१० पराशरः शाक्त्यः। अग्निः। द्विपदा विराट्।
प॒श्वा न ता॒युं, गुहा॒ चत॑न्तं॒ नमो॑ युजा॒नं, नमो॒ वह॑न्तम् ॥१॥
स॒जोषा॒ धीरा॑:, प॒दैरनु॑ ग्म॒न्नुप॑ त्वा सीद॒न्, विश्वे॒ यज॑त्राः ॥१॥ २
ऋ॒तस्य॑ दे॒वा, अनु॑ व्र॒ता गु॒र्भुव॒त् परि॑ष्टि॒र्द्यौर्न भूम॑ ॥३॥
वर्ध॑न्ती॒माप॑:, प॒न्वा सुशि॑श्विमृ॒तस्य॒ योना॒, गर्भे॒ सुजा॑तम् ॥२॥ ४
पु॒ष्टिर्न र॒ण्वा, क्षि॒तिर्न पृ॒थ्वी गि॒रिर्न भुज्म॒, क्षोदो॒ न श॒म्भु ॥५॥
अत्यो॒ नाज्म॒न्, त्सर्ग॑प्रतक्त॒: सिन्धु॒र्न क्षोद॒:, क ईं॑ वराते ॥३॥ ६
जा॒मिः सिन्धू॑नां॒, भ्राते॑व॒ स्वस्रा॒मिभ्या॒न्न राजा॒, वना॑न्यत्ति ॥७॥
यद् वात॑जूतो॒, वना॒ व्यस्था॑द॒ग्निर्ह॑ दाति॒, रोमा॑ पृथि॒व्याः ॥४॥ ८
श्वसि॑त्य॒प्सु, हं॒सो न सीद॒न् क्रत्वा॒ चेति॑ष्ठो, वि॒शामु॑ष॒र्भुत् ॥९॥
सोमो॒ न वे॒धा, ऋ॒तप्र॑जातः प॒शुर्न शिश्वा॑, वि॒भुर्दू॒रेभा॑: ॥५॥ १०
१० parāśaraḥ śāktyaḥ | agniḥ | dvipadā virāṭ | pa॒śvā na tā॒yuṃ, guhā॒ cata॑ntaṃ॒ namo॑ yujā॒naṃ, namo॒ vaha॑ntam || १ || sa॒joṣā॒ dhīrā॑:, pa॒dairanu॑ gma॒nnupa॑ tvā sīda॒n, viśve॒ yaja॑trāḥ || १ || २ ṛ॒tasya॑ de॒vā, anu॑ vra॒tā gu॒rbhuva॒t pari॑ṣṭi॒rdyaurna bhūma॑ || ३ || vardha॑ntī॒māpa॑:, pa॒nvā suśi॑śvimṛ॒tasya॒ yonā॒, garbhe॒ sujā॑tam || २ || ४ pu॒ṣṭirna ra॒ṇvā, kṣi॒tirna pṛ॒thvī gi॒rirna bhujma॒, kṣodo॒ na śa॒mbhu || ५ || atyo॒ nājma॒n, tsarga॑pratakta॒: sindhu॒rna kṣoda॒:, ka īṃ॑ varāte || ३ || ६ jā॒miḥ sindhū॑nāṃ॒, bhrāte॑va॒ svasrā॒mibhyā॒nna rājā॒, vanā॑nyatti || ७ || yad vāta॑jūto॒, vanā॒ vyasthā॑da॒gnirha॑ dāti॒, romā॑ pṛthi॒vyāḥ || ४ || ८ śvasi॑tya॒psu, haṃ॒so na sīda॒n kratvā॒ ceti॑ṣṭho, vi॒śāmu॑ṣa॒rbhut || ९ || somo॒ na ve॒dhā, ṛ॒tapra॑jātaḥ pa॒śurna śiśvā॑, vi॒bhurdū॒rebhā॑: || ५ || १०