Ṛgveda 9.76.2◌ EeseDharma mein verified
५ कविर्भार्गव: । पवमान: सोम: ।जगती ।
ध॒र्ता दि॒वः प॑वते॒ कृत्व्यो॒ रसो॒ दक्षो॑ दे॒वाना॑मनु॒माद्यो॒ नृभि॑: ।
हरि॑: सृजा॒नो अत्यो॒ न सत्व॑भि॒र्वृथा॒ पाजां॑सि कृणुते न॒दीष्वा ॥१
शूरो॒ न ध॑त्त॒ आयु॑धा॒ गभ॑स्त्यो॒: स्व१: सिषा॑सन्रथि॒रो गवि॑ष्टिषु ।
इन्द्र॑स्य॒ शुष्म॑मी॒रय॑न्नप॒स्युभि॒रिन्दु॑र्हिन्वा॒नो अ॑ज्यते मनी॒षिभि॑: ॥२॥
Roman reading५ kavirbhārgava: | pavamāna: soma: | jagatī | dha॒rtā di॒vaḥ pa॑vate॒ kṛtvyo॒ raso॒ dakṣo॑ de॒vānā॑manu॒mādyo॒ nṛbhi॑: | hari॑: sṛjā॒no atyo॒ na satva॑bhi॒rvṛthā॒ pājāṃ॑si kṛṇute na॒dīṣvā || १
śūro॒ na dha॑tta॒ āyu॑dhā॒ gabha॑styo॒: sva१: siṣā॑sanrathi॒ro gavi॑ṣṭiṣu | indra॑sya॒ śuṣma॑mī॒raya॑nnapa॒syubhi॒rindu॑rhinvā॒no a॑jyate manī॒ṣibhi॑: || २ ||
Project-owned meaning abhi available nahi hai.
Ṛgveda 9.76.3◌ EeseDharma mein verified
इन्द्र॑स्य सोम॒ पव॑मान ऊ॒र्मिणा॑ तवि॒ष्यमा॑णो ज॒ठरे॒ष्वा वि॑श ।
प्र ण॑: पिन्व वि॒द्युद॒भ्रेव॒ रोद॑सी धि॒या न वाजाँ॒ उप॑ मासि॒ शश्व॑तः ॥३॥
Roman readingindra॑sya soma॒ pava॑māna ū॒rmiṇā॑ tavi॒ṣyamā॑ṇo ja॒ṭhare॒ṣvā vi॑śa | pra ṇa॑: pinva vi॒dyuda॒bhreva॒ roda॑sī dhi॒yā na vājām॒̐ upa॑ māsi॒ śaśva॑taḥ || ३ ||
Project-owned meaning abhi available nahi hai.
Ṛgveda 9.76.4◌ EeseDharma mein verified
विश्व॑स्य॒ राजा॑ पवते स्व॒र्दृश॑ ऋ॒तस्य॑ धी॒तिमृ॑षि॒षाळ॑वीवशत् ।
यः सूर्य॒स्यासि॑रेण मृ॒ज्यते॑ पि॒ता म॑ती॒नामस॑मष्टकाव्यः ॥४॥
Roman readingviśva॑sya॒ rājā॑ pavate sva॒rdṛśa॑ ṛ॒tasya॑ dhī॒timṛ॑ṣi॒ṣāḷa॑vīvaśat | yaḥ sūrya॒syāsi॑reṇa mṛ॒jyate॑ pi॒tā ma॑tī॒nāmasa॑maṣṭakāvyaḥ || ४ ||
Project-owned meaning abhi available nahi hai.
Ṛgveda 9.76.5◌ EeseDharma mein verified
वृषे॑व यू॒था परि॒ कोश॑मर्षस्य॒पामु॒पस्थे॑ वृष॒भः कनि॑क्रदत् ।
स इन्द्रा॑य पवसे मत्स॒रिन्त॑मो॒ यथा॒ जेषा॑म समि॒थे त्वोत॑यः ॥५॥
Roman readingvṛṣe॑va yū॒thā pari॒ kośa॑marṣasya॒pāmu॒pasthe॑ vṛṣa॒bhaḥ kani॑kradat | sa indrā॑ya pavase matsa॒rinta॑mo॒ yathā॒ jeṣā॑ma sami॒the tvota॑yaḥ || ५ ||
Project-owned meaning abhi available nahi hai.
