EeseDharmaSanātana Library
771मण्डल 9 · सूक्त 48
5 shlokतं त्वा॑ नृ॒म्णानि॒ बिभ्र॑तं स॒धस्थे॑षु म॒हो दि॒वः । चारुं॑ सुकृ॒त्यये॑महे ॥१॥
taṃ tvā॑ nṛ॒mṇāni॒ bibhra॑taṃ sa॒dhasthe॑ṣu ma॒ho di॒vaḥ | cāruṃ॑ sukṛ॒tyaye॑mahe || १ ||
संवृ॑क्तधृष्णुमु॒क्थ्यं॑ म॒हाम॑हिव्रतं॒ मद॑म् । श॒तं पुरो॑ रुरु॒क्षणि॑म् ॥२॥
saṃvṛ॑ktadhṛṣṇumu॒kthyaṃ॑ ma॒hāma॑hivrataṃ॒ mada॑m | śa॒taṃ puro॑ ruru॒kṣaṇi॑m || २ ||
अत॑स्त्वा र॒यिम॒भि राजा॑नं सुक्रतो दि॒वः । सु॒प॒र्णो अ॑व्य॒थिर्भ॑रत् ॥३॥
ata॑stvā ra॒yima॒bhi rājā॑naṃ sukrato di॒vaḥ | su॒pa॒rṇo a॑vya॒thirbha॑rat || ३ ||
विश्व॑स्मा॒ इत्स्व॑र्दृ॒शे साधा॑रणं रज॒स्तुर॑म् । गो॒पामृ॒तस्य॒ विर्भ॑रत् ॥४॥
viśva॑smā॒ itsva॑rdṛ॒śe sādhā॑raṇaṃ raja॒stura॑m | go॒pāmṛ॒tasya॒ virbha॑rat || ४ ||
अधा॑ हिन्वा॒न इ॑न्द्रि॒यं ज्यायो॑ महि॒त्वमा॑नशे । अ॒भि॒ष्टि॒कृद्विच॑र्षणिः ॥५॥
adhā॑ hinvā॒na i॑ndri॒yaṃ jyāyo॑ mahi॒tvamā॑naśe | a॒bhi॒ṣṭi॒kṛdvica॑rṣaṇiḥ || ५ ||