Ṛgveda 6.15.1 ◌ EeseDharma mein verified
अग्नि : ।जगती; ३; १५ शक्वरी;
६ अतिशक्वरी; १० – १४, १६,१९ त्रिष्टुप् , १७ अनुष्टुप् ; १८ बृहती ।
इ॒ममू॒ षु वो॒ अति॑थिमुष॒र्बुधं॒ विश्वा॑सां वि॒शां पति॑मृञ्जसे गि॒रा ।
वेतीद् दि॒वो ज॒नुषा॒ कच्चि॒दा शुचि॒र्ज्योक् चि॑दत्ति॒ गर्भो॒ यदच्यु॑तम् ॥१॥
Roman reading agni : | jagatī; ३; १५ śakvarī;
६ atiśakvarī; १० – १४, १६,१९ triṣṭup , १७ anuṣṭup ; १८ bṛhatī | i॒mamū॒ ṣu vo॒ ati॑thimuṣa॒rbudhaṃ॒ viśvā॑sāṃ vi॒śāṃ pati॑mṛñjase gi॒rā | vetīd di॒vo ja॒nuṣā॒ kacci॒dā śuci॒rjyok ci॑datti॒ garbho॒ yadacyu॑tam || १ ||
− Simple arth
Project-owned meaning abhi available nahi hai.
Ṛgveda 6.15.2 ◌ EeseDharma mein verified
मि॒त्रं न यं सुधि॑तं॒ भृग॑वो द॒धुर्वन॒स्पता॒वीड्य॑मू॒र्ध्वशो॑चिषम् ।
स त्वं सुप्री॑तो वी॒तह॑व्ये अद्भुत॒ प्रश॑स्तिभिर्महयसे दि॒वेदि॑वे ॥२॥
Roman reading mi॒traṃ na yaṃ sudhi॑taṃ॒ bhṛga॑vo da॒dhurvana॒spatā॒vīḍya॑mū॒rdhvaśo॑ciṣam | sa tvaṃ suprī॑to vī॒taha॑vye adbhuta॒ praśa॑stibhirmahayase di॒vedi॑ve || २ ||
− Simple arth
Project-owned meaning abhi available nahi hai.
Ṛgveda 6.15.3 ◌ EeseDharma mein verified
स त्वं दक्ष॑स्यावृ॒को वृ॒धो भू॑र॒र्यः पर॒स्यान्त॑रस्य॒ तरु॑षः ।
रा॒यः सू॑नो सहसो॒ मर्त्ये॒ष्वा छ॒र्दिर्य॑च्छ वी॒तह॑व्याय स॒प्रथो॑ भ॒रद्वा॑जाय स॒प्रथ॑: ॥३॥
Roman reading sa tvaṃ dakṣa॑syāvṛ॒ko vṛ॒dho bhū॑ra॒ryaḥ para॒syānta॑rasya॒ taru॑ṣaḥ | rā॒yaḥ sū॑no sahaso॒ martye॒ṣvā cha॒rdirya॑ccha vī॒taha॑vyāya sa॒pratho॑ bha॒radvā॑jāya sa॒pratha॑: || ३ ||
− Simple arth
Project-owned meaning abhi available nahi hai.
Ṛgveda 6.15.4 ◌ EeseDharma mein verified
द्यु॒ता॒नं वो॒ अति॑थिं॒ स्व॑र्णरम॒ग्निं होता॑रं॒ मनु॑षः स्वध्व॒रम् ।
विप्रं॒ न द्यु॒क्षव॑चसं सुवृ॒क्तिभि॑र्हव्य॒वाह॑मर॒तिं दे॒वमृ॑ञ्जसे ॥४॥
Roman reading dyu॒tā॒naṃ vo॒ ati॑thiṃ॒ sva॑rṇarama॒gniṃ hotā॑raṃ॒ manu॑ṣaḥ svadhva॒ram | vipraṃ॒ na dyu॒kṣava॑casaṃ suvṛ॒ktibhi॑rhavya॒vāha॑mara॒tiṃ de॒vamṛ॑ñjase || ४ ||
− Simple arth
Project-owned meaning abhi available nahi hai.
Ṛgveda 6.15.5 ◌ EeseDharma mein verified
पा॒व॒कया॒ यश्चि॒तय॑न्त्या कृ॒पा क्षाम॑न् रुरु॒च उ॒षसो॒ न भा॒नुना॑ ।
तूर्व॒न् न याम॒न्नेत॑शस्य॒ नू रण॒ आ यो घृ॒णे न त॑तृषा॒णो अ॒जर॑: ॥५॥
Roman reading pā॒va॒kayā॒ yaści॒taya॑ntyā kṛ॒pā kṣāma॑n ruru॒ca u॒ṣaso॒ na bhā॒nunā॑ | tūrva॒n na yāma॒nneta॑śasya॒ nū raṇa॒ ā yo ghṛ॒ṇe na ta॑tṛṣā॒ṇo a॒jara॑: || ५ ||
− Simple arth
Project-owned meaning abhi available nahi hai.
Ṛgveda 6.15.6 ◌ EeseDharma mein verified
अ॒ग्निम॑ग्निं वः स॒मिधा॑ दुवस्यत प्रि॒यंप्रि॑यं वो॒ अति॑थिं गृणी॒षणि॑ ।
उप॑ वो गी॒र्भिर॒मृतं॑ विवासत दे॒वो दे॒वेषु॒ वन॑ते॒ हि वार्यं॑ दे॒वो दे॒वेषु॒ वन॑ते॒ हि नो॒ दुव॑: ॥६॥
Roman reading a॒gnima॑gniṃ vaḥ sa॒midhā॑ duvasyata pri॒yaṃpri॑yaṃ vo॒ ati॑thiṃ gṛṇī॒ṣaṇi॑ | upa॑ vo gī॒rbhira॒mṛtaṃ॑ vivāsata de॒vo de॒veṣu॒ vana॑te॒ hi vāryaṃ॑ de॒vo de॒veṣu॒ vana॑te॒ hi no॒ duva॑: || ६ ||
− Simple arth
Project-owned meaning abhi available nahi hai.
Ṛgveda 6.15.7 ◌ EeseDharma mein verified
समि॑द्धम॒ग्निं स॒मिधा॑ गि॒रा गृ॑णे॒ शुचिं॑ पाव॒कं पु॒रो अ॑ध्व॒रे ध्रु॒वम् ।
विप्रं॒ होता॑रं पुरु॒वार॑म॒द्रुहं॑ क॒विं सु॒म्नैरी॑महे जा॒तवे॑दसम् ॥७॥
Roman reading sami॑ddhama॒gniṃ sa॒midhā॑ gi॒rā gṛ॑ṇe॒ śuciṃ॑ pāva॒kaṃ pu॒ro a॑dhva॒re dhru॒vam | vipraṃ॒ hotā॑raṃ puru॒vāra॑ma॒druhaṃ॑ ka॒viṃ su॒mnairī॑mahe jā॒tave॑dasam || ७ ||
− Simple arth
Project-owned meaning abhi available nahi hai.
Ṛgveda 6.15.8 ◌ EeseDharma mein verified
त्वां दू॒तम॑ग्ने अ॒मृतं॑ यु॒गेयु॑गे हव्य॒वाहं॑ दधिरे पा॒युमीड्य॑म् ।
दे॒वास॑श्च॒ मर्ता॑सश्च॒ जागृ॑विं वि॒भुं वि॒श्पतिं॒ नम॑सा॒ नि षे॑दिरे ॥८॥
Roman reading tvāṃ dū॒tama॑gne a॒mṛtaṃ॑ yu॒geyu॑ge havya॒vāhaṃ॑ dadhire pā॒yumīḍya॑m | de॒vāsa॑śca॒ martā॑saśca॒ jāgṛ॑viṃ vi॒bhuṃ vi॒śpatiṃ॒ nama॑sā॒ ni ṣe॑dire || ८ ||
− Simple arth
Project-owned meaning abhi available nahi hai.
Ṛgveda 6.15.9 ◌ EeseDharma mein verified
वि॒भूष॑न्नग्न उ॒भयाँ॒ अनु॑ व्र॒ता दू॒तो दे॒वानां॒ रज॑सी॒ समी॑यसे ।
यत् ते॑ धी॒तिं सु॑म॒तिमा॑वृणी॒महे ऽध॑ स्मा नस्त्रि॒वरू॑थः शि॒वो भ॑व ॥९॥
Roman reading vi॒bhūṣa॑nnagna u॒bhayām॒̐ anu॑ vra॒tā dū॒to de॒vānāṃ॒ raja॑sī॒ samī॑yase | yat te॑ dhī॒tiṃ su॑ma॒timā॑vṛṇī॒mahe ’dha॑ smā nastri॒varū॑thaḥ śi॒vo bha॑va || ९ ||
− Simple arth
Project-owned meaning abhi available nahi hai.
Ṛgveda 6.15.10 ◌ EeseDharma mein verified
तं सु॒प्रती॑कं सु॒दृशं॒ स्वञ्च॒मवि॑द्वांसो वि॒दुष्ट॑रं सपेम ।
स य॑क्ष॒द् विश्वा॑ व॒युना॑नि वि॒द्वान् प्र ह॒व्यम॒ग्निर॒मृते॑षु वोचत् ॥१०॥
Roman reading taṃ su॒pratī॑kaṃ su॒dṛśaṃ॒ svañca॒mavi॑dvāṃso vi॒duṣṭa॑raṃ sapema | sa ya॑kṣa॒d viśvā॑ va॒yunā॑ni vi॒dvān pra ha॒vyama॒gnira॒mṛte॑ṣu vocat || १० ||
− Simple arth
Project-owned meaning abhi available nahi hai.
Ṛgveda 6.15.11 ◌ EeseDharma mein verified
तम॑ग्ने पास्यु॒त तं पि॑पर्षि॒ यस्त॒ आन॑ट् क॒वये॑ शूर धी॒तिम् ।
य॒ज्ञस्य॑ वा॒ निशि॑तिं॒ वोदि॑तिं वा॒ तमित् पृ॑णक्षि॒ शव॑सो॒त रा॒या ॥११॥
Roman reading tama॑gne pāsyu॒ta taṃ pi॑parṣi॒ yasta॒ āna॑ṭ ka॒vaye॑ śūra dhī॒tim | ya॒jñasya॑ vā॒ niśi॑tiṃ॒ vodi॑tiṃ vā॒ tamit pṛ॑ṇakṣi॒ śava॑so॒ta rā॒yā || ११ ||
− Simple arth
Project-owned meaning abhi available nahi hai.
Ṛgveda 6.15.12 ◌ EeseDharma mein verified
त्वम॑ग्ने वनुष्य॒तो नि पा॑हि॒ त्वमु॑ नः सहसावन्नव॒द्यात् ।
सं त्वा॑ ध्वस्म॒न्वद॒भ्ये॑तु॒ पाथ॒: सं र॒यिः स्पृ॑ह॒याय्य॑: सह॒स्री ॥१२॥
Roman reading tvama॑gne vanuṣya॒to ni pā॑hi॒ tvamu॑ naḥ sahasāvannava॒dyāt | saṃ tvā॑ dhvasma॒nvada॒bhye॑tu॒ pātha॒: saṃ ra॒yiḥ spṛ॑ha॒yāyya॑: saha॒srī || १२ ||
− Simple arth
Project-owned meaning abhi available nahi hai.
Ṛgveda 6.15.13 ◌ EeseDharma mein verified
अ॒ग्निर्होता॑ गृ॒हप॑ति॒: स राजा॒ विश्वा॑ वेद॒ जनि॑मा जा॒तवे॑दाः ।
दे॒वाना॑मु॒त यो मर्त्या॑नां॒ यजि॑ष्ठ॒: स प्र य॑जतामृ॒तावा॑ ॥१३॥
Roman reading a॒gnirhotā॑ gṛ॒hapa॑ti॒: sa rājā॒ viśvā॑ veda॒ jani॑mā jā॒tave॑dāḥ | de॒vānā॑mu॒ta yo martyā॑nāṃ॒ yaji॑ṣṭha॒: sa pra ya॑jatāmṛ॒tāvā॑ || १३ ||
− Simple arth
Project-owned meaning abhi available nahi hai.
Ṛgveda 6.15.14 ◌ EeseDharma mein verified
अग्ने॒ यद॒द्य वि॒शो अ॑ध्वरस्य होत॒: पाव॑कशोचे॒ वेष्ट्वं हि यज्वा॑ ।
ऋ॒ता य॑जासि महि॒ना वि यद् भूर्ह॒व्या व॑ह यविष्ठ॒ या ते॑ अ॒द्य ॥१४॥
Roman reading agne॒ yada॒dya vi॒śo a॑dhvarasya hota॒: pāva॑kaśoce॒ veṣṭvaṃ hi yajvā॑ | ṛ॒tā ya॑jāsi mahi॒nā vi yad bhūrha॒vyā va॑ha yaviṣṭha॒ yā te॑ a॒dya || १४ ||
− Simple arth
Project-owned meaning abhi available nahi hai.
Ṛgveda 6.15.15 ◌ EeseDharma mein verified
अ॒भि प्रयां॑सि॒ सुधि॑तानि॒ हि ख्यो नि त्वा॑ दधीत॒ रोद॑सी॒ यज॑ध्यै ।
अवा॑ नो मघव॒न् वाज॑साता॒वग्ने॒ विश्वा॑नि दुरि॒ता त॑रेम॒ ता त॑रेम॒ तवाव॑सा तरेम ॥१५॥
Roman reading a॒bhi prayāṃ॑si॒ sudhi॑tāni॒ hi khyo ni tvā॑ dadhīta॒ roda॑sī॒ yaja॑dhyai | avā॑ no maghava॒n vāja॑sātā॒vagne॒ viśvā॑ni duri॒tā ta॑rema॒ tā ta॑rema॒ tavāva॑sā tarema || १५ ||
− Simple arth
Project-owned meaning abhi available nahi hai.
Ṛgveda 6.15.16 ◌ EeseDharma mein verified
अग्ने॒ विश्वे॑भिः स्वनीक दे॒वैरूर्णा॑वन्तं प्रथ॒मः सी॑द॒ योनि॑म् ।
कु॒ला॒यिनं॑ घृ॒तव॑न्तं सवि॒त्रे य॒ज्ञं न॑य॒ यज॑मानाय सा॒धु ॥१६॥
Roman reading agne॒ viśve॑bhiḥ svanīka de॒vairūrṇā॑vantaṃ pratha॒maḥ sī॑da॒ yoni॑m | ku॒lā॒yinaṃ॑ ghṛ॒tava॑ntaṃ savi॒tre ya॒jñaṃ na॑ya॒ yaja॑mānāya sā॒dhu || १६ ||
− Simple arth
Project-owned meaning abhi available nahi hai.
Ṛgveda 6.15.17 ◌ EeseDharma mein verified
इ॒ममु॒ त्यम॑थर्व॒वद॒ग्निं म॑न्थन्ति वे॒धस॑: । यम॑ङ्कू॒यन्त॒मान॑य॒न्नमू॑रं श्या॒व्या॑भ्यः ॥१७॥
Roman reading i॒mamu॒ tyama॑tharva॒vada॒gniṃ ma॑nthanti ve॒dhasa॑: | yama॑ṅkū॒yanta॒māna॑ya॒nnamū॑raṃ śyā॒vyā॑bhyaḥ || १७ ||
− Simple arth
Project-owned meaning abhi available nahi hai.
Ṛgveda 6.15.18 ◌ EeseDharma mein verified
जनि॑ष्वा दे॒ववी॑तये स॒र्वता॑ता स्व॒स्तये॑ । आ दे॒वान् व॑क्ष्य॒मृताँ॑ ऋता॒वृधो॑ य॒ज्ञं दे॒वेषु॑ पिस्पृशः ॥१८॥
Roman reading jani॑ṣvā de॒vavī॑taye sa॒rvatā॑tā sva॒staye॑ | ā de॒vān va॑kṣya॒mṛtām̐॑ ṛtā॒vṛdho॑ ya॒jñaṃ de॒veṣu॑ pispṛśaḥ || १८ ||
− Simple arth
Project-owned meaning abhi available nahi hai.
Ṛgveda 6.15.19 ◌ EeseDharma mein verified
व॒यमु॑ त्वा गृहपते जनाना॒मग्ने॒ अक॑र्म स॒मिधा॑ बृ॒हन्त॑म् ।
अ॒स्थू॒रि नो॒ गार्ह॑पत्यानि सन्तु ति॒ग्मेन॑ न॒स्तेज॑सा॒ सं शि॑शाधि ॥१९॥
Roman reading va॒yamu॑ tvā gṛhapate janānā॒magne॒ aka॑rma sa॒midhā॑ bṛ॒hanta॑m | a॒sthū॒ri no॒ gārha॑patyāni santu ti॒gmena॑ na॒steja॑sā॒ saṃ śi॑śādhi || १९ ||
− Simple arth
Project-owned meaning abhi available nahi hai.
