Book 7 · Adhyay 3

vijigīṣuḥ śakty.apekṣaḥ ṣāḍguṇyam upayuñjīta | 1 |

sama.jyāyobhyāṃ sandhīyeta, hīnena vigṛhṇīyāt | 2 |

vigṛhīto hi jyāyasā hastinā pāda.yuddham iva-abhyupaiti | 3 |

samena ca-āmaṃ pātram āmena-ahatam iva-ubhayataḥ kṣayaṃ karoti | 4 |

kumbhena-iva-aśmā hīnena-eka.anta.siddhim avāpnoti | 5 |

jyāyāṃś cen na sandhim icched daṇḍa.upanata.vṛttam ābalīyasaṃ vā yogam ātiṣṭhet | 6 |

samaś cen na sandhim icched yāvan.mātram apakuryāt tāvan.mātram asya pratyapakuryāt | 7 |

tejo hi sandhāna.kāraṇam | 8 |

na-ataptaṃ lohaṃ lohena sandhatta iti | 9 |

hīnaś cet sarvatra-anupraṇatas tiṣṭhet sandhim upeyāt | 10 |

āraṇyo 'gnir iva hi duḥkha.amarṣajaṃ tejo vikramayati | 11 |

maṇḍalasya ca-anugrāhyo bhavati | 12 |

saṃhitaś cet "para.prakṛtayo lubdha.kṣīṇa.apacaritāḥ pratyādāna.bhayād vā na-upagacchanti" iti paśyedd hīno 'pi vigṛhṇīyāt | 13 |

vigṛhītaś cet "para.prakṛtayo lubdha.kṣīṇa.apacaritā vigraha.udvignā vā māṃ na-upagacchanti" iti paśyej jyāyān api sandhīyeta, vigraha.udvegaṃ vā śamayet | 14 |

vyasana.yaugapadye 'pi "guru.vyasano 'smi, laghu.vyasanaḥ paraḥ sukhena pratikṛtya vyasanam ātmano 'bhiyuñjyād" iti paśyej jyāyān api sandhīyeta | 15 |

sandhi.vigrahayoś cet para.karśanam ātma.upacayaṃ vā na-abhipaśyej jyāyān apy āsīta | 16 |

para.vyasanam apratikāryaṃ cet paśyedd hīno 'py abhiyāyāt | 17 |

apratikārya.āsanna.vyasano vā jyāyān api saṃśrayeta | 18 |

sandhinā-ekato vigraheṇa-ekataś cet kārya.siddhiṃ paśyej jyāyān api dvaidhī.bhūtas tiṣṭhet | 19 |

evaṃ samasya ṣāḍguṇya.upayogaḥ | 20 |

tatra tu prativiśeṣaḥ | 21 |