EeseDharmaSanātana Library
781मण्डल 9 · सूक्त 58
4 shlokतर॒त्स म॒न्दी धा॑वति॒ धारा॑ सु॒तस्यान्ध॑सः । तर॒त्स म॒न्दी धा॑वति ॥१॥
tara॒tsa ma॒ndī dhā॑vati॒ dhārā॑ su॒tasyāndha॑saḥ | tara॒tsa ma॒ndī dhā॑vati || १ ||
उ॒स्रा वे॑द॒ वसू॑नां॒ मर्त॑स्य दे॒व्यव॑सः । तर॒त्स म॒न्दी धा॑वति ॥२॥
u॒srā ve॑da॒ vasū॑nāṃ॒ marta॑sya de॒vyava॑saḥ | tara॒tsa ma॒ndī dhā॑vati || २ ||
ध्व॒स्रयो॑: पुरु॒षन्त्यो॒रा स॒हस्रा॑णि दद्महे । तर॒त्स म॒न्दी धा॑वति ॥३॥
dhva॒srayo॑: puru॒ṣantyo॒rā sa॒hasrā॑ṇi dadmahe | tara॒tsa ma॒ndī dhā॑vati || ३ ||
आ ययो॑स्त्रिं॒शतं॒ तना॑ स॒हस्रा॑णि च॒ दद्म॑हे । तर॒त्स म॒न्दी धा॑वति ॥४॥
ā yayo॑striṃ॒śataṃ॒ tanā॑ sa॒hasrā॑ṇi ca॒ dadma॑he | tara॒tsa ma॒ndī dhā॑vati || ४ ||