EeseDharmaSanātana Library
530मण्डल 7 · सूक्त 14
3 shlokस॒मिधा॑ जा॒तवे॑दसे दे॒वाय॑ दे॒वहू॑तिभिः ।
ह॒विर्भि॑: शु॒क्रशो॑चिषे नम॒स्विनो॑ व॒यं दा॑शेमा॒ग्नये॑ ॥१॥
sa॒midhā॑ jā॒tave॑dase de॒vāya॑ de॒vahū॑tibhiḥ | ha॒virbhi॑: śu॒kraśo॑ciṣe nama॒svino॑ va॒yaṃ dā॑śemā॒gnaye॑ || १ ||
व॒यं ते॑ अग्ने स॒मिधा॑ विधेम व॒यं दा॑शेम सुष्टु॒ती य॑जत्र ।
व॒यं घृ॒तेना॑ध्वरस्य होतर्व॒यं दे॑व ह॒विषा॑ भद्रशोचे ॥२॥
va॒yaṃ te॑ agne sa॒midhā॑ vidhema va॒yaṃ dā॑śema suṣṭu॒tī ya॑jatra | va॒yaṃ ghṛ॒tenā॑dhvarasya hotarva॒yaṃ de॑va ha॒viṣā॑ bhadraśoce || २ ||
आ नो॑ दे॒वेभि॒रुप॑ दे॒वहू॑ति॒मग्ने॑ या॒हि वष॑ट्कृतिं जुषा॒णः ।
तुभ्यं॑ दे॒वाय॒ दाश॑तः स्याम यू॒यं पा॑त स्व॒स्तिभि॒: सदा॑ नः ॥३॥
ā no॑ de॒vebhi॒rupa॑ de॒vahū॑ti॒magne॑ yā॒hi vaṣa॑ṭkṛtiṃ juṣā॒ṇaḥ | tubhyaṃ॑ de॒vāya॒ dāśa॑taḥ syāma yū॒yaṃ pā॑ta sva॒stibhi॒: sadā॑ naḥ || ३ ||