Ṛgveda 5.70 · Complete Sūkta◌ EeseDharma mein verified
४ उरुचक्रिरात्रेयः। मित्रावरुणौ। गायत्री।
पु॒रू॒रुणा॑ चि॒द्ध्यस्त्यवो॑ नू॒नं वां॑ वरुण । मित्र॒ वंसि॑ वां सुम॒तिम् ॥१॥
ता वां॑ स॒म्यग॑द्रुह्वा॒णेष॑मश्याम॒ धाय॑से । व॒यं ते रु॑द्रा स्याम ॥२॥
पा॒तं नो॑ रुद्रा पा॒युभि॑रु॒त त्रा॑येथां सुत्रा॒त्रा । तु॒र्याम॒ दस्यू॑न् त॒नूभि॑: ॥३॥
मा कस्या॑द्भुतक्रतू य॒क्षं भु॑जेमा त॒नूभि॑: । मा शेष॑सा॒ मा तन॑सा ॥४॥
Roman reading
४ urucakrirātreyaḥ | mitrāvaruṇau | gāyatrī | pu॒rū॒ruṇā॑ ci॒ddhyastyavo॑ nū॒naṃ vāṃ॑ varuṇa | mitra॒ vaṃsi॑ vāṃ suma॒tim || १ || tā vāṃ॑ sa॒myaga॑druhvā॒ṇeṣa॑maśyāma॒ dhāya॑se | va॒yaṃ te ru॑drā syāma || २ || pā॒taṃ no॑ rudrā pā॒yubhi॑ru॒ta trā॑yethāṃ sutrā॒trā | tu॒ryāma॒ dasyū॑n ta॒nūbhi॑: || ३ || mā kasyā॑dbhutakratū ya॒kṣaṃ bhu॑jemā ta॒nūbhi॑: | mā śeṣa॑sā॒ mā tana॑sā || ४ ||
Project-owned meaning abhi available nahi hai.