EeseDharmaSanātana Library
484मण्डल 6 · सूक्त 43
4 shlokयस्य॒ त्यच्छम्ब॑रं॒ मदे॒ दिवो॑दासाय र॒न्धय॑: । अ॒यं स सोम॑ इन्द्र ते सु॒तः पिब॑ ॥१॥
yasya॒ tyacchamba॑raṃ॒ made॒ divo॑dāsāya ra॒ndhaya॑: | a॒yaṃ sa soma॑ indra te su॒taḥ piba॑ || १ ||
यस्य॑ तीव्र॒सुतं॒ मदं॒ मध्य॒मन्तं॑ च॒ रक्ष॑से । अ॒यं स सोम॑ इन्द्र ते सु॒तः पिब॑ ॥२॥
yasya॑ tīvra॒sutaṃ॒ madaṃ॒ madhya॒mantaṃ॑ ca॒ rakṣa॑se | a॒yaṃ sa soma॑ indra te su॒taḥ piba॑ || २ ||
यस्य॒ गा अ॒न्तरश्म॑नो॒ मदे॑ दृ॒ळ्हा अ॒वासृ॑जः । अ॒यं स सोम॑ इन्द्र ते सु॒तः पिब॑ ॥३॥
yasya॒ gā a॒ntaraśma॑no॒ made॑ dṛ॒ḷhā a॒vāsṛ॑jaḥ | a॒yaṃ sa soma॑ indra te su॒taḥ piba॑ || ३ ||
यस्य॑ मन्दा॒नो अन्ध॑सो॒ माघो॑नं दधि॒षे शव॑: । अ॒यं स सोम॑ इन्द्र ते सु॒तः पिब॑ ॥४॥
yasya॑ mandā॒no andha॑so॒ māgho॑naṃ dadhi॒ṣe śava॑: | a॒yaṃ sa soma॑ indra te su॒taḥ piba॑ || ४ ||