Śukla Yajurveda Mādhyaṃdina 24.1◌ EeseDharma mein verified
अश्व॑स्तूप॒रो गो॑मृ॒गस्ते प्रा॑जाप॒त्याः कृ॒ष्णग्री॑व आग्ने॒यो र॒राटे॑ पु॒रस्ता॑त्सारस्व॒ती मे॒ष्यधस्ता॒द्धन्वो॑राश्वि॒नाव॒धोरा॑मौ बा॒ह्वोः सौ॑मापौ॒ष्णः श्या॒मो नाभ्या॑ᳪ सौर्यया॒मौ श्वे॒तश्च॑ कृ॒ष्णश्च॑ पा॒र्श्वयो॑स्त्वा॒ष्ट्रौ लो॑म॒शस॑क्थौ स॒क्थ्योर्वा॑य॒व्य॒: श्वे॒तः पुच्छ॒ इन्द्रा॑य स्वप॒स्या॒य वे॒हद्वै॑ष्ण॒वो वा॑म॒नः ।। १ ।।
Roman readingaśva॑stūpa॒ro go॑mṛ॒gaste prā॑jāpa॒tyāḥ kṛ॒ṣṇagrī॑va āgne॒yo ra॒rāṭe॑ pu॒rastā॑tsārasva॒tī me॒ṣyadhastā॒ddhanvo॑rāśvi॒nāva॒dhorā॑mau bā॒hvoḥ sau॑māpau॒ṣṇaḥ śyā॒mo nābhyā॑ᳪ sauryayā॒mau śve॒taśca॑ kṛ॒ṣṇaśca॑ pā॒rśvayo॑stvā॒ṣṭrau lo॑ma॒śasa॑kthau sa॒kthyorvā॑ya॒vya॒: śve॒taḥ puccha॒ indrā॑ya svapa॒syā॒ya ve॒hadvai॑ṣṇa॒vo vā॑ma॒naḥ | | १ | |
Project-owned meaning abhi available nahi hai.
Śukla Yajurveda Mādhyaṃdina 24.2◌ EeseDharma mein verified
रोहि॑तो धू॒म्ररो॑हितः क॒र्कन्धु॑रोहित॒स्ते सौ॒म्या ब॒भ्रुर॑रु॒णब॑भ्रु॒: शुक॑बभ्रु॒स्ते वा॑रु॒णाः शि॑ति॒रन्ध्रो॒ऽन्यत॑: शितिरन्ध्रः सम॒न्तशि॑तिरन्ध्र॒स्ते सा॑वि॒त्राः शि॑तिबा॒हुर॒न्यत॑: शितिबाहु सम॒न्तशि॑तिबाहु॒स्ते बा॑र्हस्प॒त्याः पृष॑ती क्षु॒द्रपृ॑षती स्थू॒लपृ॑षती॒ ता मै॑त्रावरु॒ण्य॒: ।। २ ।।
Roman readingrohi॑to dhū॒mraro॑hitaḥ ka॒rkandhu॑rohita॒ste sau॒myā ba॒bhrura॑ru॒ṇaba॑bhru॒: śuka॑babhru॒ste vā॑ru॒ṇāḥ śi॑ti॒randhro॒’nyata॑: śitirandhraḥ sama॒ntaśi॑tirandhra॒ste sā॑vi॒trāḥ śi॑tibā॒hura॒nyata॑: śitibāhu sama॒ntaśi॑tibāhu॒ste bā॑rhaspa॒tyāḥ pṛṣa॑tī kṣu॒drapṛ॑ṣatī sthū॒lapṛ॑ṣatī॒ tā mai॑trāvaru॒ṇya॒: | | २ | |
Project-owned meaning abhi available nahi hai.
Śukla Yajurveda Mādhyaṃdina 24.3◌ EeseDharma mein verified
शु॒द्धवा॑लः स॒र्वशु॑द्धवालो मणि॒वाल॒स्त आ॑श्वि॒नाः श्येत॑: श्येता॒क्षो॒ऽरु॒णस्ते रु॒द्राय॑ पशु॒पत॑ये क॒र्णा या॒मा अ॑वलि॒प्ता रौ॒द्रा नभो॑रूपाः
पार्ज॒न्याः ।। ३ ।।
Roman readingśu॒ddhavā॑laḥ sa॒rvaśu॑ddhavālo maṇi॒vāla॒sta ā॑śvi॒nāḥ śyeta॑: śyetā॒kṣo॒’ru॒ṇaste ru॒drāya॑ paśu॒pata॑ye ka॒rṇā yā॒mā a॑vali॒ptā rau॒drā nabho॑rūpāḥ
pārja॒nyāḥ | | ३ | |
Project-owned meaning abhi available nahi hai.
Śukla Yajurveda Mādhyaṃdina 24.4◌ EeseDharma mein verified
पृश्नि॑स्तिर॒श्चीन॑पृश्निरू॒र्ध्वपृ॑श्नि॒स्ते मा॑रु॒ताः फ॒ल्गूर्लो॑हितो॒र्णी प॑ल॒क्षी ताः सा॑रस्व॒त्य॒: प्लीहा॒कर्ण॑: शुण्ठा॒कर्णो॑ऽध्यालोह॒कर्ण॒स्ते त्वा॒ष्ट्राः कृ॒ष्णग्री॑वः शिति॒कक्षो॑ऽञ्जिस॒क्थस्त ऐ॑न्द्रा॒ग्नाः कृ॒ष्णाञ्जि॒रल्पा॑ञ्जिर्म॒हाञ्जि॒स्त उ॑ष॒स्या॑: ।। ४ ।।
Roman readingpṛśni॑stira॒ścīna॑pṛśnirū॒rdhvapṛ॑śni॒ste mā॑ru॒tāḥ pha॒lgūrlo॑hito॒rṇī pa॑la॒kṣī tāḥ sā॑rasva॒tya॒: plīhā॒karṇa॑: śuṇṭhā॒karṇo॑’dhyāloha॒karṇa॒ste tvā॒ṣṭrāḥ kṛ॒ṣṇagrī॑vaḥ śiti॒kakṣo॑’ñjisa॒kthasta ai॑ndrā॒gnāḥ kṛ॒ṣṇāñji॒ralpā॑ñjirma॒hāñji॒sta u॑ṣa॒syā॑: | | ४ | |
Project-owned meaning abhi available nahi hai.
Śukla Yajurveda Mādhyaṃdina 24.5◌ EeseDharma mein verified
शि॒ल्पा वै॑श्वदे॒व्यो रोहि॑ण्य॒स्त्र्यव॑यो वा॒चेऽवि॑ज्ञाता॒ अदि॑त्यै॒ सरू॑पा धा॒त्रे व॑त्सत॒र्यो दे॒वानां॒ पत्नी॑भ्यः ।। ५ ।।
Roman readingśi॒lpā vai॑śvade॒vyo rohi॑ṇya॒stryava॑yo vā॒ce’vi॑jñātā॒ adi॑tyai॒ sarū॑pā dhā॒tre va॑tsata॒ryo de॒vānāṃ॒ patnī॑bhyaḥ | | ५ | |
Project-owned meaning abhi available nahi hai.
Śukla Yajurveda Mādhyaṃdina 24.6◌ EeseDharma mein verified
कृ॒ष्णग्री॑वा आग्ने॒याः शि॑ति॒भ्रवो॒ वसू॑ना॒ᳪ रोहि॑ता रु॒द्राणा॑ᳪ श्वे॒ता अ॑वरो॒किण॑ आदि॒त्यानां॒ नभो॑रूपाः पार्ज॒न्याः ।। ६ ।।
Roman readingkṛ॒ṣṇagrī॑vā āgne॒yāḥ śi॑ti॒bhravo॒ vasū॑nā॒ᳪ rohi॑tā ru॒drāṇā॑ᳪ śve॒tā a॑varo॒kiṇa॑ ādi॒tyānāṃ॒ nabho॑rūpāḥ pārja॒nyāḥ | | ६ | |
Project-owned meaning abhi available nahi hai.
Śukla Yajurveda Mādhyaṃdina 24.7◌ EeseDharma mein verified
उ॒न्न॒त ऋ॑ष॒भो वा॑म॒नस्त ऐ॑न्द्रवैष्ण॒वा उ॑न्न॒तः शि॑तिबा॒हुः शि॑तिपृ॒ष्ठस्त ऐ॑न्द्राबार्हस्प॒त्याः शुक॑रूपा वाजि॒नाः क॒ल्माषा॑ आग्निमारु॒ताः श्या॒माः
पौ॒ष्णा: ।। ७ ।।
Roman readingu॒nna॒ta ṛ॑ṣa॒bho vā॑ma॒nasta ai॑ndravaiṣṇa॒vā u॑nna॒taḥ śi॑tibā॒huḥ śi॑tipṛ॒ṣṭhasta ai॑ndrābārhaspa॒tyāḥ śuka॑rūpā vāji॒nāḥ ka॒lmāṣā॑ āgnimāru॒tāḥ śyā॒māḥ
pau॒ṣṇā: | | ७ | |
Project-owned meaning abhi available nahi hai.
Śukla Yajurveda Mādhyaṃdina 24.8◌ EeseDharma mein verified
एता॑ ऐन्द्रा॒ग्ना द्वि॑रू॒पा अ॑ग्नीषो॒मीया॑ वाम॒ना अ॑न॒ड्वाह॑ आग्नावैष्ण॒वा व॒शा मै॑त्रावरु॒ण्योऽन्यत॑एन्यो मै॒त्र्य॒: ।। ८ ।।
Roman readingetā॑ aindrā॒gnā dvi॑rū॒pā a॑gnīṣo॒mīyā॑ vāma॒nā a॑na॒ḍvāha॑ āgnāvaiṣṇa॒vā va॒śā mai॑trāvaru॒ṇyo’nyata॑enyo mai॒trya॒: | | ८ | |
Project-owned meaning abhi available nahi hai.
Śukla Yajurveda Mādhyaṃdina 24.9◌ EeseDharma mein verified
कृ॒ष्णग्री॑वा आग्ने॒या ब॒भ्रव॑: सौ॒म्याः श्वे॒ता वा॑य॒व्या अवि॑ज्ञाता॒ अदि॑त्यै॒ सरू॑पा धा॒त्रे व॑त्सत॒र्यो॒ दे॒वानां॒ पत्नी॑भ्यः ।। ९ ।।
Roman readingkṛ॒ṣṇagrī॑vā āgne॒yā ba॒bhrava॑: sau॒myāḥ śve॒tā vā॑ya॒vyā avi॑jñātā॒ adi॑tyai॒ sarū॑pā dhā॒tre va॑tsata॒ryo॒ de॒vānāṃ॒ patnī॑bhyaḥ | | ९ | |
Project-owned meaning abhi available nahi hai.
Śukla Yajurveda Mādhyaṃdina 24.10◌ EeseDharma mein verified
कृ॒ष्णा भौ॒मा धू॒म्रा आ॑न्तरि॒क्षा बृ॒हन्तो॑ दि॒व्याः श॒बला॑ वैद्यु॒ताः सि॒ध्मास्ता॑र॒काः ।। १० ।।
Roman readingkṛ॒ṣṇā bhau॒mā dhū॒mrā ā॑ntari॒kṣā bṛ॒hanto॑ di॒vyāḥ śa॒balā॑ vaidyu॒tāḥ si॒dhmāstā॑ra॒kāḥ | | १० | |
Project-owned meaning abhi available nahi hai.
Śukla Yajurveda Mādhyaṃdina 24.11◌ EeseDharma mein verified
धू॒म्रान्व॑स॒न्तायाल॑भते श्वे॒तान्ग्री॒ष्माय॑ कृ॒ष्णान्व॒र्षाभ्यो॑ऽरु॒णाञ्छ॒रदे॒ पृष॑तो हेम॒न्ताय॑ पि॒शङ्गा॒ञ्छिशि॑राय ।। ११ ।।
Roman readingdhū॒mrānva॑sa॒ntāyāla॑bhate śve॒tāngrī॒ṣmāya॑ kṛ॒ṣṇānva॒rṣābhyo॑’ru॒ṇāñcha॒rade॒ pṛṣa॑to hema॒ntāya॑ pi॒śaṅgā॒ñchiśi॑rāya | | ११ | |
Project-owned meaning abhi available nahi hai.
Śukla Yajurveda Mādhyaṃdina 24.12◌ EeseDharma mein verified
त्र्यव॑यो गाय॒त्र्यै पञ्चा॑वयस्त्रि॒ष्टुभे॑ दित्य॒वाहो॒ जग॑त्यै त्रिव॒त्सा अ॑नु॒ष्टुभे॑ तुर्य॒वाह॑ उ॒ष्णिहे॑ ।। १२ ।।
Roman readingtryava॑yo gāya॒tryai pañcā॑vayastri॒ṣṭubhe॑ ditya॒vāho॒ jaga॑tyai triva॒tsā a॑nu॒ṣṭubhe॑ turya॒vāha॑ u॒ṣṇihe॑ | | १२ | |
Project-owned meaning abhi available nahi hai.
Śukla Yajurveda Mādhyaṃdina 24.13◌ EeseDharma mein verified
प॒ष्ठ॒वाहो॑ वि॒राज॑ उ॒क्षाणो॑ बृह॒त्या ऋ॑ष॒भाः क॒कुभे॑ऽन॒ड्वाह॑: प॒ङ्क्त्यै धे॒नवो॑ऽतिच्छन्दसे ।। १३ ।।
Roman readingpa॒ṣṭha॒vāho॑ vi॒rāja॑ u॒kṣāṇo॑ bṛha॒tyā ṛ॑ṣa॒bhāḥ ka॒kubhe॑’na॒ḍvāha॑: pa॒ṅktyai dhe॒navo॑’ticchandase | | १३ | |
Project-owned meaning abhi available nahi hai.
Śukla Yajurveda Mādhyaṃdina 24.15◌ EeseDharma mein verified
कृ॒ष्णग्री॑वा आग्ने॒या ब॒भ्रव॑: सौ॒म्या उ॑पध्व॒स्ताः सा॑वि॒त्रा व॑त्सत॒र्य॒: सारस्व॒त्य॒: श्या॒माः पौ॒ष्णाः पृश्न॑यो मारु॒ता ब॑हुरू॒पा वै॑श्वदे॒वा व॒शा
द्या॑वापृथि॒वीया॑: ।। १ ४ ।।
उ॒क्ताः स॑ञ्च॒रा एता॑ ऐन्द्रा॒ग्नाः कृ॒ष्णाः वा॑रु॒णाः पृश्न॑यो मारु॒ताः का॒यास्तू॑प॒राः ।। १५ ।।
Roman readingkṛ॒ṣṇagrī॑vā āgne॒yā ba॒bhrava॑: sau॒myā u॑padhva॒stāḥ sā॑vi॒trā va॑tsata॒rya॒: sārasva॒tya॒: śyā॒māḥ pau॒ṣṇāḥ pṛśna॑yo māru॒tā ba॑hurū॒pā vai॑śvade॒vā va॒śā
dyā॑vāpṛthi॒vīyā॑: | | १ ४ | |
u॒ktāḥ sa॑ñca॒rā etā॑ aindrā॒gnāḥ kṛ॒ṣṇāḥ vā॑ru॒ṇāḥ pṛśna॑yo māru॒tāḥ kā॒yāstū॑pa॒rāḥ | | १५ | |
Project-owned meaning abhi available nahi hai.
Śukla Yajurveda Mādhyaṃdina 24.17◌ EeseDharma mein verified
अ॒ग्नयेऽनी॑कवते प्रथम॒जानाल॑भते म॒रुद्भ्य॑: सान्तप॒नेभ्य॑: सवा॒त्यान्म॒रुद्भ्यो॑ गृहमे॒धिभ्यो॒ बष्कि॑हान्म॒रुद्भ्य॑: क्री॒डिभ्य॑: सᳪसृ॒ष्टान्म॒रुद्भ्य॒:
स्वत॑वद्भ्योऽनुसृ॒ष्टान् ।। १ ६ ।।
उ॒क्ताः स॑ञ्च॒रा एता॑ ऐन्द्रा॒ग्नाः प्रा॑शृ॒ङ्गा मा॑हे॒न्द्रा ब॑हुरू॒पा वै॑श्वकर्म॒णाः ।। १७ ।।
Roman readinga॒gnaye’nī॑kavate prathama॒jānāla॑bhate ma॒rudbhya॑: sāntapa॒nebhya॑: savā॒tyānma॒rudbhyo॑ gṛhame॒dhibhyo॒ baṣki॑hānma॒rudbhya॑: krī॒ḍibhya॑: saᳪsṛ॒ṣṭānma॒rudbhya॒:
svata॑vadbhyo’nusṛ॒ṣṭān | | १ ६ | |
u॒ktāḥ sa॑ñca॒rā etā॑ aindrā॒gnāḥ prā॑śṛ॒ṅgā mā॑he॒ndrā ba॑hurū॒pā vai॑śvakarma॒ṇāḥ | | १७ | |
Project-owned meaning abhi available nahi hai.
Śukla Yajurveda Mādhyaṃdina 24.18◌ EeseDharma mein verified
धू॒म्रा ब॒भ्रुनी॑काशाः पितॄ॒णाᳪ सोम॑वतां ब॒भ्रवो॑ धू॒म्रनी॑काशाः पितॄ॒णां ब॑र्हि॒षदां॑ कृ॒ष्णा ब॒भ्रुनी॑काशाः पितॄ॒णाम॑ग्निष्वा॒त्तानां॑ कृ॒ष्णाः
पृष॑न्तस्त्रैयम्ब॒काः ।। १८ ।।
Roman readingdhū॒mrā ba॒bhrunī॑kāśāḥ pitṝ॒ṇāᳪ soma॑vatāṃ ba॒bhravo॑ dhū॒mranī॑kāśāḥ pitṝ॒ṇāṃ ba॑rhi॒ṣadāṃ॑ kṛ॒ṣṇā ba॒bhrunī॑kāśāḥ pitṝ॒ṇāma॑gniṣvā॒ttānāṃ॑ kṛ॒ṣṇāḥ
pṛṣa॑ntastraiyamba॒kāḥ | | १८ | |
Project-owned meaning abhi available nahi hai.
Śukla Yajurveda Mādhyaṃdina 24.19◌ EeseDharma mein verified
उ॒क्ताः स॑ञ्च॒रा एता॑: शुनासी॒रीया॑: श्वे॒ता वा॑य॒व्या॒: श्वे॒ताः सौ॒र्याः ।। १९ ।।
Roman readingu॒ktāḥ sa॑ñca॒rā etā॑: śunāsī॒rīyā॑: śve॒tā vā॑ya॒vyā॒: śve॒tāḥ sau॒ryāḥ | | १९ | |
Project-owned meaning abhi available nahi hai.
Śukla Yajurveda Mādhyaṃdina 24.20◌ EeseDharma mein verified
व॒स॒न्ताय॑ क॒पिञ्ज॑ला॒नाल॑भते ग्री॒ष्माय॑ कल॒विङ्का॑न्व॒र्षाभ्य॑स्ति॒त्तिरी॑ञ्छ॒रदे॒ वर्ति॑का हेम॒न्ताय॒ कक॑रा॒ञ्छिशि॑राय॒ विक॑करान् ।। २० ।।
Roman readingva॒sa॒ntāya॑ ka॒piñja॑lā॒nāla॑bhate grī॒ṣmāya॑ kala॒viṅkā॑nva॒rṣābhya॑sti॒ttirī॑ñcha॒rade॒ varti॑kā hema॒ntāya॒ kaka॑rā॒ñchiśi॑rāya॒ vika॑karān | | २० | |
Project-owned meaning abhi available nahi hai.
Śukla Yajurveda Mādhyaṃdina 24.21◌ EeseDharma mein verified
स॒मु॒द्राय॑ शिशु॒मारा॒नाल॑भते प॒र्जन्या॑य म॒ण्डूका॑न॒द्भ्यो मत्स्या॑न्मि॒त्राय॑ कुली॒पया॒न्वरु॑णाय ना॒क्रान् ।। २१ ।।
Roman readingsa॒mu॒drāya॑ śiśu॒mārā॒nāla॑bhate pa॒rjanyā॑ya ma॒ṇḍūkā॑na॒dbhyo matsyā॑nmi॒trāya॑ kulī॒payā॒nvaru॑ṇāya nā॒krān | | २१ | |
Project-owned meaning abhi available nahi hai.
Śukla Yajurveda Mādhyaṃdina 24.22◌ EeseDharma mein verified
सोमा॑य ह॒ᳪसानाल॑भते वा॒यवे॑ ब॒लाका॑ इन्द्रा॒ग्निभ्यां॒ क्रुञ्चा॑न्मि॒त्राय॑ म॒द्गून्वरु॑णाय चक्रवा॒कान् ।। २२ ।।
Roman readingsomā॑ya ha॒ᳪsānāla॑bhate vā॒yave॑ ba॒lākā॑ indrā॒gnibhyāṃ॒ kruñcā॑nmi॒trāya॑ ma॒dgūnvaru॑ṇāya cakravā॒kān | | २२ | |
Project-owned meaning abhi available nahi hai.
Śukla Yajurveda Mādhyaṃdina 24.23◌ EeseDharma mein verified
अ॒ग्नये॑ कु॒टरू॒नाल॑भते॒ वन॒स्पति॑भ्य॒ उलू॑कान॒ग्नीषोमा॑भ्यां॒ चाषा॑न॒श्विभ्यां॑ म॒यूरा॑न्मि॒त्रावरु॑णाभ्यां क॒पोता॑न् ।। २३ ।।
Roman readinga॒gnaye॑ ku॒ṭarū॒nāla॑bhate॒ vana॒spati॑bhya॒ ulū॑kāna॒gnīṣomā॑bhyāṃ॒ cāṣā॑na॒śvibhyāṃ॑ ma॒yūrā॑nmi॒trāvaru॑ṇābhyāṃ ka॒potā॑n | | २३ | |
Project-owned meaning abhi available nahi hai.
Śukla Yajurveda Mādhyaṃdina 24.24◌ EeseDharma mein verified
सोमा॑य ल॒बानाल॑भते॒ त्वष्ट्रे॑ कौली॒कान्गो॑षा॒दीर्दे॒वानां॒ पत्नी॑भ्यः कु॒लीका॑ देवजा॒मिभ्यो॒ऽग्नये॑ गृ॒हप॑तये पारु॒ष्णान् ।। २४ ।।
Roman readingsomā॑ya la॒bānāla॑bhate॒ tvaṣṭre॑ kaulī॒kāngo॑ṣā॒dīrde॒vānāṃ॒ patnī॑bhyaḥ ku॒līkā॑ devajā॒mibhyo॒’gnaye॑ gṛ॒hapa॑taye pāru॒ṣṇān | | २४ | |
Project-owned meaning abhi available nahi hai.
Śukla Yajurveda Mādhyaṃdina 24.25◌ EeseDharma mein verified
अह्ने॑ पा॒राव॑ता॒नाल॑भते॒ रात्र्यै॑ सीचा॒पूर॑होरा॒त्रयो॑: स॒न्धिभ्यो॑ ज॒तूर्मासे॑भ्यो दात्यौ॒हान्त्सं॑वत्स॒राय॑ मह॒तः सु॑प॒र्णान् ।। २५ ।।
Roman readingahne॑ pā॒rāva॑tā॒nāla॑bhate॒ rātryai॑ sīcā॒pūra॑horā॒trayo॑: sa॒ndhibhyo॑ ja॒tūrmāse॑bhyo dātyau॒hāntsaṃ॑vatsa॒rāya॑ maha॒taḥ su॑pa॒rṇān | | २५ | |
Project-owned meaning abhi available nahi hai.
Śukla Yajurveda Mādhyaṃdina 24.26◌ EeseDharma mein verified
भूम्या॑ आ॒खूनाल॑भते॒ऽन्तरि॑क्षाय पा॒ङ्क्त्रान्दि॒वे कशा॑न्दि॒ग्भ्यो न॑कु॒लान्बभ्रु॑कानवान्तरदि॒शाभ्य॑: ।। २६ ।।
Roman readingbhūmyā॑ ā॒khūnāla॑bhate॒’ntari॑kṣāya pā॒ṅktrāndi॒ve kaśā॑ndi॒gbhyo na॑ku॒lānbabhru॑kānavāntaradi॒śābhya॑: | | २६ | |
Project-owned meaning abhi available nahi hai.
Śukla Yajurveda Mādhyaṃdina 24.27◌ EeseDharma mein verified
वसु॑भ्य॒ ऋश्या॒नाल॑भते रु॒द्रेभ्यो॒ रुरू॑नादि॒त्येभ्यो॒ न्यङ्कू॒॒न्विश्वे॑भ्यो दे॒वेभ्य॑: पृष॒तान्त्सा॒ध्येभ्य॑: कुलु॒ङ्गान् ।। २७ ।।
Roman readingvasu॑bhya॒ ṛśyā॒nāla॑bhate ru॒drebhyo॒ rurū॑nādi॒tyebhyo॒ nyaṅkū॒॒nviśve॑bhyo de॒vebhya॑: pṛṣa॒tāntsā॒dhyebhya॑: kulu॒ṅgān | | २७ | |
Project-owned meaning abhi available nahi hai.
Śukla Yajurveda Mādhyaṃdina 24.28◌ EeseDharma mein verified
ईशा॑नाय॒ पर॑स्वत॒ आल॑भते मि॒त्राय॑ गौ॒रान्वरु॑णाय महि॒षान्बृह॒स्पत॑ये गव॒याँस्त्वष्ट्र॒ उष्ट्रा॑न् ।। २८ ।।
Roman readingīśā॑nāya॒ para॑svata॒ āla॑bhate mi॒trāya॑ gau॒rānvaru॑ṇāya mahi॒ṣānbṛha॒spata॑ye gava॒yām̐stvaṣṭra॒ uṣṭrā॑n | | २८ | |
Project-owned meaning abhi available nahi hai.
Śukla Yajurveda Mādhyaṃdina 24.29◌ EeseDharma mein verified
प्र॒जाप॑तये॒ पुरु॑षान्ह॒स्तिन॒ आल॑भते वा॒चे प्लुषीँ॒श्चक्षु॑षे म॒शका॒ञ्छ्रोत्रा॑य॒ भृङ्गा॑: ।। २९ ।।
Roman readingpra॒jāpa॑taye॒ puru॑ṣānha॒stina॒ āla॑bhate vā॒ce pluṣīm॒̐ścakṣu॑ṣe ma॒śakā॒ñchrotrā॑ya॒ bhṛṅgā॑: | | २९ | |
Project-owned meaning abhi available nahi hai.
Śukla Yajurveda Mādhyaṃdina 24.30◌ EeseDharma mein verified
प्र॒जाप॑तये च वा॒यवे॑ च गोमृ॒गो वरु॑णायार॒ण्यो मे॒षो य॒माय॒ कृष्णो॑ मनुष्यरा॒जाय॑ म॒र्कट॑: शार्दू॒लाय॑ रो॒हिदृ॑ष॒भाय॑ गव॒यी क्षि॑प्रश्ये॒नाय॒ वर्ति॑का॒ नील॑ङ्गो॒: कृमि॑: समु॒द्राय॑ शिशु॒मारो॑ हि॒मव॑ते ह॒स्ती ।। ३० ।।
Roman readingpra॒jāpa॑taye ca vā॒yave॑ ca gomṛ॒go varu॑ṇāyāra॒ṇyo me॒ṣo ya॒māya॒ kṛṣṇo॑ manuṣyarā॒jāya॑ ma॒rkaṭa॑: śārdū॒lāya॑ ro॒hidṛ॑ṣa॒bhāya॑ gava॒yī kṣi॑praśye॒nāya॒ varti॑kā॒ nīla॑ṅgo॒: kṛmi॑: samu॒drāya॑ śiśu॒māro॑ hi॒mava॑te ha॒stī | | ३० | |
Project-owned meaning abhi available nahi hai.
Śukla Yajurveda Mādhyaṃdina 24.31◌ EeseDharma mein verified
म॒युः प्रा॑जाप॒त्य उ॒लो ह॒लिक्ष्णो॑ वृषद॒ᳪशस्ते धा॒त्रे दि॒शां क॒ङ्को धुङ्क्षा॑ग्ने॒यी क॑ल॒विङ्को॑ लोहिता॒हिः पु॑ष्करसा॒दस्ते त्वा॒ष्ट्रा वा॒चे क्रुञ्च॑: ।। ३१ ।।
Roman readingma॒yuḥ prā॑jāpa॒tya u॒lo ha॒likṣṇo॑ vṛṣada॒ᳪśaste dhā॒tre di॒śāṃ ka॒ṅko dhuṅkṣā॑gne॒yī ka॑la॒viṅko॑ lohitā॒hiḥ pu॑ṣkarasā॒daste tvā॒ṣṭrā vā॒ce kruñca॑: | | ३१ | |
Project-owned meaning abhi available nahi hai.
Śukla Yajurveda Mādhyaṃdina 24.32◌ EeseDharma mein verified
सोमा॑य कुलु॒ङ्ग आ॑र॒ण्योऽजो न॑कु॒लः शका॒ ते पौ॒ष्णाः क्रो॒ष्टा मा॒योरिन्द्र॑स्य गौरमृ॒गः पि॒द्वो न्यङ्कु॑: कक्क॒टस्तेऽनु॑मत्यै प्रति॒श्रुत्का॑यै
चक्रवा॒कः ।। ३२ ।।
Roman readingsomā॑ya kulu॒ṅga ā॑ra॒ṇyo’jo na॑ku॒laḥ śakā॒ te pau॒ṣṇāḥ kro॒ṣṭā mā॒yorindra॑sya gauramṛ॒gaḥ pi॒dvo nyaṅku॑: kakka॒ṭaste’nu॑matyai prati॒śrutkā॑yai
cakravā॒kaḥ | | ३२ | |
Project-owned meaning abhi available nahi hai.
Śukla Yajurveda Mādhyaṃdina 24.33◌ EeseDharma mein verified
सौ॒री ब॒लाका॑ शा॒र्गः सृ॑ज॒यः श॒याण्ड॑क॒स्ते मै॒त्राः सर॑स्वत्यै॒ शारि॑: पुरुष॒वाक् श्वा॒विद्भौ॒मी शा॑र्दू॒लो वृक॒: पृदा॑कु॒स्ते म॒न्यवे॒ सर॑स्वते॒ शुक॑:
पुरुष॒वाक् ।। ३३ ।।
Roman readingsau॒rī ba॒lākā॑ śā॒rgaḥ sṛ॑ja॒yaḥ śa॒yāṇḍa॑ka॒ste mai॒trāḥ sara॑svatyai॒ śāri॑: puruṣa॒vāk śvā॒vidbhau॒mī śā॑rdū॒lo vṛka॒: pṛdā॑ku॒ste ma॒nyave॒ sara॑svate॒ śuka॑:
puruṣa॒vāk | | ३३ | |
Project-owned meaning abhi available nahi hai.
Śukla Yajurveda Mādhyaṃdina 24.34◌ EeseDharma mein verified
सु॒प॒र्णः पा॑र्ज॒न्य आ॒तिर्वा॑ह॒सो दर्वि॑दा॒ ते वा॒यवे॒ बृह॒स्पत॑ये वा॒चस्पत॑ये पैङ्गरा॒जो॒ऽल॒ज आ॑न्तरि॒क्षः प्ल॒वो म॒द्गुर्मत्स्य॒स्ते न॑दीप॒त॑ये द्यावापृथि॒वीय॑:
कू॒र्मः ।। ३४ ।।
Roman readingsu॒pa॒rṇaḥ pā॑rja॒nya ā॒tirvā॑ha॒so darvi॑dā॒ te vā॒yave॒ bṛha॒spata॑ye vā॒caspata॑ye paiṅgarā॒jo॒’la॒ja ā॑ntari॒kṣaḥ pla॒vo ma॒dgurmatsya॒ste na॑dīpa॒ta॑ye dyāvāpṛthi॒vīya॑:
kū॒rmaḥ | | ३४ | |
Project-owned meaning abhi available nahi hai.
Śukla Yajurveda Mādhyaṃdina 24.35◌ EeseDharma mein verified
पु॒रु॒ष॒मृ॒गश्च॒न्द्रम॑सो गो॒धा काल॑का दार्वाघा॒टस्ते वन॒स्पती॑नां कृक॒वाकु॑: सावि॒त्रो ह॒ᳪसो वात॑स्य ना॒क्रो मक॑रः कुली॒पय॒स्तेऽकू॑पारस्य ह्रि॒यै
शल्य॑कः ।। ३५ ।।
Roman readingpu॒ru॒ṣa॒mṛ॒gaśca॒ndrama॑so go॒dhā kāla॑kā dārvāghā॒ṭaste vana॒spatī॑nāṃ kṛka॒vāku॑: sāvi॒tro ha॒ᳪso vāta॑sya nā॒kro maka॑raḥ kulī॒paya॒ste’kū॑pārasya hri॒yai
śalya॑kaḥ | | ३५ | |
Project-owned meaning abhi available nahi hai.
Śukla Yajurveda Mādhyaṃdina 24.36◌ EeseDharma mein verified
ए॒ण्यह्नो॑ म॒ण्डूको॒ मूषि॑का ति॒त्तिरि॒स्ते स॒र्पाणां॑ लोपा॒श आ॑श्वि॒नः कृष्णो॒ रात्र्या॒ ऋक्षो॑ ज॒तूः सु॑षि॒लीका॒ त इ॑तरज॒नानां॒ जह॑का वैष्ण॒वी ।। ३६ ।।
Roman readinge॒ṇyahno॑ ma॒ṇḍūko॒ mūṣi॑kā ti॒ttiri॒ste sa॒rpāṇāṃ॑ lopā॒śa ā॑śvi॒naḥ kṛṣṇo॒ rātryā॒ ṛkṣo॑ ja॒tūḥ su॑ṣi॒līkā॒ ta i॑taraja॒nānāṃ॒ jaha॑kā vaiṣṇa॒vī | | ३६ | |
Project-owned meaning abhi available nahi hai.
Śukla Yajurveda Mādhyaṃdina 24.37◌ EeseDharma mein verified
अ॒न्य॒वा॒पो॒ऽर्धमा॒साना॒मृश्यो॑ म॒यूर॑: सुप॒र्णस्ते ग॑न्ध॒र्वाणा॑म॒पामु॒द्रो मा॒सां क॒श्यपो॑ रो॒हित्कु॑ण्डृ॒णाची॑ गो॒लत्ति॑का॒ ते॑ऽप्स॒रसां॑ मृ॒त्यवे॑ऽसि॒तः ।। ३७ ।।
Roman readinga॒nya॒vā॒po॒’rdhamā॒sānā॒mṛśyo॑ ma॒yūra॑: supa॒rṇaste ga॑ndha॒rvāṇā॑ma॒pāmu॒dro mā॒sāṃ ka॒śyapo॑ ro॒hitku॑ṇḍṛ॒ṇācī॑ go॒latti॑kā॒ te॑’psa॒rasāṃ॑ mṛ॒tyave॑’si॒taḥ | | ३७ | |
Project-owned meaning abhi available nahi hai.
Śukla Yajurveda Mādhyaṃdina 24.38◌ EeseDharma mein verified
व॒र्षा॒हूरृ॒तू॒ना॑मा॒खुः कशो॑ मान्था॒लस्ते पि॑तॄ॒णां बला॑याजग॒रो वसू॑नां क॒पिञ्ज॑लः क॒पोत॒ उलू॑कः श॒शस्ते निरृ॑त्यै॒ वरु॑णायार॒ण्यो मे॒षः ।। ३८ ।।
Roman readingva॒rṣā॒hūrṛ॒tū॒nā॑mā॒khuḥ kaśo॑ mānthā॒laste pi॑tṝ॒ṇāṃ balā॑yājaga॒ro vasū॑nāṃ ka॒piñja॑laḥ ka॒pota॒ ulū॑kaḥ śa॒śaste nirṛ॑tyai॒ varu॑ṇāyāra॒ṇyo me॒ṣaḥ | | ३८ | |
Project-owned meaning abhi available nahi hai.
Śukla Yajurveda Mādhyaṃdina 24.39◌ EeseDharma mein verified
श्वि॒त्र आ॑दि॒त्याना॒मुष्ट्रो॒ घृणी॑वान्वार्ध्रीन॒सस्ते म॒त्या अर॑ण्याय सृम॒रो रुरू॑ रौ॒द्रः क्वयि॑: कु॒टरु॑र्दात्यौ॒हस्ते वा॒जिनां॒ कामा॑य पि॒कः ।। ३९ ।।
Roman readingśvi॒tra ā॑di॒tyānā॒muṣṭro॒ ghṛṇī॑vānvārdhrīna॒saste ma॒tyā ara॑ṇyāya sṛma॒ro rurū॑ rau॒draḥ kvayi॑: ku॒ṭaru॑rdātyau॒haste vā॒jināṃ॒ kāmā॑ya pi॒kaḥ | | ३९ | |
Project-owned meaning abhi available nahi hai.
Śukla Yajurveda Mādhyaṃdina 24.40◌ EeseDharma mein verified
ख॒ङ्गो वै॑श्वदे॒वः श्वा कृ॒ष्णः क॒र्णो ग॑र्द॒भस्त॒रक्षु॒स्ते रक्ष॑सा॒मिन्द्रा॑य सूक॒रः सि॒ᳪहो मा॑रु॒त: कृ॑कला॒सः पिप्प॑का श॒कुनि॒स्ते श॑र॒व्या॒यै॒ विश्वे॑षां दे॒वानां॑
पृष॒तः ।। ४० ।।
Roman readingkha॒ṅgo vai॑śvade॒vaḥ śvā kṛ॒ṣṇaḥ ka॒rṇo ga॑rda॒bhasta॒rakṣu॒ste rakṣa॑sā॒mindrā॑ya sūka॒raḥ si॒ᳪho mā॑ru॒ta: kṛ॑kalā॒saḥ pippa॑kā śa॒kuni॒ste śa॑ra॒vyā॒yai॒ viśve॑ṣāṃ de॒vānāṃ॑
pṛṣa॒taḥ | | ४० | |
Project-owned meaning abhi available nahi hai.
