Śukla Yajurveda Mādhyaṃdina 17.1 ◌ EeseDharma mein verified
अश्म॒न्नूर्जं॒ पर्व॑ते शिश्रिया॒णाम॒द्भ्य ओष॑धीभ्यो॒ वन॒स्पतिभ्यो॒ अधि॒ सम्भृ॑तं॒ पय॑: ।
तां न॒ इष॒मूर्जं॑ धत्त मरुतः सᳪररा॒णाः अश्मँ॑स्ते॒ क्षुन्मयि॑ त॒ ऊर्ग्यं द्वि॒ष्मस्तं ते॒ शुगृ॑च्छतु ।। १ ।।
Roman reading aśma॒nnūrjaṃ॒ parva॑te śiśriyā॒ṇāma॒dbhya oṣa॑dhībhyo॒ vana॒spatibhyo॒ adhi॒ sambhṛ॑taṃ॒ paya॑: | tāṃ na॒ iṣa॒mūrjaṃ॑ dhatta marutaḥ saᳪrarā॒ṇāḥ aśmam̐॑ste॒ kṣunmayi॑ ta॒ ūrgyaṃ dvi॒ṣmastaṃ te॒ śugṛ॑cchatu | | १ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.2 ◌ EeseDharma mein verified
इ॒मा मे॑ अग्न॒ इष्ट॑का धे॒नव॑: स॒न्त्वेका॑ च॒ दश॑ च॒ दश॑ च श॒तं च॑ श॒तं च॑ स॒हस्रं॑ च स॒हस्रं॑ चा॒युतं॑ चा॒युतं॑ च नि॒युतं॑ च नि॒युतं॑ च प्र॒युतं॒ चार्बु॑दं च॒ न्य॑र्बुदं समु॒द्रश्च॒ मध्यं॒ चान्त॑श्च परा॒र्धश्चै॒ता मे॑ अग्न॒ इष्ट॑का धे॒नव॑: सन्त्व॒मुत्रा॒मुष्मिँ॑ल्लो॒के ।। २ ।।
Roman reading i॒mā me॑ agna॒ iṣṭa॑kā dhe॒nava॑: sa॒ntvekā॑ ca॒ daśa॑ ca॒ daśa॑ ca śa॒taṃ ca॑ śa॒taṃ ca॑ sa॒hasraṃ॑ ca sa॒hasraṃ॑ cā॒yutaṃ॑ cā॒yutaṃ॑ ca ni॒yutaṃ॑ ca ni॒yutaṃ॑ ca pra॒yutaṃ॒ cārbu॑daṃ ca॒ nya॑rbudaṃ samu॒draśca॒ madhyaṃ॒ cānta॑śca parā॒rdhaścai॒tā me॑ agna॒ iṣṭa॑kā dhe॒nava॑: santva॒mutrā॒muṣmim̐॑llo॒ke | | २ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.3 ◌ EeseDharma mein verified
ऋ॒तव॑ स्थ ऋता॒वृध॑ ऋतु॒ष्ठा स्थ॑ ऋता॒वृध॑: ।
घृ॒त॒श्च्युतो॑ मधु॒श्च्युतो॑ वि॒राजो॒ नाम॑ काम॒दुघा॒ अक्षी॑यमाणाः ।। ३ ।।
Roman reading ṛ॒tava॑ stha ṛtā॒vṛdha॑ ṛtu॒ṣṭhā stha॑ ṛtā॒vṛdha॑: | ghṛ॒ta॒ścyuto॑ madhu॒ścyuto॑ vi॒rājo॒ nāma॑ kāma॒dughā॒ akṣī॑yamāṇāḥ | | ३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.4 ◌ EeseDharma mein verified
स॒मु॒द्रस्य॒ त्वाऽव॑क॒याग्ने॒ परि॑ व्ययामसि । पा॒व॒को अ॒स्मभ्य॑ᳪ शि॒वो भ॑व ।। ४ ।।
Roman reading sa॒mu॒drasya॒ tvā’va॑ka॒yāgne॒ pari॑ vyayāmasi | pā॒va॒ko a॒smabhya॑ᳪ śi॒vo bha॑va | | ४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.5 ◌ EeseDharma mein verified
हि॒मस्य॑ त्वा ज॒रायु॒णाऽग्ने॒ परि॑ व्ययामसि । पा॒व॒को अ॒स्मभ्य॑ᳪ शि॒वो भ॑व ।। ५ ।।
Roman reading hi॒masya॑ tvā ja॒rāyu॒ṇā’gne॒ pari॑ vyayāmasi | pā॒va॒ko a॒smabhya॑ᳪ śi॒vo bha॑va | | ५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.6 ◌ EeseDharma mein verified
उप॒ ज्मन्नुप॑ वेत॒सेऽव॑ तर न॒दीष्वा । अग्ने॑ पि॒त्तम॒पाम॑सि॒ मण्डू॑कि॒ ताभि॒रा ग॑हि॒ सेमं नो॑ य॒ज्ञं पा॑व॒कव॑र्णᳪ शि॒वं कृ॑धि ।। ६ ।।
Roman reading upa॒ jmannupa॑ veta॒se’va॑ tara na॒dīṣvā | agne॑ pi॒ttama॒pāma॑si॒ maṇḍū॑ki॒ tābhi॒rā ga॑hi॒ semaṃ no॑ ya॒jñaṃ pā॑va॒kava॑rṇaᳪ śi॒vaṃ kṛ॑dhi | | ६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.7 ◌ EeseDharma mein verified
अ॒पामि॒दं न्यय॑नᳪ समु॒द्रस्य॑ नि॒वेश॑नम् ।
अ॒न्याँस्ते॑ अ॒स्मत्त॑पन्तु हे॒तय॑: पाव॒को अ॒स्मभ्य॑ᳪ शि॒वो भ॑व ।। ७ ।।
Roman reading a॒pāmi॒daṃ nyaya॑naᳪ samu॒drasya॑ ni॒veśa॑nam | a॒nyām̐ste॑ a॒smatta॑pantu he॒taya॑: pāva॒ko a॒smabhya॑ᳪ śi॒vo bha॑va | | ७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.8 ◌ EeseDharma mein verified
अग्ने॑ पावक रो॒चिषा॑ म॒न्द्रया॑ देव जि॒ह्वया॑ । आ दे॒वान् व॑क्षि॒ यक्षि॑ च ।। ८ ।।
Roman reading agne॑ pāvaka ro॒ciṣā॑ ma॒ndrayā॑ deva ji॒hvayā॑ | ā de॒vān va॑kṣi॒ yakṣi॑ ca | | ८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.9 ◌ EeseDharma mein verified
स न॑: पावक दीदि॒वोऽग्ने॑ दे॒वाँ२ इ॒हा व॑ह ।
उप॑ य॒ज्ञᳪ ह॒विश्च॑ नः ।। ९ ।।
Roman reading sa na॑: pāvaka dīdi॒vo’gne॑ de॒vām̐२ i॒hā va॑ha | upa॑ ya॒jñaᳪ ha॒viśca॑ naḥ | | ९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.10 ◌ EeseDharma mein verified
पा॒व॒कया॒ यश्चि॒तय॑न्त्या कृ॒पा क्षाम॑न् रुरु॒च उ॒षसो॒ न भा॒नुना॑ ।
तूर्व॒न् न याम॒न्नेत॑शस्य॒ नू रण॒ आ यो घृ॒णे न त॑तृषा॒णो अ॒जर॑: ।। १० ।।
Roman reading pā॒va॒kayā॒ yaści॒taya॑ntyā kṛ॒pā kṣāma॑n ruru॒ca u॒ṣaso॒ na bhā॒nunā॑ | tūrva॒n na yāma॒nneta॑śasya॒ nū raṇa॒ ā yo ghṛ॒ṇe na ta॑tṛṣā॒ṇo a॒jara॑: | | १० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.11 ◌ EeseDharma mein verified
नम॑स्ते॒ हर॑से शो॒चिषे॒ नम॑स्ते अस्त्व॒र्चिषे॑ ।
अ॒न्याँस्ते॑ अ॒स्मत्त॑पन्तु हे॒तय॑: पाव॒को अ॒स्मभ्य॑ᳪ शि॒वो भ॑व ।। ११ ।।
Roman reading nama॑ste॒ hara॑se śo॒ciṣe॒ nama॑ste astva॒rciṣe॑ | a॒nyām̐ste॑ a॒smatta॑pantu he॒taya॑: pāva॒ko a॒smabhya॑ᳪ śi॒vo bha॑va | | ११ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.12 ◌ EeseDharma mein verified
नृ॒षदे॒ वेड॑प्सु॒षदे॒ वेड् ब॑र्हि॒षदे॒ वेड् व॑न॒सदे॒ वेड् स्व॒र्विदे॒ वेट् ।। १२ ।।
Roman reading nṛ॒ṣade॒ veḍa॑psu॒ṣade॒ veḍ ba॑rhi॒ṣade॒ veḍ va॑na॒sade॒ veḍ sva॒rvide॒ veṭ | | १२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.13 ◌ EeseDharma mein verified
ये दे॒वा दे॒वानां॑ य॒ज्ञिया॑ य॒ज्ञिया॑नाᳪ संवत्स॒रीण॒मुप॑ भा॒गमास॑ते ।
अ॑हु॒तादो॑ ह॒विषो॑ य॒ज्ञे अ॒स्मिन्त्स्व॒यं पि॑बन्तु॒ मधु॑नो घृ॒तस्य॑ ।। १३ ।।
Roman reading ye de॒vā de॒vānāṃ॑ ya॒jñiyā॑ ya॒jñiyā॑nāᳪ saṃvatsa॒rīṇa॒mupa॑ bhā॒gamāsa॑te | a॑hu॒tādo॑ ha॒viṣo॑ ya॒jñe a॒smintsva॒yaṃ pi॑bantu॒ madhu॑no ghṛ॒tasya॑ | | १३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.14 ◌ EeseDharma mein verified
ये दे॒वा दे॒वेष्वधि॑ देव॒त्वमाय॒न् ये ब्रह्म॑णः पुर ए॒तारो॑ अ॒स्य ।
येभ्यो॒ न ऋ॒ते पव॑ते॒ धाम॒ किञ्च॒न न ते दि॒वो न पृ॑थि॒व्या अधि॒ स्नुषु॑ ।। १४ ।।
Roman reading ye de॒vā de॒veṣvadhi॑ deva॒tvamāya॒n ye brahma॑ṇaḥ pura e॒tāro॑ a॒sya | yebhyo॒ na ṛ॒te pava॑te॒ dhāma॒ kiñca॒na na te di॒vo na pṛ॑thi॒vyā adhi॒ snuṣu॑ | | १४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.15 ◌ EeseDharma mein verified
प्रा॒ण॒दा अ॑पान॒दा व्या॑न॒दा व॑र्चो॒दा व॑रिवो॒दाः ।
अ॒न्याँस्ते॑ अ॒स्मत्त॑पन्तु हे॒तय॑: पाव॒को अ॒स्मभ्य॑ᳪ शि॒वो भ॑व ।। १५ ।।
Roman reading prā॒ṇa॒dā a॑pāna॒dā vyā॑na॒dā va॑rco॒dā va॑rivo॒dāḥ | a॒nyām̐ste॑ a॒smatta॑pantu he॒taya॑: pāva॒ko a॒smabhya॑ᳪ śi॒vo bha॑va | | १५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.16 ◌ EeseDharma mein verified
अ॒ग्निस्ति॒ग्मेन॑ शो॒चिषा॒ यास॒द्विश्वं॒ न्यत्रिण॑म् । अ॒ग्निर्नो॑ वनते र॒यिम् ।। १६ ।।
Roman reading a॒gnisti॒gmena॑ śo॒ciṣā॒ yāsa॒dviśvaṃ॒ nyatriṇa॑m | a॒gnirno॑ vanate ra॒yim | | १६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.17 ◌ EeseDharma mein verified
य इ॒मा विश्वा॒ भुव॑नानि॒ जुह्व॒दृषि॒र्होता॒ न्यसी॑दत् पि॒ता न॑: ।
स आ॒शिषा॒ द्रवि॑णमि॒च्छमा॑नः प्रथम॒च्छदव॑राँ॒२ आ वि॑वेश ।। १७ ।।
Roman reading ya i॒mā viśvā॒ bhuva॑nāni॒ juhva॒dṛṣi॒rhotā॒ nyasī॑dat pi॒tā na॑: | sa ā॒śiṣā॒ dravi॑ṇami॒cchamā॑naḥ prathama॒cchadava॑rām॒̐२ ā vi॑veśa | | १७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.18 ◌ EeseDharma mein verified
किᳪस्वि॑दासीदधि॒ष्ठान॑मा॒रम्भ॑णं कत॒मत्स्वि॑त्क॒थाऽऽसी॑त् ।
यतो॒ भूमिं॑ ज॒नय॑न् वि॒श्वक॑र्मा॒ वि द्यामौर्णो॑न्महि॒ना वि॒श्वच॑क्षाः ।। १८ ।।
Roman reading kiᳪsvi॑dāsīdadhi॒ṣṭhāna॑mā॒rambha॑ṇaṃ kata॒matsvi॑tka॒thā’’sī॑t | yato॒ bhūmiṃ॑ ja॒naya॑n vi॒śvaka॑rmā॒ vi dyāmaurṇo॑nmahi॒nā vi॒śvaca॑kṣāḥ | | १८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.19 ◌ EeseDharma mein verified
वि॒श्वत॑श्चक्षुरु॒त वि॒श्वतो॑मुखो वि॒श्वतो॑बाहुरु॒त वि॒श्वत॑स्पात् ।
सं बा॒हुभ्यां॒ धम॑ति॒ सं पत॑त्रै॒र्द्यावा॒भूमी॑ ज॒नय॑न् दे॒व एक॑: ।। १९ ।।
Roman reading vi॒śvata॑ścakṣuru॒ta vi॒śvato॑mukho vi॒śvato॑bāhuru॒ta vi॒śvata॑spāt | saṃ bā॒hubhyāṃ॒ dhama॑ti॒ saṃ pata॑trai॒rdyāvā॒bhūmī॑ ja॒naya॑n de॒va eka॑: | | १९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.20 ◌ EeseDharma mein verified
किᳪस्वि॒द्वनं॒ क उ॒ स वृ॒क्ष आ॑स॒ यतो॒ द्यावा॑पृथि॒वी नि॑ष्टत॒क्षुः ।
मनी॑षिणो॒ मन॑सा पृ॒च्छतेदु॒ तद्यद॒ध्यति॑ष्ठ॒द्भुव॑नानि धा॒रय॑न् ।। २० ।।
Roman reading kiᳪsvi॒dvanaṃ॒ ka u॒ sa vṛ॒kṣa ā॑sa॒ yato॒ dyāvā॑pṛthi॒vī ni॑ṣṭata॒kṣuḥ | manī॑ṣiṇo॒ mana॑sā pṛ॒cchatedu॒ tadyada॒dhyati॑ṣṭha॒dbhuva॑nāni dhā॒raya॑n | | २० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.21 ◌ EeseDharma mein verified
या ते॒ धामा॑नि पर॒माणि॒ याऽव॒मा या म॑ध्य॒मा वि॑श्वकर्मन्नु॒तेमा ।
शिक्षा॒ सखि॑भ्यो ह॒विषि॑ स्वधावः स्व॒यं य॑जस्व त॒न्वं॒ वृधा॒नः ।। २१ ।।
Roman reading yā te॒ dhāmā॑ni para॒māṇi॒ yā’va॒mā yā ma॑dhya॒mā vi॑śvakarmannu॒temā | śikṣā॒ sakhi॑bhyo ha॒viṣi॑ svadhāvaḥ sva॒yaṃ ya॑jasva ta॒nvaṃ॒ vṛdhā॒naḥ | | २१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.22 ◌ EeseDharma mein verified
विश्व॑कर्मन् ह॒विषा॑ वावृधा॒नः स्व॒यं य॑जस्व पृथि॒वीमु॒त द्याम् ।
मुह्य॑न्त्व॒न्ये अ॒भित॑: स॒पत्ना॑ इ॒हास्माकं॑ म॒घवा॑ सू॒रिर॑स्तु ।। २२ ।।
Roman reading viśva॑karman ha॒viṣā॑ vāvṛdhā॒naḥ sva॒yaṃ ya॑jasva pṛthi॒vīmu॒ta dyām | muhya॑ntva॒nye a॒bhita॑: sa॒patnā॑ i॒hāsmākaṃ॑ ma॒ghavā॑ sū॒rira॑stu | | २२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.23 ◌ EeseDharma mein verified
वा॒चस्पतिं॑ वि॒श्वक॑र्माणमू॒तये॑ मनो॒जुवं॒ वाजे॑ अ॒द्या हु॑वेम ।
स नो॒ विश्वा॑नि॒ हव॑नानि जोषद्वि॒श्वश॑म्भू॒रव॑से सा॒धुक॑र्मा ।। २३ ।।
Roman reading vā॒caspatiṃ॑ vi॒śvaka॑rmāṇamū॒taye॑ mano॒juvaṃ॒ vāje॑ a॒dyā hu॑vema | sa no॒ viśvā॑ni॒ hava॑nāni joṣadvi॒śvaśa॑mbhū॒rava॑se sā॒dhuka॑rmā | | २३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.24 ◌ EeseDharma mein verified
विश्व॑कर्मन् ह॒विषा॒ वर्ध॑नेन त्रा॒तार॒मिन्द्र॑मकृणोरव॒ध्यम् ।
तस्मै॒ विश॒: सम॑नमन्त पू॒र्वीर॒यमु॒ग्रो वि॒हव्यो॒ यथाऽस॑त् ।। २४ ।।
Roman reading viśva॑karman ha॒viṣā॒ vardha॑nena trā॒tāra॒mindra॑makṛṇorava॒dhyam | tasmai॒ viśa॒: sama॑namanta pū॒rvīra॒yamu॒gro vi॒havyo॒ yathā’sa॑t | | २४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.25 ◌ EeseDharma mein verified
चक्षु॑षः पि॒ता मन॑सा॒ हि धीरो॑ घृ॒तमे॑ने अजन॒न्नम्न॑माने ।
य॒देदन्ता॒ अद॑दृहन्त॒ पूर्व॒ आदिद् द्यावा॑पृथि॒वी अ॑प्रथेताम् ।। २५ ।।
Roman reading cakṣu॑ṣaḥ pi॒tā mana॑sā॒ hi dhīro॑ ghṛ॒tame॑ne ajana॒nnamna॑māne | ya॒dedantā॒ ada॑dṛhanta॒ pūrva॒ ādid dyāvā॑pṛthi॒vī a॑prathetām | | २५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.26 ◌ EeseDharma mein verified
वि॒श्वक॑र्मा॒ विम॑ना॒ आद्विहा॑या धा॒ता वि॑धा॒ता प॑र॒मोत स॒न्दृक् ।
तेषा॑मि॒ष्टानि॒ समि॒षा म॑दन्ति॒ यत्रा॑ सप्त ऋ॒षीन् प॒र एक॑मा॒हुः ।। २६ ।।
Roman reading vi॒śvaka॑rmā॒ vima॑nā॒ ādvihā॑yā dhā॒tā vi॑dhā॒tā pa॑ra॒mota sa॒ndṛk | teṣā॑mi॒ṣṭāni॒ sami॒ṣā ma॑danti॒ yatrā॑ sapta ṛ॒ṣīn pa॒ra eka॑mā॒huḥ | | २६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.27 ◌ EeseDharma mein verified
यो न॑: पि॒ता ज॑नि॒ता यो वि॑धा॒ता धामा॑नि॒ वेद॒ भुव॑नानि॒ विश्वा॑ ।
यो दे॒वानां॑ नाम॒धा एक॑ ए॒व तᳪ स॑म्प्र॒श्नं भुव॑ना यन्त्य॒न्या ।। २७ ।।
Roman reading yo na॑: pi॒tā ja॑ni॒tā yo vi॑dhā॒tā dhāmā॑ni॒ veda॒ bhuva॑nāni॒ viśvā॑ | yo de॒vānāṃ॑ nāma॒dhā eka॑ e॒va taᳪ sa॑mpra॒śnaṃ bhuva॑nā yantya॒nyā | | २७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.28 ◌ EeseDharma mein verified
त आऽय॑जन्त॒ द्रवि॑ण॒ᳪ सम॑स्मा॒ ऋष॑य॒: पूर्वे॑ जरि॒तारो॒ न भू॒ना ।
अ॒सूर्ते॒ सूर्ते॒ रज॑सि निष॒त्ते ये भू॒तानि॑ स॒मकृ॑ण्वन्नि॒मानि॑ ।। २८ ।।
Roman reading ta ā’ya॑janta॒ dravi॑ṇa॒ᳪ sama॑smā॒ ṛṣa॑ya॒: pūrve॑ jari॒tāro॒ na bhū॒nā | a॒sūrte॒ sūrte॒ raja॑si niṣa॒tte ye bhū॒tāni॑ sa॒makṛ॑ṇvanni॒māni॑ | | २८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.29 ◌ EeseDharma mein verified
प॒रो दि॒वा प॒र ए॒ना पृ॑थि॒व्या प॒रो दे॒वेभि॒रसु॑रै॒र्यदस्ति॑ ।
कᳪस्वि॒द् गर्भं॑ प्रथ॒मं द॑ध्र॒ आपो॒ यत्र॑ दे॒वाः स॒मप॑श्यन्त॒ पूर्वे॑ ।। २९ ।।
Roman reading pa॒ro di॒vā pa॒ra e॒nā pṛ॑thi॒vyā pa॒ro de॒vebhi॒rasu॑rai॒ryadasti॑ | kaᳪsvi॒d garbhaṃ॑ pratha॒maṃ da॑dhra॒ āpo॒ yatra॑ de॒vāḥ sa॒mapa॑śyanta॒ pūrve॑ | | २९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.30 ◌ EeseDharma mein verified
तमिद्गर्भं॑ प्रथ॒मं द॑ध्र॒ आपो॒ यत्र॑ दे॒वाः स॒मग॑च्छन्त॒ विश्वे॑ ।
अ॒जस्य॒ नाभा॒वध्येक॒मर्पि॑तं॒ यस्मि॒न् विश्वा॑नि॒ भुव॑नानि त॒स्थुः ।। ३० ।।
Roman reading tamidgarbhaṃ॑ pratha॒maṃ da॑dhra॒ āpo॒ yatra॑ de॒vāḥ sa॒maga॑cchanta॒ viśve॑ | a॒jasya॒ nābhā॒vadhyeka॒marpi॑taṃ॒ yasmi॒n viśvā॑ni॒ bhuva॑nāni ta॒sthuḥ | | ३० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.31 ◌ EeseDharma mein verified
न तं वि॑दाथ॒ य इ॒मा ज॒जाना॒न्यद्यु॒ष्माक॒मन्त॑रं बभूव ।
नी॒हा॒रेण॒ प्रावृ॑ता॒ जल्प्या॑ चासु॒तृप॑ उक्थ॒शास॑श्चरन्ति ।। ३१ ।।
Roman reading na taṃ vi॑dātha॒ ya i॒mā ja॒jānā॒nyadyu॒ṣmāka॒manta॑raṃ babhūva | nī॒hā॒reṇa॒ prāvṛ॑tā॒ jalpyā॑ cāsu॒tṛpa॑ uktha॒śāsa॑ścaranti | | ३१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.32 ◌ EeseDharma mein verified
वि॒श्वक॑र्मा॒ ह्यज॑निष्ट दे॒व आदिद्ग॑न्ध॒र्वो अ॑भवद् द्वि॒तीय॑: ।
तृ॒तीय॑: पि॒ता ज॑नि॒तौष॑धीनाम॒पां गर्भं॒ व्य॒दधात् पुरु॒त्रा ।। ३२ ।।
Roman reading vi॒śvaka॑rmā॒ hyaja॑niṣṭa de॒va ādidga॑ndha॒rvo a॑bhavad dvi॒tīya॑: | tṛ॒tīya॑: pi॒tā ja॑ni॒tauṣa॑dhīnāma॒pāṃ garbhaṃ॒ vya॒dadhāt puru॒trā | | ३२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.33 ◌ EeseDharma mein verified
आ॒शुः शिशा॑नो वृष॒भो न भी॒मो घ॑नाघ॒नः क्षोभ॑णश्चर्षणी॒नाम् ।
सं॒क्रन्द॑नोऽनिमि॒ष ए॑कवी॒रः श॒तᳪ सेना॑ अजयत् सा॒कमिन्द्र॑: ।। ३३ ।।
Roman reading ā॒śuḥ śiśā॑no vṛṣa॒bho na bhī॒mo gha॑nāgha॒naḥ kṣobha॑ṇaścarṣaṇī॒nām | saṃ॒kranda॑no’nimi॒ṣa e॑kavī॒raḥ śa॒taᳪ senā॑ ajayat sā॒kamindra॑: | | ३३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.34 ◌ EeseDharma mein verified
सं॒क्रन्द॑नेनानिमि॒षेण॑ जि॒ष्णुना॑ युत्का॒रेण॑ दुश्च्यव॒नेन॑ धृ॒ष्णुना॑ ।
तदिन्द्रे॑ण जयत॒ तत्स॑हध्वं॒ युधो॑ नर॒ इषु॑हस्तेन॒ वृष्णा॑ ।। ३४ ।।
Roman reading saṃ॒kranda॑nenānimi॒ṣeṇa॑ ji॒ṣṇunā॑ yutkā॒reṇa॑ duścyava॒nena॑ dhṛ॒ṣṇunā॑ | tadindre॑ṇa jayata॒ tatsa॑hadhvaṃ॒ yudho॑ nara॒ iṣu॑hastena॒ vṛṣṇā॑ | | ३४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.35 ◌ EeseDharma mein verified
स इषु॑हस्तैः॒ स नि॑ष॒ङ्गिभि॑र्व॒शी सᳪस्र॑ष्टा॒ स युध॒ इन्द्रो॑ ग॒णेन॑ ।
स॒ᳪसृष्ट॒जित्सो॑म॒पा बा॑हुश॒र्ध्युग्रध॑न्वा॒ प्रति॑हिताभि॒रस्ता॑ ।। ३५ ।।
Roman reading sa iṣu॑hastaiḥ॒ sa ni॑ṣa॒ṅgibhi॑rva॒śī saᳪsra॑ṣṭā॒ sa yudha॒ indro॑ ga॒ṇena॑ | sa॒ᳪsṛṣṭa॒jitso॑ma॒pā bā॑huśa॒rdhyugradha॑nvā॒ prati॑hitābhi॒rastā॑ | | ३५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.36 ◌ EeseDharma mein verified
बृह॑स्पते॒ परि॑ दीया॒ रथे॑न रक्षो॒हाऽमित्राँ॑२ अप॒बाध॑मानः ।
प्र॒भ॒ञ्जन्त्सेना॑: प्रमृ॒णो यु॒धा जय॑न्न॒स्माक॑मेध्यवि॒ता रथा॑नाम् ।। ३६ ।।
Roman reading bṛha॑spate॒ pari॑ dīyā॒ rathe॑na rakṣo॒hā’mitrām̐॑२ apa॒bādha॑mānaḥ | pra॒bha॒ñjantsenā॑: pramṛ॒ṇo yu॒dhā jaya॑nna॒smāka॑medhyavi॒tā rathā॑nām | | ३६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.37 ◌ EeseDharma mein verified
ब॒ल॒वि॒ज्ञा॒य स्थवि॑र॒: प्रवी॑र॒: सह॑स्वान् वा॒जी सह॑मान उ॒ग्रः ।
अ॒भिवी॑रो अ॒भिस॑त्वा सहो॒जा जै॑त्रमिन्द्र॒ रथ॒मा ति॑ष्ठ गो॒वित् ।। ३७ ।।
Roman reading ba॒la॒vi॒jñā॒ya sthavi॑ra॒: pravī॑ra॒: saha॑svān vā॒jī saha॑māna u॒graḥ | a॒bhivī॑ro a॒bhisa॑tvā saho॒jā jai॑tramindra॒ ratha॒mā ti॑ṣṭha go॒vit | | ३७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.38 ◌ EeseDharma mein verified
गो॒त्र॒भिदं॑ गो॒विदं॒ वज्र॑बाहुं॒ जय॑न्त॒मज्म॑ प्रमृ॒णन्त॒मोज॑सा ।
इ॒मᳪ स॑जाता॒ अनु॑ वीरयध्व॒मिन्द्र॑ᳪ सखायो॒ अनु॒ सᳪ र॑भध्वम् ।। ३८ ।।
Roman reading go॒tra॒bhidaṃ॑ go॒vidaṃ॒ vajra॑bāhuṃ॒ jaya॑nta॒majma॑ pramṛ॒ṇanta॒moja॑sā | i॒maᳪ sa॑jātā॒ anu॑ vīrayadhva॒mindra॑ᳪ sakhāyo॒ anu॒ saᳪ ra॑bhadhvam | | ३८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.39 ◌ EeseDharma mein verified
अ॒भि गो॒त्राणि॒ सह॑सा॒ गाह॑मानोऽद॒यो वी॒रः श॒तम॑न्यु॒रिन्द्र॑: ।
दु॒श्च्य॒व॒नः पृ॑तना॒षाड॑यु॒ध्योऽस्माक॒ᳪ सेना॑ अवतु॒ प्र यु॒त्सु ।। ३९ ।।
Roman reading a॒bhi go॒trāṇi॒ saha॑sā॒ gāha॑māno’da॒yo vī॒raḥ śa॒tama॑nyu॒rindra॑: | du॒ścya॒va॒naḥ pṛ॑tanā॒ṣāḍa॑yu॒dhyo’smāka॒ᳪ senā॑ avatu॒ pra yu॒tsu | | ३९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.40 ◌ EeseDharma mein verified
इन्द्र॑ आसां ने॒ता बृह॒स्पति॒र्दक्षि॑णा य॒ज्ञः पु॒र ए॑तु॒ सोम॑: ।
दे॒व॒से॒नाना॑मभिभञ्जती॒नां जय॑न्तीनां म॒रुतो॑ य॒न्त्वग्र॑म् ।। ४० ।।
Roman reading indra॑ āsāṃ ne॒tā bṛha॒spati॒rdakṣi॑ṇā ya॒jñaḥ pu॒ra e॑tu॒ soma॑: | de॒va॒se॒nānā॑mabhibhañjatī॒nāṃ jaya॑ntīnāṃ ma॒ruto॑ ya॒ntvagra॑m | | ४० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.41 ◌ EeseDharma mein verified
इन्द्र॑स्य॒ वृष्णो॒ वरु॑णस्य॒ राज्ञ॑ आदि॒त्यानां॑ म॒रुता॒ᳪ शर्ध॑ उ॒ग्रम् ।
म॒हाम॑नसां भुवनच्य॒वानां॒ घोषो॑ दे॒वानां॒ जय॑ता॒मुद॑स्थात् ।। ४१ ।।
Roman reading indra॑sya॒ vṛṣṇo॒ varu॑ṇasya॒ rājña॑ ādi॒tyānāṃ॑ ma॒rutā॒ᳪ śardha॑ u॒gram | ma॒hāma॑nasāṃ bhuvanacya॒vānāṃ॒ ghoṣo॑ de॒vānāṃ॒ jaya॑tā॒muda॑sthāt | | ४१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.42 ◌ EeseDharma mein verified
उद्ध॑र्षय मघव॒न्नायु॑धा॒न्युत्सत्व॑नां माम॒कानां॒ मना॑ᳪसि ।
उद्वृ॑त्रहन् वा॒जिनां॒ वाजि॑ना॒न्युद्रथा॑नां॒ जय॑तां यन्तु॒ घोषा॑: ।। ४२ ।।
Roman reading uddha॑rṣaya maghava॒nnāyu॑dhā॒nyutsatva॑nāṃ māma॒kānāṃ॒ manā॑ᳪsi | udvṛ॑trahan vā॒jināṃ॒ vāji॑nā॒nyudrathā॑nāṃ॒ jaya॑tāṃ yantu॒ ghoṣā॑: | | ४२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.43 ◌ EeseDharma mein verified
अ॒स्माक॒मिन्द्र॒: समृ॑तेषु ध्व॒जेष्व॒स्माकं॒ या इष॑व॒स्ता ज॑यन्तु ।
अ॒स्माकं॑ वी॒रा उत्त॑रे भवन्त्व॒स्माँ२ उ॑ देवा अवता॒ हवे॑षु ।। ४३ ।।
Roman reading a॒smāka॒mindra॒: samṛ॑teṣu dhva॒jeṣva॒smākaṃ॒ yā iṣa॑va॒stā ja॑yantu | a॒smākaṃ॑ vī॒rā utta॑re bhavantva॒smām̐२ u॑ devā avatā॒ have॑ṣu | | ४३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.44 ◌ EeseDharma mein verified
अ॒मीषां॑ चि॒त्तं प्र॑तिलो॒भय॑न्ती गृहा॒णाङ्गा॑न्यप्वे॒ परे॑हि ।
अ॒भि प्रेहि॒ निर्द॑ह हृ॒त्सु शोकै॑र॒न्धेना॒मित्रा॒स्तम॑सा सचन्ताम् ।। ४४ ।।
Roman reading a॒mīṣāṃ॑ ci॒ttaṃ pra॑tilo॒bhaya॑ntī gṛhā॒ṇāṅgā॑nyapve॒ pare॑hi | a॒bhi prehi॒ nirda॑ha hṛ॒tsu śokai॑ra॒ndhenā॒mitrā॒stama॑sā sacantām | | ४४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.45 ◌ EeseDharma mein verified
अव॑सृष्टा॒ परा॑ पत॒ शर॑व्ये॒ ब्रह्म॑सᳪशिते । गच्छा॒मित्रा॒न् प्र प॑द्यस्व॒ माऽमीषां॒ कं च॒नोच्छि॑षः ।। ४५ ।।
Roman reading ava॑sṛṣṭā॒ parā॑ pata॒ śara॑vye॒ brahma॑saᳪśite | gacchā॒mitrā॒n pra pa॑dyasva॒ mā’mīṣāṃ॒ kaṃ ca॒nocchi॑ṣaḥ | | ४५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.46 ◌ EeseDharma mein verified
प्रेता॒ जय॑ता नर॒ इन्द्रो॑ व॒: शर्म॑ यच्छतु । उ॒ग्रा व॑: सन्तु बा॒हवो॑ऽनाधृ॒ष्या यथाऽस॑थ ।। ४६ ।।
Roman reading pretā॒ jaya॑tā nara॒ indro॑ va॒: śarma॑ yacchatu | u॒grā va॑: santu bā॒havo॑’nādhṛ॒ṣyā yathā’sa॑tha | | ४६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.47 ◌ EeseDharma mein verified
असौ॒ या सेना॑ मरुत॒: परे॑षाम॒भ्यैति॑ न॒ ओज॑सा॒ स्पर्ध॑माना ।
तां गू॑हत॒ तम॒साऽप॑व्रतेन॒ यथा॒ऽमी अ॒न्यो अ॒न्यं न जा॒नन् ।। ४७ ।।
Roman reading asau॒ yā senā॑ maruta॒: pare॑ṣāma॒bhyaiti॑ na॒ oja॑sā॒ spardha॑mānā | tāṃ gū॑hata॒ tama॒sā’pa॑vratena॒ yathā॒’mī a॒nyo a॒nyaṃ na jā॒nan | | ४७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.48 ◌ EeseDharma mein verified
यत्र॑ बा॒णाः स॒म्पत॑न्ति कुमा॒रा वि॑शि॒खा इ॑व ।
तन्न॒ इन्द्रो॒ बृह॒स्पति॒रदि॑ति॒: शर्म॑ यच्छतु वि॒श्वाहा॒ शर्म॑ यच्छतु ।। ४८ ।।
Roman reading yatra॑ bā॒ṇāḥ sa॒mpata॑nti kumā॒rā vi॑śi॒khā i॑va | tanna॒ indro॒ bṛha॒spati॒radi॑ti॒: śarma॑ yacchatu vi॒śvāhā॒ śarma॑ yacchatu | | ४८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.49 ◌ EeseDharma mein verified
मर्मा॑णि ते॒ वर्म॑णा छादयामि॒ सोम॑स्त्वा॒ राजा॒ऽमृते॒नानु॑वस्ताम् ।
उ॒रोर्वरी॑यो॒ वरु॑णस्ते कृणोतु॒ जय॑न्तं॒ त्वाऽनु॑ दे॒वा म॑दन्तु ।। ४९ ।।
Roman reading marmā॑ṇi te॒ varma॑ṇā chādayāmi॒ soma॑stvā॒ rājā॒’mṛte॒nānu॑vastām | u॒rorvarī॑yo॒ varu॑ṇaste kṛṇotu॒ jaya॑ntaṃ॒ tvā’nu॑ de॒vā ma॑dantu | | ४९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.50 ◌ EeseDharma mein verified
उदे॑नमुत्त॒रां न॒याग्ने॑ घृतेनाहुत । रा॒यस्पोषे॑ण॒ सᳪ सृ॑ज प्र॒जया॑ च ब॒हुं कृ॑धि ।। ५० ।।
Roman reading ude॑namutta॒rāṃ na॒yāgne॑ ghṛtenāhuta | rā॒yaspoṣe॑ṇa॒ saᳪ sṛ॑ja pra॒jayā॑ ca ba॒huṃ kṛ॑dhi | | ५० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.51 ◌ EeseDharma mein verified
इन्द्रे॒मं प्र॑त॒रां न॑य सजा॒ताना॑मसद्व॒शी । समे॑नं॒ वर्च॑सा सृज दे॒वानां॑ भाग॒दा अ॑सत् ।। ५१ ।।
Roman reading indre॒maṃ pra॑ta॒rāṃ na॑ya sajā॒tānā॑masadva॒śī | same॑naṃ॒ varca॑sā sṛja de॒vānāṃ॑ bhāga॒dā a॑sat | | ५१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.52 ◌ EeseDharma mein verified
यस्य॑ कु॒र्मो गृ॒हे ह॒विस्तम॑ग्ने वर्धया॒ त्वम् । तस्मै॑ दे॒वा अधि॑ ब्रुवन्न॒यं च॒ ब्रह्म॑ण॒स्पति॑: ।। ५२ ।।
Roman reading yasya॑ ku॒rmo gṛ॒he ha॒vistama॑gne vardhayā॒ tvam | tasmai॑ de॒vā adhi॑ bruvanna॒yaṃ ca॒ brahma॑ṇa॒spati॑: | | ५२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.53 ◌ EeseDharma mein verified
उदु॑ त्वा॒ विश्वे॑ दे॒वा अग्ने॑ भरन्तु॒ चित्ति॑भिः । स नो॑ भव शि॒वस्त्वᳪ सु॒प्रती॑को वि॒भाव॑सुः ।। ५३ ।।
Roman reading udu॑ tvā॒ viśve॑ de॒vā agne॑ bharantu॒ citti॑bhiḥ | sa no॑ bhava śi॒vastvaᳪ su॒pratī॑ko vi॒bhāva॑suḥ | | ५३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.54 ◌ EeseDharma mein verified
पञ्च॒ दिशो॒ दैवी॑र्य॒ज्ञम॑वन्तु दे॒वीरपाम॑तिं॒ दुर्म॑तिं॒ बाध॑मानाः ।
रा॒यस्पोषे॑ य॒ज्ञप॑तिमा॒भज॑न्ती रा॒यस्पोषे॒ अधि॑ य॒ज्ञो अ॑स्थात् ।। ५४ ।।
Roman reading pañca॒ diśo॒ daivī॑rya॒jñama॑vantu de॒vīrapāma॑tiṃ॒ durma॑tiṃ॒ bādha॑mānāḥ | rā॒yaspoṣe॑ ya॒jñapa॑timā॒bhaja॑ntī rā॒yaspoṣe॒ adhi॑ ya॒jño a॑sthāt | | ५४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.55 ◌ EeseDharma mein verified
समि॑द्धे अ॒ग्नावधि॑ मामहा॒न उ॒क्थप॑त्र॒ ईड्यो॑ गृभी॒तः ।
त॒प्तं घ॒र्मं प॑रि॒गृह्या॑यजन्तो॒र्जा यद्य॒ज्ञमय॑जन्त दे॒वाः ।। ५५ ।।
Roman reading sami॑ddhe a॒gnāvadhi॑ māmahā॒na u॒kthapa॑tra॒ īḍyo॑ gṛbhī॒taḥ | ta॒ptaṃ gha॒rmaṃ pa॑ri॒gṛhyā॑yajanto॒rjā yadya॒jñamaya॑janta de॒vāḥ | | ५५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.56 ◌ EeseDharma mein verified
दै॑व्याय ध॒र्त्रे जोष्ट्रे॑ देव॒श्रीः श्रीम॑नाः श॒तप॑याः ।
प॒रि॒गृह्य॑ दे॒वा य॒ज्ञमा॑यन् दे॒वा दे॒वेभ्यो॑ अध्व॒र्यन्तो॑ अस्थुः ।। ५६ ।।
Roman reading dai॑vyāya dha॒rtre joṣṭre॑ deva॒śrīḥ śrīma॑nāḥ śa॒tapa॑yāḥ | pa॒ri॒gṛhya॑ de॒vā ya॒jñamā॑yan de॒vā de॒vebhyo॑ adhva॒ryanto॑ asthuḥ | | ५६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.57 ◌ EeseDharma mein verified
वी॒तᳪ ह॒विः श॑मि॒तᳪ श॑मि॒ता य॒जध्यै॑ तु॒रीयो॑ य॒ज्ञो यत्र॑ ह॒व्यमेति॑ ।
ततो॑ वा॒का आ॒शिषो॑ नो जुषन्ताम् ।। ५७ ।।
Roman reading vī॒taᳪ ha॒viḥ śa॑mi॒taᳪ śa॑mi॒tā ya॒jadhyai॑ tu॒rīyo॑ ya॒jño yatra॑ ha॒vyameti॑ | tato॑ vā॒kā ā॒śiṣo॑ no juṣantām | | ५७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.58 ◌ EeseDharma mein verified
सूर्य॑रश्मि॒र्हरि॑केशः पु॒रस्ता॑त्सवि॒ता ज्योति॒रुद॑याँ॒२ अज॑स्रम् ।
तस्य॑ पू॒षा प्र॑स॒वे या॑ति वि॒द्वान्त्स॒म्पश्य॒न्विश्वा॒ भुव॑नानि गो॒पाः ।। ५८ ।।
Roman reading sūrya॑raśmi॒rhari॑keśaḥ pu॒rastā॑tsavi॒tā jyoti॒ruda॑yām॒̐२ aja॑sram | tasya॑ pū॒ṣā pra॑sa॒ve yā॑ti vi॒dvāntsa॒mpaśya॒nviśvā॒ bhuva॑nāni go॒pāḥ | | ५८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.59 ◌ EeseDharma mein verified
वि॒मान॑ ए॒ष दि॒वो मध्य॑ आस्त आपप्रि॒वान् रोद॑सी अ॒न्तरि॑क्षम् ।
स वि॒श्वाची॑र॒भि च॑ष्टे घृ॒ताची॑रन्त॒रा पूर्व॒मप॑रं च के॒तुम् ।। ५९ ।।
Roman reading vi॒māna॑ e॒ṣa di॒vo madhya॑ āsta āpapri॒vān roda॑sī a॒ntari॑kṣam | sa vi॒śvācī॑ra॒bhi ca॑ṣṭe ghṛ॒tācī॑ranta॒rā pūrva॒mapa॑raṃ ca ke॒tum | | ५९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.60 ◌ EeseDharma mein verified
उ॒क्षा स॑मु॒द्रो अ॑रु॒णः सु॑प॒र्णः पूर्व॑स्य॒ योनिं॑ पि॒तुरा वि॑वेश ।
मध्ये॑ दि॒वो निहि॑त॒: पृश्नि॒रश्मा॒ वि च॑क्रमे॒ रज॑सस्पा॒त्यन्तौ॑ ।। ६० ।।
Roman reading u॒kṣā sa॑mu॒dro a॑ru॒ṇaḥ su॑pa॒rṇaḥ pūrva॑sya॒ yoniṃ॑ pi॒turā vi॑veśa | madhye॑ di॒vo nihi॑ta॒: pṛśni॒raśmā॒ vi ca॑krame॒ raja॑saspā॒tyantau॑ | | ६० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.61 ◌ EeseDharma mein verified
इन्द्रं॒ विश्वा॑ अवीवृधन्त्समु॒द्रव्य॑चसं॒ गिर॑: ।
र॒थीत॑मᳪ र॒थीनां॒ वाजा॑ना॒ᳪ सत्प॑तिं॒ पति॑म् ।। ६१ ।।
Roman reading indraṃ॒ viśvā॑ avīvṛdhantsamu॒dravya॑casaṃ॒ gira॑: | ra॒thīta॑maᳪ ra॒thīnāṃ॒ vājā॑nā॒ᳪ satpa॑tiṃ॒ pati॑m | | ६१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.62 ◌ EeseDharma mein verified
दे॒व॒हूर्य॒ज्ञ आ च॑ वक्षत्सुम्न॒हूर्य॒ज्ञ आ च॑ वक्षत् । यक्ष॑द॒ग्निर्दे॒वो दे॒वाँ२ आ च॑ वक्षत् ।। ६२ ।।
Roman reading de॒va॒hūrya॒jña ā ca॑ vakṣatsumna॒hūrya॒jña ā ca॑ vakṣat | yakṣa॑da॒gnirde॒vo de॒vām̐२ ā ca॑ vakṣat | | ६२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.63 ◌ EeseDharma mein verified
वाज॑स्य मा प्रस॒व उ॑द्ग्रा॒भेणोद॑ग्रभीत् । अधा॑ स॒पत्ना॒निन्द्रो॑ मे निग्रा॒भेणाध॑राँ२ अकः ।। ६३ ।।
Roman reading vāja॑sya mā prasa॒va u॑dgrā॒bheṇoda॑grabhīt | adhā॑ sa॒patnā॒nindro॑ me nigrā॒bheṇādha॑rām̐२ akaḥ | | ६३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.64 ◌ EeseDharma mein verified
उ॒द्ग्रा॒भं च॑ निग्रा॒भं च॒ ब्रह्म॑ दे॒वा अ॑वीवृधन् ।
अधा॑ स॒पत्ना॑निन्द्रा॒ग्नी मे॑ विषू॒चीना॒न्व्य॒स्यताम् ।। ६४ ।।
Roman reading u॒dgrā॒bhaṃ ca॑ nigrā॒bhaṃ ca॒ brahma॑ de॒vā a॑vīvṛdhan | adhā॑ sa॒patnā॑nindrā॒gnī me॑ viṣū॒cīnā॒nvya॒syatām | | ६४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.65 ◌ EeseDharma mein verified
क्रम॑ध्वम॒ग्निना॒ नाक॒मुख्य॒ᳪ हस्ते॑षु॒ बिभ्र॑तः ।
दि॒वस्पृ॒ष्ठᳪ स्व॑र्ग॒त्वा मि॒श्रा दे॒वेभि॑राध्वम् ।। ६५ ।।
Roman reading krama॑dhvama॒gninā॒ nāka॒mukhya॒ᳪ haste॑ṣu॒ bibhra॑taḥ | di॒vaspṛ॒ṣṭhaᳪ sva॑rga॒tvā mi॒śrā de॒vebhi॑rādhvam | | ६५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.66 ◌ EeseDharma mein verified
प्राची॒मनु॑ प्र॒दिशं॒ प्रेहि॑ वि॒द्वान॒ग्नेर॑ग्ने पुरो अ॑ग्निर्भवे॒ह ।
विश्वा॒ आशा॒ दीद्या॑नो॒ वि भा॒ह्यूर्जं॑ नो धेहि द्वि॒पदे॒ चतु॑ष्पदे ।। ६६ ।।
Roman reading prācī॒manu॑ pra॒diśaṃ॒ prehi॑ vi॒dvāna॒gnera॑gne puro a॑gnirbhave॒ha | viśvā॒ āśā॒ dīdyā॑no॒ vi bhā॒hyūrjaṃ॑ no dhehi dvi॒pade॒ catu॑ṣpade | | ६६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.67 ◌ EeseDharma mein verified
पृ॒थि॒व्या अ॒हमुद॒न्तरि॑क्ष॒माऽरु॑हम॒न्तरि॑क्षा॒द्दिव॒मारु॑हम् ।
दि॒वो नाक॑स्य पृ॒ष्ठात् स्व॒र्ज्योति॑रगाम॒हम् ।। ६७ ।।
Roman reading pṛ॒thi॒vyā a॒hamuda॒ntari॑kṣa॒mā’ru॑hama॒ntari॑kṣā॒ddiva॒māru॑ham | di॒vo nāka॑sya pṛ॒ṣṭhāt sva॒rjyoti॑ragāma॒ham | | ६७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.68 ◌ EeseDharma mein verified
स्व॒र्यन्तो॒ नापे॑क्षन्त॒ आ द्याᳪ रो॑हन्ति॒ रोद॑सी ।
य॒ज्ञं ये वि॒श्वतो॑धार॒ᳪ सुवि॑द्वाᳪसो वितेनि॒रे ।। ६८ ।।
Roman reading sva॒ryanto॒ nāpe॑kṣanta॒ ā dyāᳪ ro॑hanti॒ roda॑sī | ya॒jñaṃ ye vi॒śvato॑dhāra॒ᳪ suvi॑dvāᳪso viteni॒re | | ६८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.69 ◌ EeseDharma mein verified
अग्ने॒ प्रेहि॑ प्रथ॒मो दे॑वय॒तां चक्षु॑र्दे॒वाना॑मु॒त मर्त्या॑नाम् ।
इय॑क्षमाणा॒ भृगु॑भिः स॒जोषा॒: स्व॒र्यन्तु॒ यज॑मानाः स्व॒स्ति ।। ६९ ।।
Roman reading agne॒ prehi॑ pratha॒mo de॑vaya॒tāṃ cakṣu॑rde॒vānā॑mu॒ta martyā॑nām | iya॑kṣamāṇā॒ bhṛgu॑bhiḥ sa॒joṣā॒: sva॒ryantu॒ yaja॑mānāḥ sva॒sti | | ६९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.70 ◌ EeseDharma mein verified
नक्तो॒षासा॒ सम॑नसा॒ विरू॑पे धा॒पये॑ते॒ शिशु॒मेक॑ᳪ समी॒ची ।
द्यावा॒क्षामा॑ रु॒क्मो अ॒न्तर्वि भा॑ति दे॒वा अ॒ग्निं धा॑रयन् द्रविणो॒दाः ।। ७० ।।
Roman reading nakto॒ṣāsā॒ sama॑nasā॒ virū॑pe dhā॒paye॑te॒ śiśu॒meka॑ᳪ samī॒cī | dyāvā॒kṣāmā॑ ru॒kmo a॒ntarvi bhā॑ti de॒vā a॒gniṃ dhā॑rayan draviṇo॒dāḥ | | ७० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.71 ◌ EeseDharma mein verified
अग्ने॑ सहस्राक्ष शतमूर्धञ्छ॒तं ते॑ प्रा॒णाः स॒हस्रं॑ व्या॒नाः ।
त्वᳪ सा॑ह॒स्रस्य॑ रा॒य ई॑शिषे॒ तस्मै॑ ते विधेम॒ वाजा॑य॒ स्वाहा॑ ।। ७१ ।।
Roman reading agne॑ sahasrākṣa śatamūrdhañcha॒taṃ te॑ prā॒ṇāḥ sa॒hasraṃ॑ vyā॒nāḥ | tvaᳪ sā॑ha॒srasya॑ rā॒ya ī॑śiṣe॒ tasmai॑ te vidhema॒ vājā॑ya॒ svāhā॑ | | ७१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.72 ◌ EeseDharma mein verified
सु॒प॒र्णो॒ऽसि ग॒रुत्मा॑न् पृ॒ष्ठे पृ॑थि॒व्याः सी॑द ।
भा॒साऽन्तरि॑क्ष॒मा पृ॑ण॒ ज्योति॑षा॒ दिव॒मुत्त॑भान॒ तेज॑सा॒ दिश॒ उद्दृ॑ᳪह ।। ७२ ।।
Roman reading su॒pa॒rṇo॒’si ga॒rutmā॑n pṛ॒ṣṭhe pṛ॑thi॒vyāḥ sī॑da | bhā॒sā’ntari॑kṣa॒mā pṛ॑ṇa॒ jyoti॑ṣā॒ diva॒mutta॑bhāna॒ teja॑sā॒ diśa॒ uddṛ॑ᳪha | | ७२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.73 ◌ EeseDharma mein verified
आ॒जुह्वा॑नः सु॒प्रती॑कः पु॒रस्ता॒दग्ने॒ स्वं योनि॒मा सी॑द साधु॒या ।
अ॒स्मिन्त्स॒धस्थे॒ अध्युत्त॑रस्मि॒न्विश्वे॑ देवा॒ यज॑मानश्च सीदत ।। ७३ ।।
Roman reading ā॒juhvā॑naḥ su॒pratī॑kaḥ pu॒rastā॒dagne॒ svaṃ yoni॒mā sī॑da sādhu॒yā | a॒smintsa॒dhasthe॒ adhyutta॑rasmi॒nviśve॑ devā॒ yaja॑mānaśca sīdata | | ७३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.74 ◌ EeseDharma mein verified
ताᳪ स॑वि॒तुर्वरे॑ण्यस्य चि॒त्रामाऽहं वृ॑णे सुम॒तिं वि॒श्वज॑न्याम् ।
याम॑स्य॒ कण्वो॒ अदु॑ह॒त्प्रपी॑नाᳪ स॒हस्र॑धारां॒ पय॑सा म॒हीं गाम् ।। ७४ ।।
Roman reading tāᳪ sa॑vi॒turvare॑ṇyasya ci॒trāmā’haṃ vṛ॑ṇe suma॒tiṃ vi॒śvaja॑nyām | yāma॑sya॒ kaṇvo॒ adu॑ha॒tprapī॑nāᳪ sa॒hasra॑dhārāṃ॒ paya॑sā ma॒hīṃ gām | | ७४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.75 ◌ EeseDharma mein verified
वि॒धेम॑ ते पर॒मे जन्म॑न्नग्ने वि॒धेम॒ स्तोमै॒रव॑रे स॒धस्थे॑ ।
यस्मा॒द्योने॑रु॒दारि॑था॒ यजे॒ तं प्र त्वे ह॒वीᳪषि॑ जुहुरे॒ समि॑द्धे ।। ७५ ।।
Roman reading vi॒dhema॑ te para॒me janma॑nnagne vi॒dhema॒ stomai॒rava॑re sa॒dhasthe॑ | yasmā॒dyone॑ru॒dāri॑thā॒ yaje॒ taṃ pra tve ha॒vīᳪṣi॑ juhure॒ sami॑ddhe | | ७५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.76 ◌ EeseDharma mein verified
प्रेद्धो॑ अग्ने दीदिहि पु॒रो नऽज॑स्रया सू॒र्म्या॒ यविष्ठ । त्वाᳪ शश्व॑न्त॒ उप॑ यन्ति॒ वाजा॑: ।। ७६ ।।
Roman reading preddho॑ agne dīdihi pu॒ro na’ja॑srayā sū॒rmyā॒ yaviṣṭha | tvāᳪ śaśva॑nta॒ upa॑ yanti॒ vājā॑: | | ७६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.77 ◌ EeseDharma mein verified
अग्ने॒ तम॒द्याश्वं॒ न स्तोमै॒: क्रतुं॒ न भ॒द्रᳪ हृ॑दि॒स्पृश॑म् । ऋ॒ध्यामा॑ त॒ ओहै॑: ।। ७७ ।।
Roman reading agne॒ tama॒dyāśvaṃ॒ na stomai॒: kratuṃ॒ na bha॒draᳪ hṛ॑di॒spṛśa॑m | ṛ॒dhyāmā॑ ta॒ ohai॑: | | ७७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.78 ◌ EeseDharma mein verified
चित्तिं॑ जुहोमि॒ मन॑सा घृ॒तेन॒ यथा॑ दे॒वा इ॒हागम॑न्वी॒तिहो॑त्रा ऋता॒वृध॑: ।
पत्ये॒ विश्व॑स्य॒ भूम॑नो जु॒होमि॑ वि॒श्वक॑र्मणे वि॒श्वाहाऽदा॑भ्यᳪ ह॒वि: ।। ७८ ।।
Roman reading cittiṃ॑ juhomi॒ mana॑sā ghṛ॒tena॒ yathā॑ de॒vā i॒hāgama॑nvī॒tiho॑trā ṛtā॒vṛdha॑: | patye॒ viśva॑sya॒ bhūma॑no ju॒homi॑ vi॒śvaka॑rmaṇe vi॒śvāhā’dā॑bhyaᳪ ha॒vi: | | ७८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.79 ◌ EeseDharma mein verified
स॒प्त ते॑ अग्ने स॒मिध॑: स॒प्त जि॒ह्वाः स॒प्त ऋष॑यः स॒प्त धाम॑ प्रि॒याणि॑ ।
स॒प्त होत्रा॑: सप्त॒धा त्वा॑ यजन्ति स॒प्त योनी॒रा पृ॑णस्व घृ॒तेन॒ स्वाहा॑ ।। ७९ ।।
Roman reading sa॒pta te॑ agne sa॒midha॑: sa॒pta ji॒hvāḥ sa॒pta ṛṣa॑yaḥ sa॒pta dhāma॑ pri॒yāṇi॑ | sa॒pta hotrā॑: sapta॒dhā tvā॑ yajanti sa॒pta yonī॒rā pṛ॑ṇasva ghṛ॒tena॒ svāhā॑ | | ७९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.80 ◌ EeseDharma mein verified
शु॒क्रज्यो॑तिश्च चि॒त्रज्यो॑तिश्च स॒त्यज्यो॑तिश्च॒ ज्योति॑ष्माँश्च । शु॒क्रश्च॑ ऋत॒पाश्चात्य॑ᳪहाः ।। ८० ।।
Roman reading śu॒krajyo॑tiśca ci॒trajyo॑tiśca sa॒tyajyo॑tiśca॒ jyoti॑ṣmām̐śca | śu॒kraśca॑ ṛta॒pāścātya॑ᳪhāḥ | | ८० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.81 ◌ EeseDharma mein verified
ई॒दृङ् चा॑न्या॒दृङ् च॑ स॒दृङ् च॑ प्रति॑सदृङ् च॑ । मि॒तश्च॒ सम्मि॑तश्च॒ सभ॑राः ।। ८१ ।।
Roman reading ī॒dṛṅ cā॑nyā॒dṛṅ ca॑ sa॒dṛṅ ca॑ prati॑sadṛṅ ca॑ | mi॒taśca॒ sammi॑taśca॒ sabha॑rāḥ | | ८१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.82 ◌ EeseDharma mein verified
ऋ॒तश्च॑ स॒त्यश्च॑ ध्रु॒वश्च॑ ध॒रुण॑श्च । ध॒र्ता च॑ विध॒र्ता च॑ विधार॒यः ।। ८२ ।।
Roman reading ṛ॒taśca॑ sa॒tyaśca॑ dhru॒vaśca॑ dha॒ruṇa॑śca | dha॒rtā ca॑ vidha॒rtā ca॑ vidhāra॒yaḥ | | ८२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.83 ◌ EeseDharma mein verified
ऋ॒त॒जिच्च॑ सत्य॒जिच्च॑ सेन॒जिच्च॑ सु॒षेण॑श्च । अन्ति॑मित्रश्च दू॒रे अ॑मित्रश्च ग॒णः ।। ८३ ।।
Roman reading ṛ॒ta॒jicca॑ satya॒jicca॑ sena॒jicca॑ su॒ṣeṇa॑śca | anti॑mitraśca dū॒re a॑mitraśca ga॒ṇaḥ | | ८३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.84 ◌ EeseDharma mein verified
ई॒दृक्षा॑स एता॒दृक्षा॑स ऊ॒ षु ण॑: स॒दृक्षा॑स॒: प्रति॑सदृक्षास॒ एत॑न ।
मि॒तास॑श्च॒ सम्मि॑तासो नो अ॒द्य सभ॑रसो मरुतो य॒ज्ञे अ॒स्मिन् ।। ८४ ।।
Roman reading ī॒dṛkṣā॑sa etā॒dṛkṣā॑sa ū॒ ṣu ṇa॑: sa॒dṛkṣā॑sa॒: prati॑sadṛkṣāsa॒ eta॑na | mi॒tāsa॑śca॒ sammi॑tāso no a॒dya sabha॑raso maruto ya॒jñe a॒smin | | ८४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.85 ◌ EeseDharma mein verified
स्वत॑वाँश्च प्रघा॒सी च॑ सान्तप॒नश्च॑ गृहमे॒धी च॑ । क्री॒डी च॑ शा॒की चो॑ज्जे॒षी ।। ८५ ।।
Roman reading svata॑vām̐śca praghā॒sī ca॑ sāntapa॒naśca॑ gṛhame॒dhī ca॑ | krī॒ḍī ca॑ śā॒kī co॑jje॒ṣī | | ८५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.86 ◌ EeseDharma mein verified
इन्द्रं॒ दैवी॒र्विशो॑ म॒रुतोऽनु॑वर्त्मानोऽभव॒न्यथेन्द्रं॒ दैवी॒र्विशो॑ म॒रुतोऽनु॑वर्त्मा॒नोऽभ॑वन् ।
ए॒वमि॒मं यज॑मानं॒ दैवी॑श्च॒ विशो॑ मानु॒षीश्चानु॑वर्त्मानो भवन्तु ।। ८६ ।।
Roman reading indraṃ॒ daivī॒rviśo॑ ma॒ruto’nu॑vartmāno’bhava॒nyathendraṃ॒ daivī॒rviśo॑ ma॒ruto’nu॑vartmā॒no’bha॑van | e॒vami॒maṃ yaja॑mānaṃ॒ daivī॑śca॒ viśo॑ mānu॒ṣīścānu॑vartmāno bhavantu | | ८६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.87 ◌ EeseDharma mein verified
इ॒मᳪ स्तन॒मूर्ज॑स्वन्तं धया॒पां प्रपी॑नमग्ने सरि॒रस्य॒ मध्ये॑ ।
उत्सं॑ जुषस्व॒ मधु॑मन्तमर्वन्त्समु॒द्रिय॒ᳪ सद॑न॒मा वि॑शस्व ।। ८७ ।।
Roman reading i॒maᳪ stana॒mūrja॑svantaṃ dhayā॒pāṃ prapī॑namagne sari॒rasya॒ madhye॑ | utsaṃ॑ juṣasva॒ madhu॑mantamarvantsamu॒driya॒ᳪ sada॑na॒mā vi॑śasva | | ८७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.88 ◌ EeseDharma mein verified
घृ॒तं मि॑मिक्षे घृ॒तम॑स्य॒ योनि॑र्घृ॒ते श्रि॒तो घृ॒तम्व॑स्य॒ धाम॑ ।
अ॒नुष्व॒धमा व॑ह मा॒दय॑स्व॒ स्वाहा॑कृतं वृषभ वक्षि ह॒व्यम् ।। ८८ ।।
Roman reading ghṛ॒taṃ mi॑mikṣe ghṛ॒tama॑sya॒ yoni॑rghṛ॒te śri॒to ghṛ॒tamva॑sya॒ dhāma॑ | a॒nuṣva॒dhamā va॑ha mā॒daya॑sva॒ svāhā॑kṛtaṃ vṛṣabha vakṣi ha॒vyam | | ८८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.89 ◌ EeseDharma mein verified
समु॒द्रादू॒र्मिर्मधु॑माँ॒२ उदा॑र॒दुपा॒ᳪशुना॒ सम॑मृत॒त्वमा॑नट् ।
घृ॒तस्य॒ नाम॒ गुह्यं॒ यदस्ति॑ जि॒ह्वा दे॒वाना॑म॒मृत॑स्य॒ नाभि॑: ।। ८९ ।।
Roman reading samu॒drādū॒rmirmadhu॑mām॒̐२ udā॑ra॒dupā॒ᳪśunā॒ sama॑mṛta॒tvamā॑naṭ | ghṛ॒tasya॒ nāma॒ guhyaṃ॒ yadasti॑ ji॒hvā de॒vānā॑ma॒mṛta॑sya॒ nābhi॑: | | ८९ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.90 ◌ EeseDharma mein verified
व॒यं नाम॒ प्र ब्र॑वामा घृ॒तस्या॒स्मिन् य॒ज्ञे धा॑रयामा॒ नमो॑भिः ।
उप॑ ब्र॒ह्मा शृ॑णवच्छ॒स्यमा॑नं॒ चतु॑:शृङ्गो॒ऽवमीद्गौ॒र ए॒तत् ।। ९० ।।
Roman reading va॒yaṃ nāma॒ pra bra॑vāmā ghṛ॒tasyā॒smin ya॒jñe dhā॑rayāmā॒ namo॑bhiḥ | upa॑ bra॒hmā śṛ॑ṇavaccha॒syamā॑naṃ॒ catu॑:śṛṅgo॒’vamīdgau॒ra e॒tat | | ९० | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.91 ◌ EeseDharma mein verified
च॒त्वारि॒ शृङ्गा॒ त्रयो॑ अस्य॒ पादा॒ द्वे शी॒र्षे स॒प्त हस्ता॑सो अस्य ।
त्रिधा॑ ब॒द्धो वृ॑ष॒भो रो॑रवीति म॒हो दे॒वो मर्त्याँ॒२ आ वि॑वेश ।। ९१ ।।
Roman reading ca॒tvāri॒ śṛṅgā॒ trayo॑ asya॒ pādā॒ dve śī॒rṣe sa॒pta hastā॑so asya | tridhā॑ ba॒ddho vṛ॑ṣa॒bho ro॑ravīti ma॒ho de॒vo martyām॒̐२ ā vi॑veśa | | ९१ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.92 ◌ EeseDharma mein verified
त्रिधा॑ हि॒तं प॒णिभि॑र्गु॒ह्यमा॑नं॒ गवि॑ दे॒वासो॑ घृ॒तमन्व॑विन्दन् ।
इन्द्र॒ एक॒ᳪ सूर्य॒ एकं॑ जजान वे॒नादेक॑ᳪ स्व॒धया॒ निष्ट॑तक्षुः ।। ९२ ।।
Roman reading tridhā॑ hi॒taṃ pa॒ṇibhi॑rgu॒hyamā॑naṃ॒ gavi॑ de॒vāso॑ ghṛ॒tamanva॑vindan | indra॒ eka॒ᳪ sūrya॒ ekaṃ॑ jajāna ve॒nādeka॑ᳪ sva॒dhayā॒ niṣṭa॑takṣuḥ | | ९२ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.93 ◌ EeseDharma mein verified
ए॒ता अ॑र्षन्ति॒ हृद्या॑त्समु॒द्राच्छ॒तव्र॑जा रि॒पुणा॒ नाव॒चक्षे॑ ।
घृ॒तस्य॒ धारा॑ अ॒भि चा॑कशीमि हिर॒ण्ययो॑ वेत॒सो मध्य॑ आसाम् ।। ९३ ।।
Roman reading e॒tā a॑rṣanti॒ hṛdyā॑tsamu॒drāccha॒tavra॑jā ri॒puṇā॒ nāva॒cakṣe॑ | ghṛ॒tasya॒ dhārā॑ a॒bhi cā॑kaśīmi hira॒ṇyayo॑ veta॒so madhya॑ āsām | | ९३ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.94 ◌ EeseDharma mein verified
स॒म्यक् स्र॑वन्ति स॒रितो॒ न धेना॑ अ॒न्तर्हृ॒दा मन॑सा पू॒यमा॑नाः ।
ए॒ते अ॑र्षन्त्यू॒र्मयो॑ घृ॒तस्य॑ मृ॒गा इ॑व क्षिप॒णोरीष॑माणाः ।। ९४ ।।
Roman reading sa॒myak sra॑vanti sa॒rito॒ na dhenā॑ a॒ntarhṛ॒dā mana॑sā pū॒yamā॑nāḥ | e॒te a॑rṣantyū॒rmayo॑ ghṛ॒tasya॑ mṛ॒gā i॑va kṣipa॒ṇorīṣa॑māṇāḥ | | ९४ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.95 ◌ EeseDharma mein verified
सिन्धो॑रिव प्राध्व॒ने शू॑घ॒नासो॒ वात॑प्रमियः पतयन्ति य॒ह्वाः ।
घृ॒तस्य॒ धारा॑ अरु॒षो न वा॒जी काष्ठा॑ भि॒न्दन्नू॒र्मिभि॒: पिन्व॑मानः ।। ९५ ।।
Roman reading sindho॑riva prādhva॒ne śū॑gha॒nāso॒ vāta॑pramiyaḥ patayanti ya॒hvāḥ | ghṛ॒tasya॒ dhārā॑ aru॒ṣo na vā॒jī kāṣṭhā॑ bhi॒ndannū॒rmibhi॒: pinva॑mānaḥ | | ९५ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.96 ◌ EeseDharma mein verified
अ॒भि प्र॑वन्त॒ सम॑नेव॒ योषा॑: कल्या॒ण्यः स्मय॑मानासो अ॒ग्निम् ।
घृ॒तस्य॒ धारा॑: स॒मिधो॑ नसन्त॒ ता जु॑षा॒णो ह॑र्यति जा॒तवे॑दाः ।। ९६ ।।
Roman reading a॒bhi pra॑vanta॒ sama॑neva॒ yoṣā॑: kalyā॒ṇyaḥ smaya॑mānāso a॒gnim | ghṛ॒tasya॒ dhārā॑: sa॒midho॑ nasanta॒ tā ju॑ṣā॒ṇo ha॑ryati jā॒tave॑dāḥ | | ९६ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.97 ◌ EeseDharma mein verified
क॒न्या॒ इव वह॒तुमेत॒वा उ॑ अ॒ञ्ज्य॒ञ्जा॒ना अ॒भि चा॑कशीमि ।
यत्र॒ सोम॑: सू॒यते॒ यत्र॑ य॒ज्ञो घृ॒तस्य॒ धारा॑ अ॒भि तत्प॑वन्ते ।। ९७ ।।
Roman reading ka॒nyā॒ iva vaha॒tumeta॒vā u॑ a॒ñjya॒ñjā॒nā a॒bhi cā॑kaśīmi | yatra॒ soma॑: sū॒yate॒ yatra॑ ya॒jño ghṛ॒tasya॒ dhārā॑ a॒bhi tatpa॑vante | | ९७ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.98 ◌ EeseDharma mein verified
अ॒भ्य॒र्षत सुष्टु॒तिं गव्य॑मा॒जिम॒स्मासु॑ भ॒द्रा द्रवि॑णानि धत्त ।
इ॒मं य॒ज्ञं न॑यत दे॒वता॑ नो घृ॒तस्य॒ धारा॒ मधु॑मत्पवन्ते ।। ९८ ।।
Roman reading a॒bhya॒rṣata suṣṭu॒tiṃ gavya॑mā॒jima॒smāsu॑ bha॒drā dravi॑ṇāni dhatta | i॒maṃ ya॒jñaṃ na॑yata de॒vatā॑ no ghṛ॒tasya॒ dhārā॒ madhu॑matpavante | | ९८ | |
− Simple arth
Project-owned meaning abhi available nahi hai.
Śukla Yajurveda Mādhyaṃdina 17.99 ◌ EeseDharma mein verified
धामं॑ ते॒ विश्वं॒ भुव॑न॒मधि॑ श्रि॒तम॒न्तः स॑मु॒द्रे हृ॒द्यन्तरायु॑षि ।
अ॒पामनी॑के समि॒थे य आभृ॑त॒स्तम॑श्याम॒ मधु॑मन्तं त ऊ॒र्मिम् ।। ९९ ।।
Roman reading dhāmaṃ॑ te॒ viśvaṃ॒ bhuva॑na॒madhi॑ śri॒tama॒ntaḥ sa॑mu॒dre hṛ॒dyantarāyu॑ṣi | a॒pāmanī॑ke sami॒the ya ābhṛ॑ta॒stama॑śyāma॒ madhu॑mantaṃ ta ū॒rmim | | ९९ | |
− Simple arth
Project-owned meaning abhi available nahi hai.
