Muṇḍaka Upaniṣad 2.1.1◌ EeseDharma mein verified
॥ इति मुण्डकोपनिषदि प्रथममुण्डके द्वितीयः खण्डः ॥
॥ द्वितीय मुण्डके प्रथमः खण्डः ॥
तदेतत् सत्यं
यथा सुदीप्तात् पावकाद्विस्फुलिङ्गाः
सहस्रशः प्रभवन्ते सरूपाः ।
तथाऽक्षराद्विविधाः सोम्य भावाः
प्रजायन्ते तत्र चैवापि यन्ति ॥ २.१.१ ॥
Roman reading|| iti muṇḍakopaniṣadi prathamamuṇḍake dvitīyaḥ khaṇḍaḥ || || dvitīya muṇḍake prathamaḥ khaṇḍaḥ || tadetat satyaṃ
yathā sudīptāt pāvakādvisphuliṅgāḥ
sahasraśaḥ prabhavante sarūpāḥ | tathā’kṣarādvividhāḥ somya bhāvāḥ
prajāyante tatra caivāpi yanti || २.१.१ ||
Project-owned meaning abhi available nahi hai.
Muṇḍaka Upaniṣad 2.1.2◌ EeseDharma mein verified
दिव्यो ह्यमूर्तः पुरुषः स बाह्याभ्यन्तरो ह्यजः ।
अप्राणो ह्यमनाः शुभ्रो ह्यक्षरात् परतः परः ॥ २.१.२ ॥
Roman readingdivyo hyamūrtaḥ puruṣaḥ sa bāhyābhyantaro hyajaḥ | aprāṇo hyamanāḥ śubhro hyakṣarāt parataḥ paraḥ || २.१.२ ||
Project-owned meaning abhi available nahi hai.
Muṇḍaka Upaniṣad 2.1.3◌ EeseDharma mein verified
एतस्माज्जायते प्रणो मनः सर्वेन्द्रियाणि च ।
खं वायुर्ज्योतिरापः पृथिवी विश्वस्य धारिणी ॥ २.१.३ ॥
Roman readingetasmājjāyate praṇo manaḥ sarvendriyāṇi ca | khaṃ vāyurjyotirāpaḥ pṛthivī viśvasya dhāriṇī || २.१.३ ||
Project-owned meaning abhi available nahi hai.
Muṇḍaka Upaniṣad 2.1.4◌ EeseDharma mein verified
अग्नीर्मूर्धा चक्षुषी चन्द्रसूर्यौ
दिशः श्रोत्रे वाग् विवृताश्च वेदाः ।
वायुः प्रणो हृदयं विश्वमस्य पद्भ्यां
पृथिवी ह्येष सर्वभूतान्तरात्मा ॥ २.१.४ ॥
Roman readingagnīrmūrdhā cakṣuṣī candrasūryau
diśaḥ śrotre vāg vivṛtāśca vedāḥ | vāyuḥ praṇo hṛdayaṃ viśvamasya padbhyāṃ
pṛthivī hyeṣa sarvabhūtāntarātmā || २.१.४ ||
Project-owned meaning abhi available nahi hai.
Muṇḍaka Upaniṣad 2.1.5◌ EeseDharma mein verified
तस्मादग्निः समिधो यस्य सूर्यः
सोमात् पर्जन्य ओषधयः पृथिव्याम् ।
पुमान् रेतः सिञ्चति योषितायां
बह्वीः प्रजाः पुरुषात् संप्रसूताः ॥ २.१.५ ॥
Roman readingtasmādagniḥ samidho yasya sūryaḥ
somāt parjanya oṣadhayaḥ pṛthivyām | pumān retaḥ siñcati yoṣitāyāṃ
bahvīḥ prajāḥ puruṣāt saṃprasūtāḥ || २.१.५ ||
Project-owned meaning abhi available nahi hai.
Muṇḍaka Upaniṣad 2.1.6◌ EeseDharma mein verified
तस्मादृचः साम यजूंषि दीक्षा
यज्ञाश्च सर्वे क्रतवो दक्षिणाश्च ।
संवत्सरश्च यजमानश्च लोकाः
सोमो यत्र पवते यत्र सूर्यः ॥ २.१.६ ॥
Roman readingtasmādṛcaḥ sāma yajūṃṣi dīkṣā
yajñāśca sarve kratavo dakṣiṇāśca | saṃvatsaraśca yajamānaśca lokāḥ
somo yatra pavate yatra sūryaḥ || २.१.६ ||
Project-owned meaning abhi available nahi hai.
Muṇḍaka Upaniṣad 2.1.7◌ EeseDharma mein verified
तस्माच्च देवा बहुधा संप्रसूताः
साध्या मनुष्याः पशवो वयांसि ।
प्राणापानौ व्रीहियवौ तपश्च
श्रद्ध सत्यं ब्रह्मचर्यं विधिश्च ॥ २.१.७ ॥
Roman readingtasmācca devā bahudhā saṃprasūtāḥ
sādhyā manuṣyāḥ paśavo vayāṃsi | prāṇāpānau vrīhiyavau tapaśca
śraddha satyaṃ brahmacaryaṃ vidhiśca || २.१.७ ||
Project-owned meaning abhi available nahi hai.
Muṇḍaka Upaniṣad 2.1.8◌ EeseDharma mein verified
सप्त प्राणाः प्रभवन्ति तस्मात्
सप्तार्चिषः समिधः सप्त होमाः ।
सप्त इमे लोका येषु चरन्ति प्राणा
गुहाशया निहिताः सप्त सप्त ॥ २.१.८ ॥
Roman readingsapta prāṇāḥ prabhavanti tasmāt
saptārciṣaḥ samidhaḥ sapta homāḥ | sapta ime lokā yeṣu caranti prāṇā
guhāśayā nihitāḥ sapta sapta || २.१.८ ||
Project-owned meaning abhi available nahi hai.
Muṇḍaka Upaniṣad 2.1.9◌ EeseDharma mein verified
अतः समुद्रा गिरयश्च सर्वेऽस्मात्
स्यन्दन्ते सिन्धवः सर्वरूपाः ।
अतश्च सर्वा ओषधयो रसश्च
येनैष भूतैस्तिष्ठते ह्यन्तरात्मा ॥ २.१.९ ॥
Roman readingataḥ samudrā girayaśca sarve’smāt
syandante sindhavaḥ sarvarūpāḥ | ataśca sarvā oṣadhayo rasaśca
yenaiṣa bhūtaistiṣṭhate hyantarātmā || २.१.९ ||
Project-owned meaning abhi available nahi hai.
Muṇḍaka Upaniṣad 2.1.10◌ EeseDharma mein verified
पुरुष एवेदं विश्वं कर्म तपो ब्रह्म परामृतम् ।
एतद्यो वेद निहितं गुहायां
सोऽविद्याग्रन्थिं विकिरतीह सोम्य ॥ २.१.१० ॥
Roman readingpuruṣa evedaṃ viśvaṃ karma tapo brahma parāmṛtam | etadyo veda nihitaṃ guhāyāṃ
so’vidyāgranthiṃ vikiratīha somya || २.१.१० ||
Project-owned meaning abhi available nahi hai.
