१० पराशरः शाक्त्यः। अग्निः। द्विपदा विराट्।
वने॑षु जा॒युर्मर्ते॑षु मि॒त्रो वृ॑णी॒ते श्रु॒ष्टिं, राजे॑वाजु॒र्यम् १
क्षेमो॒ न सा॒धुः, क्रतु॒र्न भ॒द्रो भुव॑त्स्वा॒धी, र्होता॑ हव्य॒वाट् ॥१॥ २
हस्ते॒ दधा॑नो, नृ॒म्णा विश्वा॒न्यमे॑ दे॒वान् धा॒द् गुहा॑ नि॒षीद॑न् ३
वि॒दन्ती॒मत्र॒, नरो॑ धियं॒धा हृ॒दा यत् त॒ष्टान् मन्त्राँ॒ अशं॑सन् ॥२॥ ४
अ॒जो न क्षां, दा॒धार॑ पृथि॒वीं त॒स्तम्भ॒ द्यां मन्त्रे॑भिः स॒त्यैः ५
प्रि॒या प॒दानि॑, प॒श्वो नि पा॑हि वि॒श्वायु॑रग्ने, गु॒हा गुहं॑ गाः ॥३॥ ६
य ईं॑ चि॒केत॒, गुहा॒ भव॑न्त॒मा यः स॒साद॒ धारा॑मृ॒तस्य॑ ७
वि ये चृ॒तन्त्यृ॒ता सप॑न्त॒ आदिद् वसू॑नि॒ प्र व॑वाचास्मै ॥४॥ ८
वि यो वी॒रुत्सु॒, रोध॑न्महि॒त्वोत प्र॒जा, उ॒त प्र॒सूष्व॒न्तः ९
चित्ति॑र॒पां, दमे॑ वि॒श्वायु॒: सद्मे॑व॒ धीरा॑:, सं॒माय॑ चक्रुः ॥५॥ १०
१० parāśaraḥ śāktyaḥ | agniḥ | dvipadā virāṭ | vane॑ṣu jā॒yurmarte॑ṣu mi॒tro vṛ॑ṇī॒te śru॒ṣṭiṃ, rāje॑vāju॒ryam १ kṣemo॒ na sā॒dhuḥ, kratu॒rna bha॒dro bhuva॑tsvā॒dhī, rhotā॑ havya॒vāṭ || १ || २ haste॒ dadhā॑no, nṛ॒mṇā viśvā॒nyame॑ de॒vān dhā॒d guhā॑ ni॒ṣīda॑n ३ vi॒dantī॒matra॒, naro॑ dhiyaṃ॒dhā hṛ॒dā yat ta॒ṣṭān mantrām॒̐ aśaṃ॑san || २ || ४ a॒jo na kṣāṃ, dā॒dhāra॑ pṛthi॒vīṃ ta॒stambha॒ dyāṃ mantre॑bhiḥ sa॒tyaiḥ ५ pri॒yā pa॒dāni॑, pa॒śvo ni pā॑hi vi॒śvāyu॑ragne, gu॒hā guhaṃ॑ gāḥ || ३ || ६ ya īṃ॑ ci॒keta॒, guhā॒ bhava॑nta॒mā yaḥ sa॒sāda॒ dhārā॑mṛ॒tasya॑ ७ vi ye cṛ॒tantyṛ॒tā sapa॑nta॒ ādid vasū॑ni॒ pra va॑vācāsmai || ४ || ८ vi yo vī॒rutsu॒, rodha॑nmahi॒tvota pra॒jā, u॒ta pra॒sūṣva॒ntaḥ ९ citti॑ra॒pāṃ, dame॑ vi॒śvāyu॒: sadme॑va॒ dhīrā॑:, saṃ॒māya॑ cakruḥ || ५ || १०