EeseDharmaSanātana Library
761मण्डल 9 · सूक्त 38
6 shlokए॒ष उ॒ स्य वृषा॒ रथोऽव्यो॒ वारे॑भिरर्षति । गच्छ॒न्वाजं॑ सह॒स्रिण॑म् ॥१॥
e॒ṣa u॒ sya vṛṣā॒ ratho’vyo॒ vāre॑bhirarṣati | gaccha॒nvājaṃ॑ saha॒sriṇa॑m || १ ||
ए॒तं त्रि॒तस्य॒ योष॑णो॒ हरिं॑ हिन्व॒न्त्यद्रि॑भिः । इन्दु॒मिन्द्रा॑य पी॒तये॑ ॥२॥
e॒taṃ tri॒tasya॒ yoṣa॑ṇo॒ hariṃ॑ hinva॒ntyadri॑bhiḥ | indu॒mindrā॑ya pī॒taye॑ || २ ||
ए॒तं त्यं ह॒रितो॒ दश॑ मर्मृ॒ज्यन्ते॑ अप॒स्युव॑: । याभि॒र्मदा॑य॒ शुम्भ॑ते ॥३॥
e॒taṃ tyaṃ ha॒rito॒ daśa॑ marmṛ॒jyante॑ apa॒syuva॑: | yābhi॒rmadā॑ya॒ śumbha॑te || ३ ||
ए॒ष स्य मानु॑षी॒ष्वा श्ये॒नो न वि॒क्षु सी॑दति । गच्छ॑ञ्जा॒रो न यो॒षित॑म् ॥४॥
e॒ṣa sya mānu॑ṣī॒ṣvā śye॒no na vi॒kṣu sī॑dati | gaccha॑ñjā॒ro na yo॒ṣita॑m || ४ ||
ए॒ष स्य मद्यो॒ रसोऽव॑ चष्टे दि॒वः शिशु॑: । य इन्दु॒र्वार॒मावि॑शत् ॥५॥
e॒ṣa sya madyo॒ raso’va॑ caṣṭe di॒vaḥ śiśu॑: | ya indu॒rvāra॒māvi॑śat || ५ ||
ए॒ष स्य पी॒तये॑ सु॒तो हरि॑रर्षति धर्ण॒सिः । क्रन्द॒न्योनि॑म॒भि प्रि॒यम् ॥६॥
e॒ṣa sya pī॒taye॑ su॒to hari॑rarṣati dharṇa॒siḥ | kranda॒nyoni॑ma॒bhi pri॒yam || ६ ||