Ṛgveda 5.72 · Complete Sūkta◌ EeseDharma mein verified
३ बाहुवृक्त आत्रेयः। मित्रावरुणौ। उष्णिक्।
आ मि॒त्रे वरु॑णे व॒यं गी॒र्भिर्जु॑हुमो अत्रि॒वत् । नि ब॒र्हिषि॑ सदतं॒ सोम॑पीतये ॥१॥
व्र॒तेन॑ स्थो ध्रु॒वक्षे॑मा॒ धर्म॑णा यात॒यज्ज॑ना । नि ब॒र्हिषि॑ सदतं॒ सोम॑पीतये ॥२॥
मि॒त्रश्च॑ नो॒ वरु॑णश्च जु॒षेतां॑ य॒ज्ञमि॒ष्टये॑ । नि ब॒र्हिषि॑ सदतां॒ सोम॑पीतये ॥३॥
Roman reading
३ bāhuvṛkta ātreyaḥ | mitrāvaruṇau | uṣṇik | ā mi॒tre varu॑ṇe va॒yaṃ gī॒rbhirju॑humo atri॒vat | ni ba॒rhiṣi॑ sadataṃ॒ soma॑pītaye || १ || vra॒tena॑ stho dhru॒vakṣe॑mā॒ dharma॑ṇā yāta॒yajja॑nā | ni ba॒rhiṣi॑ sadataṃ॒ soma॑pītaye || २ || mi॒traśca॑ no॒ varu॑ṇaśca ju॒ṣetāṃ॑ ya॒jñami॒ṣṭaye॑ | ni ba॒rhiṣi॑ sadatāṃ॒ soma॑pītaye || ३ ||
Project-owned meaning abhi available nahi hai.