४ विश्वसामा आत्रेयः। अग्निः। अनुष्टुप्, ४ पंक्तिः।
प्र वि॑श्वसामन्नत्रि॒वदर्चा॑ पाव॒कशो॑चिषे । यो अ॑ध्व॒रेष्वीड्यो॒ होता॑ म॒न्द्रत॑मो वि॒शि ॥१॥
न्य१ग्निं जा॒तवे॑दसं॒ दधा॑ता दे॒वमृ॒त्विज॑म् । प्र य॒ज्ञ ए॑त्वानु॒षग॒द्या दे॒वव्य॑चस्तमः ॥२॥
चि॒कि॒त्विन्म॑नसं त्वा दे॒वं मर्ता॑स ऊ॒तये॑ । वरे॑ण्यस्य॒ तेऽव॑स इया॒नासो॑ अमन्महि ॥३॥
अग्ने॑ चिकि॒द्ध्य१स्य न॑ इ॒दं वच॑: सहस्य ।
तं त्वा॑ सुशिप्र दम्पते॒ स्तोमै॑र्वर्ध॒न्त्यत्र॑यो गी॒र्भिः शु॑म्भ॒न्त्यत्र॑यः ॥४॥
४ viśvasāmā ātreyaḥ | agniḥ | anuṣṭup, ४ paṃktiḥ | pra vi॑śvasāmannatri॒vadarcā॑ pāva॒kaśo॑ciṣe | yo a॑dhva॒reṣvīḍyo॒ hotā॑ ma॒ndrata॑mo vi॒śi || १ || nya१gniṃ jā॒tave॑dasaṃ॒ dadhā॑tā de॒vamṛ॒tvija॑m | pra ya॒jña e॑tvānu॒ṣaga॒dyā de॒vavya॑castamaḥ || २ || ci॒ki॒tvinma॑nasaṃ tvā de॒vaṃ martā॑sa ū॒taye॑ | vare॑ṇyasya॒ te’va॑sa iyā॒nāso॑ amanmahi || ३ || agne॑ ciki॒ddhya१sya na॑ i॒daṃ vaca॑: sahasya | taṃ tvā॑ suśipra dampate॒ stomai॑rvardha॒ntyatra॑yo gī॒rbhiḥ śu॑mbha॒ntyatra॑yaḥ || ४ ||