Śukla Yajurveda Mādhyaṃdina 19.1◌ EeseDharma mein verified
स्वा॒द्वीं त्वा॑ स्वा॒दुना॑ ती॒व्रां ती॒व्रेणा॒मृता॑म॒मृते॑न । मधु॑मतीं॒ मधु॑मता सृ॒जामि॒ सᳪ सोमे॑न ।
सोमो॑ऽस्य॒श्विभ्यां॑ पच्यस्व॒ सर॑स्वत्यै पच्य॒स्वेन्द्रा॑य सु॒त्राम्णे॑ पच्यस्व ।। १ ।।
Roman readingsvā॒dvīṃ tvā॑ svā॒dunā॑ tī॒vrāṃ tī॒vreṇā॒mṛtā॑ma॒mṛte॑na | madhu॑matīṃ॒ madhu॑matā sṛ॒jāmi॒ saᳪ some॑na | somo॑’sya॒śvibhyāṃ॑ pacyasva॒ sara॑svatyai pacya॒svendrā॑ya su॒trāmṇe॑ pacyasva | | १ | |
Project-owned meaning abhi available nahi hai.
Śukla Yajurveda Mādhyaṃdina 19.2◌ EeseDharma mein verified
परी॒तो षि॑ञ्च॒ता सु॒तᳪ सोमो॒ य उ॑त्त॒मᳪ ह॒विः ।
द॒ध॒न्वा यो नर्यो॑ अ॒प्स्वन्तरा सु॒षाव॒ सोम॒मद्रि॑भिः ।। २ ।।
Roman readingparī॒to ṣi॑ñca॒tā su॒taᳪ somo॒ ya u॑tta॒maᳪ ha॒viḥ | da॒dha॒nvā yo naryo॑ a॒psvantarā su॒ṣāva॒ soma॒madri॑bhiḥ | | २ | |
Project-owned meaning abhi available nahi hai.
Śukla Yajurveda Mādhyaṃdina 19.3◌ EeseDharma mein verified
वा॒योः पू॒तः प॒वित्रे॑ण प्र॒त्यङ्क्सोमो॒ अति॑द्रुतः । इन्द्र॑स्य॒ युज्य॒: सखा॑ ।। ३ ।।
Roman readingvā॒yoḥ pū॒taḥ pa॒vitre॑ṇa pra॒tyaṅksomo॒ ati॑drutaḥ | indra॑sya॒ yujya॒: sakhā॑ | | ३ | |
Project-owned meaning abhi available nahi hai.
Śukla Yajurveda Mādhyaṃdina 19.4◌ EeseDharma mein verified
पु॒नाति॑ ते परि॒स्रुत॒ᳪ सोम॒ᳪ सूर्य॑स्य दुहि॒ता । वारे॑ण॒ शश्व॑ता॒ तना॑ ।। ४ ।।
Roman readingpu॒nāti॑ te pari॒sruta॒ᳪ soma॒ᳪ sūrya॑sya duhi॒tā | vāre॑ṇa॒ śaśva॑tā॒ tanā॑ | | ४ | |
Project-owned meaning abhi available nahi hai.
Śukla Yajurveda Mādhyaṃdina 19.5◌ EeseDharma mein verified
ब्रह्म॑ क्ष॒त्रं प॑वते॒ तेज॑ इन्द्रि॒यᳪ सुर॑या॒ सोम॑: सु॒त आसु॑तो॒ मदा॑य ।
शु॒क्रेण॑ देव दे॒वता॑: पिपृग्धि॒ रसे॒नान्नं॒ यज॑मानाय धेहि ।। ५ ।।
Roman readingbrahma॑ kṣa॒traṃ pa॑vate॒ teja॑ indri॒yaᳪ sura॑yā॒ soma॑: su॒ta āsu॑to॒ madā॑ya | śu॒kreṇa॑ deva de॒vatā॑: pipṛgdhi॒ rase॒nānnaṃ॒ yaja॑mānāya dhehi | | ५ | |
Project-owned meaning abhi available nahi hai.
Śukla Yajurveda Mādhyaṃdina 19.6◌ EeseDharma mein verified
कु॒विद॒ङ्ग यव॑मन्तो॒ यवं॑ चि॒द्यथा॒ दान्त्य॑नुपू॒र्वं वि॒यूय॑ ।
इ॒हेहै॑षां कृणुहि॒ भोज॑नानि॒ ये ब॒र्हिषो॒ नम॑ उक्तिं॒ यज॑न्ति ।
उ॒प॒या॒मगृ॑हीतोऽस्य॒श्विभ्यां॑ त्वा॒ सर॑स्वत्यै॒ त्वेन्द्रा॑य त्वा सु॒त्राम्ण॑ ए॒ष ते॒ योनि॒स्तेज॑से त्वा वी॒र्या॒य त्वा॒ बला॑य त्वा ।। ६ ।।
Roman readingku॒vida॒ṅga yava॑manto॒ yavaṃ॑ ci॒dyathā॒ dāntya॑nupū॒rvaṃ vi॒yūya॑ | i॒hehai॑ṣāṃ kṛṇuhi॒ bhoja॑nāni॒ ye ba॒rhiṣo॒ nama॑ uktiṃ॒ yaja॑nti | u॒pa॒yā॒magṛ॑hīto’sya॒śvibhyāṃ॑ tvā॒ sara॑svatyai॒ tvendrā॑ya tvā su॒trāmṇa॑ e॒ṣa te॒ yoni॒steja॑se tvā vī॒ryā॒ya tvā॒ balā॑ya tvā | | ६ | |
Project-owned meaning abhi available nahi hai.
Śukla Yajurveda Mādhyaṃdina 19.7◌ EeseDharma mein verified
नाना॒ हि वां॑ दे॒वहि॑त॒ᳪ सद॑स्कृ॒तं मा सᳪ सृ॑क्षाथां पर॒मे व्यो॑मन् ।
सुरा॒ त्वमसि॑ शु॒ष्मिणी॒ सोम॑ ए॒ष मा मा॑ हिᳪसी॒: स्वां योनि॑मावि॒शन्ती॑ ।। ७ ।।
Roman readingnānā॒ hi vāṃ॑ de॒vahi॑ta॒ᳪ sada॑skṛ॒taṃ mā saᳪ sṛ॑kṣāthāṃ para॒me vyo॑man | surā॒ tvamasi॑ śu॒ṣmiṇī॒ soma॑ e॒ṣa mā mā॑ hiᳪsī॒: svāṃ yoni॑māvi॒śantī॑ | | ७ | |
Project-owned meaning abhi available nahi hai.
Śukla Yajurveda Mādhyaṃdina 19.8◌ EeseDharma mein verified
उ॒प॒या॒मगृ॑हीतो॒ऽस्याश्वि॑नं॒ तेज॑: सारस्व॒तं वी॒र्य॒मै॒न्द्रं बल॑म् ।
ए॒ष ते॒ योनि॒र्मोदा॑य त्वा ऽऽन॒न्दाय॑ त्वा॒ मह॑से त्वा ।। ८ ।।
Roman readingu॒pa॒yā॒magṛ॑hīto॒’syāśvi॑naṃ॒ teja॑: sārasva॒taṃ vī॒rya॒mai॒ndraṃ bala॑m | e॒ṣa te॒ yoni॒rmodā॑ya tvā ’’na॒ndāya॑ tvā॒ maha॑se tvā | | ८ | |
Project-owned meaning abhi available nahi hai.
Śukla Yajurveda Mādhyaṃdina 19.9◌ EeseDharma mein verified
तेजो॑ऽसि॒ तेजो॒ मयि॑ धेहि वी॒र्य॒मसि वी॒र्यं मयि॑ धेहि बल॑मसि॒ बलं॒ मयि॑ धे॒ह्योजो॒ऽस्योजो॒ मयि॑ धेहि म॒न्युर॑सि म॒न्युं मयि॑ धेहि॒ सहो॑ऽसि॒ सहो॒ मयि॑ धेहि ।। ९ ।।
Roman readingtejo॑’si॒ tejo॒ mayi॑ dhehi vī॒rya॒masi vī॒ryaṃ mayi॑ dhehi bala॑masi॒ balaṃ॒ mayi॑ dhe॒hyojo॒’syojo॒ mayi॑ dhehi ma॒nyura॑si ma॒nyuṃ mayi॑ dhehi॒ saho॑’si॒ saho॒ mayi॑ dhehi | | ९ | |
Project-owned meaning abhi available nahi hai.
Śukla Yajurveda Mādhyaṃdina 19.10◌ EeseDharma mein verified
या व्या॒घ्रं विषू॑चिकोभौ॒ वृकं॑ च॒ रक्ष॑ति । श्ये॒नं प॑त॒त्रिण॑ᳪ सि॒ᳪहᳪ सेमं पा॒त्वᳪह॑सः ।। १० ।।
Roman readingyā vyā॒ghraṃ viṣū॑cikobhau॒ vṛkaṃ॑ ca॒ rakṣa॑ti | śye॒naṃ pa॑ta॒triṇa॑ᳪ si॒ᳪhaᳪ semaṃ pā॒tvaᳪha॑saḥ | | १० | |
Project-owned meaning abhi available nahi hai.
Śukla Yajurveda Mādhyaṃdina 19.11◌ EeseDharma mein verified
यदा॑पि॒पेष॑ मा॒तरं॑ पु॒त्रः प्रमु॑दितो॒ धय॑न् । ए॒तत्तद॑ग्ने अनृ॒णो भ॑वा॒म्यह॑तौ पि॒तरौ॒ मया॑ ।
स॒म्पृच॑ स्थ॒ सं मा॑ भ॒द्रेण॑ पृङ्क्त वि॒पृच॑ स्थ॒ वि मा॑ पा॒प्मना॑ पृङ्क्त ।। ११ ।।
Roman readingyadā॑pi॒peṣa॑ mā॒taraṃ॑ pu॒traḥ pramu॑dito॒ dhaya॑n | e॒tattada॑gne anṛ॒ṇo bha॑vā॒myaha॑tau pi॒tarau॒ mayā॑ | sa॒mpṛca॑ stha॒ saṃ mā॑ bha॒dreṇa॑ pṛṅkta vi॒pṛca॑ stha॒ vi mā॑ pā॒pmanā॑ pṛṅkta | | ११ | |
Project-owned meaning abhi available nahi hai.
Śukla Yajurveda Mādhyaṃdina 19.12◌ EeseDharma mein verified
दे॒वा य॒ज्ञम॑तन्वत भेष॒जं भि॒षजा॒ऽश्विना॑ । वा॒चा सर॑स्वती भि॒षगिन्द्रा॑येन्द्रि॒याणि॒ दध॑तः ।। १२ ।।
Roman readingde॒vā ya॒jñama॑tanvata bheṣa॒jaṃ bhi॒ṣajā॒’śvinā॑ | vā॒cā sara॑svatī bhi॒ṣagindrā॑yendri॒yāṇi॒ dadha॑taḥ | | १२ | |
Project-owned meaning abhi available nahi hai.
Śukla Yajurveda Mādhyaṃdina 19.13◌ EeseDharma mein verified
दी॒क्षायै॑ रू॒पᳪ शष्पा॑णि प्राय॒णीय॑स्य॒ तोक्मा॑नि । क्र॒यस्य॑ रू॒पᳪ सोम॑स्य ला॒जाः सो॑मा॒ᳪशवो॒ मधु॑ ।। १३ ।।
Roman readingdī॒kṣāyai॑ rū॒paᳪ śaṣpā॑ṇi prāya॒ṇīya॑sya॒ tokmā॑ni | kra॒yasya॑ rū॒paᳪ soma॑sya lā॒jāḥ so॑mā॒ᳪśavo॒ madhu॑ | | १३ | |
Project-owned meaning abhi available nahi hai.
Śukla Yajurveda Mādhyaṃdina 19.14◌ EeseDharma mein verified
आ॒ति॒थ्य॒रू॒पं मास॑रं महावी॒रस्य॑ न॒ग्नहु॑: । रू॒पमु॑प॒सदा॑मे॒तत्ति॒स्रो रात्री॒: सुराऽऽसु॑ता ।। १४ ।।
Roman readingā॒ti॒thya॒rū॒paṃ māsa॑raṃ mahāvī॒rasya॑ na॒gnahu॑: | rū॒pamu॑pa॒sadā॑me॒tatti॒sro rātrī॒: surā’’su॑tā | | १४ | |
Project-owned meaning abhi available nahi hai.
Śukla Yajurveda Mādhyaṃdina 19.15◌ EeseDharma mein verified
सोम॑स्य रू॒पं क्री॒तस्य॑ परि॒स्रुत्परि॑ षिच्यते । अ॒श्विभ्यां॑ दु॒ग्धं भे॑ष॒जमिन्द्रा॑यै॒न्द्रᳪ सर॑स्वत्या ।। १५ ।।
Roman readingsoma॑sya rū॒paṃ krī॒tasya॑ pari॒srutpari॑ ṣicyate | a॒śvibhyāṃ॑ du॒gdhaṃ bhe॑ṣa॒jamindrā॑yai॒ndraᳪ sara॑svatyā | | १५ | |
Project-owned meaning abhi available nahi hai.
Śukla Yajurveda Mādhyaṃdina 19.16◌ EeseDharma mein verified
आ॒स॒न्दी रू॒पᳪ रा॑जासन्द्यै॒ वेद्यै॑ कु॒म्भी सु॑रा॒धानी॑ । अन्त॑र उत्तरवे॒द्या रू॒पं का॑रोत॒रो भि॒षक् ।। १६ ।।
Roman readingā॒sa॒ndī rū॒paᳪ rā॑jāsandyai॒ vedyai॑ ku॒mbhī su॑rā॒dhānī॑ | anta॑ra uttarave॒dyā rū॒paṃ kā॑rota॒ro bhi॒ṣak | | १६ | |
Project-owned meaning abhi available nahi hai.
Śukla Yajurveda Mādhyaṃdina 19.17◌ EeseDharma mein verified
वेद्या॒ वेदि॒: समा॑प्यते ब॒र्हिषा॑ ब॒र्हिरि॑न्द्रि॒यम् । यूपे॑न॒ यूप॑ आप्यते॒ प्रणी॑तो अ॒ग्निर॒ग्निना॑ ।। १७ ।।
Roman readingvedyā॒ vedi॒: samā॑pyate ba॒rhiṣā॑ ba॒rhiri॑ndri॒yam | yūpe॑na॒ yūpa॑ āpyate॒ praṇī॑to a॒gnira॒gninā॑ | | १७ | |
Project-owned meaning abhi available nahi hai.
Śukla Yajurveda Mādhyaṃdina 19.18◌ EeseDharma mein verified
ह॒वि॒र्धानं॒ यद॒श्विनाऽऽग्नी॑ध्रं॒ यत्सर॑स्वती । इन्द्रा॑यै॒न्द्रᳪ सद॑स्कृ॒तं प॑त्नी॒शालं॒ गार्ह॑पत्यः ।। १८ ।।
Roman readingha॒vi॒rdhānaṃ॒ yada॒śvinā’’gnī॑dhraṃ॒ yatsara॑svatī | indrā॑yai॒ndraᳪ sada॑skṛ॒taṃ pa॑tnī॒śālaṃ॒ gārha॑patyaḥ | | १८ | |
Project-owned meaning abhi available nahi hai.
Śukla Yajurveda Mādhyaṃdina 19.19◌ EeseDharma mein verified
प्रै॒षेभि॑: प्रै॒षाना॑प्नोत्या॒प्रीभि॑रा॒प्रीर्य॒ज्ञस्य॑ । प्र॒या॒जेभि॑रनुया॒जान् व॑षट्का॒रेभि॒राहु॑तीः ।। १९ ।।
Roman readingprai॒ṣebhi॑: prai॒ṣānā॑pnotyā॒prībhi॑rā॒prīrya॒jñasya॑ | pra॒yā॒jebhi॑ranuyā॒jān va॑ṣaṭkā॒rebhi॒rāhu॑tīḥ | | १९ | |
Project-owned meaning abhi available nahi hai.
Śukla Yajurveda Mādhyaṃdina 19.20◌ EeseDharma mein verified
प॒शुभि॑: प॒शूना॑प्नोति पुरो॒डाशै॑र्ह॒वीᳪष्या । छन्दो॑भिः सामिधे॒नीर्या॒ज्या॒भिर्वषट्का॒रान् ।। २० ।।
Roman readingpa॒śubhi॑: pa॒śūnā॑pnoti puro॒ḍāśai॑rha॒vīᳪṣyā | chando॑bhiḥ sāmidhe॒nīryā॒jyā॒bhirvaṣaṭkā॒rān | | २० | |
Project-owned meaning abhi available nahi hai.
Śukla Yajurveda Mādhyaṃdina 19.21◌ EeseDharma mein verified
धा॒नाः क॑र॒म्भः सक्त॑वः परीवा॒पः पयो॒ दधि॑ । सोम॑स्य रू॒पᳪ ह॒विष॑ आ॒मिक्षा॒ वाजि॑नं॒ मधु॑ ।। २१ ।।
Roman readingdhā॒nāḥ ka॑ra॒mbhaḥ sakta॑vaḥ parīvā॒paḥ payo॒ dadhi॑ | soma॑sya rū॒paᳪ ha॒viṣa॑ ā॒mikṣā॒ vāji॑naṃ॒ madhu॑ | | २१ | |
Project-owned meaning abhi available nahi hai.
Śukla Yajurveda Mādhyaṃdina 19.22◌ EeseDharma mein verified
धा॒नाना॑ᳪ रू॒पं कुव॑लं परीवा॒पस्य॑ गो॒धूमा॑: । सक्तू॑नाᳪ रू॒पं बद॑रमुप॒वाका॑: कर॒म्भस्य॑ ।। २२ ।।
Roman readingdhā॒nānā॑ᳪ rū॒paṃ kuva॑laṃ parīvā॒pasya॑ go॒dhūmā॑: | saktū॑nāᳪ rū॒paṃ bada॑ramupa॒vākā॑: kara॒mbhasya॑ | | २२ | |
Project-owned meaning abhi available nahi hai.
Śukla Yajurveda Mādhyaṃdina 19.23◌ EeseDharma mein verified
पय॑सो रू॒पं यद्यवा॑ द॒ध्नो रू॒पं क॒र्कन्धू॑नि । सोम॑स्य रू॒पं वाजि॑नᳪ सौ॒म्यस्य॑ रू॒पमा॒मिक्षा॑ ।। २३ ।।
Roman readingpaya॑so rū॒paṃ yadyavā॑ da॒dhno rū॒paṃ ka॒rkandhū॑ni | soma॑sya rū॒paṃ vāji॑naᳪ sau॒myasya॑ rū॒pamā॒mikṣā॑ | | २३ | |
Project-owned meaning abhi available nahi hai.
Śukla Yajurveda Mādhyaṃdina 19.24◌ EeseDharma mein verified
आ श्रा॑व॒येति॑ स्तो॒त्रिया॑: प्रत्याश्रा॒वो अनु॑रूपः । यजेति॑ धाय्यारू॒पं प्र॑गा॒था ये॑यजाम॒हाः ।। २४ ।।
Roman readingā śrā॑va॒yeti॑ sto॒triyā॑: pratyāśrā॒vo anu॑rūpaḥ | yajeti॑ dhāyyārū॒paṃ pra॑gā॒thā ye॑yajāma॒hāḥ | | २४ | |
Project-owned meaning abhi available nahi hai.
Śukla Yajurveda Mādhyaṃdina 19.25◌ EeseDharma mein verified
अ॒र्ध॒ – ऋ॒चैरु॒क्थाना॑ᳪ रू॒पं प॒दैरा॑प्नोति नि॒विद॑: । प्र॒ण॒वै: श॒स्त्राणा॑ᳪ रू॒पं पय॑सा॒ सोम॑ आप्यते ।। २५ ।।
Roman readinga॒rdha॒ – ṛ॒cairu॒kthānā॑ᳪ rū॒paṃ pa॒dairā॑pnoti ni॒vida॑: | pra॒ṇa॒vai: śa॒strāṇā॑ᳪ rū॒paṃ paya॑sā॒ soma॑ āpyate | | २५ | |
Project-owned meaning abhi available nahi hai.
Śukla Yajurveda Mādhyaṃdina 19.26◌ EeseDharma mein verified
अ॒श्विभ्यां॑ प्रातः सव॒नमिन्द्रे॑णै॒न्द्रं माध्यं॑न्दिनम् । वै॒श्व॒दे॒वᳪ सर॑स्वत्या तृ॒तीय॑मा॒प्तᳪ सव॑नम् ।। २६ ।।
Roman readinga॒śvibhyāṃ॑ prātaḥ sava॒namindre॑ṇai॒ndraṃ mādhyaṃ॑ndinam | vai॒śva॒de॒vaᳪ sara॑svatyā tṛ॒tīya॑mā॒ptaᳪ sava॑nam | | २६ | |
Project-owned meaning abhi available nahi hai.
Śukla Yajurveda Mādhyaṃdina 19.27◌ EeseDharma mein verified
वा॒य॒व्यै॒र्वाय॒व्या॒न्याप्नोति॒ सते॑न द्रोणकल॒शम् । कु॒म्भीभ्या॑मम्भृ॒णौ सु॒ते स्था॒लीभि॑ स्था॒लीरा॑प्नोति ।। २७ ।।
Roman readingvā॒ya॒vyai॒rvāya॒vyā॒nyāpnoti॒ sate॑na droṇakala॒śam | ku॒mbhībhyā॑mambhṛ॒ṇau su॒te sthā॒lībhi॑ sthā॒līrā॑pnoti | | २७ | |
Project-owned meaning abhi available nahi hai.
Śukla Yajurveda Mādhyaṃdina 19.28◌ EeseDharma mein verified
यजु॑र्भिराप्यन्ते॒ ग्रहा॒ ग्रहै॒ स्तोमा॑श्च॒ विष्टु॑तीः । छन्दो॑भिरुक्थाश॒स्त्राणि॒ साम्ना॑वभृ॒थ आ॑प्यते ।। २८ ।।
Roman readingyaju॑rbhirāpyante॒ grahā॒ grahai॒ stomā॑śca॒ viṣṭu॑tīḥ | chando॑bhirukthāśa॒strāṇi॒ sāmnā॑vabhṛ॒tha ā॑pyate | | २८ | |
Project-owned meaning abhi available nahi hai.
Śukla Yajurveda Mādhyaṃdina 19.29◌ EeseDharma mein verified
इडा॑भिर्भ॒क्षाना॑प्नोति सूक्तवा॒केना॒शिष॑: । शं॒युना॑ पत्नीसंया॒जान्त्स॑मिष्टय॒जुषा॑ स॒ᳪस्थाम् ।। २९ ।।
Roman readingiḍā॑bhirbha॒kṣānā॑pnoti sūktavā॒kenā॒śiṣa॑: | śaṃ॒yunā॑ patnīsaṃyā॒jāntsa॑miṣṭaya॒juṣā॑ sa॒ᳪsthām | | २९ | |
Project-owned meaning abhi available nahi hai.
Śukla Yajurveda Mādhyaṃdina 19.30◌ EeseDharma mein verified
व्र॒तेन॑ दी॒क्षामा॑प्नोति दी॒क्षया॑ऽऽप्नोति॒ दक्षि॑णाम् । दक्षि॑णा श्र॒द्धामा॑प्नोति श्र॒द्धया॑ स॒त्यमा॑प्यते ।। ३० ।।
Roman readingvra॒tena॑ dī॒kṣāmā॑pnoti dī॒kṣayā॑’’pnoti॒ dakṣi॑ṇām | dakṣi॑ṇā śra॒ddhāmā॑pnoti śra॒ddhayā॑ sa॒tyamā॑pyate | | ३० | |
Project-owned meaning abhi available nahi hai.
Śukla Yajurveda Mādhyaṃdina 19.31◌ EeseDharma mein verified
ए॒ताव॑द्रू॒पं य॒ज्ञस्य॒ यद्दे॒वैर्ब्रह्म॑णा कृ॒तम् । तदे॒तत्सर्व॑माप्नोति य॒ज्ञे सौ॑त्राम॒णी सु॒ते ।। ३१ ।।
Roman readinge॒tāva॑drū॒paṃ ya॒jñasya॒ yadde॒vairbrahma॑ṇā kṛ॒tam | tade॒tatsarva॑māpnoti ya॒jñe sau॑trāma॒ṇī su॒te | | ३१ | |
Project-owned meaning abhi available nahi hai.
Śukla Yajurveda Mādhyaṃdina 19.32◌ EeseDharma mein verified
सुरा॑वन्तं बर्हि॒षद॑ᳪ सु॒वीरं॑ य॒ज्ञᳪ हि॑न्वन्ति महि॒षा नमो॑भिः ।
दधा॑ना॒: सोमं॑ दि॒वि दे॒वता॑सु॒ मदे॒मेन्द्रँ॒ यज॑मानाः स्व॒र्काः ।। ३२ ।।
Roman readingsurā॑vantaṃ barhi॒ṣada॑ᳪ su॒vīraṃ॑ ya॒jñaᳪ hi॑nvanti mahi॒ṣā namo॑bhiḥ | dadhā॑nā॒: somaṃ॑ di॒vi de॒vatā॑su॒ made॒mendram॒̐ yaja॑mānāḥ sva॒rkāḥ | | ३२ | |
Project-owned meaning abhi available nahi hai.
Śukla Yajurveda Mādhyaṃdina 19.33◌ EeseDharma mein verified
यस्ते॒ रस॒: सम्भृ॑त॒ ओष॑धीषु॒ सोम॑स्य॒ शुष्म॒: सुर॑या सु॒तस्य॑ । तेन॑ जिन्व॒ यज॑मानं॒ मदे॑न॒ सर॑स्वतीम॒श्विना॒विन्द्र॑म॒ग्निम् ।। ३३ ।।
Roman readingyaste॒ rasa॒: sambhṛ॑ta॒ oṣa॑dhīṣu॒ soma॑sya॒ śuṣma॒: sura॑yā su॒tasya॑ | tena॑ jinva॒ yaja॑mānaṃ॒ made॑na॒ sara॑svatīma॒śvinā॒vindra॑ma॒gnim | | ३३ | |
Project-owned meaning abhi available nahi hai.
Śukla Yajurveda Mādhyaṃdina 19.34◌ EeseDharma mein verified
यम॒श्विना॒ नमु॑चेरासु॒रादधि॒ सर॑स्व॒त्यसु॑नोदिन्द्रि॒याय॑ ।
इ॒मं तᳪ शु॒क्रं मधु॑मन्त॒मिन्दु॒ᳪ सोम॒ᳪ राजा॑नमि॒ह भ॑क्षयामि ।। ३४ ।।
Roman readingyama॒śvinā॒ namu॑cerāsu॒rādadhi॒ sara॑sva॒tyasu॑nodindri॒yāya॑ | i॒maṃ taᳪ śu॒kraṃ madhu॑manta॒mindu॒ᳪ soma॒ᳪ rājā॑nami॒ha bha॑kṣayāmi | | ३४ | |
Project-owned meaning abhi available nahi hai.
Śukla Yajurveda Mādhyaṃdina 19.35◌ EeseDharma mein verified
यदत्र॑ रि॒प्तᳪ र॒सिन॑: सु॒तस्य॒ यदिन्द्रो॒ अपि॑ब॒च्छची॑भिः ।
अ॒हं तद॑स्य॒ मन॑सा शि॒वेन॒ सोम॒ᳪ राजा॑नमि॒ह भ॑क्षयामि ।। ३५ ।।
Roman readingyadatra॑ ri॒ptaᳪ ra॒sina॑: su॒tasya॒ yadindro॒ api॑ba॒cchacī॑bhiḥ | a॒haṃ tada॑sya॒ mana॑sā śi॒vena॒ soma॒ᳪ rājā॑nami॒ha bha॑kṣayāmi | | ३५ | |
Project-owned meaning abhi available nahi hai.
Śukla Yajurveda Mādhyaṃdina 19.36◌ EeseDharma mein verified
पि॒तृभ्य॑: स्वधा॒यिभ्य॑: स्व॒धा नम॑: पिताम॒हेभ्य॑: स्वधा॒यिभ्य॑: स्व॒धा नम॒: प्रपि॑तामहेभ्यः स्वधा॒यिभ्य॑: स्व॒धा नम॑: । अक्ष॑न् पि॒तरो ऽमी॑मदन्त पि॒तरो ऽती॑तृपन्त पि॒तर॒: पित॑र॒: शुन्ध॑ध्वम् ।। ३६ ।।
Roman readingpi॒tṛbhya॑: svadhā॒yibhya॑: sva॒dhā nama॑: pitāma॒hebhya॑: svadhā॒yibhya॑: sva॒dhā nama॒: prapi॑tāmahebhyaḥ svadhā॒yibhya॑: sva॒dhā nama॑: | akṣa॑n pi॒taro ’mī॑madanta pi॒taro ’tī॑tṛpanta pi॒tara॒: pita॑ra॒: śundha॑dhvam | | ३६ | |
Project-owned meaning abhi available nahi hai.
Śukla Yajurveda Mādhyaṃdina 19.37◌ EeseDharma mein verified
पु॒नन्तु॑ मा पि॒तर॑: सो॒म्यास॑: पु॒नन्तु॑ मा पिताम॒हाः पु॒नन्तु॒ प्रपि॑तामहाः । प॒वित्रे॑ण श॒तायु॑षा ।
पु॒नन्तु॑ मा पिताम॒हाः पु॒नन्तु॒ प्रपि॑तामहाः । प॒वित्रे॑ण श॒तायु॑षा॒ विश्व॒मायु॒र्व्य॒श्नवै ।। ३७ ।।
Roman readingpu॒nantu॑ mā pi॒tara॑: so॒myāsa॑: pu॒nantu॑ mā pitāma॒hāḥ pu॒nantu॒ prapi॑tāmahāḥ | pa॒vitre॑ṇa śa॒tāyu॑ṣā | pu॒nantu॑ mā pitāma॒hāḥ pu॒nantu॒ prapi॑tāmahāḥ | pa॒vitre॑ṇa śa॒tāyu॑ṣā॒ viśva॒māyu॒rvya॒śnavai | | ३७ | |
Project-owned meaning abhi available nahi hai.
Śukla Yajurveda Mādhyaṃdina 19.38◌ EeseDharma mein verified
अग्न॒ आयू॑ ᳪषि पवस॒ आ सु॒वोर्ज॒मिषं॑ च नः । आ॒रे बा॑धस्व दु॒च्छुना॑म् ।। ३८ ।।
Roman readingagna॒ āyū॑ ᳪṣi pavasa॒ ā su॒vorja॒miṣaṃ॑ ca naḥ | ā॒re bā॑dhasva du॒cchunā॑m | | ३८ | |
Project-owned meaning abhi available nahi hai.
Śukla Yajurveda Mādhyaṃdina 19.39◌ EeseDharma mein verified
पु॒नन्तु॑ मा देवज॒ना॑: पु॒नन्तु॒ मन॑सा॒ धिय॑: । पु॒नन्तु॒ विश्वा॑ भू॒तानि॒ जात॑वेदः पुनी॒हि मा॑ ।। ३९ ।।
Roman readingpu॒nantu॑ mā devaja॒nā॑: pu॒nantu॒ mana॑sā॒ dhiya॑: | pu॒nantu॒ viśvā॑ bhū॒tāni॒ jāta॑vedaḥ punī॒hi mā॑ | | ३९ | |
Project-owned meaning abhi available nahi hai.
Śukla Yajurveda Mādhyaṃdina 19.40◌ EeseDharma mein verified
प॒वित्रे॑ण पुनीहि मा शु॒क्रेण॑ देव॒ दीद्य॑त् । अग्ने॒ क्रत्वा॒ क्रतूँ॒१ रनु॑ ।। ४० ।।
Roman readingpa॒vitre॑ṇa punīhi mā śu॒kreṇa॑ deva॒ dīdya॑t | agne॒ kratvā॒ kratūm॒̐१ ranu॑ | | ४० | |
Project-owned meaning abhi available nahi hai.
Śukla Yajurveda Mādhyaṃdina 19.41◌ EeseDharma mein verified
यत्ते॑ प॒वित्र॑म॒र्चिष्यग्ने॒ वित॑तमन्त॒रा । ब्रह्म॒ तेन॑ पुनातु मा ।। ४१ ।।
Roman readingyatte॑ pa॒vitra॑ma॒rciṣyagne॒ vita॑tamanta॒rā | brahma॒ tena॑ punātu mā | | ४१ | |
Project-owned meaning abhi available nahi hai.
Śukla Yajurveda Mādhyaṃdina 19.42◌ EeseDharma mein verified
पव॑मान॒: सो अ॒द्य न॑: प॒वित्रे॑ण॒ विच॑र्षणिः । यः पोता॒ स पु॑नातु मा ।। ४२ ।।
Roman readingpava॑māna॒: so a॒dya na॑: pa॒vitre॑ṇa॒ vica॑rṣaṇiḥ | yaḥ potā॒ sa pu॑nātu mā | | ४२ | |
Project-owned meaning abhi available nahi hai.
Śukla Yajurveda Mādhyaṃdina 19.43◌ EeseDharma mein verified
उ॒भाभ्यां॑ देव सवितः प॒वित्रे॑ण स॒वेन॑ च । मां पु॑नीहि वि॒श्वत॑: ।। ४३ ।।
Roman readingu॒bhābhyāṃ॑ deva savitaḥ pa॒vitre॑ṇa sa॒vena॑ ca | māṃ pu॑nīhi vi॒śvata॑: | | ४३ | |
Project-owned meaning abhi available nahi hai.
Śukla Yajurveda Mādhyaṃdina 19.44◌ EeseDharma mein verified
वै॒श्व॒दे॒वी पु॑न॒ती दे॒व्यागा॒द्यस्या॑मि॒मा ब॒ह्व्य॒स्त॒न्वो॑ वी॒तपृ॑ष्ठाः ।
तया॒ मद॑न्तः सध॒मादे॑षु व॒यᳪ स्या॑म॒ पत॑यो रयी॒णाम् ।। ४४ ।।
Roman readingvai॒śva॒de॒vī pu॑na॒tī de॒vyāgā॒dyasyā॑mi॒mā ba॒hvya॒sta॒nvo॑ vī॒tapṛ॑ṣṭhāḥ | tayā॒ mada॑ntaḥ sadha॒māde॑ṣu va॒yaᳪ syā॑ma॒ pata॑yo rayī॒ṇām | | ४४ | |
Project-owned meaning abhi available nahi hai.
Śukla Yajurveda Mādhyaṃdina 19.45◌ EeseDharma mein verified
ये स॑मा॒नाः सम॑नसः पि॒तरो॑ यम॒राज्ये॑ । तेषाँ॑ल्लो॒कः स्व॒धा नमो॑ य॒ज्ञो दे॒वेषु॑ कल्पताम् ।। ४५ ।।
Roman readingye sa॑mā॒nāḥ sama॑nasaḥ pi॒taro॑ yama॒rājye॑ | teṣām̐॑llo॒kaḥ sva॒dhā namo॑ ya॒jño de॒veṣu॑ kalpatām | | ४५ | |
Project-owned meaning abhi available nahi hai.
Śukla Yajurveda Mādhyaṃdina 19.46◌ EeseDharma mein verified
ये स॑मा॒नाः सम॑नसो जी॒वा जी॒वेषु॑ माम॒काः । तेषा॒ᳪ श्रीर्मयि॑ कल्पताम॒स्मिँल्लो॒के श॒तᳪ समा॑: ।। ४६ ।।
Roman readingye sa॑mā॒nāḥ sama॑naso jī॒vā jī॒veṣu॑ māma॒kāḥ | teṣā॒ᳪ śrīrmayi॑ kalpatāma॒smim̐llo॒ke śa॒taᳪ samā॑: | | ४६ | |
Project-owned meaning abhi available nahi hai.
Śukla Yajurveda Mādhyaṃdina 19.47◌ EeseDharma mein verified
द्वे सृ॒ती अ॑शृणवं पितॄ॒णाम॒हं दे॒वाना॑मु॒त मर्त्या॑नाम् ।
ताभ्या॑मि॒दं विश्व॒मेज॒त्समे॑ति॒ यद॑न्त॒रा पि॒तरं॑ मा॒तरं॑ च ।। ४७ ।।
Roman readingdve sṛ॒tī a॑śṛṇavaṃ pitṝ॒ṇāma॒haṃ de॒vānā॑mu॒ta martyā॑nām | tābhyā॑mi॒daṃ viśva॒meja॒tsame॑ti॒ yada॑nta॒rā pi॒taraṃ॑ mā॒taraṃ॑ ca | | ४७ | |
Project-owned meaning abhi available nahi hai.
Śukla Yajurveda Mādhyaṃdina 19.48◌ EeseDharma mein verified
इ॒दᳪ ह॒विः प्र॒जन॑नं मे अस्तु॒ दश॑वीर॒ᳪ सर्व॑गणᳪ स्व॒स्तये॑ ।
आ॒त्म॒सनि॑ प्रजा॒सनि॑ पशु॒सनि॑ लोक॒सन्य॑भय॒सनि॑ ।
अ॒ग्निः प्र॒जां ब॑हु॒लां मे॑ करो॒त्वन्नं॒ पयो॒ रेतो॑ अ॒स्मासु॑ धत्त ।। ४८ ।।
Roman readingi॒daᳪ ha॒viḥ pra॒jana॑naṃ me astu॒ daśa॑vīra॒ᳪ sarva॑gaṇaᳪ sva॒staye॑ | ā॒tma॒sani॑ prajā॒sani॑ paśu॒sani॑ loka॒sanya॑bhaya॒sani॑ | a॒gniḥ pra॒jāṃ ba॑hu॒lāṃ me॑ karo॒tvannaṃ॒ payo॒ reto॑ a॒smāsu॑ dhatta | | ४८ | |
Project-owned meaning abhi available nahi hai.
Śukla Yajurveda Mādhyaṃdina 19.49◌ EeseDharma mein verified
उदी॑रता॒मव॑र॒ उत्परा॑स॒ उन्म॑ध्य॒माः पि॒तर॑: सो॒म्यास॑: ।
असुं॒ य ई॒युर॑वृ॒का ऋ॑त॒ज्ञास्ते नो॑ऽवन्तु पि॒तरो॒ हवे॑षु ।। ४९ ।।
Roman readingudī॑ratā॒mava॑ra॒ utparā॑sa॒ unma॑dhya॒māḥ pi॒tara॑: so॒myāsa॑: | asuṃ॒ ya ī॒yura॑vṛ॒kā ṛ॑ta॒jñāste no॑’vantu pi॒taro॒ have॑ṣu | | ४९ | |
Project-owned meaning abhi available nahi hai.
Śukla Yajurveda Mādhyaṃdina 19.50◌ EeseDharma mein verified
अङ्गि॑रसो नः पि॒तरो॒ नव॑ग्वा॒ अथ॑र्वाणो॒ भृग॑वः सो॒म्यास॑: ।
तेषां॑ व॒यᳪ सु॑म॒तौ य॒ज्ञिया॑ना॒मपि॑ भ॒द्रे सौ॑मन॒से स्या॑म ।। ५० ।।
Roman readingaṅgi॑raso naḥ pi॒taro॒ nava॑gvā॒ atha॑rvāṇo॒ bhṛga॑vaḥ so॒myāsa॑: | teṣāṃ॑ va॒yaᳪ su॑ma॒tau ya॒jñiyā॑nā॒mapi॑ bha॒dre sau॑mana॒se syā॑ma | | ५० | |
Project-owned meaning abhi available nahi hai.
Śukla Yajurveda Mādhyaṃdina 19.51◌ EeseDharma mein verified
ये न॒: पूर्वे॑ पि॒तर॑: सो॒म्यासो॑ऽनूहि॒रे सो॑मपी॒थं वसि॑ष्ठाः ।
तेभि॑र्य॒मः स॑ररा॒णो ह॒वीᳪष्यु॒शन्नु॒शद्भि॑: प्रतिका॒मम॑त्तु ।। ५१ ।।
Roman readingye na॒: pūrve॑ pi॒tara॑: so॒myāso॑’nūhi॒re so॑mapī॒thaṃ vasi॑ṣṭhāḥ | tebhi॑rya॒maḥ sa॑rarā॒ṇo ha॒vīᳪṣyu॒śannu॒śadbhi॑: pratikā॒mama॑ttu | | ५१ | |
Project-owned meaning abhi available nahi hai.
Śukla Yajurveda Mādhyaṃdina 19.52◌ EeseDharma mein verified
त्वᳪ सो॑म॒ प्र चि॑कितो मनी॒षा त्वᳪ रजि॑ष्ठ॒मनु॑ नेषि॒ पन्था॑म् ।
तव॒ प्रणी॑ती पि॒तरो॑ न इन्दो दे॒वेषु॒ रत्न॑मभजन्त॒ धीरा॑: ।। ५२ ।।
Roman readingtvaᳪ so॑ma॒ pra ci॑kito manī॒ṣā tvaᳪ raji॑ṣṭha॒manu॑ neṣi॒ panthā॑m | tava॒ praṇī॑tī pi॒taro॑ na indo de॒veṣu॒ ratna॑mabhajanta॒ dhīrā॑: | | ५२ | |
Project-owned meaning abhi available nahi hai.
Śukla Yajurveda Mādhyaṃdina 19.53◌ EeseDharma mein verified
त्वया॒ हि न॑: पि॒तर॑: सोम॒ पूर्वे॒ कर्मा॑णि च॒क्रुः प॑वमान॒ धीरा॑: ।
व॒न्वन्नवा॑तः परि॒धीँ१ रपो॑र्णु वी॒रेभि॒रश्वै॑र्म॒घवा॑ भवा नः ।। ५३ ।।
Roman readingtvayā॒ hi na॑: pi॒tara॑: soma॒ pūrve॒ karmā॑ṇi ca॒kruḥ pa॑vamāna॒ dhīrā॑: | va॒nvannavā॑taḥ pari॒dhīm̐१ rapo॑rṇu vī॒rebhi॒raśvai॑rma॒ghavā॑ bhavā naḥ | | ५३ | |
Project-owned meaning abhi available nahi hai.
Śukla Yajurveda Mādhyaṃdina 19.54◌ EeseDharma mein verified
त्वᳪ सो॑म पि॒तृभि॑: संविदा॒नोऽनु॒ द्यावा॑पृथि॒वी आ त॑तन्थ ।
तस्मै॑ त इन्दो ह॒विषा॑ विधेम व॒यᳪ स्या॑म॒ पत॑यो रयी॒णाम् ।। ५४ ।।
Roman readingtvaᳪ so॑ma pi॒tṛbhi॑: saṃvidā॒no’nu॒ dyāvā॑pṛthi॒vī ā ta॑tantha | tasmai॑ ta indo ha॒viṣā॑ vidhema va॒yaᳪ syā॑ma॒ pata॑yo rayī॒ṇām | | ५४ | |
Project-owned meaning abhi available nahi hai.
Śukla Yajurveda Mādhyaṃdina 19.55◌ EeseDharma mein verified
बर्हि॑षदः पितर ऊ॒त्य र्वागि॒मा वो॑ ह॒व्या च॑कृमा जु॒षध्व॑म् ।
त आ ग॒ताव॑सा॒ शन्त॑मे॒नाथा॑ न॒: शं योर॑र॒पो द॑धात ।। ५५ ।।
Roman readingbarhi॑ṣadaḥ pitara ū॒tya rvāgi॒mā vo॑ ha॒vyā ca॑kṛmā ju॒ṣadhva॑m | ta ā ga॒tāva॑sā॒ śanta॑me॒nāthā॑ na॒: śaṃ yora॑ra॒po da॑dhāta | | ५५ | |
Project-owned meaning abhi available nahi hai.
Śukla Yajurveda Mādhyaṃdina 19.56◌ EeseDharma mein verified
आऽहं पि॒तॄन्त्सु॑वि॒दत्राँ॑२ अवित्सि॒ नपा॑तं च वि॒क्रम॑णं च॒ विष्णो॑: ।
ब॒र्हि॒षदो॒ ये स्व॒धया॑ सु॒तस्य॒ भज॑न्त पि॒त्वस्त इ॒हाग॑मिष्ठाः ।। ५६ ।।
Roman readingā’haṃ pi॒tṝntsu॑vi॒datrām̐॑२ avitsi॒ napā॑taṃ ca vi॒krama॑ṇaṃ ca॒ viṣṇo॑: | ba॒rhi॒ṣado॒ ye sva॒dhayā॑ su॒tasya॒ bhaja॑nta pi॒tvasta i॒hāga॑miṣṭhāḥ | | ५६ | |
Project-owned meaning abhi available nahi hai.
Śukla Yajurveda Mādhyaṃdina 19.57◌ EeseDharma mein verified
उप॑हूताः पि॒तर॑: सो॒म्यासो॑ बर्हि॒ष्ये॒षु नि॒धिषु॑ प्रि॒येषु॑ ।
त आ ग॑मन्तु॒ त इ॒ह श्रु॑व॒न्त्वधि॑ ब्रुवन्तु॒ ते॑ऽवन्त्व॒स्मान् ।। ५७ ।।
Roman readingupa॑hūtāḥ pi॒tara॑: so॒myāso॑ barhi॒ṣye॒ṣu ni॒dhiṣu॑ pri॒yeṣu॑ | ta ā ga॑mantu॒ ta i॒ha śru॑va॒ntvadhi॑ bruvantu॒ te॑’vantva॒smān | | ५७ | |
Project-owned meaning abhi available nahi hai.
Śukla Yajurveda Mādhyaṃdina 19.58◌ EeseDharma mein verified
आ य॑न्तु नः पि॒तर॑: सो॒म्यासो॑ऽग्निष्वा॒त्ताः प॒थिभि॑र्देव॒यानै॑: ।
अ॒स्मिन् य॒ज्ञे स्व॒धया॒ मद॒न्तोऽधि॑ ब्रुवन्तु॒ ते॒ऽवन्त्व॒स्मान् ।। ५८ ।।
Roman readingā ya॑ntu naḥ pi॒tara॑: so॒myāso॑’gniṣvā॒ttāḥ pa॒thibhi॑rdeva॒yānai॑: | a॒smin ya॒jñe sva॒dhayā॒ mada॒nto’dhi॑ bruvantu॒ te॒’vantva॒smān | | ५८ | |
Project-owned meaning abhi available nahi hai.
Śukla Yajurveda Mādhyaṃdina 19.59◌ EeseDharma mein verified
अग्नि॑ष्वात्ताः पितर॒ एह ग॑च्छत॒ सद॑: – सदः सदत सुप्रणीतयः ।
अ॒त्ता ह॒वीᳪषि॒ प्रय॑तानि ब॒र्हिष्यथा॑ र॒यिᳪ सर्व॑वीरं दधातन ।। ५९ ।।
Roman readingagni॑ṣvāttāḥ pitara॒ eha ga॑cchata॒ sada॑: – sadaḥ sadata supraṇītayaḥ | a॒ttā ha॒vīᳪṣi॒ praya॑tāni ba॒rhiṣyathā॑ ra॒yiᳪ sarva॑vīraṃ dadhātana | | ५९ | |
Project-owned meaning abhi available nahi hai.
Śukla Yajurveda Mādhyaṃdina 19.60◌ EeseDharma mein verified
ये अ॑ग्निष्वा॒त्ता ये अन॑ग्निष्वात्ता॒ मध्ये॑ दि॒वः स्व॒धया॑ मा॒दय॑न्ते ।
तेभ्य॑: स्व॒राडसु॑नीतिमे॒तां य॑थाव॒शं त॒न्वं॒ कल्पयाति ।। ६० ।।
Roman readingye a॑gniṣvā॒ttā ye ana॑gniṣvāttā॒ madhye॑ di॒vaḥ sva॒dhayā॑ mā॒daya॑nte | tebhya॑: sva॒rāḍasu॑nītime॒tāṃ ya॑thāva॒śaṃ ta॒nvaṃ॒ kalpayāti | | ६० | |
Project-owned meaning abhi available nahi hai.
Śukla Yajurveda Mādhyaṃdina 19.61◌ EeseDharma mein verified
अ॒ग्नि॒ष्वा॒त्तानृ॑तु॒मतो॑ हवामहे नाराश॒ᳪसे सो॑मपी॒थं य आ॒शुः ।
ते नो॒ विप्रा॑सः सु॒हवा॑ भवन्तु व॒यᳪ स्या॑म॒ पत॑यो रयी॒णाम् ।। ६१ ।।
Roman readinga॒gni॒ṣvā॒ttānṛ॑tu॒mato॑ havāmahe nārāśa॒ᳪse so॑mapī॒thaṃ ya ā॒śuḥ | te no॒ viprā॑saḥ su॒havā॑ bhavantu va॒yaᳪ syā॑ma॒ pata॑yo rayī॒ṇām | | ६१ | |
Project-owned meaning abhi available nahi hai.
Śukla Yajurveda Mādhyaṃdina 19.62◌ EeseDharma mein verified
आच्या॒ जानु॑ दक्षिण॒तो नि॒षद्ये॒मं य॒ज्ञम॒भि गृ॑णीत॒ विश्वे॑ ।
मा हि॑ᳪसिष्ट पितर॒: केन॑ चिन्नो॒ यद्व॒ आग॑: पुरु॒षता॒ करा॑म ।। ६२ ।।
Roman readingācyā॒ jānu॑ dakṣiṇa॒to ni॒ṣadye॒maṃ ya॒jñama॒bhi gṛ॑ṇīta॒ viśve॑ | mā hi॑ᳪsiṣṭa pitara॒: kena॑ cinno॒ yadva॒ āga॑: puru॒ṣatā॒ karā॑ma | | ६२ | |
Project-owned meaning abhi available nahi hai.
Śukla Yajurveda Mādhyaṃdina 19.63◌ EeseDharma mein verified
आसी॑नासो अरु॒णीना॑मु॒पस्थे॑ र॒यिं ध॑त्त दा॒शुषे॒ मर्त्या॑य ।
पु॒त्रेभ्य॑: पितर॒स्तस्य॒ वस्व॒: प्र य॑च्छत॒ त इ॒होर्जं॑ दधात ।। ६३ ।।
Roman readingāsī॑nāso aru॒ṇīnā॑mu॒pasthe॑ ra॒yiṃ dha॑tta dā॒śuṣe॒ martyā॑ya | pu॒trebhya॑: pitara॒stasya॒ vasva॒: pra ya॑cchata॒ ta i॒horjaṃ॑ dadhāta | | ६३ | |
Project-owned meaning abhi available nahi hai.
Śukla Yajurveda Mādhyaṃdina 19.64◌ EeseDharma mein verified
यम॑ग्ने कव्यवाहन॒ त्वं चि॒न्मन्य॑से र॒यिम् । तन्नो॑ गी॒र्भिः श्र॒वाय्यं॑ देव॒त्रा प॑नया॒ युज॑म् ।। ६४ ।।
Roman readingyama॑gne kavyavāhana॒ tvaṃ ci॒nmanya॑se ra॒yim | tanno॑ gī॒rbhiḥ śra॒vāyyaṃ॑ deva॒trā pa॑nayā॒ yuja॑m | | ६४ | |
Project-owned meaning abhi available nahi hai.
Śukla Yajurveda Mādhyaṃdina 19.65◌ EeseDharma mein verified
यो अ॒ग्निः क॑व्य॒वाह॑नः पि॒तॄन् यक्ष॑दृता॒वृध॑: ।
प्रेदु॑ ह॒व्यानि॑ वोचति दे॒वेभ्य॑श्च पि॒तृभ्य॒ आ ।। ६५ ।।
Roman readingyo a॒gniḥ ka॑vya॒vāha॑naḥ pi॒tṝn yakṣa॑dṛtā॒vṛdha॑: | predu॑ ha॒vyāni॑ vocati de॒vebhya॑śca pi॒tṛbhya॒ ā | | ६५ | |
Project-owned meaning abhi available nahi hai.
Śukla Yajurveda Mādhyaṃdina 19.66◌ EeseDharma mein verified
त्वम॑ग्न ईडि॒तः क॑व्यवाह॒नावा॑ड्ढ॒व्यानि॑ सुर॒भीणि॑ कृ॒त्वी ।
प्रादा॑: पि॒तृभ्य॑: स्व॒धया॒ ते अ॑क्षन्न॒द्धि त्वं दे॑व॒ प्रय॑ता ह॒वीᳪषि॑ ।। ६६ ।।
Roman readingtvama॑gna īḍi॒taḥ ka॑vyavāha॒nāvā॑ḍḍha॒vyāni॑ sura॒bhīṇi॑ kṛ॒tvī | prādā॑: pi॒tṛbhya॑: sva॒dhayā॒ te a॑kṣanna॒ddhi tvaṃ de॑va॒ praya॑tā ha॒vīᳪṣi॑ | | ६६ | |
Project-owned meaning abhi available nahi hai.
Śukla Yajurveda Mādhyaṃdina 19.67◌ EeseDharma mein verified
ये चे॒ह पि॒तरो॒ ये च॒ नेह याँश्च॑ वि॒द्म याँ२ उ॑ च॒ न प्र॑वि॒द्म ।
त्वं वे॑त्थ॒ यति॒ ते जा॑तवेदः स्व॒धाभि॑र्य॒ज्ञँ सुकृ॑तं जुषस्व ।। ६७ ।।
Roman readingye ce॒ha pi॒taro॒ ye ca॒ neha yām̐śca॑ vi॒dma yām̐२ u॑ ca॒ na pra॑vi॒dma | tvaṃ ve॑ttha॒ yati॒ te jā॑tavedaḥ sva॒dhābhi॑rya॒jñam̐ sukṛ॑taṃ juṣasva | | ६७ | |
Project-owned meaning abhi available nahi hai.
Śukla Yajurveda Mādhyaṃdina 19.68◌ EeseDharma mein verified
इ॒दं पि॒तृभ्यो॒ नमो॑ अस्त्व॒द्य ये पूर्वा॑सो॒ य उप॑रास ई॒युः ।
ये पार्थि॑वे॒ रज॒स्या निष॑त्ता॒ ये वा॑ नू॒नᳪ सु॑वृ॒जना॑सु वि॒क्षु ।। ६८ ।।
Roman readingi॒daṃ pi॒tṛbhyo॒ namo॑ astva॒dya ye pūrvā॑so॒ ya upa॑rāsa ī॒yuḥ | ye pārthi॑ve॒ raja॒syā niṣa॑ttā॒ ye vā॑ nū॒naᳪ su॑vṛ॒janā॑su vi॒kṣu | | ६८ | |
Project-owned meaning abhi available nahi hai.
Śukla Yajurveda Mādhyaṃdina 19.69◌ EeseDharma mein verified
अधा॒ यथा॑ नः पि॒तर॒: परा॑सः प्र॒त्नासो॑ अग्न ऋ॒तमा॑शुषा॒णाः ।
शुचीद॑य॒न् दीधि॑तिमुक्थ॒शास॒: क्षामा॑ भि॒न्दन्तो॑ अरु॒णीरप॑ व्रन् ।। ६९ ।।
Roman readingadhā॒ yathā॑ naḥ pi॒tara॒: parā॑saḥ pra॒tnāso॑ agna ṛ॒tamā॑śuṣā॒ṇāḥ | śucīda॑ya॒n dīdhi॑timuktha॒śāsa॒: kṣāmā॑ bhi॒ndanto॑ aru॒ṇīrapa॑ vran | | ६९ | |
Project-owned meaning abhi available nahi hai.
Śukla Yajurveda Mādhyaṃdina 19.70◌ EeseDharma mein verified
उ॒शन्त॑स्त्वा॒ नि धी॑मह्यु॒शन्त॒: समि॑धीमहि । उ॒शन्नु॑श॒त आ व॑ह पि॒तॄन् ह॒विषे॒ अत्त॑वे ।। ७० ।।
Roman readingu॒śanta॑stvā॒ ni dhī॑mahyu॒śanta॒: sami॑dhīmahi | u॒śannu॑śa॒ta ā va॑ha pi॒tṝn ha॒viṣe॒ atta॑ve | | ७० | |
Project-owned meaning abhi available nahi hai.
Śukla Yajurveda Mādhyaṃdina 19.71◌ EeseDharma mein verified
अ॒पां फेने॑न॒ नमु॑चे॒: शिर॑ इ॒न्द्रोद॑वर्तयः । विश्वा॒ यदज॑य॒ स्पृध॑: ।। ७१ ।।
Roman readinga॒pāṃ phene॑na॒ namu॑ce॒: śira॑ i॒ndroda॑vartayaḥ | viśvā॒ yadaja॑ya॒ spṛdha॑: | | ७१ | |
Project-owned meaning abhi available nahi hai.
Śukla Yajurveda Mādhyaṃdina 19.72◌ EeseDharma mein verified
सोमो॒ राजा॒मृत॑ᳪ सु॒त ऋ॑जी॒षेणा॑जहान्मृ॒त्युम् ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७२ ।।
Roman readingsomo॒ rājā॒mṛta॑ᳪ su॒ta ṛ॑jī॒ṣeṇā॑jahānmṛ॒tyum | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७२ | |
Project-owned meaning abhi available nahi hai.
Śukla Yajurveda Mādhyaṃdina 19.73◌ EeseDharma mein verified
अ॒द्भ्यः क्षी॒रं व्य॑पिब॒त् क्रुङ्ङा॑ङ्गिर॒सो धि॒या ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७३ ।।
Roman readinga॒dbhyaḥ kṣī॒raṃ vya॑piba॒t kruṅṅā॑ṅgira॒so dhi॒yā | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७३ | |
Project-owned meaning abhi available nahi hai.
Śukla Yajurveda Mādhyaṃdina 19.74◌ EeseDharma mein verified
सोम॑म॒द्भ्यो व्य॑पिब॒च्छन्द॑सा ह॒ᳪसः शु॑चि॒षत् ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७४ ।।
Roman readingsoma॑ma॒dbhyo vya॑piba॒cchanda॑sā ha॒ᳪsaḥ śu॑ci॒ṣat | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७४ | |
Project-owned meaning abhi available nahi hai.
Śukla Yajurveda Mādhyaṃdina 19.75◌ EeseDharma mein verified
अन्ना॑त्परि॒स्रुतो॒ रसं॒ ब्रह्म॑णा॒ व्य॑पिबत् क्ष॒त्रं पय॒: सोमं॑ प्र॒जाप॑तिः ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७५ ।।
Roman readingannā॑tpari॒sruto॒ rasaṃ॒ brahma॑ṇā॒ vya॑pibat kṣa॒traṃ paya॒: somaṃ॑ pra॒jāpa॑tiḥ | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७५ | |
Project-owned meaning abhi available nahi hai.
Śukla Yajurveda Mādhyaṃdina 19.76◌ EeseDharma mein verified
रेतो॒ मूत्रं॒ वि ज॑हाति॒ योनिं॑ प्रवि॒शदि॑न्द्र॒यिम् । गर्भो॑ ज॒रायु॒णाऽऽवृ॑त॒ उल्बं॑ जहाति॒ जन्म॑ना ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७६ ।।
Roman readingreto॒ mūtraṃ॒ vi ja॑hāti॒ yoniṃ॑ pravi॒śadi॑ndra॒yim | garbho॑ ja॒rāyu॒ṇā’’vṛ॑ta॒ ulbaṃ॑ jahāti॒ janma॑nā | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७६ | |
Project-owned meaning abhi available nahi hai.
Śukla Yajurveda Mādhyaṃdina 19.77◌ EeseDharma mein verified
दृ॒ष्ट्वा रू॒पे व्याक॑रोत् सत्यानृ॒ते प्र॒जाप॑तिः । अश्र॑द्धा॒मनृ॒तेऽद॑धाच्छ्र॒द्धाᳪ स॒त्ये प्र॒जाप॑तिः ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७७ ।।
Roman readingdṛ॒ṣṭvā rū॒pe vyāka॑rot satyānṛ॒te pra॒jāpa॑tiḥ | aśra॑ddhā॒manṛ॒te’da॑dhācchra॒ddhāᳪ sa॒tye pra॒jāpa॑tiḥ | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७७ | |
Project-owned meaning abhi available nahi hai.
Śukla Yajurveda Mādhyaṃdina 19.78◌ EeseDharma mein verified
वेदे॑न रू॒पे व्य॑पिबत् सुतासु॒तौ प्र॒जाप॑तिः ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७८ ।।
Roman readingvede॑na rū॒pe vya॑pibat sutāsu॒tau pra॒jāpa॑tiḥ | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७८ | |
Project-owned meaning abhi available nahi hai.
Śukla Yajurveda Mādhyaṃdina 19.79◌ EeseDharma mein verified
दृ॒ष्ट्वा प॑रि॒स्रुतो॒ रस॑ᳪ शु॒क्रेण॑ शु॒क्रं व्य॑पिबत् पय॒: सोमं॑ प्र॒जाप॑तिः ।
ऋ॒तेन॑ स॒त्यमि॑न्द्रि॒यं वि॒पान॑ᳪ शु॒क्रमन्ध॑स॒ इन्द्र॑स्येन्द्रि॒यमि॒दं पयो॒ऽमृतं॒ मधु॑ ।। ७९ ।।
Roman readingdṛ॒ṣṭvā pa॑ri॒sruto॒ rasa॑ᳪ śu॒kreṇa॑ śu॒kraṃ vya॑pibat paya॒: somaṃ॑ pra॒jāpa॑tiḥ | ṛ॒tena॑ sa॒tyami॑ndri॒yaṃ vi॒pāna॑ᳪ śu॒kramandha॑sa॒ indra॑syendri॒yami॒daṃ payo॒’mṛtaṃ॒ madhu॑ | | ७९ | |
Project-owned meaning abhi available nahi hai.
Śukla Yajurveda Mādhyaṃdina 19.80◌ EeseDharma mein verified
सीसे॑न॒ तन्त्रं॒ मन॑सा मनी॒षिण॑ ऊर्णासू॒त्रेण॑ क॒वयो॑ वयन्ति ।
अ॒श्विना॑ य॒ज्ञᳪ स॑वि॒ता सर॑स्व॒तीन्द्र॑स्य रू॒पं वरु॑णो भिष॒ज्यन् ।। ८० ।।
Roman readingsīse॑na॒ tantraṃ॒ mana॑sā manī॒ṣiṇa॑ ūrṇāsū॒treṇa॑ ka॒vayo॑ vayanti | a॒śvinā॑ ya॒jñaᳪ sa॑vi॒tā sara॑sva॒tīndra॑sya rū॒paṃ varu॑ṇo bhiṣa॒jyan | | ८० | |
Project-owned meaning abhi available nahi hai.
Śukla Yajurveda Mādhyaṃdina 19.81◌ EeseDharma mein verified
तद॑स्य रू॒पम॒मृत॒ᳪ शची॑भिस्त॒स्रो द॑धुर्दे॒वता॑: सᳪररा॒णाः ।
लोमा॑नि॒ शष्पै॑र्बहु॒धा न तोक्म॑भि॒स्त्वग॑स्य मा॒ᳪसम॑भव॒न्न ला॒जाः ।। ८१ ।।
Roman readingtada॑sya rū॒pama॒mṛta॒ᳪ śacī॑bhista॒sro da॑dhurde॒vatā॑: saᳪrarā॒ṇāḥ | lomā॑ni॒ śaṣpai॑rbahu॒dhā na tokma॑bhi॒stvaga॑sya mā॒ᳪsama॑bhava॒nna lā॒jāḥ | | ८१ | |
Project-owned meaning abhi available nahi hai.
Śukla Yajurveda Mādhyaṃdina 19.82◌ EeseDharma mein verified
तद॒श्विना॑ भि॒षजा॑ रु॒द्रव॑र्तनी॒ सर॑स्वती वयति॒ पेशो॒ अन्त॑रम् ।
अस्थि॑ म॒ज्जानं॒ मास॑रैः कारोत॒रेण॒ दध॑तो॒ गवां॑ त्व॒चि ।। ८२ ।।
Roman readingtada॒śvinā॑ bhi॒ṣajā॑ ru॒drava॑rtanī॒ sara॑svatī vayati॒ peśo॒ anta॑ram | asthi॑ ma॒jjānaṃ॒ māsa॑raiḥ kārota॒reṇa॒ dadha॑to॒ gavāṃ॑ tva॒ci | | ८२ | |
Project-owned meaning abhi available nahi hai.
Śukla Yajurveda Mādhyaṃdina 19.83◌ EeseDharma mein verified
सर॑स्वती॒ मन॑सा पेश॒लं वसु॒ नास॑त्याभ्यां वयति दर्श॒तं वपु॑: ।
रसं॑ परि॒स्रुता॒ न रोहि॑तं न॒ग्नहु॒र्धीर॒स्तस॑रं॒ न वेम॑ ।। ८३ ।।
Roman readingsara॑svatī॒ mana॑sā peśa॒laṃ vasu॒ nāsa॑tyābhyāṃ vayati darśa॒taṃ vapu॑: | rasaṃ॑ pari॒srutā॒ na rohi॑taṃ na॒gnahu॒rdhīra॒stasa॑raṃ॒ na vema॑ | | ८३ | |
Project-owned meaning abhi available nahi hai.
Śukla Yajurveda Mādhyaṃdina 19.84◌ EeseDharma mein verified
पय॑सा शु॒क्रम॒मृतं॑ ज॒नित्र॒ᳪ सुर॑या॒ मूत्रा॑ज्जनयन्त॒ रेत॑: ।
अपाम॑तिं दुर्म॒तिं बाध॑माना॒ ऊव॑ध्यं॒ वात॑ᳪ स॒ब्वं तदा॒रात् ।। ८४ ।।
Roman readingpaya॑sā śu॒krama॒mṛtaṃ॑ ja॒nitra॒ᳪ sura॑yā॒ mūtrā॑jjanayanta॒ reta॑: | apāma॑tiṃ durma॒tiṃ bādha॑mānā॒ ūva॑dhyaṃ॒ vāta॑ᳪ sa॒bvaṃ tadā॒rāt | | ८४ | |
Project-owned meaning abhi available nahi hai.
Śukla Yajurveda Mādhyaṃdina 19.85◌ EeseDharma mein verified
इन्द्र॑: सु॒त्रामा॒ हृद॑येन स॒त्यं पु॑रो॒डाशे॑न सवि॒ता ज॑जान ।
यकृ॑त् क्लो॒मानं॒ वरु॑णो भिष॒ज्यन् मत॑स्ने वाय॒व्यैर्न मि॑नाति पि॒त्तम् ।। ८५ ।।
Roman readingindra॑: su॒trāmā॒ hṛda॑yena sa॒tyaṃ pu॑ro॒ḍāśe॑na savi॒tā ja॑jāna | yakṛ॑t klo॒mānaṃ॒ varu॑ṇo bhiṣa॒jyan mata॑sne vāya॒vyairna mi॑nāti pi॒ttam | | ८५ | |
Project-owned meaning abhi available nahi hai.
Śukla Yajurveda Mādhyaṃdina 19.86◌ EeseDharma mein verified
आ॒न्त्राणि॑ स्था॒लीर्मधु॒ पिन्व॑माना॒ गुदा॒: पात्रा॑णि सु॒दुघा॒ न धे॒नुः ।
श्ये॒नस्य॒ पत्रं॒ न प्ली॒हा शची॑भिरास॒न्दी नाभि॑रु॒दरं॒ न मा॒ता ।। ८६ ।।
Roman readingā॒ntrāṇi॑ sthā॒līrmadhu॒ pinva॑mānā॒ gudā॒: pātrā॑ṇi su॒dughā॒ na dhe॒nuḥ | śye॒nasya॒ patraṃ॒ na plī॒hā śacī॑bhirāsa॒ndī nābhi॑ru॒daraṃ॒ na mā॒tā | | ८६ | |
Project-owned meaning abhi available nahi hai.
Śukla Yajurveda Mādhyaṃdina 19.87◌ EeseDharma mein verified
कु॒म्भो व॑नि॒ष्ठुर्ज॑नि॒ता शची॑भि॒र्यस्मि॒न्नग्रे॒ योन्यां॒ गर्भो॑ अ॒न्तः ।
प्ला॒शिर्व्य॑क्तः श॒तधा॑र॒ उत्सो॑ दु॒हे न कु॒म्भी स्व॒धां पि॒तृभ्य॑: ।। ८७ ।।
Roman readingku॒mbho va॑ni॒ṣṭhurja॑ni॒tā śacī॑bhi॒ryasmi॒nnagre॒ yonyāṃ॒ garbho॑ a॒ntaḥ | plā॒śirvya॑ktaḥ śa॒tadhā॑ra॒ utso॑ du॒he na ku॒mbhī sva॒dhāṃ pi॒tṛbhya॑: | | ८७ | |
Project-owned meaning abhi available nahi hai.
Śukla Yajurveda Mādhyaṃdina 19.88◌ EeseDharma mein verified
मुख॒ᳪ सद॑स्य॒ शिर॒ इत् सते॑न जि॒ह्वा प॒वित्र॑म॒श्विना॒सन्त्सर॑स्वती ।
चप्पं॒ न पा॒युर्भि॒षग॑स्य॒ वालो॑ व॒स्तिर्न शेपो॒ हर॑सा तर॒स्वी ।। ८८ ।।
Roman readingmukha॒ᳪ sada॑sya॒ śira॒ it sate॑na ji॒hvā pa॒vitra॑ma॒śvinā॒santsara॑svatī | cappaṃ॒ na pā॒yurbhi॒ṣaga॑sya॒ vālo॑ va॒stirna śepo॒ hara॑sā tara॒svī | | ८८ | |
Project-owned meaning abhi available nahi hai.
Śukla Yajurveda Mādhyaṃdina 19.89◌ EeseDharma mein verified
अ॒श्विभ्यां॒ चक्षु॑र॒मृतं॒ ग्रहा॑भ्यां॒ छागे॑न॒ तेजो॑ ह॒विषा॑ शृ॒तेन॑ ।
पक्ष्मा॑णि गो॒धूमै॒: कुव॑लैरु॒तानि॒ पेशो॒ न शु॒क्रमसि॑तं वसाते ।। ८९ ।।
Roman readinga॒śvibhyāṃ॒ cakṣu॑ra॒mṛtaṃ॒ grahā॑bhyāṃ॒ chāge॑na॒ tejo॑ ha॒viṣā॑ śṛ॒tena॑ | pakṣmā॑ṇi go॒dhūmai॒: kuva॑lairu॒tāni॒ peśo॒ na śu॒kramasi॑taṃ vasāte | | ८९ | |
Project-owned meaning abhi available nahi hai.
Śukla Yajurveda Mādhyaṃdina 19.90◌ EeseDharma mein verified
अवि॒र्न मे॒षो न॒सि वी॒र्या॒य प्रा॒णस्य॒ पन्था॑ अ॒मृतो॒ ग्रहा॑भ्याम् ।
सर॑स्वत्युप॒वाकै॑र्व्या॒नं नस्या॑नि ब॒र्हिर्बद॑रैर्जजान ।। ९० ।।
Roman readingavi॒rna me॒ṣo na॒si vī॒ryā॒ya prā॒ṇasya॒ panthā॑ a॒mṛto॒ grahā॑bhyām | sara॑svatyupa॒vākai॑rvyā॒naṃ nasyā॑ni ba॒rhirbada॑rairjajāna | | ९० | |
Project-owned meaning abhi available nahi hai.
Śukla Yajurveda Mādhyaṃdina 19.91◌ EeseDharma mein verified
इन्द्र॑स्य रू॒पमृ॑ष॒भो बला॑य॒ कर्णा॑भ्या॒ᳪ श्रोत्र॑म॒मृतं॒ ग्रहा॑भ्याम् ।
यवा॒ न ब॒र्हिर्भ्रु॒वि केस॑राणि क॒र्कन्धु॑ जज्ञे॒ मधु॑ सार॒घं मुखा॑त् ।। ९१ ।।
Roman readingindra॑sya rū॒pamṛ॑ṣa॒bho balā॑ya॒ karṇā॑bhyā॒ᳪ śrotra॑ma॒mṛtaṃ॒ grahā॑bhyām | yavā॒ na ba॒rhirbhru॒vi kesa॑rāṇi ka॒rkandhu॑ jajñe॒ madhu॑ sāra॒ghaṃ mukhā॑t | | ९१ | |
Project-owned meaning abhi available nahi hai.
Śukla Yajurveda Mādhyaṃdina 19.92◌ EeseDharma mein verified
आ॒त्मन्नु॒पस्थे॒ न वृक॑स्य॒ लोम॒ मुखे॒ श्मश्रू॑णि॒ न व्या॑घ्रलो॒म ।
केशा॒ न शी॒र्षन्यश॑से श्रियै॒ शिखा॑ सि॒ᳪहस्य॒ लोम॒ त्विषि॑रिन्द्रि॒याणि॑ ।। ९२ ।।
Roman readingā॒tmannu॒pasthe॒ na vṛka॑sya॒ loma॒ mukhe॒ śmaśrū॑ṇi॒ na vyā॑ghralo॒ma | keśā॒ na śī॒rṣanyaśa॑se śriyai॒ śikhā॑ si॒ᳪhasya॒ loma॒ tviṣi॑rindri॒yāṇi॑ | | ९२ | |
Project-owned meaning abhi available nahi hai.
Śukla Yajurveda Mādhyaṃdina 19.93◌ EeseDharma mein verified
अङ्गा॑न्या॒त्मन् भि॒षजा॒ तद॒श्विना॒त्मान॒मङ्गै॒: सम॑धा॒त् सर॑स्वती ।
इन्द्र॑स्य रू॒पᳪ श॒तमा॑न॒मायु॑श्च॒न्द्रेण॒ ज्योति॑र॒मृतं॒ दधा॑नाः ।। ९३ ।।
Roman readingaṅgā॑nyā॒tman bhi॒ṣajā॒ tada॒śvinā॒tmāna॒maṅgai॒: sama॑dhā॒t sara॑svatī | indra॑sya rū॒paᳪ śa॒tamā॑na॒māyu॑śca॒ndreṇa॒ jyoti॑ra॒mṛtaṃ॒ dadhā॑nāḥ | | ९३ | |
Project-owned meaning abhi available nahi hai.
Śukla Yajurveda Mādhyaṃdina 19.94◌ EeseDharma mein verified
सर॑स्वती॒ योन्यां॒ गर्भ॑म॒न्तर॒श्विभ्यां॒ पत्नी॒ सुकृ॑तं बिभर्ति ।
अ॒पाᳪ रसे॑न॒ वरु॑णो॒ न साम्नेन्द्र॑ᳪ श्रि॒यै ज॒नय॑न्न॒प्सु राजा॑ ।। ९४ ।।
Roman readingsara॑svatī॒ yonyāṃ॒ garbha॑ma॒ntara॒śvibhyāṃ॒ patnī॒ sukṛ॑taṃ bibharti | a॒pāᳪ rase॑na॒ varu॑ṇo॒ na sāmnendra॑ᳪ śri॒yai ja॒naya॑nna॒psu rājā॑ | | ९४ | |
Project-owned meaning abhi available nahi hai.
Śukla Yajurveda Mādhyaṃdina 19.95◌ EeseDharma mein verified
तेज॑: पशू॒नाᳪ ह॒विरि॑न्द्रि॒याव॑त् परि॒स्रुता॒ पय॑सा सार॒घं मधु॑ ।
अ॒श्विभ्यां॑ दु॒ग्धं भि॒षजा॒ सर॑स्वत्या सुतासु॒ताभ्या॑म॒मृत॒: सोम॒ इन्दु॑: ।। ९५ ।।
Roman readingteja॑: paśū॒nāᳪ ha॒viri॑ndri॒yāva॑t pari॒srutā॒ paya॑sā sāra॒ghaṃ madhu॑ | a॒śvibhyāṃ॑ du॒gdhaṃ bhi॒ṣajā॒ sara॑svatyā sutāsu॒tābhyā॑ma॒mṛta॒: soma॒ indu॑: | | ९५ | |
Project-owned meaning abhi available nahi hai.
