verified
यदश्व॑स्य क्र॒विषो॒ मक्षि॒काश॒ यद्वा॒ स्वरौ॒ स्वधि॑तौ रि॒प्तमस्ति॑ ।
यद्धस्त॑योः शमि॒तुर्यन्न॒खेषु॒ सर्वा॒ ता ते॒ अपि॑ दे॒वेष्व॑स्तु ।। ३२ ।।
Roman readingyadaśva॑sya kra॒viṣo॒ makṣi॒kāśa॒ yadvā॒ svarau॒ svadhi॑tau ri॒ptamasti॑ | yaddhasta॑yoḥ śami॒turyanna॒kheṣu॒ sarvā॒ tā te॒ api॑ de॒veṣva॑stu | | ३२ | |
Project-owned meaning abhi available nahi hai.
Śukla Yajurveda Mādhyaṃdina 25.33◌ EeseDharma mein verified
यदूव॑ध्यमु॒दर॑स्याप॒वाति॒ य आ॒मस्य॑ क्र॒विषो॑ ग॒न्धो अस्ति॑ ।
सु॒कृ॒ता तच्छ॑मि॒तार॑: कृण्वन्तू॒त मेध॑ᳪ शृत॒पाकं॑ पचन्तु ।। ३३ ।।
Roman readingyadūva॑dhyamu॒dara॑syāpa॒vāti॒ ya ā॒masya॑ kra॒viṣo॑ ga॒ndho asti॑ | su॒kṛ॒tā taccha॑mi॒tāra॑: kṛṇvantū॒ta medha॑ᳪ śṛta॒pākaṃ॑ pacantu | | ३३ | |
Project-owned meaning abhi available nahi hai.
Śukla Yajurveda Mādhyaṃdina 25.34◌ EeseDharma mein verified
यत्ते॒ गात्रा॑द॒ग्निना॑ प॒च्यमा॑नाद॒भि शूलं॒ निह॑तस्याव॒धाव॑ति ।
मा तद्भूम्या॒माश्रि॑ष॒न्मा तृणे॑षु दे॒वेभ्य॒स्तदु॒शद्भ्यो॑ रा॒तम॑स्तु ।। ३४ ।।
Roman readingyatte॒ gātrā॑da॒gninā॑ pa॒cyamā॑nāda॒bhi śūlaṃ॒ niha॑tasyāva॒dhāva॑ti | mā tadbhūmyā॒māśri॑ṣa॒nmā tṛṇe॑ṣu de॒vebhya॒stadu॒śadbhyo॑ rā॒tama॑stu | | ३४ | |
Project-owned meaning abhi available nahi hai.
Śukla Yajurveda Mādhyaṃdina 25.35◌ EeseDharma mein verified
ये वा॒जिनं॑ परि॒पश्य॑न्ति प॒क्वं य ई॑मा॒हुः सु॑र॒भिर्निर्ह॒रेति॑ ।
ये चार्व॑तो माᳪसभि॒क्षामु॒पास॑त उ॒तो तेषा॑म॒भिगू॑र्तिर्न इन्वतु ।। ३५ ।।
Roman readingye vā॒jinaṃ॑ pari॒paśya॑nti pa॒kvaṃ ya ī॑mā॒huḥ su॑ra॒bhirnirha॒reti॑ | ye cārva॑to māᳪsabhi॒kṣāmu॒pāsa॑ta u॒to teṣā॑ma॒bhigū॑rtirna invatu | | ३५ | |
Project-owned meaning abhi available nahi hai.
Śukla Yajurveda Mādhyaṃdina 25.36◌ EeseDharma mein verified
यन्नीक्ष॑णं माँ॒स्पच॑न्या उ॒खाया॒ या पात्रा॑णि यू॒ष्ण आ॒सेच॑नानि ।
ऊ॒ष्म॒ण्या॒पि॒धाना॑ चरू॒णाम॒ङ्काः सू॒नाः परि॑ भूष॒न्त्यश्व॑म् ।। ३६ ।।
Roman readingyannīkṣa॑ṇaṃ mām॒̐spaca॑nyā u॒khāyā॒ yā pātrā॑ṇi yū॒ṣṇa ā॒seca॑nāni | ū॒ṣma॒ṇyā॒pi॒dhānā॑ carū॒ṇāma॒ṅkāḥ sū॒nāḥ pari॑ bhūṣa॒ntyaśva॑m | | ३६ | |
Project-owned meaning abhi available nahi hai.
Śukla Yajurveda Mādhyaṃdina 25.37◌ EeseDharma mein verified
मा त्वा॒ऽग्निर्ध्व॑नयीद्धू॒मग॑न्धि॒र्मोखा भ्राज॑न्त्य॒भि वि॑क्त॒ जघ्रि॑: ।
इ॒ष्टं वी॒तम॒भिगू॑र्तं॒ वष॑ट्कृतं॒ तं दे॒वास॒: प्रति॑ गृभ्ण॒न्त्यश्व॑म् ।। ३७ ।।
Roman readingmā tvā॒’gnirdhva॑nayīddhū॒maga॑ndhi॒rmokhā bhrāja॑ntya॒bhi vi॑kta॒ jaghri॑: | i॒ṣṭaṃ vī॒tama॒bhigū॑rtaṃ॒ vaṣa॑ṭkṛtaṃ॒ taṃ de॒vāsa॒: prati॑ gṛbhṇa॒ntyaśva॑m | | ३७ | |
Project-owned meaning abhi available nahi hai.
Śukla Yajurveda Mādhyaṃdina 25.38◌ EeseDharma mein verified
नि॒क्रम॑णं नि॒षद॑नं वि॒वर्त॑नं॒ यच्च॒ पड्वी॑श॒मर्व॑तः ।
यच्च॑ पपौ॒ यच्च॑ घा॒सिं ज॒घास॒ सर्वा॒ ता ते॒ अपि॑ दे॒वेष्व॑स्तु ।। ३८ ।।
Roman readingni॒krama॑ṇaṃ ni॒ṣada॑naṃ vi॒varta॑naṃ॒ yacca॒ paḍvī॑śa॒marva॑taḥ | yacca॑ papau॒ yacca॑ ghā॒siṃ ja॒ghāsa॒ sarvā॒ tā te॒ api॑ de॒veṣva॑stu | | ३८ | |
Project-owned meaning abhi available nahi hai.
Śukla Yajurveda Mādhyaṃdina 25.39◌ EeseDharma mein verified
यदश्वा॑य॒ वास॑ उपस्तृ॒णन्त्य॑धीवा॒सं या हिर॑ण्यान्यस्मै ।
स॒न्दान॒मर्व॑न्तं॒ पड्वी॑शं प्रि॒या दे॒वेष्वा या॑मयन्ति ।। ३९ ।।
Roman readingyadaśvā॑ya॒ vāsa॑ upastṛ॒ṇantya॑dhīvā॒saṃ yā hira॑ṇyānyasmai | sa॒ndāna॒marva॑ntaṃ॒ paḍvī॑śaṃ pri॒yā de॒veṣvā yā॑mayanti | | ३९ | |
Project-owned meaning abhi available nahi hai.
Śukla Yajurveda Mādhyaṃdina 25.40◌ EeseDharma mein verified
यत्ते॑ सा॒दे मह॑सा॒ शूकृ॑तस्य॒ पार्ष्ण्या॑ वा॒ कश॑या वा तु॒तोद॑ ।
स्रु॒चेव॒ ता ह॒विषो॑ अध्व॒रेषु॒ सर्वा॒ ता ते॒ ब्रह्म॑णा सूदयामि ।। ४० ।।
Roman readingyatte॑ sā॒de maha॑sā॒ śūkṛ॑tasya॒ pārṣṇyā॑ vā॒ kaśa॑yā vā tu॒toda॑ | sru॒ceva॒ tā ha॒viṣo॑ adhva॒reṣu॒ sarvā॒ tā te॒ brahma॑ṇā sūdayāmi | | ४० | |
Project-owned meaning abhi available nahi hai.
Śukla Yajurveda Mādhyaṃdina 25.41◌ EeseDharma mein verified
चतु॑स्त्रिᳪशद्वा॒जिनो॑ दे॒वब॑न्धो॒र्वङ्क्री॒रश्व॑स्य॒ स्वधि॑ति॒: समे॑ति ।
अच्छि॑द्रा॒ गात्रा॑ व॒युना॑ कृणोत॒ परु॑ष्परुरनु॒घुष्या॒ विश॑स्त ।। ४१ ।।
Roman readingcatu॑striᳪśadvā॒jino॑ de॒vaba॑ndho॒rvaṅkrī॒raśva॑sya॒ svadhi॑ti॒: same॑ti | acchi॑drā॒ gātrā॑ va॒yunā॑ kṛṇota॒ paru॑ṣparuranu॒ghuṣyā॒ viśa॑sta | | ४१ | |
Project-owned meaning abhi available nahi hai.
Śukla Yajurveda Mādhyaṃdina 25.42◌ EeseDharma mein verified
एक॒स्त्वष्टु॒रश्व॑स्या विश॒स्ता द्वा य॒न्तारा॑ भवत॒स्तथ॑ ऋ॒तुः ।
या ते॒ गात्रा॑णामृतु॒था कृ॒णोमि॒ ता-ता॒ पिण्डा॑नां॒ प्र जु॑होम्यग्नौ ।। ४२ ।।
Roman readingeka॒stvaṣṭu॒raśva॑syā viśa॒stā dvā ya॒ntārā॑ bhavata॒statha॑ ṛ॒tuḥ | yā te॒ gātrā॑ṇāmṛtu॒thā kṛ॒ṇomi॒ tā-tā॒ piṇḍā॑nāṃ॒ pra ju॑homyagnau | | ४२ | |
Project-owned meaning abhi available nahi hai.
Śukla Yajurveda Mādhyaṃdina 25.43◌ EeseDharma mein verified
मा त्वा॑ तपत्प्रि॒य आ॒त्माऽपि॒यन्तं॒ मा स्वधि॑तिस्त॒न्व आ ति॑ष्ठिपत्ते ।
मा ते॑ गृ॒ध्नुर॑विश॒स्ताऽति॒हाय॑ छि॒द्रा गात्रा॑ण्य॒सिना॒ मिथू॑ कः ।। ४३ ।।
Roman readingmā tvā॑ tapatpri॒ya ā॒tmā’pi॒yantaṃ॒ mā svadhi॑tista॒nva ā ti॑ṣṭhipatte | mā te॑ gṛ॒dhnura॑viśa॒stā’ti॒hāya॑ chi॒drā gātrā॑ṇya॒sinā॒ mithū॑ kaḥ | | ४३ | |
Project-owned meaning abhi available nahi hai.
Śukla Yajurveda Mādhyaṃdina 25.44◌ EeseDharma mein verified
न वा उ॑ ए॒तन्म्रि॑यसे॒ न रि॑ष्यसि दे॒वाँ२ इदे॑षि प॒थिभि॑: सु॒गेभि॑: ।
हरी॑ ते॒ युञ्जा॒ पृष॑ती अभूता॒मुपा॑स्थाद्वा॒जी धु॒रि रास॑भस्य ।। ४४ ।।
Roman readingna vā u॑ e॒tanmri॑yase॒ na ri॑ṣyasi de॒vām̐२ ide॑ṣi pa॒thibhi॑: su॒gebhi॑: | harī॑ te॒ yuñjā॒ pṛṣa॑tī abhūtā॒mupā॑sthādvā॒jī dhu॒ri rāsa॑bhasya | | ४४ | |
Project-owned meaning abhi available nahi hai.
Śukla Yajurveda Mādhyaṃdina 25.45◌ EeseDharma mein verified
सु॒गव्यं॑ नो वा॒जी स्वश्व्यं॑ पु॒ᳪसः पु॒त्राँ२ उ॒त वि॑श्वा॒पुष॑ᳪ र॒यिम् ।
अ॒ना॒गा॒स्त्वं नो॒ अदि॑तिः कृणोतु क्ष॒त्रं नो॒ अश्वो॑ वनताᳪ ह॒विष्मा॑न् ।। ४५ ।।
Roman readingsu॒gavyaṃ॑ no vā॒jī svaśvyaṃ॑ pu॒ᳪsaḥ pu॒trām̐२ u॒ta vi॑śvā॒puṣa॑ᳪ ra॒yim | a॒nā॒gā॒stvaṃ no॒ adi॑tiḥ kṛṇotu kṣa॒traṃ no॒ aśvo॑ vanatāᳪ ha॒viṣmā॑n | | ४५ | |
Project-owned meaning abhi available nahi hai.
Śukla Yajurveda Mādhyaṃdina 25.46◌ EeseDharma mein verified
इ॒मा नु कं॒ भुव॑ना सीषधा॒मेन्द्र॑श्च॒ विश्वे॑ च दे॒वाः ।
आ॒दि॒त्यैरिन्द्र॒: सग॑णो म॒रुद्भि॑र॒स्मभ्यं॑ भेष॒जा क॑रत् ।
य॒ज्ञं च॑ नस्त॒न्वं॒ च प्र॒जां चा॑दित्यै॒रिन्द्र॑: स॒ह सी॑षधाति ।। ४६ ।।
Roman readingi॒mā nu kaṃ॒ bhuva॑nā sīṣadhā॒mendra॑śca॒ viśve॑ ca de॒vāḥ | ā॒di॒tyairindra॒: saga॑ṇo ma॒rudbhi॑ra॒smabhyaṃ॑ bheṣa॒jā ka॑rat | ya॒jñaṃ ca॑ nasta॒nvaṃ॒ ca pra॒jāṃ cā॑dityai॒rindra॑: sa॒ha sī॑ṣadhāti | | ४६ | |
Project-owned meaning abhi available nahi hai.
Śukla Yajurveda Mādhyaṃdina 25.47◌ EeseDharma mein verified
अग्ने॒ त्वं नो॒ अन्त॑म उ॒त त्रा॒ता शि॒वो भ॑व वरू॒थ्य॒: ।
वसु॑र॒ग्निर्वसु॑श्रवा॒ अच्छा॑ नक्षि द्यु॒मत्त॑मᳪ र॒यिं दा॑: ।
तं त्वा॑ शोचिष्ठ दीदिवः सु॒म्नाय॑ नू॒नमी॑महे॒ सखि॑भ्यः ।। ४७ ।।
Roman readingagne॒ tvaṃ no॒ anta॑ma u॒ta trā॒tā śi॒vo bha॑va varū॒thya॒: | vasu॑ra॒gnirvasu॑śravā॒ acchā॑ nakṣi dyu॒matta॑maᳪ ra॒yiṃ dā॑: | taṃ tvā॑ śociṣṭha dīdivaḥ su॒mnāya॑ nū॒namī॑mahe॒ sakhi॑bhyaḥ | | ४७ | |
Project-owned meaning abhi available nahi hai.
