Book 7 · Adhyay 13

saṃhatya-ari.vijigīṣvor amitrayoḥ para.abhiyoginoḥ pārṣṇiṃ gṛhṇator yaḥ śakti.sampannasya pārṣṇiṃ gṛhṇāti so 'tisandhatte | 1 |

śakti.sampanno hy amitram ucchidya pārṣṇi.grāham ucchindyāt, na hīna.śaktir alabdha.lābhaḥ | 2 |

śakti.sāmye yo vipula.ārambhasya pārṣṇiṃ gṛhṇāti so 'tisandhatte | 3 |

vipula.ārambho hy amitram ucchidya pārṣṇi.grāham ucchindyāt, na-alpa.ārambhaḥ sakta.cakraḥ | 4 |

ārambha.sāmye yaḥ sarva.sandohena prayātasya pārṣṇiṃ gṛhṇāti so 'tisandhatte | 5 |

śūnya.mūlo hy asya sukaro bhavati, naika.deśa.bala.prayātaḥ kṛta.pārṣṇi.pratividhānaḥ | 6 |

bala.upādāna.sāmye yaś cala.amitraṃ prayātasya pārṣṇiṃ gṛhṇāti so 'tisandhatte | 7 |

cala.amitraṃ prayāto hi sukhena-avāpta.siddhiḥ pārṣṇi.grāham ucchindyāt, na sthita.amitraṃ prayātaḥ | 8 |

asau hi durga.pratihataḥ pārṣṇi.grāhe ca pratinivṛttaḥ sthitena-amitreṇa-avagṛhyate | 9 |

tena pūrve vyākhyātāḥ | 10 |

śatru.sāmye yo dhārmika.abhiyoginaḥ pārṣṇiṃ gṛhṇāti so 'tisandhatte | 11 |

dhārmika.abhiyogī hi sveṣāṃ pareṣāṃ ca dveṣyo bhavati, adhārmika.abhiyogī sampriyaḥ | 12 |

tena mūla.hara.tādātvika.kadarya.abhiyogināṃ pārṣṇi.grahaṇaṃ vyākhyātam | 13 |

mitra.abhiyoginoḥ pārṣṇi.grahaṇe ta eva hetavaḥ | 14 |

mitram amitraṃ ca-abhiyuñjānayor yo mitra.abhiyoginaḥ pārṣṇiṃ gṛhṇāti so 'tisandhatte | 15 |

mitra.abhiyogī hi sukhena-avāpta.siddhiḥ pārṣṇi.grāham ucchindyāt | 16 |

sukaro hi mitreṇa sandhir na-amitreṇa | 17 |

mitram amitraṃ ca-uddharator yo 'mitra.uddhāriṇaḥ pārṣṇiṃ gṛhṇāti so 'tisandhatte | 18 |

vṛddha.mitro hy amitra.uddhārī pārṣṇi.grāham ucchindyāt, na-itaraḥ sva.pakṣa.upaghātī | 19 |

tayor alabdha.lābha.apagamane yasya.amitro mahato lābhād viyuktaḥ kṣaya.vyaya.adhiko vā sa pārṣṇi.grāho 'tisandhatte | 20 |

labdha.lābha.apagamane yasya-amitro lābhena śaktyā hīnaḥ sa pārṣṇi.grāho 'tisandhatte, yasya vā yātavyaḥ śatror vigraha.apakāra.samarthaḥ syāt | 21 |

pārṣṇi.grāhayor api yaḥ śakya.ārambha.bala.upādāna.adhikaḥ sthita.śatruḥ pārśva.sthāyī vā so 'tisandhatte | 22 |

pārśva.sthāyī hi yātavya.abhisāro mūla.ābādhakaś ca bhavati, mūla.ābādhaka eva paścāt.sthāyī | 23 |

madhyamaṃ tvari.vijigīṣvor lipsamānayor madhyamasya pārṣṇiṃ gṛhṇator labdha.lābha.apagamane yo madhyamaṃ mitrād viyojayaty amitraṃ ca mitram āpnoti so 'tisandhatte | 26 |

sandheyaś ca śatrur upakurvāṇo, na mitraṃ mitra.bhāvād utkrāntam | 27 |

tena-udāsīna.lipsā vyākhyātā | 28 |

"pārṣṇi.grahaṇa.abhiyānayos tu mantra.yuddhād abhyuccayaḥ | 29 |

jitvā-api hi kṣiṇa.daṇḍa.kośaḥ parājito bhavati" ity ācāryāḥ | 31 |

na-iti kauṭilyaḥ | 32 |

sumahatā-api kṣaya.vyayena śatru.vināśo 'bhyupagantavyaḥ | 33 |

tulye kṣaya.vyaye yaḥ purastād dūṣya.balaṃ ghātayitvā nihśalyaḥ paścād vaśya.balo yudhyeta so 'tisandhatte | 34 |

dvayor api purastād dūṣya.bala.ghātinor yo bahulataraṃ śaktimattaram atyanta.dūṣyaṃ ca ghātayet so 'tisandhatte | 35 |

tena-amitra.aṭavī.bala.ghāto vyākhyātaḥ | 36 |