Ṛgveda 7.31.1◌ EeseDharma mein verified
प्र व॒ इन्द्रा॑य॒ माद॑नं॒ हर्य॑श्वाय गायत । सखा॑यः सोम॒पाव्ने॑ ॥१॥
Roman reading
pra va॒ indrā॑ya॒ māda॑naṃ॒ harya॑śvāya gāyata | sakhā॑yaḥ soma॒pāvne॑ || १ ||
Project-owned meaning abhi available nahi hai.
547Ṛgveda Saṁhitā · Adhyay 547
Mandala 7 · Sukta 31
मण्डल 7 · सूक्त 31
12 shlokॐChapter readingSwipe or scroll page by page · audio stays with the text
Ṛgveda 7.31.2◌ EeseDharma mein verified
शंसेदु॒क्थं सु॒दान॑व उ॒त द्यु॒क्षं यथा॒ नर॑: । च॒कृ॒मा स॒त्यरा॑धसे ॥२॥
Roman reading
śaṃsedu॒kthaṃ su॒dāna॑va u॒ta dyu॒kṣaṃ yathā॒ nara॑: | ca॒kṛ॒mā sa॒tyarā॑dhase || २ ||
Project-owned meaning abhi available nahi hai.
Ṛgveda 7.31.3◌ EeseDharma mein verified
त्वं न॑ इन्द्र वाज॒युस्त्वं ग॒व्युः श॑तक्रतो । त्वं हि॑रण्य॒युर्व॑सो ॥३॥
Roman reading
tvaṃ na॑ indra vāja॒yustvaṃ ga॒vyuḥ śa॑takrato | tvaṃ hi॑raṇya॒yurva॑so || ३ ||
Project-owned meaning abhi available nahi hai.
Ṛgveda 7.31.4◌ EeseDharma mein verified
व॒यमि॑न्द्र त्वा॒यवो॒ऽभि प्र णो॑नुमो वृषन् । वि॒द्धी त्व१स्य नो॑ वसो ॥४॥
Roman reading
va॒yami॑ndra tvā॒yavo॒’bhi pra ṇo॑numo vṛṣan | vi॒ddhī tva१sya no॑ vaso || ४ ||
Project-owned meaning abhi available nahi hai.
Ṛgveda 7.31.5◌ EeseDharma mein verified
मा नो॑ नि॒दे च॒ वक्त॑वे॒ऽर्यो र॑न्धी॒ररा॑व्णे । त्वे अपि॒ क्रतु॒र्मम॑ ॥५॥
Roman reading
mā no॑ ni॒de ca॒ vakta॑ve॒’ryo ra॑ndhī॒rarā॑vṇe | tve api॒ kratu॒rmama॑ || ५ ||
Project-owned meaning abhi available nahi hai.
Ṛgveda 7.31.6◌ EeseDharma mein verified
त्वं वर्मा॑सि स॒प्रथ॑: पुरोयो॒धश्च॑ वृत्रहन् । त्वया॒ प्रति॑ ब्रुवे यु॒जा ॥६॥
Roman reading
tvaṃ varmā॑si sa॒pratha॑: puroyo॒dhaśca॑ vṛtrahan | tvayā॒ prati॑ bruve yu॒jā || ६ ||
Project-owned meaning abhi available nahi hai.
Ṛgveda 7.31.7◌ EeseDharma mein verified
म॒हाँ उ॒तासि॒ यस्य॒ तेऽनु॑ स्व॒धाव॑री॒ सह॑: । म॒म्नाते॑ इन्द्र॒ रोद॑सी ॥७॥
Roman reading
ma॒hām̐ u॒tāsi॒ yasya॒ te’nu॑ sva॒dhāva॑rī॒ saha॑: | ma॒mnāte॑ indra॒ roda॑sī || ७ ||
Project-owned meaning abhi available nahi hai.
Ṛgveda 7.31.8◌ EeseDharma mein verified
तं त्वा॑ म॒रुत्व॑ती॒ परि॒ भुव॒द्वाणी॑ स॒याव॑री । नक्ष॑माणा स॒ह द्युभि॑: ॥८॥
Roman reading
taṃ tvā॑ ma॒rutva॑tī॒ pari॒ bhuva॒dvāṇī॑ sa॒yāva॑rī | nakṣa॑māṇā sa॒ha dyubhi॑: || ८ ||
Project-owned meaning abhi available nahi hai.
Ṛgveda 7.31.9◌ EeseDharma mein verified
ऊ॒र्ध्वास॒स्त्वान्विन्द॑वो॒ भुव॑न्द॒स्ममुप॒ द्यवि॑ । सं ते॑ नमन्त कृ॒ष्टय॑: ॥९॥
Roman reading
ū॒rdhvāsa॒stvānvinda॑vo॒ bhuva॑nda॒smamupa॒ dyavi॑ | saṃ te॑ namanta kṛ॒ṣṭaya॑: || ९ ||
Project-owned meaning abhi available nahi hai.
Ṛgveda 7.31.10◌ EeseDharma mein verified
प्र वो॑ म॒हे म॑हि॒वृधे॑ भरध्वं॒ प्रचे॑तसे॒ प्र सु॑म॒तिं कृ॑णुध्वम् । विश॑: पू॒र्वीः प्र च॑रा चर्षणि॒प्राः ॥१०॥
Roman reading
pra vo॑ ma॒he ma॑hi॒vṛdhe॑ bharadhvaṃ॒ prace॑tase॒ pra su॑ma॒tiṃ kṛ॑ṇudhvam | viśa॑: pū॒rvīḥ pra ca॑rā carṣaṇi॒prāḥ || १० ||
Project-owned meaning abhi available nahi hai.
Ṛgveda 7.31.11◌ EeseDharma mein verified
उ॒रु॒व्यच॑से म॒हिने॑ सुवृ॒क्तिमिन्द्रा॑य॒ ब्रह्म॑ जनयन्त॒ विप्रा॑: । तस्य॑ व्र॒तानि॒ न मि॑नन्ति॒ धीरा॑: ॥११॥
Roman reading
u॒ru॒vyaca॑se ma॒hine॑ suvṛ॒ktimindrā॑ya॒ brahma॑ janayanta॒ viprā॑: | tasya॑ vra॒tāni॒ na mi॑nanti॒ dhīrā॑: || ११ ||
Project-owned meaning abhi available nahi hai.
Ṛgveda 7.31.12◌ EeseDharma mein verified
इन्द्रं॒ वाणी॒रनु॑त्तमन्युमे॒व स॒त्रा राजा॑नं दधिरे॒ सह॑ध्यै । हर्य॑श्वाय बर्हया॒ समा॒पीन् ॥१२॥
Roman reading
indraṃ॒ vāṇī॒ranu॑ttamanyume॒va sa॒trā rājā॑naṃ dadhire॒ saha॑dhyai | harya॑śvāya barhayā॒ samā॒pīn || १२ ||
Project-owned meaning abhi available nahi hai.