EeseDharmaSanātana Library
605मण्डल 7 · सूक्त 89
5 shlokमो षु व॑रुण मृ॒न्मयं॑ गृ॒हं रा॑जन्न॒हं ग॑मम् । मृ॒ळा सु॑क्षत्र मृ॒ळय॑ ॥१॥
mo ṣu va॑ruṇa mṛ॒nmayaṃ॑ gṛ॒haṃ rā॑janna॒haṃ ga॑mam | mṛ॒ḷā su॑kṣatra mṛ॒ḷaya॑ || १ ||
यदेमि॑ प्रस्फु॒रन्नि॑व॒ दृति॒र्न ध्मा॒तो अ॑द्रिवः । मृ॒ळा सु॑क्षत्र मृ॒ळय॑ ॥२॥
yademi॑ prasphu॒ranni॑va॒ dṛti॒rna dhmā॒to a॑drivaḥ | mṛ॒ḷā su॑kṣatra mṛ॒ḷaya॑ || २ ||
क्रत्व॑: समह दी॒नता॑ प्रती॒पं ज॑गमा शुचे । मृ॒ळा सु॑क्षत्र मृ॒ळय॑ ॥३॥
kratva॑: samaha dī॒natā॑ pratī॒paṃ ja॑gamā śuce | mṛ॒ḷā su॑kṣatra mṛ॒ḷaya॑ || ३ ||
अ॒पां मध्ये॑ तस्थि॒वांसं॒ तृष्णा॑विदज्जरि॒तार॑म् । मृ॒ळा सु॑क्षत्र मृ॒ळय॑ ॥४॥
a॒pāṃ madhye॑ tasthi॒vāṃsaṃ॒ tṛṣṇā॑vidajjari॒tāra॑m | mṛ॒ḷā su॑kṣatra mṛ॒ḷaya॑ || ४ ||
यत्किं चे॒दं व॑रुण॒ दैव्ये॒ जने॑ऽभिद्रो॒हं म॑नु॒ष्या॒३श्चरा॑मसि ।
अचि॑त्ती॒ यत्तव॒ धर्मा॑ युयोपि॒म मा न॒स्तस्मा॒देन॑सो देव रीरिषः ॥५॥
yatkiṃ ce॒daṃ va॑ruṇa॒ daivye॒ jane॑’bhidro॒haṃ ma॑nu॒ṣyā॒३ścarā॑masi | aci॑ttī॒ yattava॒ dharmā॑ yuyopi॒ma mā na॒stasmā॒dena॑so deva rīriṣaḥ || ५ ||