Muṇḍaka Upaniṣad 2.2.1◌ EeseDharma mein verified
॥ इति मुण्डकोपनिषदि द्वितीयमुण्डके प्रथमः खण्डः ॥
॥ द्वितीय मुण्डके द्वितीयः खण्डः ॥
आविः संनिहितं गुहाचरं नाम
महत्पदमत्रैतत् समर्पितम् ।
एजत्प्राणन्निमिषच्च यदेतज्जानथ
सदसद्वरेण्यं परं विज्ञानाद्यद्वरिष्ठं प्रजानाम् ॥ २.२.१ ॥
Roman reading|| iti muṇḍakopaniṣadi dvitīyamuṇḍake prathamaḥ khaṇḍaḥ || || dvitīya muṇḍake dvitīyaḥ khaṇḍaḥ || āviḥ saṃnihitaṃ guhācaraṃ nāma
mahatpadamatraitat samarpitam | ejatprāṇannimiṣacca yadetajjānatha
sadasadvareṇyaṃ paraṃ vijñānādyadvariṣṭhaṃ prajānām || २.२.१ ||
Project-owned meaning abhi available nahi hai.
Muṇḍaka Upaniṣad 2.2.2◌ EeseDharma mein verified
यदर्चिमद्यदणुभ्योऽणु च
यस्मिँल्लोका निहिता लोकिनश्च ।
तदेतदक्षरं ब्रह्म स प्राणस्तदु वाङ्मनः
तदेतत्सत्यं तदमृतं तद्वेद्धव्यं सोम्य विद्धि ॥ २.२.२ ॥
Roman readingyadarcimadyadaṇubhyo’ṇu ca
yasmim̐llokā nihitā lokinaśca | tadetadakṣaraṃ brahma sa prāṇastadu vāṅmanaḥ
tadetatsatyaṃ tadamṛtaṃ tadveddhavyaṃ somya viddhi || २.२.२ ||
Project-owned meaning abhi available nahi hai.
Muṇḍaka Upaniṣad 2.2.3◌ EeseDharma mein verified
धनुर्गृहीत्वौपनिषदं महास्त्रं
शरं ह्युपासा निशितं सन्धयीत ।
आयम्य तद्भावगतेन चेतसा
लक्ष्यं तदेवाक्षरं सोम्य विद्धि ॥ २.२.३ ॥
Roman readingdhanurgṛhītvaupaniṣadaṃ mahāstraṃ
śaraṃ hyupāsā niśitaṃ sandhayīta | āyamya tadbhāvagatena cetasā
lakṣyaṃ tadevākṣaraṃ somya viddhi || २.२.३ ||
Project-owned meaning abhi available nahi hai.
Muṇḍaka Upaniṣad 2.2.4◌ EeseDharma mein verified
प्रणवो धनुः शारो ह्यात्मा ब्रह्म तल्लक्ष्यमुच्यते ।
अप्रमत्तेन वेद्धव्यं शरवत् तन्मयो भवेत् ॥ २.२.४ ॥
Roman readingpraṇavo dhanuḥ śāro hyātmā brahma tallakṣyamucyate | apramattena veddhavyaṃ śaravat tanmayo bhavet || २.२.४ ||
Project-owned meaning abhi available nahi hai.
Muṇḍaka Upaniṣad 2.2.5◌ EeseDharma mein verified
यस्मिन् द्यौः पृथिवी चान्तरिक्षमोतं
मनः सह प्राणैश्च सर्वैः ।
तमेवैकं जानथ आत्मानमन्या वाचो
विमुञ्चथामृतस्यैष सेतुः ॥ २.२.५ ॥
Roman readingyasmin dyauḥ pṛthivī cāntarikṣamotaṃ
manaḥ saha prāṇaiśca sarvaiḥ | tamevaikaṃ jānatha ātmānamanyā vāco
vimuñcathāmṛtasyaiṣa setuḥ || २.२.५ ||
Project-owned meaning abhi available nahi hai.
Muṇḍaka Upaniṣad 2.2.6◌ EeseDharma mein verified
अरा इव रथनाभौ संहता यत्र नाड्यः ।
स एषोऽन्तश्चरते बहुधा जायमानः ।
ओमित्येवं ध्यायथ आत्मानं स्वस्ति वः
पाराय तमसः परस्तात् ॥ २.२.६ ॥
Roman readingarā iva rathanābhau saṃhatā yatra nāḍyaḥ | sa eṣo’ntaścarate bahudhā jāyamānaḥ | omityevaṃ dhyāyatha ātmānaṃ svasti vaḥ
pārāya tamasaḥ parastāt || २.२.६ ||
Project-owned meaning abhi available nahi hai.
Muṇḍaka Upaniṣad 2.2.7◌ EeseDharma mein verified
यः सर्वज्ञः सर्वविद् यस्यैष महिमा भुवि ।
दिव्ये ब्रह्मपुरे ह्येष व्योम्न्यात्मा प्रतिष्ठितः ॥
मनोमयः प्राणशरीरनेता
प्रतिष्ठितोऽन्ने हृदयं सन्निधाय ।
तद् विज्ञानेन परिपश्यन्ति धीरा
आनन्दरूपममृतं यद् विभाति ॥ २.२.७ ॥
Roman readingyaḥ sarvajñaḥ sarvavid yasyaiṣa mahimā bhuvi | divye brahmapure hyeṣa vyomnyātmā pratiṣṭhitaḥ || manomayaḥ prāṇaśarīranetā
pratiṣṭhito’nne hṛdayaṃ sannidhāya | tad vijñānena paripaśyanti dhīrā
ānandarūpamamṛtaṃ yad vibhāti || २.२.७ ||
Project-owned meaning abhi available nahi hai.
Muṇḍaka Upaniṣad 2.2.8◌ EeseDharma mein verified
भिद्यते हृदयग्रन्थिश्छिद्यन्ते सर्वसंशयाः ।
क्षीयन्ते चास्य कर्माणि तस्मिन् दृष्टे परावरे ॥ २.२.८ ॥
Roman readingbhidyate hṛdayagranthiśchidyante sarvasaṃśayāḥ | kṣīyante cāsya karmāṇi tasmin dṛṣṭe parāvare || २.२.८ ||
Project-owned meaning abhi available nahi hai.
Muṇḍaka Upaniṣad 2.2.9◌ EeseDharma mein verified
हिरण्मये परे कोशे विरजं ब्रह्म निष्कलम् ।
तच्छुभ्रं ज्योतिषं ज्योतिस्तद् यदात्मविदो विदुः ॥ २.२.९ ॥
Roman readinghiraṇmaye pare kośe virajaṃ brahma niṣkalam | tacchubhraṃ jyotiṣaṃ jyotistad yadātmavido viduḥ || २.२.९ ||
Project-owned meaning abhi available nahi hai.
Muṇḍaka Upaniṣad 2.2.10◌ EeseDharma mein verified
न तत्र सूर्यो भाति न चन्द्रतारकं
नेमा विद्युतो भान्ति कुतोऽयमग्निः ।
तमेव भान्तमनुभाति सर्वं
तस्य भासा सर्वमिदं विभाति ॥ २.२.१० ॥
Roman readingna tatra sūryo bhāti na candratārakaṃ
nemā vidyuto bhānti kuto’yamagniḥ | tameva bhāntamanubhāti sarvaṃ
tasya bhāsā sarvamidaṃ vibhāti || २.२.१० ||
Project-owned meaning abhi available nahi hai.
Muṇḍaka Upaniṣad 2.2.11◌ EeseDharma mein verified
ब्रह्मैवेदममृतं पुरस्ताद् ब्रह्म पश्चाद् ब्रह्म दक्षिणतश्चोत्तरेण ।
अधश्चोर्ध्वं च प्रसृतं ब्रह्मैवेदं विश्वमिदं वरिष्ठम् ॥ २.२.११ ॥
Roman readingbrahmaivedamamṛtaṃ purastād brahma paścād brahma dakṣiṇataścottareṇa | adhaścordhvaṃ ca prasṛtaṃ brahmaivedaṃ viśvamidaṃ variṣṭham || २.२.११ ||
Project-owned meaning abhi available nahi hai.
