४ सस आत्रेयः। अग्निः। अनुष्टुप्, ४ पंक्तिः।
म॒नु॒ष्वत् त्वा॒ नि धी॑महि मनु॒ष्वत् समि॑धीमहि । अग्ने॑ मनु॒ष्वद॑ङ्गिरो दे॒वान् दे॑वय॒ते य॑ज ॥१॥
त्वं हि मानु॑षे॒ जनेऽग्ने॒ सुप्री॑त इ॒ध्यसे॑ । स्रुच॑स्त्वा यन्त्यानु॒षक् सुजा॑त॒ सर्पि॑रासुते ॥२॥
त्वां विश्वे॑ स॒जोष॑सो दे॒वासो॑ दू॒तम॑क्रत । स॒प॒र्यन्त॑स्त्वा कवे य॒ज्ञेषु॑ दे॒वमी॑ळते ॥३॥
दे॒वं वो॑ देवय॒ज्यया॒ ऽग्निमी॑ळीत॒ मर्त्य॑: ।
समि॑द्धः शुक्र दीदिह्यृ॒तस्य॒ योनि॒मास॑दः स॒सस्य॒ योनि॒मास॑दः ॥४॥
४ sasa ātreyaḥ | agniḥ | anuṣṭup, ४ paṃktiḥ | ma॒nu॒ṣvat tvā॒ ni dhī॑mahi manu॒ṣvat sami॑dhīmahi | agne॑ manu॒ṣvada॑ṅgiro de॒vān de॑vaya॒te ya॑ja || १ || tvaṃ hi mānu॑ṣe॒ jane’gne॒ suprī॑ta i॒dhyase॑ | sruca॑stvā yantyānu॒ṣak sujā॑ta॒ sarpi॑rāsute || २ || tvāṃ viśve॑ sa॒joṣa॑so de॒vāso॑ dū॒tama॑krata | sa॒pa॒ryanta॑stvā kave ya॒jñeṣu॑ de॒vamī॑ḷate || ३ || de॒vaṃ vo॑ devaya॒jyayā॒ ’gnimī॑ḷīta॒ martya॑: | sami॑ddhaḥ śukra dīdihyṛ॒tasya॒ yoni॒māsa॑daḥ sa॒sasya॒ yoni॒māsa॑daḥ || ४ ||