EeseDharmaSanātana Library
779मण्डल 9 · सूक्त 56
4 shlokपरि॒ सोम॑ ऋ॒तं बृ॒हदा॒शुः प॒वित्रे॑ अर्षति । वि॒घ्नन्रक्षां॑सि देव॒युः ॥१॥
pari॒ soma॑ ṛ॒taṃ bṛ॒hadā॒śuḥ pa॒vitre॑ arṣati | vi॒ghnanrakṣāṃ॑si deva॒yuḥ || १ ||
यत्सोमो॒ वाज॒मर्ष॑ति श॒तं धारा॑ अप॒स्युव॑: । इन्द्र॑स्य स॒ख्यमा॑वि॒शन् ॥२॥
yatsomo॒ vāja॒marṣa॑ti śa॒taṃ dhārā॑ apa॒syuva॑: | indra॑sya sa॒khyamā॑vi॒śan || २ ||
अ॒भि त्वा॒ योष॑णो॒ दश॑ जा॒रं न क॒न्या॑नूषत । मृ॒ज्यसे॑ सोम सा॒तये॑ ॥३॥
a॒bhi tvā॒ yoṣa॑ṇo॒ daśa॑ jā॒raṃ na ka॒nyā॑nūṣata | mṛ॒jyase॑ soma sā॒taye॑ || ३ ||
त्वमिन्द्रा॑य॒ विष्ण॑वे स्वा॒दुरि॑न्दो॒ परि॑ स्रव । नॄन्त्स्तो॒तॄन्पा॒ह्यंह॑सः ॥४॥
tvamindrā॑ya॒ viṣṇa॑ve svā॒duri॑ndo॒ pari॑ srava | nṝntsto॒tṝnpā॒hyaṃha॑saḥ || ४ ||