Ṛgveda 9.78.2◌ EeseDharma mein verified
५ कविर्भार्गव: । पवमान: सोम: ।जगती ।
प्र राजा॒ वाचं॑ ज॒नय॑न्नसिष्यदद॒पो वसा॑नो अ॒भि गा इ॑यक्षति ।
गृ॒भ्णाति॑ रि॒प्रमवि॑रस्य॒ तान्वा॑ शु॒द्धो दे॒वाना॒मुप॑ याति निष्कृ॒तम् ॥१
इन्द्रा॑य सोम॒ परि॑ षिच्यसे॒ नृभि॑र्नृ॒चक्षा॑ ऊ॒र्मिः क॒विर॑ज्यसे॒ वने॑ ।
पू॒र्वीर्हि ते॑ स्रु॒तय॒: सन्ति॒ यात॑वे स॒हस्र॒मश्वा॒ हर॑यश्चमू॒षद॑: ॥२॥
Roman reading५ kavirbhārgava: | pavamāna: soma: | jagatī | pra rājā॒ vācaṃ॑ ja॒naya॑nnasiṣyadada॒po vasā॑no a॒bhi gā i॑yakṣati | gṛ॒bhṇāti॑ ri॒pramavi॑rasya॒ tānvā॑ śu॒ddho de॒vānā॒mupa॑ yāti niṣkṛ॒tam || १
indrā॑ya soma॒ pari॑ ṣicyase॒ nṛbhi॑rnṛ॒cakṣā॑ ū॒rmiḥ ka॒vira॑jyase॒ vane॑ | pū॒rvīrhi te॑ sru॒taya॒: santi॒ yāta॑ve sa॒hasra॒maśvā॒ hara॑yaścamū॒ṣada॑: || २ ||
Project-owned meaning abhi available nahi hai.
Ṛgveda 9.78.3◌ EeseDharma mein verified
स॒मु॒द्रिया॑ अप्स॒रसो॑ मनी॒षिण॒मासी॑ना अ॒न्तर॒भि सोम॑मक्षरन् ।
ता ईं॑ हिन्वन्ति ह॒र्म्यस्य॑ स॒क्षणिं॒ याच॑न्ते सु॒म्नं पव॑मान॒मक्षि॑तम् ॥३॥
Roman readingsa॒mu॒driyā॑ apsa॒raso॑ manī॒ṣiṇa॒māsī॑nā a॒ntara॒bhi soma॑makṣaran | tā īṃ॑ hinvanti ha॒rmyasya॑ sa॒kṣaṇiṃ॒ yāca॑nte su॒mnaṃ pava॑māna॒makṣi॑tam || ३ ||
Project-owned meaning abhi available nahi hai.
Ṛgveda 9.78.4◌ EeseDharma mein verified
गो॒जिन्न॒: सोमो॑ रथ॒जिद्धि॑रण्य॒जित्स्व॒र्जिद॒ब्जित्प॑वते सहस्र॒जित् ।
यं दे॒वास॑श्चक्रि॒रे पी॒तये॒ मदं॒ स्वादि॑ष्ठं द्र॒प्सम॑रु॒णं म॑यो॒भुव॑म् ॥४॥
Roman readinggo॒jinna॒: somo॑ ratha॒jiddhi॑raṇya॒jitsva॒rjida॒bjitpa॑vate sahasra॒jit | yaṃ de॒vāsa॑ścakri॒re pī॒taye॒ madaṃ॒ svādi॑ṣṭhaṃ dra॒psama॑ru॒ṇaṃ ma॑yo॒bhuva॑m || ४ ||
Project-owned meaning abhi available nahi hai.
Ṛgveda 9.78.5◌ EeseDharma mein verified
ए॒तानि॑ सोम॒ पव॑मानो अस्म॒युः स॒त्यानि॑ कृ॒ण्वन्द्रवि॑णान्यर्षसि ।
ज॒हि शत्रु॑मन्ति॒के दू॑र॒के च॒ य उ॒र्वीं गव्यू॑ति॒मभ॑यं च नस्कृधि ॥५॥
Roman readinge॒tāni॑ soma॒ pava॑māno asma॒yuḥ sa॒tyāni॑ kṛ॒ṇvandravi॑ṇānyarṣasi | ja॒hi śatru॑manti॒ke dū॑ra॒ke ca॒ ya u॒rvīṃ gavyū॑ti॒mabha॑yaṃ ca naskṛdhi || ५ ||
Project-owned meaning abhi available nahi hai.
