EeseDharmaSanātana Library
676मण्डल 8 · सूक्त 56
5 shlokप्रति॑ ते दस्यवे वृक॒ राधो॑ अद॒र्श्यह्र॑यम् । द्यौर्न प्र॑थि॒ना शव॑: ॥१॥
prati॑ te dasyave vṛka॒ rādho॑ ada॒rśyahra॑yam | dyaurna pra॑thi॒nā śava॑: || १ ||
दश॒ मह्यं॑ पौतक्र॒तः स॒हस्रा॒ दस्य॑वे॒ वृक॑: । नित्या॑द्रा॒यो अ॑मंहत ॥२॥
daśa॒ mahyaṃ॑ pautakra॒taḥ sa॒hasrā॒ dasya॑ve॒ vṛka॑: | nityā॑drā॒yo a॑maṃhata || २ ||
श॒तं मे॑ गर्द॒भानां॑ श॒तमूर्णा॑वतीनाम् । श॒तं दा॒साँ अति॒ स्रज॑: ॥३॥
śa॒taṃ me॑ garda॒bhānāṃ॑ śa॒tamūrṇā॑vatīnām | śa॒taṃ dā॒sām̐ ati॒ sraja॑: || ३ ||
तत्रो॒ अपि॒ प्राणी॑यत पू॒तक्र॑तायै॒ व्य॑क्ता । अश्वा॑ना॒मिन्न यू॒थ्या॑म् ॥४॥
tatro॒ api॒ prāṇī॑yata pū॒takra॑tāyai॒ vya॑ktā | aśvā॑nā॒minna yū॒thyā॑m || ४ ||
अचे॑त्य॒ग्निश्चि॑कि॒तुर्ह॑व्य॒वाट् स सु॒मद्र॑थः । अ॒ग्निः शु॒क्रेण॑ शो॒चिषा॑ बृ॒हत्सूरो॑ अरोचत दि॒वि सूर्यो॑ अरोचत ॥५॥
ace॑tya॒gniści॑ki॒turha॑vya॒vāṭ sa su॒madra॑thaḥ | a॒gniḥ śu॒kreṇa॑ śo॒ciṣā॑ bṛ॒hatsūro॑ arocata di॒vi sūryo॑ arocata || ५ ||