EeseDharmaSanātana Library
650मण्डल 8 · सूक्त 30
4 shlokन॒हि वो॒ अस्त्य॑र्भ॒को देवा॑सो॒ न कु॑मार॒कः । विश्वे॑ स॒तोम॑हान्त॒ इत् ॥१॥
na॒hi vo॒ astya॑rbha॒ko devā॑so॒ na ku॑māra॒kaḥ | viśve॑ sa॒toma॑hānta॒ it || १ ||
इति॑ स्तु॒तासो॑ असथा रिशादसो॒ ये स्थ त्रय॑श्च त्रिं॒शच्च॑ । मनो॑र्देवा यज्ञियासः ॥२॥
iti॑ stu॒tāso॑ asathā riśādaso॒ ye stha traya॑śca triṃ॒śacca॑ | mano॑rdevā yajñiyāsaḥ || २ ||
ते न॑स्त्राध्वं॒ ते॑ऽवत॒ त उ॑ नो॒ अधि॑ वोचत । मा न॑: प॒थः पित्र्या॑न्मान॒वादधि॑ दू॒रं नै॑ष्ट परा॒वत॑: ॥३॥
te na॑strādhvaṃ॒ te॑’vata॒ ta u॑ no॒ adhi॑ vocata | mā na॑: pa॒thaḥ pitryā॑nmāna॒vādadhi॑ dū॒raṃ nai॑ṣṭa parā॒vata॑: || ३ ||
ये दे॑वास इ॒ह स्थन॒ विश्वे॑ वैश्वान॒रा उ॒त । अ॒स्मभ्यं॒ शर्म॑ स॒प्रथो॒ गवेऽश्वा॑य यच्छत ॥४॥
ye de॑vāsa i॒ha sthana॒ viśve॑ vaiśvāna॒rā u॒ta | a॒smabhyaṃ॒ śarma॑ sa॒pratho॒ gave’śvā॑ya yacchata || ४ ||