Muṇḍaka Upaniṣad 1.2.1◌ EeseDharma mein verified
॥ इति मुण्डकोपनिषदि प्रथममुण्डके प्रथमः खण्डः ॥
॥ प्रथममुण्डके द्वितीयः खण्डः ॥
तदेतत् सत्यं मन्त्रेषु कर्माणि कवयो
यान्यपश्यंस्तानि त्रेतायां बहुधा संततानि ।
तान्याचरथ नियतं सत्यकामा एष वः
पन्थाः सुकृतस्य लोके ॥ १.२.१ ॥
Roman reading|| iti muṇḍakopaniṣadi prathamamuṇḍake prathamaḥ khaṇḍaḥ || || prathamamuṇḍake dvitīyaḥ khaṇḍaḥ || tadetat satyaṃ mantreṣu karmāṇi kavayo
yānyapaśyaṃstāni tretāyāṃ bahudhā saṃtatāni | tānyācaratha niyataṃ satyakāmā eṣa vaḥ
panthāḥ sukṛtasya loke || १.२.१ ||
Project-owned meaning abhi available nahi hai.
Muṇḍaka Upaniṣad 1.2.2◌ EeseDharma mein verified
यदा लेलायते ह्यर्चिः समिद्धे हव्यवाहने ।
तदाऽऽज्यभागावन्तरेणाऽऽहुतीः प्रतिपादयेत् ॥ १.२.२ ॥
Roman readingyadā lelāyate hyarciḥ samiddhe havyavāhane | tadā’’jyabhāgāvantareṇā’’hutīḥ pratipādayet || १.२.२ ||
Project-owned meaning abhi available nahi hai.
Muṇḍaka Upaniṣad 1.2.3◌ EeseDharma mein verified
यस्याग्निहोत्रमदर्शमपौर्णमास-
मचातुर्मास्यमनाग्रयणमतिथिवर्जितं च ।
अहुतमवैश्वदेवमविधिना हुत-
मासप्तमांस्तस्य लोकान् हिनस्ति ॥ १.२.३ ॥
Roman readingyasyāgnihotramadarśamapaurṇamāsa-
macāturmāsyamanāgrayaṇamatithivarjitaṃ ca | ahutamavaiśvadevamavidhinā huta-
māsaptamāṃstasya lokān hinasti || १.२.३ ||
Project-owned meaning abhi available nahi hai.
Muṇḍaka Upaniṣad 1.2.4◌ EeseDharma mein verified
काली कराली च मनोजवा च
सुलोहिता या च सुधूम्रवर्णा ।
स्फुलिङ्गिनी विश्वरुची च देवी
लेलायमाना इति सप्त जिह्वाः ॥ १.२.४ ॥
Roman readingkālī karālī ca manojavā ca
sulohitā yā ca sudhūmravarṇā | sphuliṅginī viśvarucī ca devī
lelāyamānā iti sapta jihvāḥ || १.२.४ ||
Project-owned meaning abhi available nahi hai.
Muṇḍaka Upaniṣad 1.2.5◌ EeseDharma mein verified
एतेषु यश्चरते भ्राजमानेषु यथाकालं
चाहुतयो ह्याददायन् ।
तं नयन्त्येताः सूर्यस्य रश्मयो यत्र
देवानां पतिरेकोऽधिवासः ॥ १.२.५ ॥
Roman readingeteṣu yaścarate bhrājamāneṣu yathākālaṃ
cāhutayo hyādadāyan | taṃ nayantyetāḥ sūryasya raśmayo yatra
devānāṃ patireko’dhivāsaḥ || १.२.५ ||
Project-owned meaning abhi available nahi hai.
Muṇḍaka Upaniṣad 1.2.6◌ EeseDharma mein verified
एह्येहीति तमाहुतयः सुवर्चसः
सूर्यस्य रश्मिभिर्यजमानं वहन्ति ।
प्रियां वाचमभिवदन्त्योऽर्चयन्त्य
एष वः पुण्यः सुकृतो ब्रह्मलोकः ॥ १.२.६ ॥
Roman readingehyehīti tamāhutayaḥ suvarcasaḥ
sūryasya raśmibhiryajamānaṃ vahanti | priyāṃ vācamabhivadantyo’rcayantya
eṣa vaḥ puṇyaḥ sukṛto brahmalokaḥ || १.२.६ ||
Project-owned meaning abhi available nahi hai.
Muṇḍaka Upaniṣad 1.2.7◌ EeseDharma mein verified
प्लवा ह्येते अदृढा यज्ञरूपा
अष्टादशोक्तमवरं येषु कर्म ।
एतच्छ्रेयो येऽभिनन्दन्ति मूढा
जरामृत्युं ते पुनरेवापि यन्ति ॥ १.२.७ ॥
Roman readingplavā hyete adṛḍhā yajñarūpā
aṣṭādaśoktamavaraṃ yeṣu karma | etacchreyo ye’bhinandanti mūḍhā
jarāmṛtyuṃ te punarevāpi yanti || १.२.७ ||
Project-owned meaning abhi available nahi hai.
Muṇḍaka Upaniṣad 1.2.8◌ EeseDharma mein verified
अविद्यायामन्तरे वर्तमानाः
स्वयं धीराः पण्डितं मन्यमानाः ।
जङ्घन्यमानाः परियन्ति मूढा
अन्धेनैव नीयमाना यथान्धाः ॥ १.२.८ ॥
Roman readingavidyāyāmantare vartamānāḥ
svayaṃ dhīrāḥ paṇḍitaṃ manyamānāḥ | jaṅghanyamānāḥ pariyanti mūḍhā
andhenaiva nīyamānā yathāndhāḥ || १.२.८ ||
Project-owned meaning abhi available nahi hai.
Muṇḍaka Upaniṣad 1.2.9◌ EeseDharma mein verified
अविद्यायां बहुधा वर्तमाना वयं
कृतार्था इत्यभिमन्यन्ति बालाः ।
यत् कर्मिणो न प्रवेदयन्ति रागात्
तेनातुराः क्षीणलोकाश्च्यवन्ते ॥ १.२.९ ॥
Roman readingavidyāyāṃ bahudhā vartamānā vayaṃ
kṛtārthā ityabhimanyanti bālāḥ | yat karmiṇo na pravedayanti rāgāt
tenāturāḥ kṣīṇalokāścyavante || १.२.९ ||
Project-owned meaning abhi available nahi hai.
Muṇḍaka Upaniṣad 1.2.10◌ EeseDharma mein verified
इष्टापूर्तं मन्यमाना वरिष्ठं
नान्यच्छ्रेयो वेदयन्ते प्रमूढाः ।
नाकस्य पृष्ठे ते सुकृतेऽनुभूत्वेमं
लोकं हीनतरं वा विशन्ति ॥ १.२.१० ॥
Roman readingiṣṭāpūrtaṃ manyamānā variṣṭhaṃ
nānyacchreyo vedayante pramūḍhāḥ | nākasya pṛṣṭhe te sukṛte’nubhūtvemaṃ
lokaṃ hīnataraṃ vā viśanti || १.२.१० ||
Project-owned meaning abhi available nahi hai.
Muṇḍaka Upaniṣad 1.2.11◌ EeseDharma mein verified
तपःश्रद्धे ये ह्युपवसन्त्यरण्ये
शान्ता विद्वांसो भैक्ष्यचर्यां चरन्तः ।
सूर्यद्वारेण ते विरजाः प्रयान्ति
यत्रामृतः स पुरुषो ह्यव्ययात्मा ॥ १.२.११ ॥
Roman readingtapaḥśraddhe ye hyupavasantyaraṇye
śāntā vidvāṃso bhaikṣyacaryāṃ carantaḥ | sūryadvāreṇa te virajāḥ prayānti
yatrāmṛtaḥ sa puruṣo hyavyayātmā || १.२.११ ||
Project-owned meaning abhi available nahi hai.
Muṇḍaka Upaniṣad 1.2.12◌ EeseDharma mein verified
परीक्ष्य लोकान् कर्मचितान् ब्राह्मणो
निर्वेदमायान्नास्त्यकृतः कृतेन ।
तद्विज्ञानार्थं स गुरुमेवाभिगच्छेत्
समित्पाणिः श्रोत्रियं ब्रह्मनिष्ठम् ॥ १.२.१२ ॥
Roman readingparīkṣya lokān karmacitān brāhmaṇo
nirvedamāyānnāstyakṛtaḥ kṛtena | tadvijñānārthaṃ sa gurumevābhigacchet
samitpāṇiḥ śrotriyaṃ brahmaniṣṭham || १.२.१२ ||
Project-owned meaning abhi available nahi hai.
Muṇḍaka Upaniṣad 1.2.13◌ EeseDharma mein verified
तस्मै स विद्वानुपसन्नाय सम्यक्
प्रशान्तचित्ताय शमान्विताय ।
येनाक्षरं पुरुषं वेद सत्यं प्रोवाच
तां तत्वतो ब्रह्मविद्याम् ॥ १.२.१३ ॥
Roman readingtasmai sa vidvānupasannāya samyak
praśāntacittāya śamānvitāya | yenākṣaraṃ puruṣaṃ veda satyaṃ provāca
tāṃ tatvato brahmavidyām || १.२.१३ ||
Project-owned meaning abhi available nahi hai.
