EeseDharmaSanātana Library
995मण्डल 10 · सूक्त 158
5 shlokसूर्यो॑ नो दि॒वस्पा॑तु॒ वातो॑ अ॒न्तरि॑क्षात् । अ॒ग्निर्न॒: पार्थि॑वेभ्यः ॥१॥
sūryo॑ no di॒vaspā॑tu॒ vāto॑ a॒ntari॑kṣāt | a॒gnirna॒: pārthi॑vebhyaḥ || १ ||
जोषा॑ सवित॒र्यस्य॑ ते॒ हर॑: श॒तं स॒वाँ अर्ह॑ति । पा॒हि नो॑ दि॒द्युत॒: पत॑न्त्याः ॥२॥
joṣā॑ savita॒ryasya॑ te॒ hara॑: śa॒taṃ sa॒vām̐ arha॑ti | pā॒hi no॑ di॒dyuta॒: pata॑ntyāḥ || २ ||
चक्षु॑र्नो दे॒वः स॑वि॒ता चक्षु॑र्न उ॒त पर्व॑तः । चक्षु॑र्धा॒ता द॑धातु नः ॥३॥
cakṣu॑rno de॒vaḥ sa॑vi॒tā cakṣu॑rna u॒ta parva॑taḥ | cakṣu॑rdhā॒tā da॑dhātu naḥ || ३ ||
चक्षु॑र्नो धेहि॒ चक्षु॑षे॒ चक्षु॑र्वि॒ख्यै त॒नूभ्य॑: । सं चे॒दं वि च॑ पश्येम ॥४॥
cakṣu॑rno dhehi॒ cakṣu॑ṣe॒ cakṣu॑rvi॒khyai ta॒nūbhya॑: | saṃ ce॒daṃ vi ca॑ paśyema || ४ ||
सु॒सं॒दृशं॑ त्वा व॒यं प्रति॑ पश्येम सूर्य । वि प॑श्येम नृ॒चक्ष॑सः ॥५॥
su॒saṃ॒dṛśaṃ॑ tvā va॒yaṃ prati॑ paśyema sūrya | vi pa॑śyema nṛ॒cakṣa॑saḥ || ५ ||