Muṇḍaka Upaniṣad · Opening Śānti◌ EeseDharma mein verified
ॐ भद्रं कर्णेभिः श्रुणुयाम देवा भद्रं पश्येमाक्षभिर्यजत्राः ।
स्थिरैरङ्गैस्तुष्टुवाँसस्तनूभिर्व्यशेम देवहितं यदायुः ।
स्वस्ति न इन्द्रो वृद्धश्रवाः स्वस्ति नः पूषा विश्ववेदाः ।
स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु ।
ॐ शान्तिः शान्तिः शान्तिः ॥
Roman readingoṃ bhadraṃ karṇebhiḥ śruṇuyāma devā bhadraṃ paśyemākṣabhiryajatrāḥ | sthirairaṅgaistuṣṭuvām̐sastanūbhirvyaśema devahitaṃ yadāyuḥ | svasti na indro vṛddhaśravāḥ svasti naḥ pūṣā viśvavedāḥ | svasti nastārkṣyo ariṣṭanemiḥ svasti no bṛhaspatirdadhātu | oṃ śāntiḥ śāntiḥ śāntiḥ ||
Project-owned meaning abhi available nahi hai.
Muṇḍaka Upaniṣad 1.1.1◌ EeseDharma mein verified
ॐ ब्रह्मा देवानां प्रथमः संबभूव विश्वस्य कर्ता
भुवनस्य गोप्ता ।
स ब्रह्मविद्यां सर्वविद्याप्रतिष्ठामथर्वाय
ज्येष्ठपुत्राय प्राह ॥ १.१.१ ॥
Roman readingoṃ brahmā devānāṃ prathamaḥ saṃbabhūva viśvasya kartā
bhuvanasya goptā | sa brahmavidyāṃ sarvavidyāpratiṣṭhāmatharvāya
jyeṣṭhaputrāya prāha || १.१.१ ||
Project-owned meaning abhi available nahi hai.
Muṇḍaka Upaniṣad 1.1.2◌ EeseDharma mein verified
अथर्वणे यां प्रवदेत ब्रह्माऽथर्वा तं
पुरोवाचाङ्गिरे ब्रह्मविद्याम् ।
स भारद्वाजाय सत्यवाहाय प्राह
भारद्वाजोऽङ्गिरसे परावराम् ॥ १.१.२ ॥
Roman readingatharvaṇe yāṃ pravadeta brahmā’tharvā taṃ
purovācāṅgire brahmavidyām | sa bhāradvājāya satyavāhāya prāha
bhāradvājo’ṅgirase parāvarām || १.१.२ ||
Project-owned meaning abhi available nahi hai.
Muṇḍaka Upaniṣad 1.1.3◌ EeseDharma mein verified
शौनको ह वै महाशालोऽङ्गिरसं विधिवदुपसन्नः पप्रच्छ ।
कस्मिन्नु भगवो विज्ञाते सर्वमिदं विज्ञातं भवतीति ॥ १.१.३ ॥
Roman readingśaunako ha vai mahāśālo’ṅgirasaṃ vidhivadupasannaḥ papraccha | kasminnu bhagavo vijñāte sarvamidaṃ vijñātaṃ bhavatīti || १.१.३ ||
Project-owned meaning abhi available nahi hai.
Muṇḍaka Upaniṣad 1.1.4◌ EeseDharma mein verified
तस्मै स होवाच ।
द्वे विद्ये वेदितव्ये इति ह स्म
यद्ब्रह्मविदो वदन्ति परा चैवापरा च ॥ १.१.४ ॥
Roman readingtasmai sa hovāca | dve vidye veditavye iti ha sma
yadbrahmavido vadanti parā caivāparā ca || १.१.४ ||
Project-owned meaning abhi available nahi hai.
Muṇḍaka Upaniṣad 1.1.5◌ EeseDharma mein verified
तत्रापरा ऋग्वेदो यजुर्वेदः सामवेदोऽथर्ववेदः
शिक्षा कल्पो व्याकरणं निरुक्तं छन्दो ज्योतिषमिति ।
अथ परा यया तदक्षरमधिगम्यते ॥ १.१.५ ॥
Roman readingtatrāparā ṛgvedo yajurvedaḥ sāmavedo’tharvavedaḥ
śikṣā kalpo vyākaraṇaṃ niruktaṃ chando jyotiṣamiti | atha parā yayā tadakṣaramadhigamyate || १.१.५ ||
Project-owned meaning abhi available nahi hai.
Muṇḍaka Upaniṣad 1.1.6◌ EeseDharma mein verified
यत्तदद्रेश्यमग्राह्यमगोत्रमवर्ण-
मचक्षुःश्रोत्रं तदपाणिपादम् ।
नित्यं विभुं सर्वगतं सुसूक्ष्मं
तदव्ययं यद्भूतयोनिं परिपश्यन्ति धीराः ॥ १.१.६ ॥
Roman readingyattadadreśyamagrāhyamagotramavarṇa-
macakṣuḥśrotraṃ tadapāṇipādam | nityaṃ vibhuṃ sarvagataṃ susūkṣmaṃ
tadavyayaṃ yadbhūtayoniṃ paripaśyanti dhīrāḥ || १.१.६ ||
Project-owned meaning abhi available nahi hai.
Muṇḍaka Upaniṣad 1.1.7◌ EeseDharma mein verified
यथोर्णनाभिः सृजते गृह्णते च
यथा पृथिव्यामोषधयः संभवन्ति ।
यथा सतः पुरुषात् केशलोमानि
तथाऽक्षरात् संभवतीह विश्वम् ॥ १.१.७ ॥
Roman readingyathorṇanābhiḥ sṛjate gṛhṇate ca
yathā pṛthivyāmoṣadhayaḥ saṃbhavanti | yathā sataḥ puruṣāt keśalomāni
tathā’kṣarāt saṃbhavatīha viśvam || १.१.७ ||
Project-owned meaning abhi available nahi hai.
Muṇḍaka Upaniṣad 1.1.8◌ EeseDharma mein verified
तपसा चीयते ब्रह्म ततोऽन्नमभिजायते ।
अन्नात् प्राणो मनः सत्यं लोकाः कर्मसु चामृतम् ॥ १.१.८ ॥
Roman readingtapasā cīyate brahma tato’nnamabhijāyate | annāt prāṇo manaḥ satyaṃ lokāḥ karmasu cāmṛtam || १.१.८ ||
Project-owned meaning abhi available nahi hai.
Muṇḍaka Upaniṣad 1.1.9◌ EeseDharma mein verified
यः सर्वज्ञः सर्वविद्यस्य ज्ञानमयं तापः ।
तस्मादेतद्ब्रह्म नाम रूपमन्नं च जायाते ॥ १.१.९ ॥
Roman readingyaḥ sarvajñaḥ sarvavidyasya jñānamayaṃ tāpaḥ | tasmādetadbrahma nāma rūpamannaṃ ca jāyāte || १.१.९ ||
Project-owned meaning abhi available nahi hai.
