Ṛgveda 8.39.2◌ EeseDharma mein verified
१० नाभाक: काण्व:। अग्नि: । महापंक्ति: ।
अ॒ग्निम॑स्तोष्यृ॒ग्मिय॑म॒ग्निमी॒ळा य॒जध्यै॑ ।
अ॒ग्निर्दे॒वाँ अ॑नक्तु न उ॒भे हि वि॒दथे॑ क॒विर॒न्तश्चर॑ति दू॒त्यं१ नभ॑न्तामन्य॒के स॑मे ॥१
न्य॑ग्ने॒ नव्य॑सा॒ वच॑स्त॒नूषु॒ शंस॑मेषाम् ।
न्यरा॑ती॒ ररा॑व्णां॒ विश्वा॑ अ॒र्यो अरा॑तीरि॒तो यु॑च्छन्त्वा॒मुरो॒ नभ॑न्तामन्य॒के स॑मे ॥२॥
Roman reading१० nābhāka: kāṇva: | agni: | mahāpaṃkti: | a॒gnima॑stoṣyṛ॒gmiya॑ma॒gnimī॒ḷā ya॒jadhyai॑ | a॒gnirde॒vām̐ a॑naktu na u॒bhe hi vi॒dathe॑ ka॒vira॒ntaścara॑ti dū॒tyaṃ१ nabha॑ntāmanya॒ke sa॑me || १
nya॑gne॒ navya॑sā॒ vaca॑sta॒nūṣu॒ śaṃsa॑meṣām | nyarā॑tī॒ rarā॑vṇāṃ॒ viśvā॑ a॒ryo arā॑tīri॒to yu॑cchantvā॒muro॒ nabha॑ntāmanya॒ke sa॑me || २ ||
Project-owned meaning abhi available nahi hai.
Ṛgveda 8.39.3◌ EeseDharma mein verified
अग्ने॒ मन्मा॑नि॒ तुभ्यं॒ कं घृ॒तं न जु॑ह्व आ॒सनि॑ ।
स दे॒वेषु॒ प्र चि॑किद्धि॒ त्वं ह्यसि॑ पू॒र्व्यः शि॒वो दू॒तो वि॒वस्व॑तो॒ नभ॑न्तामन्य॒के स॑मे ॥३॥
Roman readingagne॒ manmā॑ni॒ tubhyaṃ॒ kaṃ ghṛ॒taṃ na ju॑hva ā॒sani॑ | sa de॒veṣu॒ pra ci॑kiddhi॒ tvaṃ hyasi॑ pū॒rvyaḥ śi॒vo dū॒to vi॒vasva॑to॒ nabha॑ntāmanya॒ke sa॑me || ३ ||
Project-owned meaning abhi available nahi hai.
Ṛgveda 8.39.4◌ EeseDharma mein verified
तत्त॑द॒ग्निर्वयो॑ दधे॒ यथा॑यथा कृप॒ण्यति॑ ।
ऊ॒र्जाहु॑ति॒र्वसू॑नां॒ शं च॒ योश्च॒ मयो॑ दधे॒ विश्व॑स्यै दे॒वहू॑त्यै॒ नभ॑न्तामन्य॒के स॑मे ॥४॥
Roman readingtatta॑da॒gnirvayo॑ dadhe॒ yathā॑yathā kṛpa॒ṇyati॑ | ū॒rjāhu॑ti॒rvasū॑nāṃ॒ śaṃ ca॒ yośca॒ mayo॑ dadhe॒ viśva॑syai de॒vahū॑tyai॒ nabha॑ntāmanya॒ke sa॑me || ४ ||
Project-owned meaning abhi available nahi hai.
Ṛgveda 8.39.5◌ EeseDharma mein verified
स चि॑केत॒ सही॑यसा॒ऽग्निश्चि॒त्रेण॒ कर्म॑णा ।
स होता॒ शश्व॑तीनां॒ दक्षि॑णाभिर॒भीवृ॑त इ॒नोति॑ च प्रती॒व्यं१ नभ॑न्तामन्य॒के स॑मे ॥५॥
Roman readingsa ci॑keta॒ sahī॑yasā॒’gniści॒treṇa॒ karma॑ṇā | sa hotā॒ śaśva॑tīnāṃ॒ dakṣi॑ṇābhira॒bhīvṛ॑ta i॒noti॑ ca pratī॒vyaṃ१ nabha॑ntāmanya॒ke sa॑me || ५ ||
Project-owned meaning abhi available nahi hai.
Ṛgveda 8.39.6◌ EeseDharma mein verified
अ॒ग्निर्जा॒ता दे॒वाना॑म॒ग्निर्वे॑द॒ मर्ता॑नामपी॒च्य॑म् ।
अ॒ग्निः स द्र॑विणो॒दा अ॒ग्निर्द्वारा॒ व्यू॑र्णुते॒ स्वा॑हुतो॒ नवी॑यसा॒ नभ॑न्तामन्य॒के स॑मे ॥६॥
Roman readinga॒gnirjā॒tā de॒vānā॑ma॒gnirve॑da॒ martā॑nāmapī॒cya॑m | a॒gniḥ sa dra॑viṇo॒dā a॒gnirdvārā॒ vyū॑rṇute॒ svā॑huto॒ navī॑yasā॒ nabha॑ntāmanya॒ke sa॑me || ६ ||
Project-owned meaning abhi available nahi hai.
Ṛgveda 8.39.7◌ EeseDharma mein verified
अ॒ग्निर्दे॒वेषु॒ संव॑सु॒: स वि॒क्षु य॒ज्ञिया॒स्वा ।
स मु॒दा काव्या॑ पु॒रु विश्वं॒ भूमे॑व पुष्यति दे॒वो दे॒वेषु॑ य॒ज्ञियो॒ नभ॑न्तामन्य॒के स॑मे ॥७॥
Roman readinga॒gnirde॒veṣu॒ saṃva॑su॒: sa vi॒kṣu ya॒jñiyā॒svā | sa mu॒dā kāvyā॑ pu॒ru viśvaṃ॒ bhūme॑va puṣyati de॒vo de॒veṣu॑ ya॒jñiyo॒ nabha॑ntāmanya॒ke sa॑me || ७ ||
Project-owned meaning abhi available nahi hai.
Ṛgveda 8.39.8◌ EeseDharma mein verified
यो अ॒ग्निः स॒प्तमा॑नुषः श्रि॒तो विश्वे॑षु॒ सिन्धु॑षु ।
तमाग॑न्म त्रिप॒स्त्यं म॑न्धा॒तुर्द॑स्यु॒हन्त॑मम॒ग्निं य॒ज्ञेषु॑ पू॒र्व्यं नभ॑न्तामन्य॒के स॑मे ॥८॥
Roman readingyo a॒gniḥ sa॒ptamā॑nuṣaḥ śri॒to viśve॑ṣu॒ sindhu॑ṣu | tamāga॑nma tripa॒styaṃ ma॑ndhā॒turda॑syu॒hanta॑mama॒gniṃ ya॒jñeṣu॑ pū॒rvyaṃ nabha॑ntāmanya॒ke sa॑me || ८ ||
Project-owned meaning abhi available nahi hai.
Ṛgveda 8.39.9◌ EeseDharma mein verified
अ॒ग्निस्त्रीणि॑ त्रि॒धातू॒न्या क्षे॑ति वि॒दथा॑ क॒विः ।
स त्रीँरे॑काद॒शाँ इ॒ह यक्ष॑च्च पि॒प्रय॑च्च नो॒ विप्रो॑ दू॒तः परि॑ष्कृतो॒ नभ॑न्तामन्य॒के स॑मे ॥९॥
Roman readinga॒gnistrīṇi॑ tri॒dhātū॒nyā kṣe॑ti vi॒dathā॑ ka॒viḥ | sa trīm̐re॑kāda॒śām̐ i॒ha yakṣa॑cca pi॒praya॑cca no॒ vipro॑ dū॒taḥ pari॑ṣkṛto॒ nabha॑ntāmanya॒ke sa॑me || ९ ||
Project-owned meaning abhi available nahi hai.
Ṛgveda 8.39.10◌ EeseDharma mein verified
त्वं नो॑ अग्न आ॒युषु॒ त्वं दे॒वेषु॑ पूर्व्य॒ वस्व॒ एक॑ इरज्यसि ।
त्वामाप॑: परि॒स्रुत॒: परि॑ यन्ति॒ स्वसे॑तवो॒ नभ॑न्तामन्य॒के स॑मे ॥१०॥
Roman readingtvaṃ no॑ agna ā॒yuṣu॒ tvaṃ de॒veṣu॑ pūrvya॒ vasva॒ eka॑ irajyasi | tvāmāpa॑: pari॒sruta॒: pari॑ yanti॒ svase॑tavo॒ nabha॑ntāmanya॒ke sa॑me || १० ||
Project-owned meaning abhi available nahi hai.
