EeseDharmaSanātana Library
990मण्डल 10 · सूक्त 153
5 shlokई॒ङ्खय॑न्तीरप॒स्युव॒ इन्द्रं॑ जा॒तमुपा॑सते । भे॒जा॒नास॑: सु॒वीर्य॑म् ॥१॥
ī॒ṅkhaya॑ntīrapa॒syuva॒ indraṃ॑ jā॒tamupā॑sate | bhe॒jā॒nāsa॑: su॒vīrya॑m || १ ||
त्वमि॑न्द्र॒ बला॒दधि॒ सह॑सो जा॒त ओज॑सः । त्वं वृ॑ष॒न्वृषेद॑सि ॥२॥
tvami॑ndra॒ balā॒dadhi॒ saha॑so jā॒ta oja॑saḥ | tvaṃ vṛ॑ṣa॒nvṛṣeda॑si || २ ||
त्वमि॑न्द्रासि वृत्र॒हा व्य१न्तरि॑क्षमतिरः । उद्द्याम॑स्तभ्ना॒ ओज॑सा ॥३॥
tvami॑ndrāsi vṛtra॒hā vya१ntari॑kṣamatiraḥ | uddyāma॑stabhnā॒ oja॑sā || ३ ||
त्वमि॑न्द्र स॒जोष॑सम॒र्कं बि॑भर्षि बा॒ह्वोः । वज्रं॒ शिशा॑न॒ ओज॑सा ॥४॥
tvami॑ndra sa॒joṣa॑sama॒rkaṃ bi॑bharṣi bā॒hvoḥ | vajraṃ॒ śiśā॑na॒ oja॑sā || ४ ||
त्वमि॑न्द्राभि॒भूर॑सि॒ विश्वा॑ जा॒तान्योज॑सा । स विश्वा॒ भुव॒ आभ॑वः ॥५॥
tvami॑ndrābhi॒bhūra॑si॒ viśvā॑ jā॒tānyoja॑sā | sa viśvā॒ bhuva॒ ābha॑vaḥ || ५ ||