Ṛgveda 7.79.2◌ EeseDharma mein verified
५ मैत्रावरुणिर्वसिष्ठ:। उषस: । त्रिष्टुप् ।
व्यु१षा आ॑वः प॒थ्या॒३ जना॑नां॒ पञ्च॑ क्षि॒तीर्मानु॑षीर्बो॒धय॑न्ती ।
सु॒सं॒दृग्भि॑रु॒क्षभि॑र्भा॒नुम॑श्रे॒द्वि सूर्यो॒ रोद॑सी॒ चक्ष॑सावः ॥१
व्य॑ञ्जते दि॒वो अन्ते॑ष्व॒क्तून्विशो॒ न यु॒क्ता उ॒षसो॑ यतन्ते ।
सं ते॒ गाव॒स्तम॒ आ व॑र्तयन्ति॒ ज्योति॑र्यच्छन्ति सवि॒तेव॑ बा॒हू ॥२॥
Roman reading५ maitrāvaruṇirvasiṣṭha: | uṣasa: | triṣṭup | vyu१ṣā ā॑vaḥ pa॒thyā॒३ janā॑nāṃ॒ pañca॑ kṣi॒tīrmānu॑ṣīrbo॒dhaya॑ntī | su॒saṃ॒dṛgbhi॑ru॒kṣabhi॑rbhā॒numa॑śre॒dvi sūryo॒ roda॑sī॒ cakṣa॑sāvaḥ || १
vya॑ñjate di॒vo ante॑ṣva॒ktūnviśo॒ na yu॒ktā u॒ṣaso॑ yatante | saṃ te॒ gāva॒stama॒ ā va॑rtayanti॒ jyoti॑ryacchanti savi॒teva॑ bā॒hū || २ ||
Project-owned meaning abhi available nahi hai.
Ṛgveda 7.79.3◌ EeseDharma mein verified
अभू॑दु॒षा इन्द्र॑तमा म॒घोन्यजी॑जनत्सुवि॒ताय॒ श्रवां॑सि ।
वि दि॒वो दे॒वी दु॑हि॒ता द॑धा॒त्यङ्गि॑रस्तमा सु॒कृते॒ वसू॑नि ॥३॥
Roman readingabhū॑du॒ṣā indra॑tamā ma॒ghonyajī॑janatsuvi॒tāya॒ śravāṃ॑si | vi di॒vo de॒vī du॑hi॒tā da॑dhā॒tyaṅgi॑rastamā su॒kṛte॒ vasū॑ni || ३ ||
Project-owned meaning abhi available nahi hai.
Ṛgveda 7.79.4◌ EeseDharma mein verified
ताव॑दुषो॒ राधो॑ अ॒स्मभ्यं॑ रास्व॒ याव॑त्स्तो॒तृभ्यो॒ अर॑दो गृणा॒ना ।
यां त्वा॑ ज॒ज्ञुर्वृ॑ष॒भस्या॒ रवे॑ण॒ वि दृ॒ळ्हस्य॒ दुरो॒ अद्रे॑रौर्णोः ॥४॥
Roman readingtāva॑duṣo॒ rādho॑ a॒smabhyaṃ॑ rāsva॒ yāva॑tsto॒tṛbhyo॒ ara॑do gṛṇā॒nā | yāṃ tvā॑ ja॒jñurvṛ॑ṣa॒bhasyā॒ rave॑ṇa॒ vi dṛ॒ḷhasya॒ duro॒ adre॑raurṇoḥ || ४ ||
Project-owned meaning abhi available nahi hai.
Ṛgveda 7.79.5◌ EeseDharma mein verified
दे॒वंदे॑वं॒ राध॑से चो॒दय॑न्त्यस्म॒द्र्य॑क्सू॒नृता॑ ई॒रय॑न्ती ।
व्यु॒च्छन्ती॑ नः स॒नये॒ धियो॑ धा यू॒यं पा॑त स्व॒स्तिभि॒: सदा॑ नः ॥५॥
Roman readingde॒vaṃde॑vaṃ॒ rādha॑se co॒daya॑ntyasma॒drya॑ksū॒nṛtā॑ ī॒raya॑ntī | vyu॒cchantī॑ naḥ sa॒naye॒ dhiyo॑ dhā yū॒yaṃ pā॑ta sva॒stibhi॒: sadā॑ naḥ || ५ ||
Project-owned meaning abhi available nahi hai.
