EeseDharmaSanātana Library
649मण्डल 8 · सूक्त 29
5 shlokब॒भ्रुरेको॒ विषु॑णः सू॒नरो॒ युवा॒ञ्ज्य॑ङ्क्ते हिर॒ण्यय॑म्
योनि॒मेक॒ आ स॑साद॒ द्योत॑नो॒ऽन्तर्दे॒वेषु॒ मेधि॑रः ॥१॥
ba॒bhrureko॒ viṣu॑ṇaḥ sū॒naro॒ yuvā॒ñjya॑ṅkte hira॒ṇyaya॑m yoni॒meka॒ ā sa॑sāda॒ dyota॑no॒’ntarde॒veṣu॒ medhi॑raḥ || १ ||
वाशी॒मेको॑ बिभर्ति॒ हस्त॑ आय॒सीम॒न्तर्दे॒वेषु॒ निध्रु॑विः
वज्र॒मेको॑ बिभर्ति॒ हस्त॒ आहि॑तं॒ तेन॑ वृ॒त्राणि॑ जिघ्नते ॥२॥
vāśī॒meko॑ bibharti॒ hasta॑ āya॒sīma॒ntarde॒veṣu॒ nidhru॑viḥ vajra॒meko॑ bibharti॒ hasta॒ āhi॑taṃ॒ tena॑ vṛ॒trāṇi॑ jighnate || २ ||
ति॒ग्ममेको॑ बिभर्ति॒ हस्त॒ आयु॑धं॒ शुचि॑रु॒ग्रो जला॑षभेषजः
प॒थ एक॑: पीपाय॒ तस्क॑रो यथाँ ए॒ष वे॑द निधी॒नाम् ॥३॥
ti॒gmameko॑ bibharti॒ hasta॒ āyu॑dhaṃ॒ śuci॑ru॒gro jalā॑ṣabheṣajaḥ pa॒tha eka॑: pīpāya॒ taska॑ro yathām̐ e॒ṣa ve॑da nidhī॒nām || ३ ||
त्रीण्येक॑ उरुगा॒यो वि च॑क्रमे॒ यत्र॑ दे॒वासो॒ मद॑न्ति
विभि॒र्द्वा च॑रत॒ एक॑या स॒ह प्र प्र॑वा॒सेव॑ वसतः ॥४॥
trīṇyeka॑ urugā॒yo vi ca॑krame॒ yatra॑ de॒vāso॒ mada॑nti vibhi॒rdvā ca॑rata॒ eka॑yā sa॒ha pra pra॑vā॒seva॑ vasataḥ || ४ ||
सदो॒ द्वा च॑क्राते उप॒मा दि॒वि स॒म्राजा॑ स॒र्पिरा॑सुती
अर्च॑न्त॒ एके॒ महि॒ साम॑ मन्वत॒ तेन॒ सूर्य॑मरोचयन् ॥५॥
sado॒ dvā ca॑krāte upa॒mā di॒vi sa॒mrājā॑ sa॒rpirā॑sutī arca॑nta॒ eke॒ mahi॒ sāma॑ manvata॒ tena॒ sūrya॑marocayan || ५ ||