Ṛgveda 9.61.1◌ EeseDharma mein verified
अ॒या वी॒ती परि॑ स्रव॒ यस्त॑ इन्दो॒ मदे॒ष्वा । अ॒वाह॑न्नव॒तीर्नव॑ ॥१॥
Roman reading
a॒yā vī॒tī pari॑ srava॒ yasta॑ indo॒ made॒ṣvā | a॒vāha॑nnava॒tīrnava॑ || १ ||
Project-owned meaning abhi available nahi hai.
784Ṛgveda Saṁhitā · Adhyay 784
Mandala 9 · Sukta 61
मण्डल 9 · सूक्त 61
30 shlokॐChapter readingSwipe or scroll page by page · audio stays with the text
Ṛgveda 9.61.2◌ EeseDharma mein verified
पुर॑: स॒द्य इ॒त्थाधि॑ये॒ दिवो॑दासाय॒ शम्ब॑रम् । अध॒ त्यं तु॒र्वशं॒ यदु॑म् ॥२॥
Roman reading
pura॑: sa॒dya i॒tthādhi॑ye॒ divo॑dāsāya॒ śamba॑ram | adha॒ tyaṃ tu॒rvaśaṃ॒ yadu॑m || २ ||
Project-owned meaning abhi available nahi hai.
Ṛgveda 9.61.3◌ EeseDharma mein verified
परि॑ णो॒ अश्व॑मश्व॒विद्गोम॑दिन्दो॒ हिर॑ण्यवत् । क्षरा॑ सह॒स्रिणी॒रिष॑: ॥३॥
Roman reading
pari॑ ṇo॒ aśva॑maśva॒vidgoma॑dindo॒ hira॑ṇyavat | kṣarā॑ saha॒sriṇī॒riṣa॑: || ३ ||
Project-owned meaning abhi available nahi hai.
Ṛgveda 9.61.4◌ EeseDharma mein verified
पव॑मानस्य ते व॒यं प॒वित्र॑मभ्युन्द॒तः । स॒खि॒त्वमा वृ॑णीमहे ॥४॥
Roman reading
pava॑mānasya te va॒yaṃ pa॒vitra॑mabhyunda॒taḥ | sa॒khi॒tvamā vṛ॑ṇīmahe || ४ ||
Project-owned meaning abhi available nahi hai.
Ṛgveda 9.61.5◌ EeseDharma mein verified
ये ते॑ प॒वित्र॑मू॒र्मयो॑ऽभि॒क्षर॑न्ति॒ धार॑या । तेभि॑र्नः सोम मृळय ॥५॥
Roman reading
ye te॑ pa॒vitra॑mū॒rmayo॑’bhi॒kṣara॑nti॒ dhāra॑yā | tebhi॑rnaḥ soma mṛḷaya || ५ ||
Project-owned meaning abhi available nahi hai.
Ṛgveda 9.61.6◌ EeseDharma mein verified
स न॑: पुना॒न आ भ॑र र॒यिं वी॒रव॑ती॒मिष॑म् । ईशा॑नः सोम वि॒श्वत॑: ॥६॥
Roman reading
sa na॑: punā॒na ā bha॑ra ra॒yiṃ vī॒rava॑tī॒miṣa॑m | īśā॑naḥ soma vi॒śvata॑: || ६ ||
Project-owned meaning abhi available nahi hai.
Ṛgveda 9.61.7◌ EeseDharma mein verified
ए॒तमु॒ त्यं दश॒ क्षिपो॑ मृ॒जन्ति॒ सिन्धु॑मातरम् । समा॑दि॒त्येभि॑रख्यत ॥७॥
Roman reading
e॒tamu॒ tyaṃ daśa॒ kṣipo॑ mṛ॒janti॒ sindhu॑mātaram | samā॑di॒tyebhi॑rakhyata || ७ ||
Project-owned meaning abhi available nahi hai.
Ṛgveda 9.61.8◌ EeseDharma mein verified
समिन्द्रे॑णो॒त वा॒युना॑ सु॒त ए॑ति प॒वित्र॒ आ । सं सूर्य॑स्य र॒श्मिभि॑: ॥८॥
Roman reading
samindre॑ṇo॒ta vā॒yunā॑ su॒ta e॑ti pa॒vitra॒ ā | saṃ sūrya॑sya ra॒śmibhi॑: || ८ ||
Project-owned meaning abhi available nahi hai.
Ṛgveda 9.61.9◌ EeseDharma mein verified
स नो॒ भगा॑य वा॒यवे॑ पू॒ष्णे प॑वस्व॒ मधु॑मान् । चारु॑र्मि॒त्रे वरु॑णे च ॥९॥
Roman reading
sa no॒ bhagā॑ya vā॒yave॑ pū॒ṣṇe pa॑vasva॒ madhu॑mān | cāru॑rmi॒tre varu॑ṇe ca || ९ ||
Project-owned meaning abhi available nahi hai.
Ṛgveda 9.61.10◌ EeseDharma mein verified
उ॒च्चा ते॑ जा॒तमन्ध॑सो दि॒वि षद्भूम्या द॑दे । उ॒ग्रं शर्म॒ महि॒ श्रव॑: ॥१०॥
Roman reading
u॒ccā te॑ jā॒tamandha॑so di॒vi ṣadbhūmyā da॑de | u॒graṃ śarma॒ mahi॒ śrava॑: || १० ||
Project-owned meaning abhi available nahi hai.
Ṛgveda 9.61.11◌ EeseDharma mein verified
ए॒ना विश्वा॑न्य॒र्य आ द्यु॒म्नानि॒ मानु॑षाणाम् । सिषा॑सन्तो वनामहे ॥११॥
Roman reading
e॒nā viśvā॑nya॒rya ā dyu॒mnāni॒ mānu॑ṣāṇām | siṣā॑santo vanāmahe || ११ ||
Project-owned meaning abhi available nahi hai.
Ṛgveda 9.61.12◌ EeseDharma mein verified
स न॒ इन्द्रा॑य॒ यज्य॑वे॒ वरु॑णाय म॒रुद्भ्य॑: । व॒रि॒वो॒वित्परि॑ स्रव ॥१२॥
Roman reading
sa na॒ indrā॑ya॒ yajya॑ve॒ varu॑ṇāya ma॒rudbhya॑: | va॒ri॒vo॒vitpari॑ srava || १२ ||
Project-owned meaning abhi available nahi hai.
Ṛgveda 9.61.13◌ EeseDharma mein verified
उपो॒ षु जा॒तम॒प्तुरं॒ गोभि॑र्भ॒ङ्गं परि॑ष्कृतम् । इन्दुं॑ दे॒वा अ॑यासिषुः ॥१३॥
Roman reading
upo॒ ṣu jā॒tama॒pturaṃ॒ gobhi॑rbha॒ṅgaṃ pari॑ṣkṛtam | induṃ॑ de॒vā a॑yāsiṣuḥ || १३ ||
Project-owned meaning abhi available nahi hai.
Ṛgveda 9.61.14◌ EeseDharma mein verified
तमिद्व॑र्धन्तु नो॒ गिरो॑ व॒त्सं सं॒शिश्व॑रीरिव । य इन्द्र॑स्य हृदं॒सनि॑: ॥१४॥
Roman reading
tamidva॑rdhantu no॒ giro॑ va॒tsaṃ saṃ॒śiśva॑rīriva | ya indra॑sya hṛdaṃ॒sani॑: || १४ ||
Project-owned meaning abhi available nahi hai.
Ṛgveda 9.61.15◌ EeseDharma mein verified
अर्षा॑ णः सोम॒ शं गवे॑ धु॒क्षस्व॑ पि॒प्युषी॒मिष॑म् । वर्धा॑ समु॒द्रमु॒क्थ्य॑म् ॥१५॥
Roman reading
arṣā॑ ṇaḥ soma॒ śaṃ gave॑ dhu॒kṣasva॑ pi॒pyuṣī॒miṣa॑m | vardhā॑ samu॒dramu॒kthya॑m || १५ ||
Project-owned meaning abhi available nahi hai.
Ṛgveda 9.61.16◌ EeseDharma mein verified
पव॑मानो अजीजनद्दि॒वश्चि॒त्रं न त॑न्य॒तुम् । ज्योति॑र्वैश्वान॒रं बृ॒हत् ॥१६॥
Roman reading
pava॑māno ajījanaddi॒vaści॒traṃ na ta॑nya॒tum | jyoti॑rvaiśvāna॒raṃ bṛ॒hat || १६ ||
Project-owned meaning abhi available nahi hai.
Ṛgveda 9.61.17◌ EeseDharma mein verified
पव॑मानस्य ते॒ रसो॒ मदो॑ राजन्नदुच्छु॒नः । वि वार॒मव्य॑मर्षति ॥१७॥
Roman reading
pava॑mānasya te॒ raso॒ mado॑ rājannaducchu॒naḥ | vi vāra॒mavya॑marṣati || १७ ||
Project-owned meaning abhi available nahi hai.
Ṛgveda 9.61.18◌ EeseDharma mein verified
पव॑मान॒ रस॒स्तव॒ दक्षो॒ वि रा॑जति द्यु॒मान् । ज्योति॒र्विश्वं॒ स्व॑र्दृ॒शे ॥१८॥
Roman reading
pava॑māna॒ rasa॒stava॒ dakṣo॒ vi rā॑jati dyu॒mān | jyoti॒rviśvaṃ॒ sva॑rdṛ॒śe || १८ ||
Project-owned meaning abhi available nahi hai.
Ṛgveda 9.61.19◌ EeseDharma mein verified
यस्ते॒ मदो॒ वरे॑ण्य॒स्तेना॑ पव॒स्वान्ध॑सा । दे॒वा॒वीर॑घशंस॒हा ॥१९॥
Roman reading
yaste॒ mado॒ vare॑ṇya॒stenā॑ pava॒svāndha॑sā | de॒vā॒vīra॑ghaśaṃsa॒hā || १९ ||
Project-owned meaning abhi available nahi hai.
Ṛgveda 9.61.20◌ EeseDharma mein verified
जघ्नि॑र्वृ॒त्रम॑मि॒त्रियं॒ सस्नि॒र्वाजं॑ दि॒वेदि॑वे । गो॒षा उ॑ अश्व॒सा अ॑सि ॥२०॥
Roman reading
jaghni॑rvṛ॒trama॑mi॒triyaṃ॒ sasni॒rvājaṃ॑ di॒vedi॑ve | go॒ṣā u॑ aśva॒sā a॑si || २० ||
Project-owned meaning abhi available nahi hai.
Ṛgveda 9.61.21◌ EeseDharma mein verified
सम्मि॑श्लो अरु॒षो भ॑व सूप॒स्थाभि॒र्न धे॒नुभि॑: । सीद॑ञ्छ्ये॒नो न योनि॒मा ॥२१॥
Roman reading
sammi॑ślo aru॒ṣo bha॑va sūpa॒sthābhi॒rna dhe॒nubhi॑: | sīda॑ñchye॒no na yoni॒mā || २१ ||
Project-owned meaning abhi available nahi hai.
Ṛgveda 9.61.22◌ EeseDharma mein verified
स प॑वस्व॒ य आवि॒थेन्द्रं॑ वृ॒त्राय॒ हन्त॑वे । व॒व्रि॒वांसं॑ म॒हीर॒पः ॥२२॥
Roman reading
sa pa॑vasva॒ ya āvi॒thendraṃ॑ vṛ॒trāya॒ hanta॑ve | va॒vri॒vāṃsaṃ॑ ma॒hīra॒paḥ || २२ ||
Project-owned meaning abhi available nahi hai.
Ṛgveda 9.61.23◌ EeseDharma mein verified
सु॒वीरा॑सो व॒यं धना॒ जये॑म सोम मीढ्वः । पु॒ना॒नो व॑र्ध नो॒ गिर॑: ॥२३॥
Roman reading
su॒vīrā॑so va॒yaṃ dhanā॒ jaye॑ma soma mīḍhvaḥ | pu॒nā॒no va॑rdha no॒ gira॑: || २३ ||
Project-owned meaning abhi available nahi hai.
Ṛgveda 9.61.24◌ EeseDharma mein verified
त्वोता॑स॒स्तवाव॑सा॒ स्याम॑ व॒न्वन्त॑ आ॒मुर॑: । सोम॑ व्र॒तेषु॑ जागृहि ॥२४॥
Roman reading
tvotā॑sa॒stavāva॑sā॒ syāma॑ va॒nvanta॑ ā॒mura॑: | soma॑ vra॒teṣu॑ jāgṛhi || २४ ||
Project-owned meaning abhi available nahi hai.
Ṛgveda 9.61.25◌ EeseDharma mein verified
अ॒प॒घ्नन्प॑वते॒ मृधोऽप॒ सोमो॒ अरा॑व्णः । गच्छ॒न्निन्द्र॑स्य निष्कृ॒तम् ॥२५॥
Roman reading
a॒pa॒ghnanpa॑vate॒ mṛdho’pa॒ somo॒ arā॑vṇaḥ | gaccha॒nnindra॑sya niṣkṛ॒tam || २५ ||
Project-owned meaning abhi available nahi hai.
Ṛgveda 9.61.26◌ EeseDharma mein verified
म॒हो नो॑ रा॒य आ भ॑र॒ पव॑मान ज॒ही मृध॑: । रास्वे॑न्दो वी॒रव॒द्यश॑: ॥२६॥
Roman reading
ma॒ho no॑ rā॒ya ā bha॑ra॒ pava॑māna ja॒hī mṛdha॑: | rāsve॑ndo vī॒rava॒dyaśa॑: || २६ ||
Project-owned meaning abhi available nahi hai.
Ṛgveda 9.61.27◌ EeseDharma mein verified
न त्वा॑ श॒तं च॒न ह्रुतो॒ राधो॒ दित्स॑न्त॒मा मि॑नन् । यत्पु॑ना॒नो म॑ख॒स्यसे॑ ॥२७॥
Roman reading
na tvā॑ śa॒taṃ ca॒na hruto॒ rādho॒ ditsa॑nta॒mā mi॑nan | yatpu॑nā॒no ma॑kha॒syase॑ || २७ ||
Project-owned meaning abhi available nahi hai.
Ṛgveda 9.61.28◌ EeseDharma mein verified
पव॑स्वेन्दो॒ वृषा॑ सु॒तः कृ॒धी नो॑ य॒शसो॒ जने॑ । विश्वा॒ अप॒ द्विषो॑ जहि ॥२८॥
Roman reading
pava॑svendo॒ vṛṣā॑ su॒taḥ kṛ॒dhī no॑ ya॒śaso॒ jane॑ | viśvā॒ apa॒ dviṣo॑ jahi || २८ ||
Project-owned meaning abhi available nahi hai.
Ṛgveda 9.61.29◌ EeseDharma mein verified
अस्य॑ ते स॒ख्ये व॒यं तवे॑न्दो द्यु॒म्न उ॑त्त॒मे । सा॒स॒ह्याम॑ पृतन्य॒तः ॥२९॥
Roman reading
asya॑ te sa॒khye va॒yaṃ tave॑ndo dyu॒mna u॑tta॒me | sā॒sa॒hyāma॑ pṛtanya॒taḥ || २९ ||
Project-owned meaning abhi available nahi hai.
Ṛgveda 9.61.30◌ EeseDharma mein verified
या ते॑ भी॒मान्यायु॑धा ति॒ग्मानि॒ सन्ति॒ धूर्व॑णे । रक्षा॑ समस्य नो नि॒दः ॥३०॥
Roman reading
yā te॑ bhī॒mānyāyu॑dhā ti॒gmāni॒ santi॒ dhūrva॑ṇe | rakṣā॑ samasya no ni॒daḥ || ३० ||
Project-owned meaning abhi available nahi hai.