Book 2 · Adhyay 32

karma.skandhāś catvāro damyaḥ sāmnāhya aupavāhyo vyālaś ca | 1 |

tatra damyaḥ pañca.vidhaḥ skandha.gataḥ stambha.gato vāri.gato 'vapāta.gato yūtha.gataś ca-iti | 2 |

tasya-upavicāro vikka.karma | 3 |

sāmnāhyaḥ sapta.kriyā.patha upasthānaṃ saṃvartanaṃ samyānaṃ vadha.āvadho hasti.yuddhaṃ nāga.rāyaṇaṃ sāṅgrāmikaṃ ca | 4 |

tasya-upavicāraḥ kakṣyā.karma graiveya.karma yūtha.karma ca | 5 |

aupavāhyo 'ṣṭa.vidha ācaraṇaḥ kuñjara.aupavāhyo dhoraṇa ādhāna.gatiko yaṣṭy.upavāhyas totra.upavāhyaḥ śuddha.upavāhyo mārgayukaś ca-iti | 6 |

tasya-upavicāraḥ śārada.karma hīna.karma nāra.uṣṭra.karma ca | 7 |

vyāla-eka.kriyā.pathaḥ śaṅkito 'varuddho viṣamaḥ prabhinnaḥ prabhinna.viniścayo mada.hetu.viniścayaś ca | 8 |

tasya-upavicāra āyamya-eka.rakṣā.karma | 9 |

kriyā.vipanno vyālaḥ śuddhaḥ su.vrato viṣamaḥ sarva.doṣa.praduṣṭaś ca | 10 |

teṣāṃ bandhana.upakaraṇam anīka.stha.pramāṇam | 11 |

ālāna.graiveya.kakṣyā.pāra.ayaṇa.parikṣepa.uttara.ādikaṃ bandhanam | 12 |

aṅkuśa.veṇu.yantra.ādikam upakaraṇam | 13 |

vaijayantī.kṣura.pramāla.āstaraṇa.kuthā.ādikaṃ bhūṣaṇam | 14 |

varma.tomara.śara.āvāpa.yantra.ādikaḥ sāṅgrāmika.alaṅkāraḥ | 15 |

cikitsaka.anīkastha.ārohaka.ādhoraṇa.hastipa.kaupacārika.vidhā.- pācaka.yāvasika.pādapāśika.kuṭīr.rakṣaka.aupaśayaika.ādir aupasthāyika.vargaḥ | 16 |

cikitsaka.kuṭī.rakṣa.vidhā.pācakāḥ prastha.odanaṃ sneha.prasṛtiṃ kṣāra.lavaṇayoś ca dvi.palikaṃ hareyuḥ, daśa.palaṃ māṃsasya, anyatra cikitsakebhyaḥ | 17 |

pathi.vyādhi.karma.mada.jarā.abhitaptānāṃ cikitsakāḥ pratikuryuḥ | 18 |

sthānasya-aśuddhir yavasasya-agrahaṇaṃ sthale śāyanam abhāge ghātaḥ para.ārohaṇam akāle yānam abhūmāv atīrthe 'vatāraṇaṃ taru.ṣaṇḍa ity atyaya.sthānāni | 19 |

tam eṣāṃ bhakta.vetanād ādadīta | 20 |