EeseDharmaSanātana Library
21अध्याय 21
Śukla Yajurveda Mādhyaṃdina ka Adhyay 21.
60 shlokइ॒मं मे॑ वरुण श्रु॒धी हव॑म॒द्या च॑ मृडय । त्वाम॑स्व॒स्युरा च॑के ।। १ ।।
i॒maṃ me॑ varuṇa śru॒dhī hava॑ma॒dyā ca॑ mṛḍaya | tvāma॑sva॒syurā ca॑ke | | १ | |
तत्त्वा॑ यामि॒ ब्रह्म॑णा॒ वन्द॑मान॒स्तदा शा॑स्ते॒ यज॑मानो ह॒विर्भि॑: ।
अहे॑डमानो वरुणे॒ह बो॒ध्युरु॑शᳪस॒ मा न॒ आयु॒: प्र मो॑षीः ।। २ ।।
tattvā॑ yāmi॒ brahma॑ṇā॒ vanda॑māna॒stadā śā॑ste॒ yaja॑māno ha॒virbhi॑: | ahe॑ḍamāno varuṇe॒ha bo॒dhyuru॑śaᳪsa॒ mā na॒ āyu॒: pra mo॑ṣīḥ | | २ | |
त्वं नो॑ अग्ने॒ वरु॑णस्य वि॒द्वान् दे॒वस्य॒ हेडो व॑ यासिसीष्ठाः ।
यजि॑ष्ठो॒ वह्नि॑तम॒: शोशु॑चानो॒ विश्वा॒ द्वेषा॑ᳪसि॒ प्र मु॑मुग्ध्य॒स्मत् ।। ३ ।।
tvaṃ no॑ agne॒ varu॑ṇasya vi॒dvān de॒vasya॒ heḍo va॑ yāsisīṣṭhāḥ | yaji॑ṣṭho॒ vahni॑tama॒: śośu॑cāno॒ viśvā॒ dveṣā॑ᳪsi॒ pra mu॑mugdhya॒smat | | ३ | |
स त्वं नो॑ अग्नेऽव॒मो भ॑वो॒ती नेदि॑ष्ठो अ॒स्या उ॒षसो॒ व्यु॒ष्टौ ।
अव॑ यक्ष्व नो॒ वरु॑ण॒ᳪ ररा॑णो वी॒हि मृ॑डी॒क सु॒हवो॑ न एधि ।। ४ ।।
sa tvaṃ no॑ agne’va॒mo bha॑vo॒tī nedi॑ṣṭho a॒syā u॒ṣaso॒ vyu॒ṣṭau | ava॑ yakṣva no॒ varu॑ṇa॒ᳪ rarā॑ṇo vī॒hi mṛ॑ḍī॒ka su॒havo॑ na edhi | | ४ | |
म॒हीमू॒ षु मा॒तर॑ᳪ सुव्र॒ताना॑मृ॒तस्य॒ पत्नी॒मव॑से हुवेम ।
तु॒वि॒क्ष॒त्राम॒जर॑न्तीमुरू॒चीᳪ सु॒शर्मा॑ण॒मदि॑तिᳪ सु॒प्रणी॑तिम् ।। ५ ।।
ma॒hīmū॒ ṣu mā॒tara॑ᳪ suvra॒tānā॑mṛ॒tasya॒ patnī॒mava॑se huvema | tu॒vi॒kṣa॒trāma॒jara॑ntīmurū॒cīᳪ su॒śarmā॑ṇa॒madi॑tiᳪ su॒praṇī॑tim | | ५ | |
सु॒त्रामा॑णं पृथि॒वीं द्याम॑ने॒हस॑ᳪ सु॒शर्मा॑ण॒मदि॑ति सु॒प्रणी॑तिम् ।
दैवीं॒ नाव॑ᳪ स्वरि॒त्रामना॑गस॒मस्र॑वन्ती॒मा रु॑हेमा स्व॒स्तये॑ ।। ६ ।।
su॒trāmā॑ṇaṃ pṛthi॒vīṃ dyāma॑ne॒hasa॑ᳪ su॒śarmā॑ṇa॒madi॑ti su॒praṇī॑tim | daivīṃ॒ nāva॑ᳪ svari॒trāmanā॑gasa॒masra॑vantī॒mā ru॑hemā sva॒staye॑ | | ६ | |
सु॒नाव॒मा रु॑हेय॒मस्र॑वन्ती॒मना॑गसम् । श॒तारि॑त्राᳪ स्व॒स्तये॑ ।। ७ ।।
su॒nāva॒mā ru॑heya॒masra॑vantī॒manā॑gasam | śa॒tāri॑trāᳪ sva॒staye॑ | | ७ | |
आ नो॑ मित्रावरुणा घृतै॒र्गव्यू॑तिमुक्षतम् । मध्वा॒ रजा॑ᳪसि सुक्रतू ।। ८ ।।
ā no॑ mitrāvaruṇā ghṛtai॒rgavyū॑timukṣatam | madhvā॒ rajā॑ᳪsi sukratū | | ८ | |
प्र बा॒हवा॑ सिसृतं जी॒वसे॑ न॒ आ नो॒ गव्यू॑तिमुक्षतं घृ॒तेन॑ ।
आ मा॒ जने॑ श्रवयतं युवाना श्रु॒तं मे॑ मित्रावरुणा॒ हवे॒मा ।। ९ ।।
pra bā॒havā॑ sisṛtaṃ jī॒vase॑ na॒ ā no॒ gavyū॑timukṣataṃ ghṛ॒tena॑ | ā mā॒ jane॑ śravayataṃ yuvānā śru॒taṃ me॑ mitrāvaruṇā॒ have॒mā | | ९ | |
शं नो॑ भवन्तु वा॒जिनो॒ हवे॑षु दे॒वता॑ता मि॒तद्र॑वः स्व॒र्काः ।
ज॒म्भय॒न्तोऽहिं॒ वृक॒ᳪ रक्षा॑ᳪसि॒ सने॑म्य॒स्मद्यु॑यव॒न्नमी॑वाः ।। १० ।।
śaṃ no॑ bhavantu vā॒jino॒ have॑ṣu de॒vatā॑tā mi॒tadra॑vaḥ sva॒rkāḥ | ja॒mbhaya॒nto’hiṃ॒ vṛka॒ᳪ rakṣā॑ᳪsi॒ sane॑mya॒smadyu॑yava॒nnamī॑vāḥ | | १० | |
वाजे॑-वाजेऽवत वाजिनो नो॒ धने॑षु विप्रा अमृता ऋतज्ञाः ।
अ॒स्य मध्व॑: पिबत मा॒दय॑ध्वं तृ॒प्ता या॑त प॒थिभि॑र्देव॒यानै॑: ।। ११ ।।
vāje॑-vāje’vata vājino no॒ dhane॑ṣu viprā amṛtā ṛtajñāḥ | a॒sya madhva॑: pibata mā॒daya॑dhvaṃ tṛ॒ptā yā॑ta pa॒thibhi॑rdeva॒yānai॑: | | ११ | |
समि॑द्धो अ॒ग्निः स॒मिधा॒ सुस॑मिद्धो॒ वरे॑ण्यः ।
गा॒य॒त्री छन्द॑ इन्द्रि॒यं त्र्यविर्गौ॒र्वयो॑ दधुः ।। १२ ।।
sami॑ddho a॒gniḥ sa॒midhā॒ susa॑middho॒ vare॑ṇyaḥ | gā॒ya॒trī chanda॑ indri॒yaṃ tryavirgau॒rvayo॑ dadhuḥ | | १२ | |
तनू॒नपा॒च्छुचि॑व्रतस्तनू॒पाश्च॒ सर॑स्वती ।
उ॒ष्णिहा॒ छन्द॑ इन्द्रि॒यं दि॑त्य॒वाड्गौर्वयो॑ दधुः ।। १३ ।।
tanū॒napā॒cchuci॑vratastanū॒pāśca॒ sara॑svatī | u॒ṣṇihā॒ chanda॑ indri॒yaṃ di॑tya॒vāḍgaurvayo॑ dadhuḥ | | १३ | |
इडा॑भिर॒ग्निरीड्य॒: सोमो॑ दे॒वो अम॑र्त्यः । अ॒नु॒ष्टुप्छन्द॑ इन्द्रि॒यं पञ्चा॑विर्गौ॒र्वयो॑ दधुः ।। १४ ।।
iḍā॑bhira॒gnirīḍya॒: somo॑ de॒vo ama॑rtyaḥ | a॒nu॒ṣṭupchanda॑ indri॒yaṃ pañcā॑virgau॒rvayo॑ dadhuḥ | | १४ | |
सु॒ब॒र्हिर॒ग्निः पू॑ष॒ण्वान्त्स्ती॒र्णब॑र्हि॒रम॑र्त्यः । बृ॒ह॒ती छन्द॑ इन्द्रि॒यं त्रि॑व॒त्सो गौर्वयो॑ दधुः ।। १५ ।।
su॒ba॒rhira॒gniḥ pū॑ṣa॒ṇvāntstī॒rṇaba॑rhi॒rama॑rtyaḥ | bṛ॒ha॒tī chanda॑ indri॒yaṃ tri॑va॒tso gaurvayo॑ dadhuḥ | | १५ | |
दुरो॑ दे॒वीर्दिशो॑ म॒हीर्ब्र॒ह्मा दे॒वो बृह॒स्पति॑: ।
प॒ङ्क्तिश्छन्द॑ इ॒हेन्द्रि॒यं तु॑र्य॒वाड्गौ॒र्वयो॑ दधुः ।। १६ ।।
duro॑ de॒vīrdiśo॑ ma॒hīrbra॒hmā de॒vo bṛha॒spati॑: | pa॒ṅktiśchanda॑ i॒hendri॒yaṃ tu॑rya॒vāḍgau॒rvayo॑ dadhuḥ | | १६ | |
उ॒षे य॒ह्वी सु॒पेश॑सा॒ विश्वे॑ दे॒वा अम॑र्त्याः ।
त्रि॒ष्टुप्छन्द॑ इ॒हेन्द्रि॒यं प॑ष्ठ॒वाड्गौ॒र्वयो॑ दधुः ।। १७ ।।
u॒ṣe ya॒hvī su॒peśa॑sā॒ viśve॑ de॒vā ama॑rtyāḥ | tri॒ṣṭupchanda॑ i॒hendri॒yaṃ pa॑ṣṭha॒vāḍgau॒rvayo॑ dadhuḥ | | १७ | |
दैव्या॒ होता॑रा भि॒षजेन्द्रे॑ण स॒युजा॑ यु॒जा ।
जग॑ती॒ छन्द॑ इन्द्रि॒यम॑न॒ड्वान्गौ॒र्वयो॑ दधुः ।। १८ ।।
daivyā॒ hotā॑rā bhi॒ṣajendre॑ṇa sa॒yujā॑ yu॒jā | jaga॑tī॒ chanda॑ indri॒yama॑na॒ḍvāngau॒rvayo॑ dadhuḥ | | १८ | |
ति॒स्र इडा॒ सर॑स्वती॒ भार॑ती म॒रुतो॒ विश॑: ।
वि॒राट् छन्द॑ इ॒हेन्द्रि॒यं धे॒नुर्गौर्न वयो॑ दधुः ।। १९ ।।
ti॒sra iḍā॒ sara॑svatī॒ bhāra॑tī ma॒ruto॒ viśa॑: | vi॒rāṭ chanda॑ i॒hendri॒yaṃ dhe॒nurgaurna vayo॑ dadhuḥ | | १९ | |
त्वष्टा॑ तु॒रीपो॒ अद्भु॑त इन्द्रा॒ग्नी पु॑ष्टि॒वर्ध॑ना ।
द्विप॑दा॒ छन्द॑ इन्द्रि॒यमु॒क्षा गौ॒र्न वयो॑ दधुः ।। २० ।।
tvaṣṭā॑ tu॒rīpo॒ adbhu॑ta indrā॒gnī pu॑ṣṭi॒vardha॑nā | dvipa॑dā॒ chanda॑ indri॒yamu॒kṣā gau॒rna vayo॑ dadhuḥ | | २० | |
श॒मि॒ता नो॒ वन॒स्पति॑: सवि॒ता प्र॑सु॒वन् भग॑म् ।
क॒कुप्छन्द॑ इ॒हेन्द्रि॒यं व॒शा वे॒हद्वयो॑ दधुः ।। २१ ।।
śa॒mi॒tā no॒ vana॒spati॑: savi॒tā pra॑su॒van bhaga॑m | ka॒kupchanda॑ i॒hendri॒yaṃ va॒śā ve॒hadvayo॑ dadhuḥ | | २१ | |
स्वाहा॑ य॒ज्ञं वरु॑णः सुक्ष॒त्रो भे॑ष॒जं क॑रत् ।
अति॑च्छन्दा इन्द्रि॒यं बृ॒हदृ॑ष॒भो गौर्वयो॑ दधुः ।। २२ ।।
svāhā॑ ya॒jñaṃ varu॑ṇaḥ sukṣa॒tro bhe॑ṣa॒jaṃ ka॑rat | ati॑cchandā indri॒yaṃ bṛ॒hadṛ॑ṣa॒bho gaurvayo॑ dadhuḥ | | २२ | |
व॒स॒न्तेन॑ ऋ॒तुना॑ दे॒वा वस॑ववस्त्रि॒वृता॑ स्तु॒ताः ।
र॒थ॒न्त॒रेण॒ तेज॑सा ह॒विरिन्द्रे॒ वयो॑ दधुः ।। २३ ।।
va॒sa॒ntena॑ ṛ॒tunā॑ de॒vā vasa॑vavastri॒vṛtā॑ stu॒tāḥ | ra॒tha॒nta॒reṇa॒ teja॑sā ha॒virindre॒ vayo॑ dadhuḥ | | २३ | |
ग्री॒ष्मेण॑ ऋ॒तुना॑ दे॒वा रु॒द्राः प॑ञ्चद॒शे स्तु॒ताः ।
बृ॒ह॒ता यश॑सा॒ बल॑ᳪ ह॒विरिन्द्रे॒ वयो॑ दधुः ।। २४ ।।
grī॒ṣmeṇa॑ ṛ॒tunā॑ de॒vā ru॒drāḥ pa॑ñcada॒śe stu॒tāḥ | bṛ॒ha॒tā yaśa॑sā॒ bala॑ᳪ ha॒virindre॒ vayo॑ dadhuḥ | | २४ | |
व॒र्षाभि॑रृ॒तुना॑ऽऽदि॒त्या स्तोमे॑ सप्तद॒शे स्तु॒ताः ।
वै॒रू॒पेण॑ वि॒शौज॑सा ह॒विरिन्द्रे॒ वयो॑ दधुः ।। २५ ।।
va॒rṣābhi॑rṛ॒tunā॑’’di॒tyā stome॑ saptada॒śe stu॒tāḥ | vai॒rū॒peṇa॑ vi॒śauja॑sā ha॒virindre॒ vayo॑ dadhuḥ | | २५ | |
शा॒र॒देन॑ ऋ॒तुना॑ दे॒वा ए॑कवि॒ᳪश ऋ॒भव॑ स्तु॒ताः ।
वै॒रा॒जेन॑ श्रि॒या श्रिय॑ᳪ ह॒विरिन्द्रे॒ वयो॑ दधुः ।। २६ ।।
śā॒ra॒dena॑ ṛ॒tunā॑ de॒vā e॑kavi॒ᳪśa ṛ॒bhava॑ stu॒tāḥ | vai॒rā॒jena॑ śri॒yā śriya॑ᳪ ha॒virindre॒ vayo॑ dadhuḥ | | २६ | |
हे॒म॒न्तेन॑ ऋ॒तुना॑ दे॒वास्त्रि॑ण॒वे म॒रुत॑ स्तु॒ताः ।
बले॑न॒ शक्व॑री॒: सहो॑ ह॒विरिन्द्रे॒ वयो॑ दधुः ।। २७ ।।
he॒ma॒ntena॑ ṛ॒tunā॑ de॒vāstri॑ṇa॒ve ma॒ruta॑ stu॒tāḥ | bale॑na॒ śakva॑rī॒: saho॑ ha॒virindre॒ vayo॑ dadhuḥ | | २७ | |
शै॒शि॒रेण॑ ऋ॒तुना॑ दे॒वास्त्र॑यस्त्रि॒ᳪशेऽमृता॑ स्तु॒ताः ।
स॒त्येन॑ रे॒वती॑: क्ष॒त्रᳪ ह॒विरिन्द्रे॒ वयो॑ दधुः ।। २८ ।।
śai॒śi॒reṇa॑ ṛ॒tunā॑ de॒vāstra॑yastri॒ᳪśe’mṛtā॑ stu॒tāḥ | sa॒tyena॑ re॒vatī॑: kṣa॒traᳪ ha॒virindre॒ vayo॑ dadhuḥ | | २८ | |
होता॑ यक्षत्स॒मिधा॒ऽग्निमि॒डस्प॒देऽश्विनेन्द्र॒ᳪ सर॑स्वतीम॒जो धू॒म्रो न गो॒धूमै॒: कुव॑लैर्भेष॒जं मधु॒ शष्पै॒र्न तेज॑ इन्द्रि॒यं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॑र्यज ।। २९ ।।
hotā॑ yakṣatsa॒midhā॒’gnimi॒ḍaspa॒de’śvinendra॒ᳪ sara॑svatīma॒jo dhū॒mro na go॒dhūmai॒: kuva॑lairbheṣa॒jaṃ madhu॒ śaṣpai॒rna teja॑ indri॒yaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॑ryaja | | २९ | |
होता॑ यक्ष॒त्तनू॒नपा॒त्सर॑स्वती॒मवि॑र्मे॒षो न भे॑ष॒जं प॒था मधु॑मता॒ भर॑न्न॒श्विनेन्द्रा॑य वी॒र्यं बद॑रैरुप॒वाका॑भिर्भेष॒जं तोक्म॑भि॒: पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३० ।।
hotā॑ yakṣa॒ttanū॒napā॒tsara॑svatī॒mavi॑rme॒ṣo na bhe॑ṣa॒jaṃ pa॒thā madhu॑matā॒ bhara॑nna॒śvinendrā॑ya vī॒ryaṃ bada॑rairupa॒vākā॑bhirbheṣa॒jaṃ tokma॑bhi॒: paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३० | |
होता॑ यक्ष॒न्नरा॒शᳪसं॒ न न॒ग्नहुं॒ पति॒ᳪ सुर॑या भेष॒जं मे॒षः सर॑स्वती भि॒षग्रथो॒ न च॒न्द्रयश्विनो॑र्व॒पा इन्द्र॑स्य वी॒र्यं बद॑रैरुप॒वाका॑भिर्भेष॒जं तोक्म॑भि॒: पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३१ ।।
hotā॑ yakṣa॒nnarā॒śaᳪsaṃ॒ na na॒gnahuṃ॒ pati॒ᳪ sura॑yā bheṣa॒jaṃ me॒ṣaḥ sara॑svatī bhi॒ṣagratho॒ na ca॒ndrayaśvino॑rva॒pā indra॑sya vī॒ryaṃ bada॑rairupa॒vākā॑bhirbheṣa॒jaṃ tokma॑bhi॒: paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३१ | |
होता॑ यक्षदि॒डेडि॒त आ॒जुह्वा॑न॒: सर॑स्वती॒मिन्द्रं॒ बले॑न व॒र्धय॑न्नृष॒भेण॒ गवे॑न्द्रि॒यम॒श्विनेन्द्रा॑य भेष॒जं यवै॑ र्क॒र्कन्धु॑भि॒र्मधु॑ लाजै॒र्न मास॑रं॒ पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३२ ।।
hotā॑ yakṣadi॒ḍeḍi॒ta ā॒juhvā॑na॒: sara॑svatī॒mindraṃ॒ bale॑na va॒rdhaya॑nnṛṣa॒bheṇa॒ gave॑ndri॒yama॒śvinendrā॑ya bheṣa॒jaṃ yavai॑ rka॒rkandhu॑bhi॒rmadhu॑ lājai॒rna māsa॑raṃ॒ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३२ | |
होता॑ यक्षद्ब॒र्हिरूर्ण॑म्म्रदा भि॒षङ्नास॑त्या भि॒षजा॒ऽश्विनाऽश्वा॒ शिशु॑मती भि॒षग्धे॒नुः सर॑स्वती भि॒षग्दु॒ह इन्द्रा॑य भेष॒जं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॑र्यज ।। ३ ३ ।।
होता॑ यक्ष॒द्दुरो॒ दिश॑: कव॒ष्यो न व्यच॑स्वतीर॒श्विभ्यां॒ न दुरो॒ दिश॒ इन्द्रो॒ न रोद॑सी॒ दुघे॑ दु॒हे धे॒नुः सर॑स्वत्य॒श्विनेन्द्रा॑य भेष॒जᳪ शु॒क्रं न ज्योति॑रिन्द्रि॒यं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३४ ।।
hotā॑ yakṣadba॒rhirūrṇa॑mmradā bhi॒ṣaṅnāsa॑tyā bhi॒ṣajā॒’śvinā’śvā॒ śiśu॑matī bhi॒ṣagdhe॒nuḥ sara॑svatī bhi॒ṣagdu॒ha indrā॑ya bheṣa॒jaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॑ryaja | | ३ ३ | | hotā॑ yakṣa॒dduro॒ diśa॑: kava॒ṣyo na vyaca॑svatīra॒śvibhyāṃ॒ na duro॒ diśa॒ indro॒ na roda॑sī॒ dughe॑ du॒he dhe॒nuḥ sara॑svatya॒śvinendrā॑ya bheṣa॒jaᳪ śu॒kraṃ na jyoti॑rindri॒yaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३४ | |
होता॑ यक्षत्सु॒पेश॑सो॒षे नक्तं॒ दिवा॒ऽश्विना॒ सम॑ञ्जाते॒ सर॑स्वत्या॒ त्विषि॒मिन्द्रे॒ न भे॑ष॒जᳪ श्ये॒नो न रज॑सा हृ॒दा श्रि॒या न मास॑रं॒ पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३५ ।।
hotā॑ yakṣatsu॒peśa॑so॒ṣe naktaṃ॒ divā॒’śvinā॒ sama॑ñjāte॒ sara॑svatyā॒ tviṣi॒mindre॒ na bhe॑ṣa॒jaᳪ śye॒no na raja॑sā hṛ॒dā śri॒yā na māsa॑raṃ॒ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३५ | |
होता॑ यक्ष॒द्दैव्या॒ होता॑रा भि॒षजा॒ऽश्विनेन्द्रं॒ न जागृ॑वि॒ दिवा॒ नक्तं॒ न भे॑ष॒जै: शूष॒ᳪ सर॑स्वती भि॒षक् सीसे॑न दुह इन्द्रि॒यं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३६ ।।
hotā॑ yakṣa॒ddaivyā॒ hotā॑rā bhi॒ṣajā॒’śvinendraṃ॒ na jāgṛ॑vi॒ divā॒ naktaṃ॒ na bhe॑ṣa॒jai: śūṣa॒ᳪ sara॑svatī bhi॒ṣak sīse॑na duha indri॒yaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३६ | |
होता॑ यक्षत्ति॒स्रो दे॒वीर्न भे॑ष॒जं त्रय॑स्त्रि॒धात॑वो॒ऽपसो॑ रू॒पमिन्द्रे॑ हिर॒ण्यय॑म॒श्विनेडा॒ न भार॑ती वा॒चा सर॑स्वती॒ मह॒ इन्द्रा॑य दुह इन्द्रि॒यं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३७ ।।
hotā॑ yakṣatti॒sro de॒vīrna bhe॑ṣa॒jaṃ traya॑stri॒dhāta॑vo॒’paso॑ rū॒pamindre॑ hira॒ṇyaya॑ma॒śvineḍā॒ na bhāra॑tī vā॒cā sara॑svatī॒ maha॒ indrā॑ya duha indri॒yaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३७ | |
होता॑ यक्षत् सु॒रेर॑समृष॒भं नर्या॑पसं॒ त्वष्टा॑र॒मिन्द्र॑म॒श्विना॑ भि॒षजं॒ न सर॑स्वती॒मोजो॒ न जू॒तिरि॑न्द्रि॒यं वृको॒ न र॑भ॒सो भि॒षग् यश॒: सुर॑या भेष॒जᳪ श्रि॒या न मास॑रं॒ पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३८ ।।
hotā॑ yakṣat su॒rera॑samṛṣa॒bhaṃ naryā॑pasaṃ॒ tvaṣṭā॑ra॒mindra॑ma॒śvinā॑ bhi॒ṣajaṃ॒ na sara॑svatī॒mojo॒ na jū॒tiri॑ndri॒yaṃ vṛko॒ na ra॑bha॒so bhi॒ṣag yaśa॒: sura॑yā bheṣa॒jaᳪ śri॒yā na māsa॑raṃ॒ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३८ | |
होता॑ यक्ष॒द्वन॒स्पति॑ᳪ शमि॒तार॑ᳪ श॒तक्र॑तुं भी॒मं न म॒न्युᳪ राजा॑नं व्या॒घ्रं नम॑सा॒ऽश्विना॒ भाम॒ᳪ सर॑स्वती भि॒षगिन्द्रा॑य दुह इन्द्रि॒यं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ३९ ।।
hotā॑ yakṣa॒dvana॒spati॑ᳪ śami॒tāra॑ᳪ śa॒takra॑tuṃ bhī॒maṃ na ma॒nyuᳪ rājā॑naṃ vyā॒ghraṃ nama॑sā॒’śvinā॒ bhāma॒ᳪ sara॑svatī bhi॒ṣagindrā॑ya duha indri॒yaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ३९ | |
होता॑ यक्षद॒ग्निᳪ स्वाहाऽऽज्य॑स्य स्तो॒काना॒ᳪ स्वाहा॒ मेद॑सां॒ पृथ॒क् स्वाहा॒ छाग॑म॒श्विभ्या॒ᳪ स्वाहा॑ मे॒षᳪ सर॑स्वत्यै॒ स्वाह॑ ऋष॒भमिन्द्रा॑य सि॒ᳪहाय॒ सह॑स इन्द्रि॒यᳪ स्वाहा॒ऽग्निं न भे॑ष॒जᳪ स्वाहा॒ सोम॑मिन्द्रि॒यᳪ स्वाहेन्द्र॑ᳪ सु॒त्रामा॑ण सवि॒तारं॒ वरु॑णं भि॒षजां॒ पति॒ᳪ स्वाहा॒ वन॒स्पतिं॑ प्रि॒यं पाथो॒ न भे॑ष॒जᳪ स्वाहा॑ दे॒वा आ॑ज्य॒पा जु॑षा॒णो अ॒ग्निर्भे॑ष॒जं पय॒: सोम॑: परि॒स्रुता॑ घृ॒तं मधु॒ व्यन्त्वाज्य॑स्य॒ होत॒र्यज॑ ।। ४० ।।
hotā॑ yakṣada॒gniᳪ svāhā’’jya॑sya sto॒kānā॒ᳪ svāhā॒ meda॑sāṃ॒ pṛtha॒k svāhā॒ chāga॑ma॒śvibhyā॒ᳪ svāhā॑ me॒ṣaᳪ sara॑svatyai॒ svāha॑ ṛṣa॒bhamindrā॑ya si॒ᳪhāya॒ saha॑sa indri॒yaᳪ svāhā॒’gniṃ na bhe॑ṣa॒jaᳪ svāhā॒ soma॑mindri॒yaᳪ svāhendra॑ᳪ su॒trāmā॑ṇa savi॒tāraṃ॒ varu॑ṇaṃ bhi॒ṣajāṃ॒ pati॒ᳪ svāhā॒ vana॒spatiṃ॑ pri॒yaṃ pātho॒ na bhe॑ṣa॒jaᳪ svāhā॑ de॒vā ā॑jya॒pā ju॑ṣā॒ṇo a॒gnirbhe॑ṣa॒jaṃ paya॒: soma॑: pari॒srutā॑ ghṛ॒taṃ madhu॒ vyantvājya॑sya॒ hota॒ryaja॑ | | ४० | |
होता॑ यक्षद॒श्विनौ॒ छाग॑स्य व॒पाया॒ मेद॑सो जु॒षेता॑ᳪ ह॒विर्होत॒र्यज॑ ।
होता॑ यक्ष॒त्सर॑स्वतीं मे॒षस्य॑ व॒पाया॒ मेद॑सो जु॒षता॑ᳪ ह॒विर्होत॒र्यज॑ ।
होता॑ यक्ष॒दिन्द्र॑मृष॒भस्य॑ व॒पाया॒ मेद॑सो जु॒षता॑ᳪ ह॒विर्होत॒र्यज॑ ।। ४१ ।।
hotā॑ yakṣada॒śvinau॒ chāga॑sya va॒pāyā॒ meda॑so ju॒ṣetā॑ᳪ ha॒virhota॒ryaja॑ | hotā॑ yakṣa॒tsara॑svatīṃ me॒ṣasya॑ va॒pāyā॒ meda॑so ju॒ṣatā॑ᳪ ha॒virhota॒ryaja॑ | hotā॑ yakṣa॒dindra॑mṛṣa॒bhasya॑ va॒pāyā॒ meda॑so ju॒ṣatā॑ᳪ ha॒virhota॒ryaja॑ | | ४१ | |
होता॑ यक्षद॒श्विनौ॒ सर॑स्वती॒मिन्द्र॑ᳪ सु॒त्रामा॑णमि॒मे सोमा॑: सु॒रामा॑ण॒श्छागै॒र्न मे॒षैरृ॑षभैः सु॒ताः शष्पै॒र्न तोक्म॑भिर्ला॒जैर्मह॑स्वन्तो॒ मदा॒ मास॑रेण॒ परि॑ष्कृताः शु॒क्राः पय॑स्वन्तो॒ऽमृता॒: प्रस्थि॑ता वो मधु॒श्चुत॒स्तान॒श्विना॒ सर॑स्व॒तीन्द्र॑: सु॒त्रामा॑ वृत्र॒हा जु॒षन्ता॑ᳪ सो॒म्यं मधु॒ पिब॑न्तु॒ व्यन्तु॒ होत॒र्यज॑ ।। ४२ ।।
hotā॑ yakṣada॒śvinau॒ sara॑svatī॒mindra॑ᳪ su॒trāmā॑ṇami॒me somā॑: su॒rāmā॑ṇa॒śchāgai॒rna me॒ṣairṛ॑ṣabhaiḥ su॒tāḥ śaṣpai॒rna tokma॑bhirlā॒jairmaha॑svanto॒ madā॒ māsa॑reṇa॒ pari॑ṣkṛtāḥ śu॒krāḥ paya॑svanto॒’mṛtā॒: prasthi॑tā vo madhu॒ścuta॒stāna॒śvinā॒ sara॑sva॒tīndra॑: su॒trāmā॑ vṛtra॒hā ju॒ṣantā॑ᳪ so॒myaṃ madhu॒ piba॑ntu॒ vyantu॒ hota॒ryaja॑ | | ४२ | |
होता॑ यक्षद॒श्विनौ॒ छाग॑स्य ह॒विष॒ आत्ता॑म॒द्य म॑ध्य॒तो मेद॒ उद्भृ॑तं पु॒रा द्वेषो॑भ्यः पु॒रा पौ॑रुषेय्या गृ॒भो घस्तां॑ नू॒नं घा॒से अ॑ज्राणां॒ यव॑सप्रथमानाᳪ सु॒मत्क्ष॑राणाᳪ शतरु॒द्रिया॑णामग्निष्वा॒त्तानां॒ पीवो॑पवसानां पार्श्व॒तः श्रो॑णि॒तः शि॑ताम॒त उ॑त्साद॒तोऽङ्गा॑दङ्गा॒दव॑त्तानां॒ कर॑त ए॒वाश्विना॑ जु॒षेता॑ᳪ ह॒विर्होत॒र्यज॑ ।। ४३ ।।
hotā॑ yakṣada॒śvinau॒ chāga॑sya ha॒viṣa॒ āttā॑ma॒dya ma॑dhya॒to meda॒ udbhṛ॑taṃ pu॒rā dveṣo॑bhyaḥ pu॒rā pau॑ruṣeyyā gṛ॒bho ghastāṃ॑ nū॒naṃ ghā॒se a॑jrāṇāṃ॒ yava॑saprathamānāᳪ su॒matkṣa॑rāṇāᳪ śataru॒driyā॑ṇāmagniṣvā॒ttānāṃ॒ pīvo॑pavasānāṃ pārśva॒taḥ śro॑ṇi॒taḥ śi॑tāma॒ta u॑tsāda॒to’ṅgā॑daṅgā॒dava॑ttānāṃ॒ kara॑ta e॒vāśvinā॑ ju॒ṣetā॑ᳪ ha॒virhota॒ryaja॑ | | ४३ | |
होता॑ यक्ष॒त् सर॑स्वतीं मे॒षस्य॑ ह॒विष॒ आव॑यद॒द्य म॑ध्य॒तो मेद॒ उद्भृ॑तं पु॒रा द्वेषो॑भ्यः पु॒रा पौ॑रुषेय्या गृ॒भो घस॑न्नू॒नं घा॒से अ॑ज्राणां॒ यव॑सप्रथमानाᳪ सु॒मत्क्ष॑राणाᳪ शतरु॒द्रिया॑णामग्निष्वा॒त्तानां॒ पीवो॑पवसनानां पार्श्व॒तः श्रो॑णि॒तः शि॑ताम॒त उ॑त्साद॒तोऽङ्गा॑दङ्गा॒दव॑त्तानां॒ कर॑दे॒वᳪ सर॑स्वती जु॒षता॑ᳪ ह॒विर्होत॒र्यज॑ ।। ४४ ।।
hotā॑ yakṣa॒t sara॑svatīṃ me॒ṣasya॑ ha॒viṣa॒ āva॑yada॒dya ma॑dhya॒to meda॒ udbhṛ॑taṃ pu॒rā dveṣo॑bhyaḥ pu॒rā pau॑ruṣeyyā gṛ॒bho ghasa॑nnū॒naṃ ghā॒se a॑jrāṇāṃ॒ yava॑saprathamānāᳪ su॒matkṣa॑rāṇāᳪ śataru॒driyā॑ṇāmagniṣvā॒ttānāṃ॒ pīvo॑pavasanānāṃ pārśva॒taḥ śro॑ṇi॒taḥ śi॑tāma॒ta u॑tsāda॒to’ṅgā॑daṅgā॒dava॑ttānāṃ॒ kara॑de॒vaᳪ sara॑svatī ju॒ṣatā॑ᳪ ha॒virhota॒ryaja॑ | | ४४ | |
होता॑ यक्ष॒दिन्द्र॑मृष॒भस्य॑ ह॒विष॒ आव॑यद॒द्य म॑ध्य॒तो मेद॒ उद्भृ॑तं पु॒रा द्वेषो॑भ्यः पु॒रा पौ॑रुषेय्या गृ॒भो घस॑न्नू॒नं घा॒से अ॑ज्राणां॒ यव॑सप्रथमानाᳪ सु॒मत्क्ष॑राणाᳪ शतरु॒द्रिया॑णामग्निष्वा॒त्तानां॒ पीवो॑पवसानानां पार्श्व॒तः श्रो॑णि॒तः शि॑ताम॒त उ॑त्साद॒तोऽङ्गा॑दङ्गा॒दव॑त्तानां॒ कर॑दे॒वमिन्द्रो॑ जु॒षता॑ᳪ ह॒विर्होत॒र्यज॑ ।। ४५ ।।
hotā॑ yakṣa॒dindra॑mṛṣa॒bhasya॑ ha॒viṣa॒ āva॑yada॒dya ma॑dhya॒to meda॒ udbhṛ॑taṃ pu॒rā dveṣo॑bhyaḥ pu॒rā pau॑ruṣeyyā gṛ॒bho ghasa॑nnū॒naṃ ghā॒se a॑jrāṇāṃ॒ yava॑saprathamānāᳪ su॒matkṣa॑rāṇāᳪ śataru॒driyā॑ṇāmagniṣvā॒ttānāṃ॒ pīvo॑pavasānānāṃ pārśva॒taḥ śro॑ṇi॒taḥ śi॑tāma॒ta u॑tsāda॒to’ṅgā॑daṅgā॒dava॑ttānāṃ॒ kara॑de॒vamindro॑ ju॒ṣatā॑ᳪ ha॒virhota॒ryaja॑ | | ४५ | |
होता॑ यक्ष॒द्वन॒स्पति॑म॒भि हि पि॒ष्टत॑मया॒ रभि॑ष्ठया रश॒नयाधि॑त । यत्रा॒श्विनो॒श्छाग॑स्य ह॒विष॑: प्रि॒या धामा॑नि॒ यत्र॒ सर॑स्वत्या मे॒षस्य॑ ह॒विष॑: प्रि॒या धामा॑नि॒ यत्रेन्द्र॑स्य ऋष॒भस्य॑ ह॒विष॑: प्रि॒या धामा॑नि॒ यत्रा॒ग्नेः प्रि॒या धामा॑नि॒ यत्र॒ सोम॑स्य प्रि॒या धामा॑नि॒ यत्रेन्द्र॑स्य सु॒त्राम्ण॑: प्रि॒या धामा॑नि॒ यत्र॑ सवि॒तुः प्रि॒या धामा॑नि॒ यत्र॒ वरु॑णस्य प्रि॒या धामा॑नि॒ यत्र॒ वन॒स्पते॑: प्रि॒या पाथा॑ᳪसि॒ यत्र॑ दे॒वाना॑माज्य॒पानां॑ प्रि॒या धामा॑नि॒ यत्रा॒ग्नेर्होतु॑: प्रि॒या धामा॑नि॒ तत्रै॒तान्प्र॒स्तुत्ये॑वोप॒स्तुत्ये॑वो॒पाव॑स्रक्ष॒द्रभी॑यस इव कृ॒त्वी कर॑दे॒वं दे॒वो वन॒स्पति॑र्जु॒षता॑ᳪ ह॒विर्होत॒र्यज॑ ।। ४६ ।।
hotā॑ yakṣa॒dvana॒spati॑ma॒bhi hi pi॒ṣṭata॑mayā॒ rabhi॑ṣṭhayā raśa॒nayādhi॑ta | yatrā॒śvino॒śchāga॑sya ha॒viṣa॑: pri॒yā dhāmā॑ni॒ yatra॒ sara॑svatyā me॒ṣasya॑ ha॒viṣa॑: pri॒yā dhāmā॑ni॒ yatrendra॑sya ṛṣa॒bhasya॑ ha॒viṣa॑: pri॒yā dhāmā॑ni॒ yatrā॒gneḥ pri॒yā dhāmā॑ni॒ yatra॒ soma॑sya pri॒yā dhāmā॑ni॒ yatrendra॑sya su॒trāmṇa॑: pri॒yā dhāmā॑ni॒ yatra॑ savi॒tuḥ pri॒yā dhāmā॑ni॒ yatra॒ varu॑ṇasya pri॒yā dhāmā॑ni॒ yatra॒ vana॒spate॑: pri॒yā pāthā॑ᳪsi॒ yatra॑ de॒vānā॑mājya॒pānāṃ॑ pri॒yā dhāmā॑ni॒ yatrā॒gnerhotu॑: pri॒yā dhāmā॑ni॒ tatrai॒tānpra॒stutye॑vopa॒stutye॑vo॒pāva॑srakṣa॒drabhī॑yasa iva kṛ॒tvī kara॑de॒vaṃ de॒vo vana॒spati॑rju॒ṣatā॑ᳪ ha॒virhota॒ryaja॑ | | ४६ | |
होता॑ यक्षद॒ग्निᳪ स्वि॑ष्ट॒कृत॒मया॑ड॒ग्निर॒श्विनो॒श्छाग॑स्य ह॒विष॑: प्रि॒या धामा॒न्यया॒ट् सर॑स्वत्या मे॒षस्य॑ ह॒विष॑: प्रि॒या धामा॒न्यया॒डिन्द्र॑स्य ऋष॒भस्य॑ ह॒विष॑: प्रि॒या धामा॒न्यया॑ड॒ग्नेः प्रि॒या धामा॒न्यया॒ट् सोम॑स्य प्रि॒या धामा॒न्यया॒डिन्द्र॑स्य सु॒त्राम्ण॑: प्रि॒या धामा॒न्यया॑ट् सवि॒तुः प्रि॒या धामा॒न्यया॒ड् वरु॑णस्य प्रि॒या धामा॒न्यया॒ड् वन॒स्पते॑: प्रि॒या पाथा॒ᳪस्यया॑ड् दे॒वाना॑माज्य॒पानां॑ प्रि॒या धामा॑नि॒ यक्ष॑द॒ग्नेर्होतु॑: प्रि॒या धामा॑नि॒ यक्ष॒त् स्वं म॑हि॒मान॒माय॑जता॒मेज्या॒ इष॑: कृ॒णोतु॒ सो अ॑ध्व॒रा जा॒तवे॑दा जु॒षता॑ᳪ ह॒विर्होत॒र्यज॑ ।। ४७ ।।
hotā॑ yakṣada॒gniᳪ svi॑ṣṭa॒kṛta॒mayā॑ḍa॒gnira॒śvino॒śchāga॑sya ha॒viṣa॑: pri॒yā dhāmā॒nyayā॒ṭ sara॑svatyā me॒ṣasya॑ ha॒viṣa॑: pri॒yā dhāmā॒nyayā॒ḍindra॑sya ṛṣa॒bhasya॑ ha॒viṣa॑: pri॒yā dhāmā॒nyayā॑ḍa॒gneḥ pri॒yā dhāmā॒nyayā॒ṭ soma॑sya pri॒yā dhāmā॒nyayā॒ḍindra॑sya su॒trāmṇa॑: pri॒yā dhāmā॒nyayā॑ṭ savi॒tuḥ pri॒yā dhāmā॒nyayā॒ḍ varu॑ṇasya pri॒yā dhāmā॒nyayā॒ḍ vana॒spate॑: pri॒yā pāthā॒ᳪsyayā॑ḍ de॒vānā॑mājya॒pānāṃ॑ pri॒yā dhāmā॑ni॒ yakṣa॑da॒gnerhotu॑: pri॒yā dhāmā॑ni॒ yakṣa॒t svaṃ ma॑hi॒māna॒māya॑jatā॒mejyā॒ iṣa॑: kṛ॒ṇotu॒ so a॑dhva॒rā jā॒tave॑dā ju॒ṣatā॑ᳪ ha॒virhota॒ryaja॑ | | ४७ | |
दे॒वं ब॒र्हिः सर॑स्वती सुदे॒वमिन्द्रे॑ अ॒श्विना॑ ।
तेजो॒ न चक्षु॑र॒क्ष्यो॒र्ब॒र्हिषा॑ दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ४८ ।।
de॒vaṃ ba॒rhiḥ sara॑svatī sude॒vamindre॑ a॒śvinā॑ | tejo॒ na cakṣu॑ra॒kṣyo॒rba॒rhiṣā॑ dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ४८ | |
दे॒वीर्द्वारो॑ अ॒श्विना॑ भि॒षजेन्द्रे॒ सर॑स्वती ।
प्रा॒णं न वी॒र्यं॒ न॒सि द्वारो॑ दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ४९ ।।
de॒vīrdvāro॑ a॒śvinā॑ bhi॒ṣajendre॒ sara॑svatī | prā॒ṇaṃ na vī॒ryaṃ॒ na॒si dvāro॑ dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ४९ | |
दे॒वी उ॒षासा॑व॒श्विना॑ सु॒त्रामेन्द्रे॒ सर॑स्वती ।
बलं॒ न वाच॑मा॒स्य॒ उ॒षाभ्यां॑ दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ५० ।।
de॒vī u॒ṣāsā॑va॒śvinā॑ su॒trāmendre॒ sara॑svatī | balaṃ॒ na vāca॑mā॒sya॒ u॒ṣābhyāṃ॑ dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ५० | |
दे॒वी जोष्ट्री॒ सर॑स्वत्य॒श्विनेन्द्र॑मवर्धयन् ।
श्रोत्रं॒ न कर्ण॑यो॒र्यशो॒ जोष्ट्री॑भ्यां दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ५१ ।।
de॒vī joṣṭrī॒ sara॑svatya॒śvinendra॑mavardhayan | śrotraṃ॒ na karṇa॑yo॒ryaśo॒ joṣṭrī॑bhyāṃ dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ५१ | |
दे॒वी ऊ॒र्जाहु॑ती॒ दुघे॑ सु॒दुघेन्द्रे॒ सर॑स्वत्य॒श्विना॑ भि॒षजा॑ऽवतः ।
शु॒क्रं न ज्योति॒ स्तन॑यो॒राहु॑ती धत्त इन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ५२ ।।
de॒vī ū॒rjāhu॑tī॒ dughe॑ su॒dughendre॒ sara॑svatya॒śvinā॑ bhi॒ṣajā॑’vataḥ | śu॒kraṃ na jyoti॒ stana॑yo॒rāhu॑tī dhatta indri॒yaṃ va॑su॒vane॑ vasu॒dheya॑sya vyantu॒ yaja॑ | | ५२ | |
दे॒वा दे॒वानां॑ भि॒षजा॒ होता॑रा॒विन्द्र॑म॒श्विना॑ ।
व॒ष॒ट्का॒रै॒: सर॑स्वती॒ त्विषिं॒ न हृद॑ये म॒तिᳪ होतृ॑भ्यां दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ५३ ।।
de॒vā de॒vānāṃ॑ bhi॒ṣajā॒ hotā॑rā॒vindra॑ma॒śvinā॑ | va॒ṣa॒ṭkā॒rai॒: sara॑svatī॒ tviṣiṃ॒ na hṛda॑ye ma॒tiᳪ hotṛ॑bhyāṃ dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ५३ | |
दे॒वीस्ति॒स्रस्ति॒स्रो दे॒वीर॒श्विनेडा॒ सर॑स्वती ।
शूषं॒ न मध्ये॒ नाभ्या॒मिन्द्रा॑य दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ५४ ।।
de॒vīsti॒srasti॒sro de॒vīra॒śvineḍā॒ sara॑svatī | śūṣaṃ॒ na madhye॒ nābhyā॒mindrā॑ya dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ५४ | |
दे॒व इन्द्रो॒ नरा॒शᳪस॑स्त्रिवरू॒थः सर॑स्वत्य॒श्विभ्या॑मीयते॒ रथ॑: ।
रेतो॒ न रू॒पम॒मृतं॑ ज॒नित्र॒मिन्द्रा॑य॒ त्वष्टा॒ दध॑दिन्द्रि॒याणि॑ वसु॒वने॑ वसु॒धेय॑स्य व्यन्तु॒ यज॑ ।। ५५ ।।
de॒va indro॒ narā॒śaᳪsa॑strivarū॒thaḥ sara॑svatya॒śvibhyā॑mīyate॒ ratha॑: | reto॒ na rū॒pama॒mṛtaṃ॑ ja॒nitra॒mindrā॑ya॒ tvaṣṭā॒ dadha॑dindri॒yāṇi॑ vasu॒vane॑ vasu॒dheya॑sya vyantu॒ yaja॑ | | ५५ | |
दे॒वो दे॒वैर्वन॒स्पति॒र्हिर॑ण्यपर्णो अ॒श्विभ्या॒ᳪ सर॑स्वत्या सुपिप्प॒ल इन्द्रा॑य पच्यते॒ मधु॑ ।
ओजो॒ न जू॒तिरृ॑ष॒भो न भामं॒ वन॒स्पति॑र्नो॒ दध॑दिन्द्रि॒याणि॑ वसु॒वने॑ वसु॒धेय॑स्य व्यन्तु॒ यज॑ ।। ५६ ।।
de॒vo de॒vairvana॒spati॒rhira॑ṇyaparṇo a॒śvibhyā॒ᳪ sara॑svatyā supippa॒la indrā॑ya pacyate॒ madhu॑ | ojo॒ na jū॒tirṛ॑ṣa॒bho na bhāmaṃ॒ vana॒spati॑rno॒ dadha॑dindri॒yāṇi॑ vasu॒vane॑ vasu॒dheya॑sya vyantu॒ yaja॑ | | ५६ | |
दे॒वं ब॒र्हिर्वारि॑तीनामध्व॒रे स्ती॒र्णम॒श्विभ्या॒मूर्ण॑म्रदा॒: सर॑स्वत्या स्यो॒नमि॑न्द्र ते॒ सद॑: ।
ई॒शायै॑ म॒न्युᳪ राजा॑नं ब॒र्हिषा॑ दधुरिन्द्रि॒यं व॑सु॒वने॑ वसु॒धेय॑स्य व्यन्तु॒ यज॑ ।। ५७ ।।
de॒vaṃ ba॒rhirvāri॑tīnāmadhva॒re stī॒rṇama॒śvibhyā॒mūrṇa॑mradā॒: sara॑svatyā syo॒nami॑ndra te॒ sada॑: | ī॒śāyai॑ ma॒nyuᳪ rājā॑naṃ ba॒rhiṣā॑ dadhurindri॒yaṃ va॑su॒vane॑ vasu॒dheya॑sya vyantu॒ yaja॑ | | ५७ | |
दे॒वो अ॒ग्निः स्वि॑ष्ट॒कृद्दे॒वान्य॑क्षद्यथाय॒थᳪ होता॑रा॒विन्द्र॑म॒श्विना॑ वा॒चा वाच॒ᳪ सर॑स्वतीम॒ग्निᳪ सोम॑ᳪ स्विष्ट॒कृत् स्वि॑ष्ट॒ इन्द्र॑: सु॒त्रामा॑ सवि॒ता वरु॑णो भि॒षगि॒ष्टो दे॒वो वन॒स्पति॒: स्वि॒ष्टा दे॒वा आ॑ज्य॒पाः स्वि॑ष्टो अ॒ग्निर॒ग्निना॒ होता॑ हो॒त्रे स्वि॑ष्ट॒कृद्यशो॒ न दध॑दिन्द्रि॒यमूर्ज॒मप॑चितिᳪ स्व॒धां व॑सु॒वने॑ वसु॒धेय॑स्य व्यन्तु॒ यज॑ ।। ५८ ।।
de॒vo a॒gniḥ svi॑ṣṭa॒kṛdde॒vānya॑kṣadyathāya॒thaᳪ hotā॑rā॒vindra॑ma॒śvinā॑ vā॒cā vāca॒ᳪ sara॑svatīma॒gniᳪ soma॑ᳪ sviṣṭa॒kṛt svi॑ṣṭa॒ indra॑: su॒trāmā॑ savi॒tā varu॑ṇo bhi॒ṣagi॒ṣṭo de॒vo vana॒spati॒: svi॒ṣṭā de॒vā ā॑jya॒pāḥ svi॑ṣṭo a॒gnira॒gninā॒ hotā॑ ho॒tre svi॑ṣṭa॒kṛdyaśo॒ na dadha॑dindri॒yamūrja॒mapa॑citiᳪ sva॒dhāṃ va॑su॒vane॑ vasu॒dheya॑sya vyantu॒ yaja॑ | | ५८ | |
अ॒ग्निम॒द्य होता॑रमवृणीता॒यं यज॑मान॒: पच॒न् पक्ती॒: पच॑न् पुरो॒डाशा॑न् ब॒ध्नन्न॒श्विभ्यां॒ छाग॒ᳪ सर॑स्वत्यै मे॒षमिन्द्रा॑य ऋष॒भᳪ सु॒न्वन्न॒श्विभ्या॒ᳪ सर॑स्वत्या॒ इन्द्रा॑य सु॒त्राम्णे॑ सुरासो॒मान् ।। ५९ ।।
a॒gnima॒dya hotā॑ramavṛṇītā॒yaṃ yaja॑māna॒: paca॒n paktī॒: paca॑n puro॒ḍāśā॑n ba॒dhnanna॒śvibhyāṃ॒ chāga॒ᳪ sara॑svatyai me॒ṣamindrā॑ya ṛṣa॒bhaᳪ su॒nvanna॒śvibhyā॒ᳪ sara॑svatyā॒ indrā॑ya su॒trāmṇe॑ surāso॒mān | | ५९ | |
सू॒प॒स्था अ॒द्य दे॒वो वन॒स्पति॑रभवद॒श्विभ्यां॒ छागे॑न॒ सर॑स्वत्यै मे॒षेणेन्द्रा॑य ऋष॒भेणाक्षँ॒स्तान् मे॑द॒स्तः प्रति॑ पच॒तागृ॑भीष॒तावी॑वृधन्त पुरो॒डाशै॒रपु॑र॒श्विना॒ सर॑स्व॒तीन्द्र॑: सु॒त्रामा॑ सुरासो॒मान् ।। ६० ।।
sū॒pa॒sthā a॒dya de॒vo vana॒spati॑rabhavada॒śvibhyāṃ॒ chāge॑na॒ sara॑svatyai me॒ṣeṇendrā॑ya ṛṣa॒bheṇākṣam॒̐stān me॑da॒staḥ prati॑ paca॒tāgṛ॑bhīṣa॒tāvī॑vṛdhanta puro॒ḍāśai॒rapu॑ra॒śvinā॒ sara॑sva॒tīndra॑: su॒trāmā॑ surāso॒mān | | ६० | |
त्वाम॒द्य ऋ॑ष आर्षेय ऋषीणां नपादवृणीता॒यं यज॑मानो ब॒हुभ्य॒ आ सङ्ग॑तेभ्य ए॒ष मे॑ दे॒वेषु॒ वसु॒ वार्याय॑क्ष्यत॒ इति॒ ता या दे॒वा दे॑व॒ दाना॒न्यदु॒स्तान्य॑स्मा॒ आ च॒ शास्वा च॑ गुरस्वेषि॒तश्च॑ होत॒रसि॑ भद्र॒वाच्या॑य॒ प्रेषि॑तो॒ मानु॑षः सूक्तवा॒काय॑ सू॒क्ता ब्रू॑हि ।। ६१ ।।
tvāma॒dya ṛ॑ṣa ārṣeya ṛṣīṇāṃ napādavṛṇītā॒yaṃ yaja॑māno ba॒hubhya॒ ā saṅga॑tebhya e॒ṣa me॑ de॒veṣu॒ vasu॒ vāryāya॑kṣyata॒ iti॒ tā yā de॒vā de॑va॒ dānā॒nyadu॒stānya॑smā॒ ā ca॒ śāsvā ca॑ gurasveṣi॒taśca॑ hota॒rasi॑ bhadra॒vācyā॑ya॒ preṣi॑to॒ mānu॑ṣaḥ sūktavā॒kāya॑ sū॒ktā brū॑hi | | ६१ | |